أتمنى أحد يعطيني جواب مقنع لسؤالي

في البدايه انا لاحظت من ردودك
انك مقتنعه بكلامك وتبين تقنعيننا فيه باسلوب غير مباشر

بعدين اللي مسويه فيها بويه عندنا وتجي هنا تلغي وجود الحب بين بنتين وتفكر يكون لها علاقه برجل !
لا تعليق .. شي يضحك صراحه

ما اقول كلامك غلط بالعكس هاذي هي الفطره
لكن لا تجين تهايطين وتقولين انا بويه بمجرد انك لبستي لبس رجالي او قصيتي شعرك
لأن احساس البويه انخلق معها وعاشت فيه .. حتى لو وقف العالم كله ضدها تبقى قناعاتها داخلها ما تتغير


بالنسبه لسؤالك عندي النهايه بتكون بثلاث حالات

1 - حب للموت
2 - خيانة حب وهذا ماله علاقة بالزواج لأن الليدي أو البويه ممكن تتزوج بدون ما تكون مقتنعه بالزواج وتستمر علاقتها بحبها
3 - يتحول الحب لصداقه قويه لأنه من البدايه حب روح بدون أي غرض ثاني ومستحيل ينتهي ع الأقل عشان العشره الحلوه ماتهون مهما كان

ترددت كثير في الرد لأني عارفه ان 99.9 من بويات هالمنتدى تكذب على نفسها
مجرد هياط واستعراض + اعمارهم صغيره وهذا معناه تجارب أقل في الحياه

حابه اقول لكل البنات اللي مسجلين وهم لا بويات ولا ليديات

انتي سجلتي بمنتدى بويات وانتي مو بويه ولا ليدي ما قلنا شي
سكتنا وتنازلنا عن خصوصيتنا لأن المنتدى للأسف مفتوح للكل
رحبنا فيك واحترمناك

بس تحكمين علينا بأحكام وانتي مو مننا معليش اسمحيلي
انتي مو بويه يعني عمرك ما راح تفهمين وش تحس فيه البويه

حنا تركنا النت بكبره .. مليون الف منتدى تركناه لكم كل اللي فيه ناس على قولتكم عايشين على طبيعتهم
وتجمعنا هنا لأننا فاهمين بعض وحاسين في بعض عشان نريحكم ونرتاح
ولا شفنا راحه !!

كل يوم والثاني تجينا وحده ما تعرف اي شي عن البويه غير شكلها واللي تسمعه سواء كان صح او خطأ
وتفرض علينا قناعتها واسلوب حياتها

حنا ما قلنا انكم غلط بس هذا الشي مو بيدنا عشان نغيره بمجرد رأي أو نصيحه منكم
وحنا مو مجانين ولا جهله عشان تعلمونا الصح من الغلط

باختصار كلامكم يضايقنا
فرجاءً احترموا مشاعرنا ووجودكم في منتدانا حتى لو كنا على خطأ

انا طالبت باحترام مشاعرنا وتفكيرنا كـ بويآت ما قلت اطلعوا
ولو طلعتي انتي ، فيه غيرك كثير وكل يوم يزيدون