تبيني صدق ولآماتبيني..؟؟!

’,
الْسَلآمْ عَليكَمْ وُ رَحمةْ الله وُ بركَآتُه
صَبآحْ / مسَآءْ
عَذبْ الْكَلآمْ;

ممآ لأمس وجدآني
قَصيدَهـ رَآئِعه مِنْ أَجمَلْ قصَآئِد حَآمِدْ زِيدْ
كَـ عَآدتهْ شَآمِخْ وُ أَعظمْ ‘.

تبيني صدق والا ما تبيني

قبل لا أبهذلك وتبهذليني

وقبل لا أفقد شموخي واحترامي
وقبل لا أشمت العذال فيني

أنا ماني بلعبه في يدينك
متى ما تعشقيني تعشقيني

أبيك ان كان جيتيني حبيبه
تجيني بصدق ولا لا تجيني

أنا ما أجرح مشاعر من عشقني
ولا أرضى لي عشقتك تجرحين

ما دام أني عطيت بكل قلبي
مثل ما عطيك من قلبي عطيني

وإذا بعت العذارى واشتريتك
تبيعين الرجال وتشتريني

عشان أكون صادق لي عشقتك
وعشان أريحك واتريحيني

دخيل الله وقولي وبصراحه
تبيني صدق والا ما تبيني

أنا ما جيت ألعب وتسلا
أنا جيت أحتويك وتحتويني

تبيني مثل كل الناس والا
تبيني أقدرك واتقدريني

مثل ما استحملك لامن زعلتي
إلى مني زعلت استحمليني

عرفتيني وأنا رجال وافي
وأنا وافي قبل لا تعرفيني

أحب الصدق لو هو من عدوي
وأعاف الكذب لو من والديني

مثل ما أقبل بليني وبشموخي
لو أكره رحت بشموخي وليني

إذا عن عاذلي ديني ودينه
وإذا عن غريته دينه وديني

أنا لي ثارت الغيره بقلبي
تقول الجن الأزرق معتريني

أبي وأنتي معي منتي لغيري
وإذا كنتي لغيري جنبيني

أغيب وتذكريني بالحشيمه
ولا أمرح في ذراك وتلعنيني

طويلين الشوارب ما احقروني
تبين أنتي تجين وتحقريني

إذا نفسي رضت لي بالمذله
أبذبحني قبل لا تذبحيني

مادام أني وفي كوني وفيه
لاني ما أخدعك لا تخدعيني

أنا لي أخذت قدري واحترامي
خذيني مثل ما تبـ تاخذيني

تبين بخوتي سيف(ن) مجرب
وإذا بمروتي ليث بعريني
;
أتمنى أن تروق لكم أحبتي
الردود والتقييم
عربجيهـ أحححح

اللهـ يسسلمك ي روووحي
تششرفت بمرورك العطططر
ترى انا مؤنثه هع

يااااهـ يا حامد زيد فديتهـ هو وسعد علوش ..

اختيار رائع يدل على روعة صاحبته ,,

تقبلي مروري

يسلمو

الله يعطيج العافيه

علوو المشاعر
تسلمي ي روووحي من ذووقك

CUTE GIRLS
الله يعاافيك
منووره عيووني

اهنيييك على ذوقك .. كلام الييييييييييييييييييييييييييييييييييييييييييييييييييييييييييييييييييم

تسلمممي ي قلببي
نورتي

عين العقل هذا الكلام السليم

تسلمي على القصيده

وصح لسان قايلهاا

تقبلي تواجدي المتواضع بمتصفحك الراقي

كشتي هيبة كتب:

عين العقل هذا الكلام السليم

تسلمي على القصيده

وصح لسان قايلهاا

تقبلي تواجدي المتواضع بمتصفحك الراقي

تسسلمي ي قلبببي على اسلوووبكـ الذوووق
منوووورهـ
تشرفت بتواجدك