معصب فتح منتدى~ شوفو شروطو

هااااي اليوم وانا أفحط بالنت جت عيني على هاالموضوع واتمنى يعجبكم
.
.
.
عصبي فتح منتدى شوفو شروطو:
لقد تغيرت شروط التسجيل في المنتدى
وتم تغيير اسمه الى"تواكب مرحلة مابعد الحرب البارده>>اما عليه اسم
اعرفو الشروط وفهموها زين...
واللي مايبي هذي الشروط عسى اصابعه اللي طقت على الكيبورد الكسر
ولو ماعليه كلافه يطق راسه بأقرب جدار..حنا مانلعب..واللي يبينا حياه الله بيننا
بما ان الموقع موقعي بروحي لابارگ الله فيكم ولافي الساعه اللي فتحت لكم فيها الموقع
..واللي يبينا يوافق على الشروط من ورى خشمه..الشروط هي:-

1-اللي يسب اي واحد من الاعضاء
بنجيه وبنربط حواجبه في الصدامات الهيكلوس
ونطعس فيه بأقرب طعس.
2- اللي بيخربط بالدين او السياسه
هذا ~عذابه عذاب
بخليه يتخيل إنه قرد ولاعمره ذاق موزه>>حلوه
3-انتم اعضاء تكتبون وبس ..ولا أحد يسوي لي فيها مراقب مانبي مراقبين
فهمتو ولا افهمكم Twisted Evil

4-اللي بيسجل بأسماء قبايل اوعوايل..اومخله بأدب
..هذا نودي لأقرب شيخ ونكويه من علبااه>> مافهمت؟
وبعدين بناخذه لأقرب جليب وبنغطسو ونطلعو لين
مايقول اشهد ان الددسن سياره.. قايل لكم حنا مانلعب
5-قريتو الشروط فهمتوها .. عجبتكم؟
طيب ماعندنا تسجيل ها الايام
واللي بيسجل معنا يرسل لي ايميل على التلفون حقي
اللي ماني ذاكر لكم اياه..لاأن الدعوه عناد
واللي براسه حب مانطحن.. تراي بطحنه له
..واذا في خير يقابلني وين مايبي
ملاحضه..
اذا بنكتشف رجال مشورب ويكتب بأسماء بنات اوبنات يكتبو بأسماء رجال
هذولي بنخلي خششهم كلمات متقطعه
يصعب حلها
موافق..
غير موافق..
واللي فيه خير يقول غير موافق
واتقبلو تحياتي>>يعني أني ذوق