رسآله للكل .. الي يقرا نصها بدبجه :@

هلا حبايبي


موضوعي بسيييط بس شي صدمني وحابه اوصله للفئه الي بذكرها وياليييييييييييييت ماتشوفون بدايه الموضوع وتسكرونه كملو ماراح تخسرون شي ادري ان شيطاننكم قوي <تحارشين انتي ولا وش وضعتس؟

احم نبـــــــــــــدأ




جامع الصلوات :
جامع الصلوات في (( وادي الغي )) في جهنم لقوله تعالى :[ فخلفهم من بعدهم خلف اضاعوا الصلوات واتبعوا الشهوات فسوف يلقون غيآ ] ..
> هذ الوادي تستعيذ منه جهنم كل يوم من شده حرارته فهل يتحمله بشر ؟



مؤخر الصلوات :
مؤخر الصلوات بدون عذر في (( وادي الويل )) وادي ملىء بالعقارب والحيات لقوله تعالي :[ ويل للمصلين الذين هم عن صلاتهم ساهون ] ..



تارك الصلاه :
> تارك الصلاه في (( وادي سقر )) بجهنم لقوله تعالي :[ماسلككم في سقر قالوا لم نكن من المصلين ]
> وقال تعالي :[وماادراك ماسقر لاتبقي ولا تذر ]
> هذا الوادي بمجرد دخول تارك الصلاه فيه تذوب عظامه من شده الحراره وتارك الصلاه يحشر مع فرعون وهامان ويحرم من شفاعه النبي صلى الله عليه وسلم .










انا كنت مع وحده مسن قولوا عمرها 20 اتوقع كبيره صح ؟؟

انصدمت انها ماتصلي ولا تعرف اصلا وش الركوع والسجود انا هنااا مدري وش اقولها سكت يارب اننا في السعوديه هذا والبلدان الثانيه ع بالها احنا يوم الكعبه عندنا اننا مرررره ماتجينا الزله مادروا ان موضه قديمه الي يصلي يعني لو كنا في مصر ولا تركيا لا كنا اجانب ولا نعرف العربيه وش بصير حالنا ؟؟؟

الحمد لك الف ان لغتنا بلغة القرآن ونعرف دينا ...

بتقولون وش ذي الي بتسوي ع راسنا مطوعه بقولوكم هذي مو طواعه ولا قاعده اهايط قسم بالله ما نزلت الموضوع ذا الا لحبي لكم ولا عادي بطقاق وش له المشاوير ع نفسي

مابقول انا وش اسوي من المعاصي تراني معاصي ليييين راسي
بس توصل ما اركعها لا معلييييييييييييييش وش الي بينك وبين ربي غير الصلاه !!!
وش تبي عايش انت الحين وانت ماتصلي ولا لك هدف ؟ سوو كل شي تبوووونه بس خلو بين الي خلقكم وبينكم حبل تلجأون فيه وقت الشدايد
واخرتها نقول اوووف احس بطفش احس بضيقه احس واحس طيب انت قريب من الله !! عشان تحس براحه
( ومَن يُعرض عَن ذكِري فأن له معيشـة ضنكا )
يعني مهما فليتوها وطلعتو وضحكتو قسسم بالله الراحه تحلمون فيها ...

ما اقول نصير عابدين تقييين سوو كل شي الا الصلااااه لان ربي الي بين العبد والكفر ترك الصلاه .... تبون تصيرون تحت بند الكفار ؟؟

لا طبعا نبي نكون من الي يرحمهم الله ويستجيب دعائهم والله والله والله ربي ترى مايبي صلاتنا الي نصها تفكير وتصها وسوسه ونصها سجود سهو
عننده سبعين الف ملك يصلون له والله مايبي مننا شي احنا نصلي لنا لنفسنا عشان نحمي نفسنا من نآره وعذابه
وبعدين لو ماصليتوا تتوقعون الملائمه بتحميكم ؟ وش بكون حولكم غير الشياطين ؟! وعاد اطلقوا لخيالكم العنان وسوسه وحياه كئيبه وضيقه تفقع القلب

لو سوينا معاصي بأذن الله ربي يغفرها لاننا بصلاتنا تحت رحمته باقي
بس فكروا لو انا ماصليت تهقون ربي يرحمني وانا مابيني بينه صله اصلا ؟؟

اتمنى كلامي خفيف عليكم واعيد واكرر لو ماتهموني مانزلته وبأذن الله مابوه احد مهمل فيها عشان ما اجلده
يمكن الي يشوف كلامي يقول منتدى بويات وتنصح ... وش التناقض هذا

كلناااااااااااا بشر نخطي ونصيب وكلنا تحت رحمة ربي وكلنا قلبونا بيضــــآ غلط الناس اذا شافو زله ع الادمي كفروه ويمكن يكون اقرب منهم كلهم عند ربي





حسيت اني لابسه جلال وبفمي المسواك


سووووري ع الهذره < لا عادي لبى قلبتس

كلي لك ... ههههههههههه يالبآآآآآآتس ولبى مرورتس ياعنووون مهوش انتي

عطرتي صفحتي قسسسمن لا يحرمني طلتس يابعدي ...



لبى عنونتس .... والله طلتس الذهب يابعد حآلـــي تسلملي العنووون وراعيتها



اســـير .. هههههههه لا وخر من راسي اثابك الله
ياخي والله كلنآ بذرتنا طيبه وسبآقين للخير بس الشيطآن شاطر

يسلملي طلتك يازقرت وتسلللم ع المقطع يابعدهم