دنياي ماتسوى بدونك

دنياي ما تسوى بدونك
الحب شي عجييب احساس خيال بس بنفس الوقت متعب وعذااب والحب موبس للولد والبنت الحب احاسيس ما تعرف إذا بنت ولا ولد صغير ولاكبير الحب احساس ولا اروع بس فراق اللي تحبهم عذااب وتعيش بظلام من بعدهم وتحس انك ميت بجسد حي ياويلي منك يالحب .
أعرفكم على أبطال قصتي
غزلان : عمرها 13بيضه عيونها عاديه شعرها قصير جسمها حلو بكل بساطه جميله.
أمل :عمرها 13بشرتها حنطاويه طولها زين جميله شعرها وسط موطويل ولا قصير .
نوف : صديقه غزلان
مناير :صديقه أمل وغزلان
منال :صديقه غزلان وتفهمها أكثر من أي شخص

أول يوم دراسه في الصف الثامن تحديدا ثامن /2
الكل قاعد على الكراسي ويسولفون ويضحكون.
منال قاعده بجنب أمل وتعرفت عليها ونادت غزلان وتعرفت عليها
غزلان: بقلبها شفيها هاذي البنت على شنو مغرورة تقصد أمل ماتدري انها رااح تطيح ومحد يسمي عليها
منال : غزلان وين وصلتي .
غزلان : معاكم مارحت مكان.
منال : وين معانا وصلتي للمريخ .
غزلان وامل :هههههههههه .
وطق الجرس والأيام مرت وغزلان وأمل تقربوا من بعض
اليوم 10/4/2011
عيدميلاد امل صار عمرها 14 سنه ( هي أصغر من غزلان بشهرين يعني غزلان عمرها 14)
غزلان ماتدري انه اليوم عيد ميلاد امل .
الحصه الخامسه أمل : اشوف محد قالي كل عام وانتي بخير .
غزلان : ليش شسالفه .
امل :اليوم صاار عمري 14.(العمر كله حياتي)
غزلان : ولايهمج اللحين اطربج بصوتي العجييب
غنوا لحبيبي وقدموا له التهاني
بعيد ميلاده عساه ميه عام
افرح حبيبي واطلب اجمل الاماني
بس عاد الباجي موحافظته .
أمل : حياتي هههههه صوتك عجييب (طبعا هاذي اكبر مجامله)
ومرت الايام وخلصت السنه الدراسيه