..انا اكبر من اني اعيش الدور!!

جايز اكون الحالم المغرور
لكن شعوري ماهو أي شعور

الأرض .. مسرح مايناسبني
متفرج ومالي عليه حضور

مشاهد بكل يوم تتكرر
أداء باهت يقتل الجمهور

وشلون اصدق قيمة الجوهر !
واهم شي فالمسرح .. الديكور

والنفس من قوة مساوئها
اقل طموح " تعانق المحظور "

رغم ان ربي كافل الارزاق
والكل رزقه مقدر ومذكور

الا ان وجيه الحسد ماتتعب
الكل وده يخطر الطابور ..

ترى القناعه كنز بيد الناس
لكن مو كل الناس "عقل و نور"

ولو نختلف بأنساب / فكر / وجاه
راح نتساوى كلنا بـ قبور

ولو كل مانتقن يساعدنا ..!
ماكان يموت من المرض دكتور

عن جد مافي دور يناسبني
وانا اكبر من اني اعيش الدور