رواية جرحني وصار معشوقي

رائد يهمس لفيصل:من ذي ماشاءالله اللي غطت ع نانسي
ضحك فيصل:هذي شهد
ماجد:سلمي ع خالك رعد وروحي غسلي وجهك
ناظرت شهد رعد وقربت منه سلمت عليه وراحت داخل
***********
طلعوا للسوق بعد حنت وزن ريم ع لميس ورغد إلابتشتري للبيبي لبس من اللحين كانت مره متحمسه
وقفوا عند محل دخلته ريم ورغد ولميس وقفوا ينتظرونها
صادفوا رعد ونادته رغد
رعد:رغد شعندكم
رغد:إختك ريم وحنتها
إبتسم لماعرف :هههه من اللحين
طلعت ريم من المحل :رعد
رعد يطالع الأكياس اللي معاها:الله كل هذا ع كذا يارغد مايحتاج تشتري شئ
رغد:أكيد
لميس لمحت شخص كأنهاتعرفه"يو و و و هذا بدر"
رعد لاحظ لميس والتفت يشوف وش تطالع شاف بدر وحس بنيران تشتعل داخله
قرب من لميس ورغد وريم مشغولات يطالعون اللي في الأكياس
حست لميس بأحد يقرب منها والتفتت شافت رعد بوجهها رجعت ع ورى تلقائي
وخافت لماشافت نظراته الحاده لها "يووو شكله شافني أطالع بدر....وأناليه خايفه منه بالطقاق اللي يطقه هذا بيصير خطيبي"إبتسمت داخلها ع الكلمه ونظراتها غصب راحت لبدر
كان بيحكي بس قطعت عليهم ريم:يالله نمشي
مشوا ولميس حمدت ربها إنهم مشوا لا يحسوا بشئ
***************
كانوا عندهم أم ماجد وبناتها
البنات كانوا جالسين برى في الحديقه من جهة المسبح يسولفوا
جت عندهم مي وجلست معاهم
سميه:بنات شرايكم بكره نطلع للملاهي
ريم:أيوه صح من زمان مارحنا
سديم:أوك نتفق مع البنات ونطلع
طلعت سميه جوالها:ميسو جوالك معاك
لميس:لا بغرفتي..
سميه :أبغى ملاحظات حلوه
قامت لميس:بروح أجيبه
راحت غرفتها وأخذت الجوال معاها نزلت
طلعت من الباب وانصدمت لماشافت الشباب برى رجعت ع ورى بسرعه
رائد بعفويه :الله هالقمر هذا يقربلي
رعد عصصب:رائـــــد استح ع وجهك
رائد بمزح:وشو أقول الحق
دخل رعد داخل معصب وشاف لميس واقفه وحاطه إيدها ع قلبها
رعد زادت غضبه:لميـــــس
شهقت من صوته اللي فزعها
************
قرب منها وعيونه العسليه تشع غضب تكلم وهو راص ع أسنانه يكتم غضبه:حططي شئ ع راسك لما يكون عندنا أحد ولا تدخلي وتخرجي ع كيفك ...ماله داعي ترزي نفسك ع كل من هب ودب لأن مستحيييييل يفكرفيك أحد ..فالزمي حدودك أحسن لك إنتي في بيت محترم فاحترمي اللي فيه..
كانت تسمع سمومه اللي ينفثها عليها وتحرقها وهي مصدومه...ماكان قصدها شئ من اللي يقوله ولاعمرها فكرت فيه ولاجا ع بالها ..
غمضت عيونها لماسمعت ضربت الباب بقوه خلفه ...
فتحت عيونها ع صوت رغد:لميس ليه واقفه
إبتسمت:مافي شئ بس الشباب برى وأنا بطلع.. وأنتظرهم يروحوا
رغد راحت للباب وفتحته وطلت من فتحته:مافيه أحد شكلهم طلعوا...تعالي نطلع
*****************
من ذاك اليوم اللي تفتحت فيه جروحها ونزفت ضعفها ووحدتها وكره الكل لها ...ماخرجت من غرفتها ولا طل أحد عليها كالعاده...
ناظرت صينية الأكل اللي قدامها ونفسها مسدوده عن الأكل...
شالتها وفتحت باب غرفتها وطلعتها فوق الطاوله اللي جنب بابها...
سمعت أصوات غريبه تنبعث من الدور التحتي ...راحت للدرابزين وطلت من عنده
ماشافت شئ والأصوات لسى تسمعها ميزت الأصوات وكانت أصوات أنثويه وضحك
فجـــــأه ...
طلعوا عليها ثلاث بنات منهم إختها مرام شافوها وبعدت بسرعه وهي خايفه
إبتسموا بخبث وهم يناظروا بعض ع الفكره الخبيثه اللي تشاركوا التفكيرفيها...
صعدت مرام فوق عندها وع فمها ابتسامه خبيثه وشافتها واقفه عند غرفتها ولماشافتها انكمشت ع نفسهابخوف
راحت لها ومسكت يدها وسحبتها معاها لتحت..
كانت تمشي معاها مجبره وموحاسه بشئ غيرالرعب اللي تملكها لدرجة إنها ماقاومت ولاتكلمت لسانها لصق في سقف فمها ... زاد خوفها لماشافت صاحبات إختها يضحكوا بخباثه وقربت منها وحده فيهم...
مسكت طرف قميصها الكحلي الطويل بقرف وإشمئزاز:هذي هي تولين...عن جد عن جد بيئه
مررره شكلهاold fashion
ضحكوا بشماته وقربت منها الثانيه تتأملها من إصبع رجلها لشعرها اللي لامته بربطه بقرف وكأنها بضاعه فاسده قدامها
سحبت ربطة شعرها وإنتثر شعرها الواصل لنص فخذها بحيويه كان شكله روعه وأبهرهم لدرجة القهر والغيره
طلعت مرام مقص لماشافت صاحباتها مبهورات بشعر تولين
وبحركه سريعـــــه قصتـــــه وطـــــاح شعرها ع الأرض والكل إنصـــــدم
إنقهرت مرام لما أخطأت ماقصته كله وصل لين تحت كتفها بشوي لأنها أسرعت قبل تنتبه لهاتولين
أماتولين كانت واقفه مصدومه تطالع شعرها اللي إنتثر ع الأرض كانت دموعها متحجره في عيونها غصاتها خانقتها خنق
مافيه أقسى من شعور الذل والإهانه
كانت تسمع ضحكاتهم المستهتره فيها...كلماتهم اللي تقتل قبل تجرح ...
وهي واقفه قدامهم وجامده في مكانها لاهي قادره تبعد عنهم ولا توقفهم عند حدهم..
الضعف والخوف اللي زرعوه فيها من صغرها وكبر معاها وكل دقيقه يكبر ويملكها هو المتحكم فيها
شهقت وإنقتلت كل ذرة إحساس فيها....روحها ذابت وحرقت كل مافيها لماسمعت اللي قالوه
هذي بنت ### مالها أصل هذي نتيجة #### أمها......
هذي بنت###مالها أصل
هذي نتيجة####أمها.....
هذي بنت###مالها أصل
هذي نتيجة####أمها.....
مسكتها مرام من شعرها ورمتها ع الأرض وهي لازالت ماسكه شعرها داستها برجلها وصاحباتها ضحكهم مالي الجو ورجولهم دايستها بكل إحتقار وذل
قربت مرام المقص من شعر تولين بتقصه هالمره كله
شهقت تولين وهي تتمنى الموت ولا إحساس الذل والتحقير اللي يقتلها قتل وهي تشوف رجولهم دايستها بقوه وعيونها متعلقه بالمقص طلع صوتها المخنوق:لاااااا
ضحكت مرام ورفستها برجلهابقوه وهي تسحب شعرها للمقص
:مــــــــــــــــــــــــــــــرا ا ا ا ا ا ا ا ا ا ا ا ا ا ا ا ا ا ا ا ا ا ا ا ام
*****************
كانت تتمشى في الحديقه لابسه بنطلون أسود وبلوزه طويله بربري
ولامه شعرها بشباصه
الجو كان مرره روووعه جنان منظر الحدائق اللي برى جذا ا اب
راحت للورد الجوري الأحمراللي أغراها شكله مرره
راحت له وقطفت وحده وقربتها من أنفها تستنشق عبيرها
وأناملها الناعمه تداعب أوراقها
تحس بانتعاش وراحه ونشاط هاليوم ماتدري ليه يمكن من تأثير الجو...
إبتعدت عن الورد تتمشى لأول مره في كل حدائق القصر تفاجأت من أماكن كثيره عجبتها لأول مره تشوفها كان فيه شلالات كثيره أشكالها روعه بإضاءات ملونه تضيف للمكان سحر جذاب والورد بأشكال وألوان مختلفه أكثر شئ عجبها لأنه طبعا عشقها
طلعت جوالها وردت وهي تتمشى:هالو
هند:السلام عليكم
لميس:أهلين وعليكم السلام...كيفك وحشتيني مووت
ضحكت هند:اللـــــه ع الرواقه الجو عامل عمايله
ضحكت لميس بعذوبه:مررهFabulous ‎
هند:هههههه
لميس: إممم إيش هالصوت إنتي طالعه
هند بفرح:يب بدوري حلف مانجلس في البيت والجو في هالروعه وطلعنا نتمشى
إبتسمت لميس من قلب لماسمعت إسمه
هند:هيـيـيــيـي سمعت إسم الحبيب وراحت في خرايطها
ضحكت لميس ع مصطلحات صاحبتها اللي ماتفهم نصها:هههههههههههههههههههه
سكتت فجأه لماشافت اللي قدامها....
****************
جالسين في الحديقه يتقهووا وسوالف وضحك مبسوطين لآخر درجه
سديم كشرت بقرف وهي تشوف شهد تدخل لسانها جوا الكوب تلحس الشوكلت اللي ذابت داخله :اللـــــه يقررررفك ياحماره ...قومي غسلي واتركي اللي في يدك أقرفتينا
رفعت حاجبها شهد وهي تبعد الكوب عن فمها:وش دخلتس أنا كيفي آكل بالطريقه اللي تعجبن غمضي عيونتس ولا تناظريني ماغير تبحلقينهن بي
سحبت مي منها الكوب وقالت لهابصرامه:شهـــــد قومي غسلي وجهك وإيديك بسرعه
كشرت شهد وهي تناظرسديم وسحبت منديل تمسح فيه فمها وخدودها من الشوكلت
مي:قومـــــي غسلي في المويه يالله يروح وغيري ملابسك بسرعه
قامت شهد معصبه لأن الكل إستلمها وضربت كتف سديم
وهربت
صرخت فيها سديم وهي ماسكه كتفها اللي آلمها:و و و و و و وجـــــع
دخل ماجد البيت معصب:
و و و وجعيـــــن..
قصـــــري لسانك فضحتينا
ناظرته بقهر ولاردت
باس راس أمه وجلس جنبها وصب له قهوه رشف منها وقال:
راكان يسلم عليكم
جمدت إيدها ع الجوال اللي كانت منشغله فيه بصدمه وإرتجفت كل خليه في جسمها وقلبها زادت خفقاته
أم ماجد:الله يسلمه متى كلمك
ماجد وعيونه ألقت نظره ع إخته ثم ناظر أمه :أمس وصل في الليل
رفعت راسها بصدمه تناظره ثم نزلت عيونهابسرعه وقلبها تحسه يغوص داخل ضلوعها إمتلت عيونها بالدموع وهي تحاربها
إختها كانت حاسة بألمها وصدمتها ناظرت أخوها ماجد لقته منزل راسه منشغل يحرك الفنجان في إيده ويسمع حكي أمه
ماقدرت تتحمل ألمها وتقاوم دموعها تبغى تفرغ كل اللي فيها بسرعه قبلا لاتنفجر ألم
قامت بهدوء ودخلت جوا ركضت لغرفتها ورمت نفسها ع سريرها واطلقت العنان لدموعها وشهقاتها
حست بإيد تمسح ع شعرها وزاد بكاها
سديم:سوسو حبيبتي خلاص إهدي
سميه بين شهقاتها:غـ...صب عـ..ني والله...ليـ ـ ـه رجع ليـ ـ ـ ـ ـه يبغى يذبحـ ــ ــني
سديم رفعتها وضمتها بحنيه ودموعها تنزل :سوسو حبيبتي خلاص مايستاهل تبكي علشانه بيعيه مثل ماباعك لاتتعبي نفسك تكفين
حركت راسها بلا بين شهقاتها كانت سديم عارفه إن إختها للحين تحبه وتموت فيه وماقدرت طول السنين تنساه
سميه :قلبي .....قلبـ ـ ـي يآلمنـ ـ ـي
ضمتها بقوه وهي تسمي عليها وتحاول تهديها لين نامت في حضنها
***************
بلحظه سريعه سحب المقص من إيدها ودفهم عن تولين اللي إغمى عليهابعد مارفستها
صرخ في مرام:إنتـــــي جنيتـــــ......
إنصدم لماشاف شعر تولين ع الأرض وشكلها ع الأرض
مسك مرام المصدومه من ذراعها بقوه وكان بيكسره:إنتـــــي مجنونـــــه كيف تسوي كذا في تولين جنيتـــــي
فاقت من صدمتها ونيران الغيره والقهر تشتعل داخلها:إنت مالك دخل فينا أسوي اللي أسويه مومن حقك تتدخل
فتح عيونه بصدمه"هذي جننت":مو من حقي...(صرخ فيها)مو من حقـــــك إنتي تمدي إيدك عليها واللـــــه يامرام لو أشوفك ماده إيدك عليها لأكسرها لك كسر فاهمـــــه
تركها..ولف لصاحباتها اللي من سمعوا صوته اللي أرعبهم وشكله وهم جامدين في مكانهم وماقدروا يتحركوا صرخ فيهم:وانتـــــوا لاعاد أشوفكم هنا ..بـــــرى إطلعوا بـــــرى

راحوا يلبسوا عباياتهم وهم مرعوبين
أما مرام كانت مصدومه ولا قدرت تتكلم ماهي مستوعبه اللي يصير
وشال تولين ومشى يصعد فها لفوق وهو يسمع تهديداتها وصراخها
دخل غرفة تولين وسدحها ع السرير أبعد شعرها عن وجهها وناظرها
جاب شنطته وفحصها ولماخلص وتأكد إن مافيها شئ بس مجرد إغمائه وبتفوق منها
سكر شنطته....وتأملها قرب منها وباس جبينها وطلع
نادى الخدامه وخلاها تجلس عندها لين تفوق وتعطيه خبر إذا حصل لها شئ
جلست عندها الخدامه مكره..
نزل تحت وشاف مرام تبكي وأبو مرام واقف بغضب:زيـــــاد
غمض عيونه بقل صبر ونزل
إنصدم لما جاله كف من عمه ومرام إنصدمت ماتوقعت إن أبوها راح يضربه هي صحيح قالته وحبكت له سالفه من عندها وزادت عليها كانت تبغى أبوها ياخذ حقها منه بس ماتوقعت إنه يضربه..
زياد ناظر خاله مصدوم:خالــ...
صرخ فيه أبومرام:مابي أسمع منك ولا كلمه سامع....وصلت فيك الجرأه إنك تمد إيدك على مرام وتطرد ضيوفها.إنت ناسي إن هذا بيتهـــــا ومو من حقك تطول صوتك عليهادامك فيه
(ناظر شنطته اللي في إيده)ومن سمح لك تروح لها ها
زياد كان مصدوم حتى إسمها مانطقه ليه ليه هالقسوه عليهاليه :ياخال تولين تعبانه و....
قاطعه أبومرام:لوتموووت مالك شغل فيها وإياني وإياك أشوفك عندها سامع
واللحين إنقلع عن وجهي والله لو مو ولد إختي كان طردتك من البيت وحرمت عليك تعتبه
إبتسم زياد بسخريه"بنتك اللي هي بنتك ما ناظرتها ولا إهتميت لها بتحشمني أنا "
طلع أبومرام معصب ومرام ناظرته بانتصار:علشان المره الثانيه ماتتحداني....
ماعطاها وجه ولاناظرها وطلع من البيت
إنقهرت مرره وضربت الأرض برجلها
*********
سكرت من هند وهي تناظر اللي قدامها قربت وشافت بوابه مسكره زجاج أول مره تشوفها فتحتها ودخلت شافت حديقه مرره كبيره مو أقل جمال من اللي قبلها شكلها جدا مختلف كراسي مختلفه الأريكه في كل مكان بشكل مرتب وحلو شكلها غريب وعليها خداديات كبيره بألوان مختلفه يغلب عليها العشبي مشت وهي تتفرج ع كل شئ
وشافت بوابة مدخل القصر الكبيره راحت بتفتحها كانت مقفله ناظرت فيها وهي تفكر مين له هالقصر الصغير
طلعت وسكرت الباب
شافت ريم وراحت لها :صحيتي يانوامه..
ضحكت ريم وهي تتمغط:الجو مره حلو
إبتسمت لميس وسألت ريم :ريم القصر الصغير اللي هنا مين له
ضحكت ريم:شفتيه مرره جنان صح بس بصراحه خساره في هالدلال
إستغربت لميس:دلال
ريم:أيوه هذا بيت رعد أخوي...هو مصممه
رفعت لميس حاجبها وهي تسمعها
ريم:أبوي وأمي يبغوه قريب منهم ففتح له أبوي الجهه هذي وصارت له طبعا مشتركه معانا البوابه هذي أتوقع بيشيلها رعد لمايتزوج بس ماتوقع دلال بترضى
سحبت لميس معاها :تعالي معي مرره ميته جوع

دخلت غرفته وفتحت النور دارت نظراته ع غرفته بشقاوه وسكرت الباب خلفها...كانت عارفه إنه مارح يرجع اللحين علشان كذا ماخذه راحتها
راحت لمكتبه وجلست تفتش في أدراجه وتناظر كتبه طلعت كتاب لماشافته إبتسمت تذكر إن فيصل هو اللي أهداه هذا الكتاب كان عنوانه لاتحزن للعريفي..
فتحته وقرأت أول صفحه وثاني صفحه عجبها مرره وقررت تاخذه وتكمله...
حطته ع طاولة المكتب وكملت تفتيش...إنقهرت لماصار درج من الأدراج مقفول حاولت تفتحه ماقدرت كشرت وقامت من المكتب وراحت للأدراج اللي عند السرير وفتحته...
إنبسطت مرره لماشافت ألبوم الصوره حقه كان فيه إثنين واحد له معاهم وواحد له مع أصحابه وكلها نفس الشكل واللون أزرق لزوم التشجيع
فتحت واحد فيهم وصار مع أصحابه ..تعلقت نظراتها في صورة فيصل كان لابس بنطلون جينز أزرق وتيشرت كت أبيض
وحاط إيده ع خصره وشكله طفشان...ضحكت لماشافت الصوره اللي بعدها كان فيها فيصل لابس بنطلون بنطلون بيج غامق وتيشيرت سماوي وماسك جوال رائد ورائد يحاول ياخذه منه كان شكلهم مرره مضحك...
تنهدت وهي تجهل المشاعر اللي تحس فيها لماتشوفه ...
سمعت صوت تصفيق وإخترعت
لفت وشافت رائد واقف عن الباب ومتسند ع زاويته :برافـــــوا واللـــــه....كملي كملي
صحكت داخلها وإنتبة للي في إيدها رمته في الدرج بارتباك....وحمدت ربها إنهم نفس اللون...

سحب إيدها ومسك إذنها بقوه:عديلي كم مرره قلتلك لاتدخلي غرفتي من غيرماتستأذني ها....
ماتفهمين
آلمتها إذنها وهي كاتمه ضحكتها
:خلاص خلاص آخرمره..وبعدين كنت أبغى أشوف ألبوم الصور حق سفرتنا السنه اللي راحت بس...
ناظرالكتاب اللي ع الطاوله:والكتاب اللي ع الطاوله وش يسوي
قالت بغباء:أي كتاب
شد ع إذنها:أي كتاب ها ...
مسكت يده بتبعدهاعن إذنها اللي آلمتها:آ آه آ آه والله توبه ..زهقت وأبي كتاب بقراه وشفته وعجبني بس
ترك إيدها ومسكتها راحت للمرايه وشافتها حمرا:يامتوحش شوف إذني إحمرت من أصابعك مو أصابع هذي هذي...قطعت كلامها وإبتسمت بغباء لماشافت نظراته
سحبها من طرف بلوزتها وطلعهابرى وسكر الباب
تأففت وهي تعدل بلوزتها بحمق ..وصرخت فجأه :الكتـــــاب
فتح الباب وإبتسمت ببراءه:الكتاب ابغاه
ولماشافته بإيده سحبته وإنحاشت لغرفتها
إبتسم ع خبالها ودخل غرفته
**************
فتحت عيونها بتعب ودارت نظراتها حولها ووقفت ع الخدامه اللي جالسه قبالها
الخدامه فرحت لماصحت لأنها طفشت من جلوسها ومانتظرت منها كلمها وقامت طالعه من الغرفه
جلست بتعب وحست بألم خفيف في ظهرها ودوخه ..
نزلت راسها وإيدها ع ظهرها وإنتثر شعرها حولين وجهها...
إنصدمــت لماشافت قصره ...وإندفع كل شئ صار في عقلها...
غمضت عيونها ودموعها تنزل وإيدها ع شعرها...
قامت بتعب ومشت للمرايه وهي تحس بدوخه مسكت نفسها وكملت طريقها...
ناظرت شعرها بحزن...كان مقصوص بعشوائيه وبشكل مائل ...فتحت درجها وطلعت مقص حاولت تساويه قطعه وحده وقصر شوي ع قصره
حطت المقص ع الطاوله ونظرات عيونها ع شعرها اللي ع الطاوله...تذكرت الذل والإهانه اللي حطمت بقاياها ..
فاجأتها دوخه قويه وتمسكت بالطاوله قبل تطيح وجلست ع كرسيها...
إنفتح الباب ودخلت الخدامه ومعاها صينية أكل وعصير برتقال..حطتها ع الطاوله قدامها وقالت:mr Zeyad saied you have to eat thies‏
طلعت وتركتها ..
تولين تناظر الأكل مستغربه.وماأعطت نفسها مجال تفكر فيه..وبدت تاكل كانت تحس بجوع فظيع ....ولماانتهت قامت وهي تحس الدوخه خفت كثير...
وقفت عند الشباك وابعدت الستاره طالعت الحديقه وشافت مرام طالعه مع وحده من الخدم ..أكيد رايحة للسوق...
توسعت عيونهابرعب لماشافت ريان واقف بعيد ولماراحت سيارة مرام..دخل من البوابه...
عرفت نواياه وركضت لباب غرفتها شافت المفتاح مو موجود..ودقات قلبها تحس من قوتها بيطلع من ضلوعها..إيدها بدت ترتجف وتعرق..وهي تتلفت تدور ع مكان تتخبى فيه
شافت باب الحمام وخافت تدخله ويعرف إنها هنا ويكسره..
طلعت من غرفتها ركض لوحده من الغرف ودخلتها ..تركت النور طافي ومشت للدولاب وتخبت فيه...
سمعت صوت باب غرفتها ينفتح.وجسمها بدا يرتجف ..إيدها ماهي قادره توقف إرتجافها
سمعت صوته يسأل الخدامه عنها...
غمضت عيونها..وماتت من الرعب.لماسمعت باب الغرفه ينفتح ..والنور ينتشر في الغرفه
تحس ماهي قادره تتنفس من سرعة دقات قلبها..وهي تدعي ربها يبعده عنها ويكفيهاشره..دموعها بدت تنزل وهي تتوقعه يفتح عليها الباب في أي لحظه...
سمعت خطواته في الغرفه تقرب من الدولاب وغمضت عيونها وهي تحس بنهايتها قربت.....و......
..........************
كانت بتطلع للحديقه وسمعت صوت التلفون راحت له وردت:هالو
:السلام عليكم
لميس:وعليكم السلام
:لميس..كيف حالك
لميس ميزت الصوت:هلا عمه..الحمد لله بخير..إنتي كيفك
:الحمدلله..عمك موجود
لميس:لا
:وخالتك ..
لميس:لحظه..أناديهالك
حطت السماعه وراحت ركض
صعدت فوق وفي الصاله طلع في وجهها رعد وصدمت فيه وأبعدت بسرعه..
رفع حاجبه:شكلك متعوده تصدمين في الشباب...
إنقهرت منه وقالت باستحقاروهي ماشيه:وللأسف صدمت في واحد مايسوى..
ودخلت جناح أم رعد ودقت باب غرفتها وسمعت صوتها:نعم
لميس:خالتي عمتي ليلى تبغاك ع التلفون.
فتحت الباب وقالت وهي تناظرها بنظرات حاده:أوكيه
لفت لميس بتطلع ووقفها صوتها:هذي آخرمره تناديني فيها خالتي..لأن مايشرفني أكون أخت أمك...
ودخلت وسكرت الباب..ولميس متجمده في مكانها بصدمه وحكيهايرن في راسها..
دخلت رنا للجناح وسماعات الآيبود في آذانها وصوت الأغاني عالي كالعاده..
رفعت لميس عيونهاتناظره وهي موحاسه بشئ"ليه..ليه الكل يكرهني ويكره أمي..شفيهاأمي علشان يكرهونها..علشانها بريطانيه مو سعوديه!يسخرون منها ويحتقروها..أمي مسلمه زيهازيهم..."
قطع أفكارها صوت رنا الغريب:خير إيش عندك هنا في جناح أمي
قربت منهاوحطت إيديها ع جيوب بنطلونها تتحسه بذل وهي تقول:وريني أشوف...ترى اللي مثلك ينخاف منهم يسرق شئ..وحده أول مره تشوف نعمه وعز أكيد تسرق..وتمد...
رفعت إيدها لميس وجروحها خانقتها وصفعتها كف :إبعدي يدك عني
دفتها من قدامها وطلعت من الغرفه وإحساس الذل والإهانه يخنقها تحس إنهاتموت تبي تفرغ اللي داخلها..إحساس الإهانه والذل يكبر داخلها دموعها تحسها تحرق عيونهاوتبي تتخلص منهالوحدها..
حست بإيد ماسكتها بقوه وتلفها:تعالـــــي هنا يا#####
كيـــــف تتجرئـــــي وتمدي إيدك القذره هذي علي إنتي ناسيـــــه أنا ميـــــن وإنتي ميـــــن
طلعت أم رعد :خير شفيكم
رنا بعصبيه وصراخ:الحيـــــوانه هذي مدت إيدها علـــــي وسبتنـــــي
لميس ماحست إلا بكف طيحها ع الأرض
أم رعد بعصبيه:جالســـــه في بيتـــــي وتسبـــــي عيالي وتمد إيدك عليهم..إنتـــــي ناسيـــــه نفسك شايفه عمك مشفق عليك ومدللكي وبالينا فيكي وشفتي نفسك..لا ا ا ا إياك تتمردي مره ثانيه وإلا رميتك برى البيت سامعـــــه
سحبتها رنا معاها:تعالي ماما خليكي منها هذي تبوس إيدها ع إننا محسنين عليها وضافينها من الشارع هي وبلاويها..
دخلت للغرفه ومعاها أمها
لميس دموعها نشفت من الصدمه..قلبها تحسه ذاب داخلها
شهقاتها وعبراتها زادت وكتمتها
نزفت ونزفت ونزفت لين مابقى فيها قدره ع التحمل...
جتها ريم تركض:لميـــــس حبيبتي شفيك
إنصدمت لماشافت وجهها وهمست:لميس
قامت لميس ودخلت غرفتها وقفلت عليها الباب
رجولها ماقدرت تشيلها وجلست ع الأرض تبغى تحكي تصرخ وتبكي ماهي قادره..دموعها متحجره في عيونها..الحروف ضاعت وماقدرت تعبر عن ألمها
ضمت نفسها ع الأرض وطلعت منها كلمه وحده بصوت مخنوق:را ا ا امي
ريم تدق عليها الباب:لميس حبيبتي إفتحي الباب...لميس تكفين إفتحي الباب
فيصل يصعد الدرج:شفيك
ريم نزلت دموعها:أمي..أمي ضربت لميس
فيصل إنصدم:إيـــــش ...ليـــــش
ريم بقهر:أكيد رنا ..رنا السبب مافيه غيرها..وإلا لميس لايمكن تغلط ع أمي
فيصل عصب:ويـــــنها
ريم تمسح دموعها:عند أمي
راح فيصل معصب ودخل غرفة أمه:رنـــــا
رنا من غيرنفس:نعم
أم رعد:خير شفيك معصب
فيصل التفت لأمه:يمه ليه ضربتني لميس
رنا:لأنها تستاهل
لف عليهامعصب:إنتـــــي جـــــب ولا كلمه..أصلا كل شئ يصير من تحت راسك ...
أم رعد عصبت:فيصـــــل
فيصل:يمه حرام البنت يتيمه ومالها غيرنا ليه تعاملوها كذا
رنا إنقهرت:هــا يتيمه لو يتيمه ومالها غيرنا كان ماغلطت علينا وحنا اللي ضافينها من الشارع وغلطت علينا
فيصل عصصب وراح لها مسكها من ذارعها بقوه:لميس عمرها ماغلطت ع أحد فينا..وإيش هذي ضافينها من الشارع
لاعمرك أسمك تقولينها سامعه إحنا أهلها سامعه كيف أهلها أبوها عمك يالخبله
أم رعد فكت رنا من إيده:تكذب إختك وتمد إيدك عليها علشان بنت عمك..
فيصل:هذاك قلتيها بنت عممي يعني مو من الشارع
أم رعد عصبت:أنا أبي أعرف إنتو عيالي وإلا عيالها ها
فيصل:آسف يمه بس...
أم رعد قاطعته:خلاص..اطلع اللحين ولا عاد تمد يدك ع إختك
طلع فيصل من الغرفه منقهر
*****************
:أمـــــــــــــــل ...أمـــــول وصمـــــخ
جت رنيم تركض:رائدشفيك
رائد معصب:وين أمل لي ساعه أناديها
رنيم مستغربه:فوق بغرفتها
صعد فوق وفتح الباب بقوه:أمــــــــــل
أمل فزعت :وشـو
رائد:لي ساعه أناديك وإنتي تثرثرين في الجوال كل هذا صمخ
أمل:لا تصارخ علي..شدراني إنا..كان تركت عنك العجز وجيت
رائد:مين تحاكين
أمل رفعت حاجبها:وش دخلك
رائد:وشو عيدي ماسمعت..
سحب منها الجوال:آلو
سديم خافت وسكتت
رائد:ألو و و وصمخ
أبعد الجوال عن إذنه يحاكي أمل اللي تناظره مقهوره:والله شكلك مو إنتي بس اللي صمخا وصديقاتك بعد
أمل:عطني الجوال
رائد:ماراح أعطيك إياه لين ترد هالصمخه
سديم:صمخا بعينك
ضحك :هههههه آخيرا
إرتبكت لماسمعت ضحكته وسكتت
رائد:آلو..وين راحت شكلها نامت
سديم ماقدرت تمسك نفسها وسكرت الجوال وضحكت ع أسلوبه
سحبت منه الجوال:ألو
سكرت الجوال لماسمعت صوتها:ياسخيييف قفلت الخط
رائد يحرك حواجبه:أحسن
رمت الجوال ع السرير:نعم وش تبغى
رائد:أول قولي لي مين اللي كنتي تحاكينها..شكلها أم لسان وسكرت الجوال في وجهي
أمل:وجع ماأسمح لك تقول عنهاكذا بعدين إنت الملقوف ماحد قالك تتليقف
رائد:طيب مين
أمل:وحده
رائد:وحده ولا ثنتين
أمل:ها ها ها ..خلصني وش تبغى
رائد ضرب جبهته:أوووو نسيتيني
أمل مشت بتطلع:إذا ذكرت قولي
طلعت من الغرفه ونزلت
دخلت للصاله وكان فيها ساره
ساره:شفيك
أمل:البايخ رائد
ساره:وش سوى
دخل رائد وأمل ماحست فيه لأنها معطيه الباب ظهرها:قعد يخفف دمه هالثقيل و سديم سكرت الجوال شكلها زعلت
رائد ضحك:و و و و و و و إسمها سديم
أمل انهبلت:بسم الله
رائد يستهبل:وي وي شايفه جني
سفهت وجلست
رائد:عطيني الهاردكس حقتك الجديده
أمل:لييه
رائد:بصور معاها
ساره:هههههه
رائد:عطيني إياها وإنتي ساكته
أمل حطت رجل ع رجل بعناد:لا ا ا ا
رائد:أقول بسرعه جيبيها مستعجل ومافيني أروح أشتري
أمل:أول قولي وش تبي فيها
رائد:بعطيهافيصل يحملي فيها شغل
أمل كانت بتقول لا علشان تقهر فيصل مثل مادايم يقهرها بس شئ داخلها منعها
قامت:أوك
رائد:لايكون حطيتي فيهاشئ لك صور
أمل:لا ماستخدمتها
طلعت تجيبها ورائد جلس ينتظرها
***********
لمياء طلعت تركض في الحوش:را ا ا ا ا ا ا ا اشد
راشد:نعم
لمياء:تكفى جيب مريوم ورنوده عندي
راشد:نعم مريوم إسمها مريم وبعديم شتبين فيها
لمياء ضحكت:حركا ا ات يغارون
راشد:إخلصي شتبين فيها
لمياء:ترى والله ماآكلها..بس أبيها تجلس عندي زهق جالسه بروحي
راشد:للأسف الشديد هي عند أهلها اللحين
لمياء:طيب جيبها من عندهم عادي
راشد:عندهم عزيمه ماقدر
لمياء بطفش:أففف والله زهق
راشد ضحك وطلع تاركها مقهوره
**********
دخلت رغد ع خالتها أم عمر وخالها في الصاله:السلام عليكم
:وعليكم السلام
باست راسهم وجلست:كيفكم إن شاءالله بخير
:بخير الله يسلمك
أم عمر:شلون الحمل معاك عسى بس مو متعبك
رغد:لا الحمد لله
دخلت منيره وسلمت عليهم وجلست
أم عمر:أجل وين عموري
دخل عمر:هذا عمورك وصل
منيره:يمه الولد كبر وتزوج واللحين زوجته حامل وبيصير عنده عيال وإنتي للحين تدلعينه
عمر:ها أشوفك غيرتي
أم عمر:والله لو يصير عنده عشره وأحفاد بيظل عموري
باس راس أمه:الله يطول في عمرك يالغاليه وتشوفينهم وتدلعينهم بعد
:آمين
أم عمر:إلا يمه رغد متى ولادتك إن شاءالله
منيره :الوالده مستعجله
عمر:ههههه طبعا مستعجله مو بيجيها حفيد من حبيب قلبها
منيره:ياسلام يعني عيالي ع الهامش الحين
عمر:ههههه أيووه
جا حمد يركض ورمى نفسه ع رغد يضمها
عمر صرخ:را ا ا ا اح ولدي
منيره:لا تخاف مافيه إلا العافيه
عمر:وجع حمود شوي شوي ع رغد
رغد ضمت حمد مبتسمه:خله براحته
دخل عزوز ولماشاف أخوه في حضن رغد راح يركض لها بس مسكه عمر:تعا ا ال تعا ا ال هنا إنت بعد بتكمل الباقي
:ههههههههه
منيره:خله عمور
عمر:أنا ابوسعود موعمور
منيره:ههههه لا والله توك تتذكر
**********
كانت ترتجف ومغمضه عيونها بخوف وقلبها تحسه بيطلع من مكانه لما حست فيه قريب من الدولاب
فتحت عيونها براحه لماسمعت الخدامه دخلت للغرفه وقالت له إن أبوها تحت
وسمعت خطواته طالع من الغرفه والباب يتسكر
تنفست بعمق وهي تحمدربها
وفتحت الدولاب وطلعت ..
جلست ع السرير ورجولها ترتجف
قامت لماحست نفسها هدأت شوي
وفتحت الباب وطلعت راحت غرفتها وفتحت الباب ودخلت بسرعه وسكرته
شهقت برعب لما سمعت صوته:ياهلا والله

لفت وقلبها تسارعت دقاته ودموعها خذت مجراها ع خدها
لماشافته يقرب منها
لصقت في الجدار وضمت نفسها وقالت بصوت مرتجف:لا تقـ ـ ـ ـرب لا إبعـ ـ ـ د عني
ريان:حمـــــار إذا أبعدت عنك
مسكها من إيدها وسحبها لصدره وعيونه تاكلها بنظراته اللي كرهت نفسها منها:البيت مافيه غيري وغيرك وهذي فرصتي ومستحيل أضيعها من إيده
غمضت عيونها وهي تحاول تبعده عنها:الله يخليك اتركني اتركني
فتحت عيونهابرعب لماحست فيه يبوسها وحاولت تدفه عنها
وصرخت سحبها معاها للسرير:لا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا
وهو حجر ماسمع لتوسلاتها ولا رحمهاكل همه إنه يشبع رغباته وبس ولاإهتم إنه قتل بقاياإنسانه بريئه .........
**************
جلست في الحديقه وهموم الدنيا كلها ع راسها تفكر وماتعرف في حياتها غير التفكير
سمعت صوت خطوات ع العشب ورفعت راسها وشافت فيصل جاي لها إبتسم وردت له إبتسامه باهته
فيصل:مساءالخير
لميس:مساءالنور
جلس قدامها:كيفك
لميس ونظرات عيونهالبعيد:عايشه
فيصل سكت شوي وقال:لميس
ناظرته:نعم
إبتسم بهدوء:إنتي عارفه إننا نحبك وأبوي مثل أبوك وأكثر والبيت هذا بيتك و..
قاطعته وهي عارفه وش بيقول:أنا...أناعارفه
إبتسم:اجل ليه هالحزن تراني ماحب أشوفك زعلانه
إبتسامته..طريقته في التخفيف عنها ذكرتها برامي..تأملت وجهه
كان فيه شبه كبير من رامي بس الفرق لون العيون رامي لون عيونه غريب لاهي أخضر ولا أزرق أمافيصل لا أسود
فيصل ارتبك من نظرات عيونها واحتار منها
انتبه لريم اللي تأشر له من بعيد
وقام من الكرسي بيروح لها
لميس نادته بدون وعي:رامي
وقف فيصل ولف لها وهو بيستوعب الإسم اللي قالته
لميس نزلت راسها لماانتبهة للي قالته
فيصل :ناديتيني
لميس بارتباك:ها...لا
راح فيصل وهو محتار منها
سحبتها ريم من إيده:تعال
سحب إيده منها:شفيك
ريم:أناتاركه لميس لأني شفت إنها تبغى تجلس بروحها تجي وتجلس عندها
فيصل:وأنا شدراني..شفتها جالسه بروحها كسرت خاطري وقلت أجلس عندها
ريم:طيب روح اللحين
**************
دخل فهد غرفة رعد بعد مادق الباب وشافه واقف عن الشباك اللي يطل ع الحديقه يطالع لميس وفيصل صحيح ماكان يسمع الصوت بس كان يشوف نظراتها له اللي مافسرها إلاحب
لف لفهد اللي جاله منزل راسه وكأنه يبي يقول شئ بس متردد
نزل رعد لمستواها وقال بحنان:فهودي..تبي شئ
فهد يحكي ويناظرالأرض:أبي أروح لمازن
فهد ابتسم:بس
فهد رفع راسه يناظره ببراء وترجي:توديني
إبتسم:أوك حبيبي روح اجهز وأوديك
فهد ابتسم إبتسامه واسعه:أنا جاهز
رعد:ببدل ملابسي وأنزل
فهد باس رعد ع خده وطلع يركض
رعد سكر الباب ودق ع الحارس يجهز سيارته ولبس ثوب وشماغ لأنه بيروح للشركه وأخذ مفاتيحه وجواله وطلع
طلع للحديقه ونادى فهد اللي كان جالس جنب لميس راح له يركض مسك إيده وطلع بدون لا يقولهم شئ
ولميس ماناظرته ماتبي تشوف نظرات الإستحقار اللي دايما يناظرها فيها
************
من صحت ماشافت أحد في الصاله
طلعت في الحديقه تتمشى وتفكيرها عنده..دموعها متجمعه في عيونها..وتحس بألم في قلبها كلماتذكرت رفضه لها وهروبه ..ماتقدر تنسى قتله لفرحتها اللي كل بنت تنتظرها
ماتنسى نظرات الشفقه من الناس ونظرات الإستهزاءوالسخريه والشماته
منهم
كل هذا حطمها وحطم قلبها...
نزلت دموعها وهي ودها تصرخ ماهي قادره تنساه..تتمنى تنزع حبه من قلبها وتدوسه وترتاح
مسحت دموعها ومشت بتدخل داخل
تجمدت مكانها ..قلبها تحس وقفت نبضاته ..تحس كأنها طايحه من جبل ..ونظراتها تخترق اللي قدامها يناظرها مصدوم...
...ماحست بنفسها ولا كانت بوعيها كل اللي حركها الألم الحقد والقهر اللي تفجر داخلها...
كانت قدامه واقفه صفعته كــــــــــف بكل قوتهـــــا
إنصـــــدم يناظرها:سميه
حست بسكين تنغرز في قلبها لماسمعت صوته دموعها ملت عيونها وصرخت فيه:أكرهـــــك..أكرهـــــك..
*************
كان يناظرها مصدوم وهي تركض ودخلت داخل
إبتسم"عارف إنك تحبيني...عيونك فاضحتك..مهما قلتي أكرهك..عيونك تكذبها آآآآآه ياسميه عارف إني جرحتك لماتركته عارف والله وأتمنى تسامحيني لأني ماتركتك إلا لأني عارف إنك بتتركني لماتعرفي حقيقتي..أحبك والله أحبك "
ناظر شباك غرفتها بحزن وطلع من البيت
****************
تفتح في أدراج غرفتها من غيرنفس:أفففف وينه هذا
دخلت عليها رشا: دلال شفيك..وش تدوري عليه
فتحت درجها تدور فيه:ألبوم الصور حقي
رشا:شوفي يمكن في دولابك
قامت دلال وفتحت دولابها وفتشت فيه:آخيرا
رشا:وش تبغين فيه
جلست دلال ع السرير وفتحته:أدور صورة رعد
رشا بدهشة:عندك
دلال:أيوه أكيد
رشا راحت لها:وريني إياها
سحبت الصوره من دلال وإنجنت عليه:وا ا ا ا ا ي يجنن
دلال بدلع:بدري..من زمان وهو يجنن
رشا جلست وهي تتأمله:لا هذي أول مره أشوفه زين...وا ا اي عذا ا ا اب بصراحه هالرعد
سحبت دلال منها الصوره:هيـيـيـيـيـي خلاص أغا ا ار
رشا:ياحظها لميس قبالها الليل والنهار تبحلق فيه لين قالت بس
دلال تغير وجهها وعصبت لماتذكرت لميس:تححلـــــم تاخذه مني
رشا:بسم الله..أناماقلت كذا
دلال بقهر:آ آ آخ بس لوأقدر أطردها من البيت
رشا:خليكي منها وقولي لي من وين جبتي الصوره
دلال رجعت الصوره في الألبوم:أخذتها من غرفة رنا
رشا:ماعرفت
دلال بثقه:طبعا عندها صور كثير كيف بتلاحظ
رشا:إممم والله إنك داهيه
دلال بدلع:حقي
رشا:وإنتي شدارك إنه حقك وهم ماخطبوك خطبه رسميه بس حكي
دلال إنقهرت لأنها للحين ماقربت منه بشكل مضمون:خلاص اللحين أنا محيره له والكل عارف وأنا راح أقول لأمي تحاكي خالتي يسوون خطبه رسميه ويحددوا الملكه قريب
رشا:يكون أحسن...طيب تعالي ننزل تحت عبدالله جايب كيكه من برى
دلال:وإنتي هذا اللي هامك بطنك
رشا:فيه غيره بعد
دلال لمعت في عقلها فكره:أقول رشا..ليه ماتخلي فيصل يحبك
رشا بحسره:من وييييين...يا ا ا اليت يحبني هالمزيون ولو إنه مايجي ربع هالرعد
دلال بنرفزه:وبعدين معاك
رشا حطت إيدها ع فمها:سكت
دلال:ياغبيه بكذا رعد وفيصل يكونوا لنا جمال ومال
رشا:أيوه صح (ناظرت دلال من طرف عينها)دلا ا ا ال لايكوون تبغين رعد مو حبا فيه علشان فلوسه
دلال تسندت ع وراها:الاثنين...يعني عاجبك حالنا كذا...ريموه ورنا كل يوم لبس وكل يوم ساعه من أفخم الماركات وغرقانين في العز واحنا لا
رشاعجبتهاالفكره:والله صادقه..خلاص بتلصق فيه لين يحبني
دلال بابتسامه:شا ا ا اطره
رشا:طيب يالله تعالي خلينا ناكل
دلال بقهر:والله ماتفكرين زين وتفكيرك كله في بطنك
إنقلعي عن وجهي مابي
طلعت رشا بلامبالاه (رشا جسمها مليان شوي وحلوه بس ماتهتم في نفسها زي إختها)
**************
:بســـــا ا ا ا ا ا ام
طلع بسام من الصاله وهومعصب:خيـــــر ليش هالصراخ صدعتي راسي
البندري تطل عليه من فوق الدرج:وديت فستاني للمغسله
بسام:لا
البندري:ليـــــش بكره زواج ميسون وإنت تقول لا
بسام :ليه المغسله وإنتي توك مفصلته
البندري:بشرووه كبت عليه العصير الحماره
طلعت بشرى من المطبخ وفي إيدها كاس عصير:ما ا ا ا قصدت
ناظرها بسام:وإنتي دايم شرب في هالعصير ماتملين
بشرى رفعت حاجبها:قول ماشاءالله بس
البندري بترجي:الله يخليك بسام تكفى
بسام:طيب طيب أمري لله جيبيه
دخل للصاله وجلس عند التلفزيون
رد ع التلفون لماسمعه يدق:ألو
ريم ماسمعت نبرة الصوت تحسبه بشرى قالت بسرعه:هلا بشوره طيري حبيتي نادي إختك
بسام فز قلبه للصوت وقال بهدوء:ريم...
ريم دققت في الصوت وكأنها سمعتهاقبل...
إنصدمت"بسام"
حست قلبها طبول وإنربط لسانها
بسام بصوت هادي:ريم معي
ريم تلعثمت :ها....أيوه
إبتسم:كيفك
ريم يالله طلعت الكلمه من فمها:بخير
بسام وفيه الضحكه:لوتبيني أطير وأناديها لك ركبت لي جناحان وطرت لعيونك..
ريم بغى يغمى عليها..وإيدها صارت ترتجف وبلعت ريقها بصعوبه:ياويلي بمو و وت
قالتها لمابعدت السماعه عن إذنها وسدتهابإيدها الثانيه
لميس إستغربت ومن وجه ريم اللي انقلب فجأه ألوان:شفيك
ريم انتبة لبسام وردت:ألو
ماسمعت رده لأنه حس إنه احرجها وتجرأ بزياده ..حط السماعه وراح ينادي البندري
لميس:شفيك
ريم وإيدها ع قلبها: بسام
ضحكت لميس:وأنا أقول البنت وجههاموطبيعي

جاها صوت البندري:هلاوالله بالريم
ريم :هلافيك..شفيه جوالك مقفل
البندري:مافيه بطاريه
ريم:ياشين هالعذرماحبه
المهم شخبارك
البندري:متلعوزه بفستاني
ريم:ليه
البندري:تخيلي بكره زواج ميسون بنت عمي وبشرى كبت عليه عصير
ريم:ماشاءالله بكره زواجها
البندري:أيوه...أقول شرايك تجين معاي بكره إنتي ولميس
ريم:لا سوري ماقدر 
البندري:ليه
ريم:الزواج عائلي ماقدر أروح
***********
ضمت اللحاف لها ودموعها ع خدها وشهقاتها تعلى وترتجف كان شكلها يقطع القلب
قرب منها مقهور وقلبه يشتعل نار من اللي كان راح يصير لو ماجا وانقذها من إيد أخوه قبل لا يضيعها ويذبحها ويذبحه معاها
زياد همس:تولين
كان شكلها مرره منهار ماهي قادره تستوعب اللي صارلها
كانت حياتها بتنتهي ع إيده لومارحمت ربها فيها وأرسل لها
زياد ينقذها من إيده كان اللحين
.....
حطت إيدها ع راسها ماتبي تفكرأوتتخيل إيش راح يكون عليه حالها
جلس ع طرف السرير وإنكمشت برعب ع نفسها
رفع راسها ومسح دموعها بحنان وقلبه بيذوب ع شكلها:تولين ..خلاص إهدي الحمدلله ماصارشئ..
بعدت عنه بسرعه و بكت بقوه وهي تغطي وجهها
بإيديها وهو يحاول يهديها ويطمنها
طلع من عندها بعد ماهدأت وراح للخدامه أخذ منها مفتاح غرفة تولين بالغصب
وحطه عند تولين علشان تقفل عليها الباب أأمن لها
وطلع وقلبه عندها قبل ترجع مرام وتشوفه وتسويها سالفه
**************
رجع أبورعد من السفر ولميس مستغربه منه لأنه مافاتحها في موضوع خطبتها مع إن نظراته لها كانت غير..تحس فيهاشئ
اليوم شكله كان راح يفاتحها في الموضوع لكن قطع عليهم مكالمه خلته يطلع بسرعه ولا قال لها شئ
***************
صحت مفزوعه من الحلم اللي صار يتكرر وخوفها
غمضت عيونها ودموعها تنزل تعوذت من الشيطان
أخذت نفس عميق تهدي فيه ضربات قلبها
مسحت دموعهانزلت تحت ودخلت المطبخ شربت مويه وجلست شوي ع الكرسي صارت تخاف ترجع تنام ويرجع لهاالحلم
طلعت من المطبخ وسمعت صوت الباب ..تفاجأت برعد وشكله كان معصب كثير طالعها بنظرات أرعبتها :سويتيـــــها
...
ناظرته مستغربه :وش سويت
صرخ فيها:لاتسوي نفسك بريئه وماتعرفي شئ.. وإنتي مخططه لكل شئ مع بدر حبيب القلب
تفاجأت لماسمعت إسم بدر:بدر
شافت وجهه يحمر غضب ورجعت ع ورى لماتقدم ومسكها بقوه:خطبك ها..لكن لاتحلمي إنك تاخذيه فاهمه
إنقهرت منه مرر وش دخله في حياتها يقررعنها فكت نفسها منه:إتركني..مو ع كيفك تتدخل في حياتي إنت مالك سلطه علي
رعد:لي وغصب عنك..وبدرهذا إنسيه سامعه لأنك مارح تطلعي من البيت ..لاتحلمي فيه
دمعت عيونها:مارح أنساه ..لاتتدخل في حياتي..مو إنتو ماتبغوني خلاص أنابريحكم وبطلع..
ضحك باستهزاء:هذا آخر شئ تتمنينه ..
لميس:عمي موافق عليه..يعني إنت مالك كلمه بعده..
شافت وجهه يتغير ثم رجع يقول:شكلك ماعرفتي رعد زين
إذا حط في راسه شئ يسويه غصب عن الكل وبدرهذا أقولك من اللحين إنسيه إنسيه لأنك مارح تاخذينه لو أذبحه..
خافت ع بدر كثير منه وحست بالقهر منه ومن غروره وتسلطه عليها..نيران إشتعلت داخلها صرخت فيه:مـــــو ع كيفـــــك ..إنـــــت آخرواحد يتدخل في حياتي يامغـــــروووور وبـــــدر باخذه غصب عنك سامـــــع
عقد حواجبه بغضب ومسك ذراعهابقوه:.لا تتحدينـــــي لأنك عارفه إن مافيه أحد يتحداني ..أنارعد اللي أبيه يصير..
إنتـــــي ع بالك إني بتركك توطي روسنا للأرض...لا طبعا مستحيـــــل لوأذبحك
تركها وصعد فوق لغرفته وهي كانت واقفه مصدومه "توطي روسنا للأرض"...
***********
جالسه ع السرير وتسولف في الجوال وضحكها واصل للصاله
:ههههههههه لاحبيبي حرام عليك
سمعت صوته بهيام:فديـــــت الضحكه وصاحبتها
ضحكت بخجل وهي تسمعه يتغزل فيها بأحلى الكلمات المزيفه باسم الحب والعشف
سمعت صوت أمها تناديها وصحتها من نشوتها:حبيبي اللحين لازم أسكر الوالده تناديني
:أوك قلبي..أحاكيك في الليل لماترجعي بالسلامه
:أوك باي حياتي...
سكرت منه ع دخلت أمها للغرفه:هدى يالله تأخرنا...
قامت هدى ولبست عبايتها ...رفعت راسها وقالت:يمه..ماتعرفين أي شئ عن لميس
كشرت أمها لهالطاري:لا مادري عنها ولاأبي أعرف
هدى:ليه ماصرتي تحاكي أم رعد
أم هدى بقهر:لا ماصارت تحاكيني ولاحتى تزورني في المشغل.. شكل زوجها مانعها
تخيلي المشغل ماصار يمشي كويس قبل كانت هي تجيب الزباين وتموله واللحين لا ..الله يسترإما سحبت العاملات بعد
هدى:كله من تحت هالعقربه
أم هدى:يالله لا نتأخر
***************
:لميـــــس ليه عمك رفض اخوي بدر
إنصدمــــــــــت لماسمعتها....يعني رعد سوى اللي في راسه النذل
هند:لميس..إنتي معاي
لميس همست ودموعها تهدد بالنزول:إحم..أيوه
هند:بصراحه أخوي بدر إنصدم لما حاكاه عمك..يعني لأن أخوي موقدالمقام ولأنه ماعنده ملايين مثلكم...
لميس كانت تسمعها وقلبها يآلمها دموعها تنزل وكاتمه شهقاتها..
هند ندمت ع اللي قالته..لأن لميس أكيد مالها ذنب هي موافقه لكن عمها هواللي رفض..لكن كانت مقهوره ع أخوها اللي إلتزم الصمت وماطلع من غرفته كانت عارفه إنه مقهور إنه إنرفض وهو يحب لميس كانت تشوف الحب في عيونه لماتحكي ع لميس وإلا ماراح يخطبها من عمها مع أبوها
ماكان متوقع إنهم يرفضونه أبدا
هند :الله يوفقك مع غيره حبيبتي..ونفرح فيك
لميس:هند لاتزعلي ولا يزعل بدر أنا....
هند:ماعليك ميسو ..إنسي اللي صار ..
سكرت الجوال ورمته ع السرير ..ورمت نفسها عليه وهي تبكي "ليـــــه ..يارعدليـــــه..يعني خلاص مارح آخذ بدر مستحيـــــل مستحيـــــل"
*******************
نزلت بعد ماتلبست وكشخت لبست تنوره قصيره وردي لنص الفخذ وتحتهابنطلون جينز أزرق
وبدي وردي عليه جاكيت قصير للصدر جينز أزرق وشعرها البني تركته مفتوح
ياسر بطنازه:وش عندها بدر البدور
أمل ناظرته :بايخ
ساره:وين بتروحين
أمل بإيدها الجوال تدق:بروح لبنات عمي
ساره قامت:طيب إنتظريني بروح معاك
حطت الجوال عند إذنها:بسرعه
سمعت صوته وردت:هلا رودي
رائد:هلا
أمل:تعال وصلني لبيت عمي
رائد:أنا بسألك سؤال واقفلي في بلعومي...إنتي ماعندك بيت تقرين فيه دايم في بيت عمي وإلاعمتي
أمل:أقول شوف نفسك طول اليوم برى..تعال بس خذني
رائد:إحلمي أجيك ..سواق عندك وإلا زوجك كل يوم رازه فيسك جنبي في السياره..الناس قالوا شكله تزوج والبنات طاروا
أمل:أوووووف
سكرت الجوال في وجهه معصبه
************
دلال تحكي في الجوال:وينك من زمان ماسمعت صوتك..لايكون بعد مصاحبه هالعله
رنا:لا بسم الله علي كنت مشغوله(شهقت)فاا ا ا اتك أمي ضربت لميسوه
دلال شهقت:واللـــــه..لا لا لا لازم أجيك وتقولي كل السالفه

الروايه ولا اروع وانتظر جديدك يا زينها ذي الششهد

بنوته حياتي انامتضايقه ونفسياتي شوي تعبانه اذا صرت تمـــــــــــــاااام راح اكملها تامرين امر جالسه انا اسمع اغنية ودي نتصافح لمشاعل اسمعيها وعطيني رايك

كمليها انتي خرافيه