دقي على اهلتس انتي وياها و لا دبروا لكم باص اخلصوا علي ( صورة مدرسه نصابه تبي تلحق على سنوات الضياع )
المهم صارت مشكله ثانيه البنات يتأخرون في المدرسه و صارت حجه عند اهل غاده انها تروح لفهده
و بعد الجلد و المجالد وافقوا لها بشرط ترجع قبل 11 .. يعني صاروا اللحين يتقابلون في البيت و يجلسون بالساعات و كانت غاده تقول لأهلها
اني اروح تشرح لي رياضيات ..زادت علاقتهم لدرجة كل وحده ما صارت تستغني عن الثانيه .............
( المخرج يحب ينقز الحلقه هذي ) < اخراج تلفزيون سعودي
( ششششششششششششش < صوت حرب نمل و نكمل القصه )
مره فهده جالسه مع خويتها الخاله و القروب حقهم و يسولفون و يضحكون بصوت عالي يحاولون لفت انتباه البنات
شوي و تمر بنت و تشوفها فهده اووه ! معقوووله ! هذير نووير الي معي في المدرسه اول الله من الهبال بعد انا وياها !
و تجيها نوره و معها بنت ثانيه .. تقرب هالبنت من القروب و تنادي فهده .. ممكن شوي ؟
و تقوم لها فهده و تسلم على نوره بحراااره نوييييييير يقطع شكلك ياااا شييخه متى جيتي المدرسه !
و هي تضحك و مستحيه اههههههه.. فهده تقول هااو مهب ذيك الخبله الي اعرفها !!
البنت الي معهم انلخمت حست ان فهده ما فهمت الموضوع جت سحبت فهوودي على جنب و قالت له اسمعني يبو السالفه وما فيها ان نوير ما جت مشتاقه و لا بتسلم عليتس بس معجبه في شكلتس و كذا تبي تشبكتس وش رايتس ؟
فهد كذا وجهه >
اما تشبكني !! اول انواع مماعط الشوش و اللعب و في الفسحه نفقع علب السن توب سوا وش تشبكني الله يصلحها !
لا معليش قررت اصير فهودي بس ما اتخيلني مع ذي !
بعدين تراني مرتبطه
صديقة نوره تحاول في فهد يشبك نوره كانت جسر بينهم بس ما قدرت .. فهده كانت مصدوومه ما تتخيل تشبك وحده تعرفها و علاقتهم اول قويه و هبال
شلون تصير خويتها بس !!
نرجع لبنت راعي الباص " لمييييس " كانت حاقده على غاده و فهده و كانت تبي تنتقم منهم .. حاولت اكثر من مره ترجع غاده بس ما رجعت و طمرت في راسها فكرة الانتقام ..
فتحت لميس جهازها و زي كل يوم بتشوف وش اخر الاخبار عن مدرستهم .. كان في موقع تعارف كلن يفتح له حساب و ينزل صور و يكتبون فيه و تعليقات
و تلقى بروفايل لفهده و صور لها و مسدحه البنات كل الي يردون يمدحون فيها و في خويتها الجديده حقدت لميس اكثر .. و دخلت مسن على غاده
و قالت لها خلاص انا اقتنعت باللي صار و لا افكر فيك خويه خلينا صديقات وبس .. و صارت تسحب منها حكي و غاده المخ صدقت لميس
انها بتصير صديقه وبس ولا تفكر في شي ثاني و صارت توريها صور لها هي و فهده يوم راحت لها و كانت لميس بنت راعي الباص تجمع في الصور و ترفعها على النت
و راحت نزلتها في البروفايل و تسب فيهم و اخلاقهم .. !!
غاده و فهده تشوهت سمعتهم و صار الكل ما يماشيهم حتى علاقتهم هم نفسها توترت موب مثل اول و المدرسات بعد عرفوا عن الموضوع وصلتهم السالفه
و راحوا كلموا اهل غاده لأن فهده واضح اهلها ما منهم رجا..
غاده امها عرفت كل الموضوع و صارت مشكله بينها و بين بنتها .. الى ما نقلت من المدرسه و صارت فهده وحييده لا صديقات و لا خويّه !
و سمعتها شيينه .. صارت تفكر وش الحال وصلها و الاخطاء الي سوتها و المشاكل الي صارت لها بسبب بدايه تافهه
كان في كثير بنات مثلها بالستايل الشكل و التفكير و كل وحده تقلد الثانيه و يشوفون من اكثر رجوله و خويّات ..!
غير الصور الي في النت و انتشرت بين الناس و الكل يتكلم فيهم و سمعتها الي راحت .. من تغيير خلقتها و طبيعتها !!
ضاقت الدنيا في فهده و طلعت لراكان اخوها و سحبته غصب للسياره ..
فهده وهي تلعب بالمفاتيح : روكي شف انا قااافله معي و خذت مفاتيح السياره امش نطلع و هالمره موب لفه و نرجع
ابمسك خط الى مدري وين بفرغ شوي قم !!
راكان : فهده تبين توهقينا ؟ علميني وش صاير لك طيب يمكن اساعدك؟
فهده : شف انا رايحه فيك و لا بدونك .. يا تجي يا فمان الله !!
و يطلعون فهده و اخوها و يمسكون خط سريع الظاهر ما يردهم الا الخرج !
كانت فهده تسوق و مسويه معصبه و قافله اخلاقي و خروا عني الا و تشوف قدامها شرطي و تقمط و تسحب اخوها و تطمر وراا .. تصاارخ : سق انت ياا ثووور لا يقفطنا ذاا
و من الروعه وقفوا على جنب و جا الشرطي يشوفهم و يوقفهم شك في امرهم .. و يكلم فهده .. :
الشرطي : اخوي موب انت تو كنت تسوق . ليه سحبت الي جنبك ؟
فهده بصوت رجولي : قسم بالله موب قصدي بس كنت معصبه و زعلانه و طلعت !!
الشرطي : معصبه و زعلانه !! انتي بنت و لا ولد ؟؟
فهده تمسكها صياح و لا قدرت تحكي حست انها كبت عشاها !!
و السبهه راكان جلس يصيح معها و يقول للشرطي خلاص بنرجع البيت و انا الي اسوق موب اختي بس لا تفضحنا !!
الشرطي منلخم وش اخته بس !! هذي بنت اللحين ؟!
سكت شوي و راح للسياره يوم رجع قال انتم عيال الفلان ؟ جايهم بلاغ عن واحد و اخته ضايعين
و فكوها صياح صدق صارت فضيحه !!
المهم نشبوا مع هالشرطي الا بوديكم المركز و هم معيين يصيحون يبونه يسامحهم .. بس جاي بلاغ عنهم و هو مسكهم اللحين اي شي يصير لهم
في مسؤوليته و يوديهم غصب للمركز و جا ابوهم المسكين و صار كل شي فوق راسه ..
راكان و فهده تعاقبوا في البيت و ابوهم سائت حالته موب ناقص بعد مشاكل عياله زياده على المحل ما صار يدخل مثل اول اوضاعهم الماديه تدوهرت !!
و صارت مشاكل مع زوجته عشان اهمالها لبيتها و عيالها و فضيحتهم الي صارت لهم بعد طلعت راكان و فهده .. و سعد المسكين
يحس انه مسؤول عن كل شي و لا قدر يسوي شي لأهله و صاير ضاايع بين هالحوسه كلها..
فهده كانت تحاول ترجع لطبيعتها ما قدرت كان شي صعب عليها .. كذبه في البدايه و صدقتها .. كانت تبي تلعب و تنبسط و
تقليد اعمى و النتيجه و لا شي كلها انقلبت ضدها من كل النواحي.. وكرهت اليوم الي سمعت فيه هالسؤال
انتي بويه و لا كيوت !!!
وتمت الحلقه بحمد لله
اتمنى انها تكووون اعجبتكم
وشكرا على حسن المتابعه
لBR0o0NZ
موضوع: أنتي بوية ولا كيوت ؟ 
الإثنين أغسطس 02, 2010 8:45 am
اقراااها وقلت لاازم اشاارركها مع حباايب منتدى بوويه 
أتحفنا 
