غيرك حرام اعشق بشر صدقيني

"





طالت دروب البعد وين المسافات
.. .. .. .. كل الطرق , تقفلت صدقيني ..!!
كل الاماني شارفت للنهايات
.. .. .. ..وكل الغصون الذابله تنتشيني ..!!
شوفي عيوني تنثر اليوم عبرات
.. .. .. .. لا نوم يقبل والسهر معتليني ..!!
عشرينتي والدرب كله متاهات
.. .. .. من بعد شوفك مابقى شيً فيني ..!!
عمري قضيته بين صبر ومعانات
.. .. .. راحت سنيني والفرح يرتجيني ..!!
راحت سنيني ضايق(ن) طول الأوقات
.. .. ..راحت سنيني والاسى محتويني ..!!
كتبتلك من نبض قلبي عبارات
.. .. .. بإحساس مُفعم من بقايا حنيني ..!!
غنيتها وصوت الحزن فيه نبرات
.. .. ..والضيق يصرخ بين قلبي وبيني ..!!
عسى عليّ تعود لوقت البدايات
.. .. .. كانـك على عهد المحبه تبيني ..!!


دام الهوى عندك غياب ومسافات
.. .. .. انا بدوونك اسأل الوقت / ويني ..!!
وختام هرجي كلمةٍ واسمع الآت
.. .. ..غيرك حرام اعشق بشر صدقيني ..!!