روايه سميتك معشوقي

يلام هذي روايه قريتها واعجيتنس وححبيت انقلها لكم واذا شفتتفاعل بكملها
ليه يادنيا دمعتي دايم تقتل ضحكتي
ليه الفرح يادنيا الحزن غايب عن حياتي
ليه على درب الوهم تسابق خطوتي
ليه الألم مخلوق فيني بكل حالاتي
اسهر مع القمر وعلى خدي عبرتي
وبدم قلبي تنزف حروف ابياتي
حاولت اداري احزاني واعيش بوحدتي
حاولت ارسم الضحكه رسم على شفاتي
لقيت الألم يادنيا الحزن تعبر به نظرتي
لقيت كل الأحزان مصدرها من ذاتي
كان الأمل في لليلة يأس هو شمعتي
واليوم اصبح وهم هو سبب كل معاناتي

(البــــــــــــــــارت الاول)




عايئلة سالم
سالم : رجل كبير بالسن ولكنه ظالم وليس في قلبه رحمه مع زوجته سعاد ولا بناته
عنده 6 بنات
هند (اكبر خواتها وعمرها 40 سنه متزوجه وعايشه مع زوجها بالجنوب
ابتسام ( متزوجه وعمرها 35 سنه وعايشه بالشرقيه مقر اهلها
شمه ( متزوجه وعمرها 32 سنه عايشه بالشرقيه مع زوجها
ناديه (عمرها 28 توها متزوجه وابوها مزوجها شايب
تسنيم (عمرها 22 اجمل خواتها وانعمهم وتنتظر دورها بظلم ابوها
هيفا ( اصغر البنات وعمرها 20 سنه وفيها شبه كبير من اختها تسنيم


باقي الشخصيات بيرد ذكرها مع احداث الروايه

سالم جاي من بره فرحان : سعاد تعالي ابيك بموضوع
سعاد في قلبها ( الله يستر شكلها مصيبه جديده ) : طيب انا جايه
سالم والفرحه مو سايعته : حصلنا على كنز
سعاد : كنز؟
سالم : أي كنز ياوجه الفقر.. كنز ماتحلمين فيه
سعاد قرصها قلبها وخايفه : سالم ادخل في الموضوع.. وش قصتك؟
سالم : تسنيم جايها عريس
سعاد وهي مستغربه : بس تسنيم محجوزه لولد اخوك
سالم وهو يضحك بخبث : ههههههههه أي ولد اخوي واي ولد فقر ... تسنيم جاها عريس مليونيييييييييير
سعاد : ........
سالم وهو يتكي ويمسح على لحيته : بنتك بتدخل علينا كنز ماحلمنا فيه من قبل
سعاد : سالم انت شقاعد تقول ؟؟... ومنو اللي خاطبها
سالم : انتي لاتسألين مين اللي خاطبها... قولي كم بيدفعون عليها مهر...
سعاد : .......
سالم وهو يفكر بخبث ومنسدح وحاط يدينه ورا راسه ومبتسم : ........
سعاد : سالم فهمني وش اتفقتو عليه؟
سالم وهو يجلس : شوفي ياعجوز النار .. تسنيم راح تتزوج ولد مليونير من الرياض وراح يدفع لي مليونين ريال
وشرط علي ازوجه احلى بناتي وانا وافقت
سعاد : مليونييير وياخذ من بناتك؟؟؟؟... قلت بنات الناس؟؟؟
سالم : أي وش فيها؟؟.... هم دورو لولدهم زوجه ماحد قبل فيه .. بس انا قبلت فيه عشان الفلوس .. عادي حتى لو تزوجها وطلقها مو مشكله|.. اهم شي المليونين .. تراها بتغير حياتنا>>> وبدا يفكر بمشاريعه
سعاد بتردد : سالم
سالم : اووووهوووووه لاتزنين على راسي وروحي بلغيها ان زوجها بياخذها بعد بكره ولا في عرس لانهم مستعجلين وبيرجعون الرياض بعد بكره وهي راح تكون معهم ... |(|وبصرخه) ســــــــــــامعه؟؟
سعاد مستغربه : طيب انا بقول لها... بسسسس...
سالم : لاتبسبسين .. انا عارف وش تبين تقولين.. الولد ماحد قبل فيه لانه معاق عقليا .. يعني تصرفاته مثل الطفل ومافي امل يجيب عيال .. وهم يبون يزوجونه عشان زوجته تكون له مثل الخدامه وتهتم فيه وتكون معاه بنفس الغرفه عشان هو تجيه نوبات صرع احيانا
سعاد خلاص ماقدرت تستحمل اللي قال سالم وصارت تصرخ بوجهه : ياظالم ياللي مافي قلبك رحمه .. انت مافيك ذرة عطف على بناتك .. كل وحده فيهم رميتها بنار .. اللي زوجتها بعييد ماتعرف عنه شي وذابحها طق ليل ونهار واللي زوجتها شايب كبر جدها .. والحين تبي تزوج تسنيم معاق ومصروووع وبيوديها للرياض وبدون زواج بعد!! .. وش القلب اللي في احشاءك!! حجر؟؟؟ مايحس بمشاعر اتجاهي او لبناتي >> ودخلت بنوبة بكي
سالم معصب : شوفي انتي.. لو اسمع كلمه ثانيه وربي اقطع لسانك فاهمه؟؟؟؟... وبالنسبه لتسنيم والله لو عرفت انك قايله لها ان زوجها معاق لاذبحك وارميك للكلاب سامعه؟؟؟
سعاد وهي تبكي وتهز رسها بـ ايه :............




في قصر من قصور المليونير عبد العزيز الـ...... تعيش عائلته بكل ثراء واحترام ممن حولهم
تتكون هذه العائله من
الاب عبد العزيز ( طيب بعض الشيء ولكنه يتصنع القسوه بحكم مركزه << عشان ماحد يقط الميانه ويستغل طيبته)
الام منيره ( شرسه بكل ماتعنيه الكلمه وكل همها تدلع عيالها وتعيشهم براحه ولا ترفض لهم طلب ابد)
عبد العزيز ومنيره عندهم ثلاث اولاد وبنت
فهد : مريض بالاعاقه الفكريه وتجيه نوبات صرع ويتناول ادويه لمنع حدوث نوبات الصرع وفيه ربو حاد ويستخدم بخاخات ودايم تكون معاه (عمره 38 سنه طوله بين الوسط والقصير وجسمه نحيف مرره عيونه صغيره وانفه صغير وفمه متضخم وفيه ثقل بالكلام وتصرفاته مثل الاطفال == يعني كنه طفل عمره 6 او 7 سنوات ==
طبعا منيره اول ماولدت بفهد وخبروها انه فيه اعاقه خافت انها تحمل مره ثانيه لانها تتوقع بتجيب عيالها كلهم مثله لكن بعد ماهددها عبد العزيز انه بيتزوج عليها وطمنها الاطباء ان الحاله هذي نادره تطمنت وحملت علشان تمنع زواجه من غيرها وجابت سيف وفيصل وندى
سيف : عمره 28 سنه ( مغروووور ومتكبر ورافض فكرة الزواج .. لكن حاجزين له بنت عمه سحر..كان يموووت في اخوه فهد ودايم مهتم فيه) وسيم جدا طويل وجسمه عضلي بشرته فاتحه وشعره ناعم واسود ومغطي رقبته من كثافته ونعومته ..عيونه وساع وخشمه سلة سيف .. مسوي سكسوكه محدده رسمة شفايفه الورديه>> طبعا له شركه خاصه فيه
فيصل : عمره 25 سنه خاطب بنت عمته نوره (وقته كله بالشركه والا بيت خطيبته ولا يدري وش يصير بالقصر لانه دايم بره ولا يرجع الا وقت النوم بس) كان شكله يشبه اخوه لكن سيف ملامحه احد من فيصل وله شركه خاصه فيه مثل سيف
ندى : عمرها 23 متزوجه ولد عمها (حبوبه وعكس امها مافيها كبرياء ولا غرور مع انها جميله جدا ومرحه وهذا اللي محبب زوجها فيها)

عبد العزيز وهو يضغط على اسم زوجته ام فهد وبعد فتره : الو منيره
منيره : هلا وغلا حي الله هالصوت
عبد العزيز : الله يحييك .. المهم انا داق عليك عشان اقول لك لقيت بنت حليوه لولدي فهد
منيره باستغراب : بنت حليوه؟؟؟؟؟.... وش قصدك؟
عبد العزيز : قصدي معروف .. بزوج ولدي ولقيت له وحده فقيره ودفعت مهرها مليونين
منيره بعصبيه : وانا آخر من يعلم؟؟؟؟
عبد العزيز بهدوء : منور حبيبتي .. انتي تدرين اني ماظمن الاجنبيه .. على الاقل السعوديه بيحن قلبها على الولد
منيره : بس فهد مايفهم للزواج كيف تزوجه؟؟؟
عبد العزيز : انا زوجته عشان ولدي محتاج للي تهتم فيه وتكون معاه بالغرفه خاصه ان نوبة الصرع تجيه وهو نايم ومايمه احد بالغرفه .. وعلى الاقل تكون اللي معاه بالحلال .. انتي تدرين ان فهد الحين عمره 38 سنه والخدم يخافون منه ومن تصرفاته والاحظهم يبتعدون عنه لانه اسلوبه صار عصبي مررره
منيره : طيب واللي بتزوجها ولدنا بتعرف تتعامل معاه؟؟
عبد العزيز : عاد انتي فيك الخير والبركه .. علميها كل شي عنه ماعدا السر اللي بيننا مابيه يطلع سامعه؟
منيره بتنهيده : طيب .. متى بترجعون؟
عبد العزيز : بعد بكره الصباح بنجي بالمروحيه
منيره : طيب والملكه متى؟
عبد العزيز : اليوم
منيره : طيب والبنت تدري عن حالة فهد؟
عبد العزيز : والله عاد انا مادري عن ابوها .. اللي يهمني انها بتكون حلال لولدي وتخدمه وانا شرطت على ابو البنت وهو وافق لاني دسمته فلوس
منيره بخوف : بس خايفه تسوي بولدي شي بنت الفقر
عبد العزيز :لاتخافين احنا بنراقب تصرفاتها ولو تغلط بيكون حسابها عسير
منيره : طيب يابو فهد تكفا لاوصيك على ولدي وحط بالك عليه وين
عبد العزيز : لاتوصبن حريص




في بيت سالم كان الجو هادئ
تسنيم : هيفا الله يعافيك .. عندك بنادول؟
هيفا : ايه عندي .. خير عسا ماشر؟؟
تسنيم : مادري حاسه مصدعه .. في حلم دايم يتكرر .. بس احس انه مايبشر بخير
هيفا : تعوذي من بليس واقري قرآن قبل تنامين
تسنيم : الله يجعله خير ويبعد عني الشر
هيفا : آمين يارب
دخلت سعاد على البنات
سعاد : السلام عليكم
هيفا وتسنيم : وعليكم السلام
سعاد : شفيكم دايم في غرفتكم ماتطلعون؟؟... انا امكم في نفس البيت وياكم واشتاق لكم .. على الاقل جلسو جنبنا مافي الا انا وابوكم بس
تسنيم بقرف : يممه انا مالي خلق اجلس جنب ابوي
سعاد باستغراب : يوه يوه يوه وش هالكلام ؟.. هذا ابوكم مو غريب .. وبعدين عيب تقولين عن ابوك كذا مهما يسوي لازم تحترمينه
تسنيم : انا مانكرت انه ابوي بس بصراحه كلامه ينرفز ومعتبرنا عاله عليه .. غير السب والشتايم اللي يرميها علينا ماكنا بناته
هيفا : بصراحه يممه كلام تسنيم صحيح .. كذا مره يشعمني ويطردني كنه مايبي يشوفنا بوجهه واحنا اختصرنا عليه الوضع وجلسنا بغرفتنا بكرامتنا
سعاد بتنهيده : هذا انتو ماعشتو معه الا كم سنه ومو مستحملين اسلوبه.. فكيف انا اللي عشت معه سنيين طويله وماغير مقابلته 24 ساعه وانام معه في غرفه وحده وهذاني مستحملته عشانكم يابناتي .. والله لولا خوفي من ربي وخوفي من انه يحرمني منكم كان ماعشت معه كل هالسنين وريحت نفسي من معاملته القاسيه
تسنيم : يممه انتي غير .ز انتي تعودتي عليه بس احنا حتى مايفكر يشوفنا ولا عمره وله على شوفتنا.. حتى خواتي المتزوجات عمره ماسأل عنهم
سعاد : وش نسوي بعد مالنا الا الصبر من الله.. الله يصبرنا
هيفا وهي ترفع يدينها فوق : آآآمييين
تسنيم : ههههههه
سعاد بحزن : تسنيم
تسنيم : لبيه
سعاد : جعلك تلبين في بيت الله.. تعالي معاي بكلمك بموضوع
هيفا وهي فاتحه عيونها للآخر وحاطه يدينها على خصرها: الله الله بس .. يعني انا مالي كرت في هالبيت؟؟.. مافي الا انا لحالي وش له الاسرار والمساسر؟؟؟
تسنيم وهي تبتسم : أي يمه مافي داعي .. قولي اللي عندك .. انا وهيفا مانخبي شي عن بعض
سعاد : طيب يابنتي .. مابي احد يقاطعني وانا اتكلم طيب؟
هيفا حطت يدها على فمها يعني ماراح تتكلم: هممممم
تسنيم بضحكه على حركة هيفا : طيب يممه قولي وماراح نقاطعك
سعاد : يابناتي انتو عارفين ظلم ابوكم .. وانه مستعد يبيعكم عشان بس مايخسر ولا فلس وينفق عليكم .. ومثل ماصار لاخواتكم وزوجهم بيجي دوركم
تسنيم فهمت ان ابوها ناوي يزوجها لان كلام امها صار واضح بس ماقاطعت امها لأن الدموع بدت تتجمع بعيونها وماقدرت تتكلم وبنفس الوقت تبي تسمع كلام امها للآخر عشان تتأكد اكثر
سعاد : تسنيم
تسنيم وهي تناظر امها : ......
سعاد : في واحد متقدم لك من الرياض وابوك وافق وهو ولد عبد العزيز الـ.......
هيفا وهي تشهق بفرح : لاتقولييين يمممه.... عبد العزيز مليونير شلون يتقدم لاختي؟
تسنيم :............
سعاد : دفع لابوك مليونين ريال والملكه بتكون اليوم.........










7
7
7
7





نشر -
مشاركة هذا الطرح في
DiggDel.icio.usTechnoratiTwitteradd to facebookاضف هذا الموضوع بملفك في الفيسبوك

روعه الروآآيه كمليهآ

بصراحه زعلت كثير مافي تفاعل

حين بثت الاحزان في روحي بين الليل والنهار
حين رسمت لحياتي حطام الياس والانهيار
ظلمتني الدنيا
مابال القدر لا ينصفني
مابال الحياة لا تؤنسني
بل ترميني وتجرحني
تجرحني دون ان تداويني
مابال الدنيا تأسرني
تجرفني في بحر ادمعي
اجر هزائم واقعي
ابحر في سفينة بلا شراع
حيث لن اعاني رجفة الموت والصمت والارتياع
ظلمتني الدنيا
مهما كانت الحياة ومهما تشعبت المدارات
لن ولن انسى هذه اللحظات
هي لحظات انكساري



(البـــــــــــــارت الثـــــــــــــاني)




تسنيم حست ان احد صافعها كف على وجهها : اليوم؟؟؟؟؟
سعاد : ايه اليوم
تسنيم بحزن : وولد عمي؟؟؟؟؟
سعاد : ادري يابنتي انك تعلقتي فيه .. بس وش نسوي .. حكم القوي على الضعيف
تسنيم وهي تبكي : ليه يما .. ليه ابوي يكرهنا كذا ؟؟.. احنا شسوينا فيه عشان يعاقبنا بهالطريقه؟؟
سعاد : يابناتي .. ذنبكم انكم بناته .. ماقول الا حسبي الله ونعم الوكيل
هيفا بحزن : تسنيم تكفين لاتقطعين قلبي ... يمكن هاللي تقدم لك يطلعك من ظلم ابوي
تسنيم وعيونها تدمع وتطالع امها برجا : تكفين يما اقنعيه يرفض
سعاد : كيف يرفض وهو بيدفع له مليونين؟؟؟..انتي عارفه ان ابوك يموت على الفلوس
تسنيم بفقدان الامل : يعني خلاص ؟؟مافي امل؟؟.... انا مجبوره اتزوجه
سعاد بحزن : ايه ... وماراح يسوون لك زواج .. بعد الملكه بياخذك معه على طول الرياض
تسنيم بصدمه : انا حتى ماستعديت وش هالزواجه هذي؟؟
هيفا : أي يممه ماتدخل في العقل .. شلون توصلون لها خبر انها انخطبت وبتملك وبياخذها نفس اليوم مايصييييير
سعاد باستسلام : هذي اوامر ابوك يابنتي ومافي شي بيوقفه عن اللي يخطط له
تسنيم بحالة صدمه :... الله ينتقم منه
هيفا : بس يمه معقوله بيزوج ولده وحده فقيره؟؟.. انا ماخبر ان الاغنياء مثل عبد العزيز يفكرون يزوجون اولادهم الا من مستواهم
سعاد :..........
تسنيم : يممه
سعاد : هلا
تسنيم بعد صمت دام ثواني : انا موافقه
سعاد : ..........
هيفا بهبال : دامه ولد مليونير... هذا انحذف عليك من السما... لازم توافقين
تسنيم : مو عشان ولد مليونير
سعاد وبنتها هيفا يطالعون في تسنيم يبون تفسير :............
تسنيم بضحكة استهزاء : لان اساسا وافقت والا ماوافقت غصبا علي ابوي بيزوجني اياه ..
هيفا : معروف اصلا
تسنيم : الله ينتقم منك يايبا
سعاد : استغفر الله .. عيب يابنتي هذا ابوك
تسنيم بحزن : ابوي بالاسم بس
عم الهدوء بالغرفه وكل وحده غرقت بسرحانها .. وش راح يكون مصير تسنيم مع ولد المليونير .. وكيف راح تعيش مع هالعائله الغنيه وهي متعوده على حياة الحرمان والفقر
قطعت سعاد جو السرحان : يابنتي لاتنسين خالتك ساكنه بالرياض زوريها ولا تقطعين تراها تحبكم واكيد بتفرح لانك بتكونين قريبه عندهم
تسنيم : ان شاء الله... طيب يممه متى راح يكونون موجودين ؟
سعاد : على المغرب بيكونون موجودين
هيفا : طيب وش بتلبسين؟؟
تسنيم : مادري والله .. كل ملابسي قديمه وتفشل
هيفا : خلاص ولا يهمكم .. عندي الحل
تسنيم : .......
هيفا : لاتطالعوني كذا ثواني بس واجيكم بأحلى ملابس
تسنيم : تعالي انتي يامجنونه .. لايكون بتسرقين لك محل؟؟؟
هيفا : هههههههههههههه لا ياحبيبتي انتو انتظرو وانا دقايق بس واجيكم اعلمكم اوكي؟
طلعت من الغرفه وخذت جوال امها ودقت على ناديه (طبعا ناديه مع ان زوجها كبير بالسن بس مدلعها للآخر ولا يقصر عنها بشي وعاد ناديه تموووت بشي اسمه سوق وذوقها روووعه في اختيار الملابس ) وهيفا كلمتها وعلمتها بالسالفه كامله
ناديه : ولا يهمك الحين اروح السوق واشتري لها كل شي .. عطوني مهله بس ثلاث ساعات عشان اشيل لها السوق كله ومن احسن الملابس والماركات بعد لاتحاتون.. مع ناديه مش حتئدر تغمض عينيك ((وهالاغراض هديه مني بمناسبة زواج اختى العزيزه))
ناديه وهيفا : ههههههههههه
هيفا : يلله باي بروح ابشرهم
ناديه : هههههه باي


********************************

بالفندق كان عبد العزيز يتكلم مع سالم ويتفقون على موعد الملكه وكان سالم مستعجل مرره لان عبد العزيز ماسلمه كل الفلوس.. عطاه مليون وباقي مليون بيسلمها له بعد الملكه وكان عبد العزيز متعمد عشان يغري سالم بالفلوس ولا يغير رايه
سالم : أي خلاص بعد صلاة المغرب بالضبط
عبد العزيز : خلاص .. اهم شي تكون البنت جاهزه
سالم : طال عمرك البنت لو تاخذونها من الحين هي جاهزه باي وقت
عبد العزيز .. اوكي عالموعد .. باي
سالم بفرح : باي
فهد : بابا بابا .. متى تجي العروسه؟
عبد العزيز بابتسامه : اليوم ان شاء الله بنروح بيت اهلها ونجيبها ويانا هنا بالفندق
فهد بفرحه : هييييييييييه وصار يركض بارجاء الغرفه مثل الطفل اللي بيشترون له لعبه
عبد العزيز : بس هاااااه!!....
فهد يوقف فجأه : شنهو بابا ؟؟
عبد العزيز : صير رجال ولا تسوي هالحركات زين؟... لانها اذا شافتك وانت تسوي هالحركات كذا بتضحك عليك
فهد بضيقه : انزين.. بس ماعليه العب الحين؟؟؟؟
عبد العزيز : ههههههه أي العب الحين بس بعد شوي لازم تتنظف وتلبس الثوب وترتب نفسك عشان تشوفك العروس حلو ونظيف طيب؟؟؟؟؟
فهد يهز راسه بـ ايه وهو مستحي :......
اخذ عبد العزيز الجوال وبدا يضغط على الارقام بعدها جاه صوت رجولي : هلا سيف
سبف: هلا ابوي وش الاخبار وفهد شلونه ان شاء الله مبسوط ؟؟
عبد العزيز وهو يضحك : هههههههه الحمد لله بخير كلنا زينين وفهد مبسوط وفرحان
سيف : ههههههه الحمد لله ... الله يدوم فرحته
عبد العزيز : اييييه من قده!!.. معرس
سيف باستغراب : معرس؟؟؟
عبد العزيز : ايه معرس .. خطبت له وبزوجه
سيف :.؟؟؟؟؟؟
عبد العزيز : اليوم ملكته وبعد بكره ان شاء الله بنكون بالرياض
سيف : بس يبا كيف تزوجه وهو مايفهم للزواج
عبد العزيز : لاتعتبرونها زوجته .. حالها حال الخدم .. يعني تهتم فيه وتنظفه لان تعرف ان فهد كبر وصعبه احد يكشف عورته .. الحل الوحيد نزوجه
سيف : وزوجته سعوديه؟
عبد العزيز : ايه سعوديه ومن الشرقيه .. ناس على قد حالهم فقراء .. دسمتهم فلوس ووافقو
سيف : الله يوفقه ان شاء الله .. منه المال ومنها الخدمه هههه
عبد العزيز : آمين يارب .. اخوك ازعجني ابي عروس وهذا احنا حققنا امنيته...عقبالك ياولدي نفرح فيك
سيف يبي يغير السالفه : الله يسعده .. يلله يبا سلم لي على فهد .. باي
عبد العزيز : سيف
سيف : آمر
عبد العزيز: متى بترجع الرياض ؟
سيف : تقريبا بعد شهر
عبد العزيز : الله يجيبك بالسلامه ..انتبه لنفسك.. باي


***************


ناديه وبيده اكياس كثيره : السلام عليكم
هيفا وتسنيم وسعاد : وعليكم السلام
ناديه سلمت عليهم وجلسو سوالف وحش في سالم
ناديه : يلله ياعروس لازم تجهزين مابقى شي ويجون
تسنيم : اووووف .. اعوذ بالله .. اول مره اشوف عروس تتزوج وهي ماشافت اللي بيتزوجها
ناديه : عادي كلنا صار لنا كذا .. عاد مايندرى وش سالفة زوجك .. ابوي كذا طبعه يزوجنا وبعدين نتفاجأ وننصدم.. كنه هدية مغلفه ماتدرين وش اللي بوسطها ... مثلي انا المقروده .. ماتزوجني الا شايب وماعرفت الا يوم شفته بيوم الزواج وانصدمت.. بس الحمد لله اهم شي انه احسن من ابوي وعوضني الظلم اللي ذوقني اياه ابوي.. تعودت عليه والحين انا احبه وامووت فيه
سعاد تخز ناديه عشان تسكت : ايه كلن ورزقه.. ادعي لها بس
ناديه : الله يوفقها ان شاء الله
هيفا : يلله تسنيم قومي تجهزي ترا مابقى وقت
تسنيم قامت وتروشت واستشورت شعرها بالبيت لان سالم مايرضى يخلي بناته يطلعون من البيت.. لبست فستان وردي طويل علاق وكان ناعم مرررره ناعمه و بدي قصير بربع كم لونه مثل لون الفستان.. وخلت شعرها مفتوح وصاير حلو عليها لانها قاصته طبقات على طوله و شعرها اسود يوصل لنص ضهرها وكثيف
http://www.9ll9.com/up/uploads/893e58ee84.jpg

وصل عبد العزيز مع ولده والمليك والشهود .. كانو الشهود من اللي موضفهم عنده حراس شخصيين
عبد العزيز : سالم يلله بسرعه خل البنت توقع وبنمشي
سالم : ان شاء الله بس انتو جلسو تقهوو على ماخلي البنت توقع
عبد العزيز : مانبي شي خل البنت توقع وتلبس عباتها بسرعه
سالم : ان شاء الله طال عمرك
دخل غرفة البنات وبيده الكتاب وطلب من بنته توقع وفعلا وقعت وفي عيونها الدموع لانها بتفارق بيت اهلها ولا وراح تشوفهم كثير ولانها بتكون بعيد عنهم
سالم بحده : يلله لبسي عباتك زوجك يستناك على الباب بسرعه وان تأخرتي والله لاجيك واسحبك من شعرك سامعه؟؟

تسنيم سلمت على امها واخواتها اللي كانو متجمعين كلهم وضمت امها بقووه ماودها تتركها ..فجأه حست بيد تسحبها ... كانت يد ابوها
سالم : هذي هي العروس (كانت لابسه عبايتها ومتغطيه)
عبد العزيز : يلله يابنت اركبي السياره
تسنيم شافت عبد العزيز وحست بخوف
عبد العزيز بابتسامه : تسنيم
تسنيم التفتت له:.......
عبد العزيز حس انها خايفه : زوجك بالسياره
تسنيم في قلبها ( الله يستر ):.....
وصلها الحارس الشخصي للسياره ... ركبت بس مالتفتت للي كان جالس جنبها
تسنيم في قلبها(ياربي ودي اشوفه بس صعبه فشيله التفت عليه شبيقول عني؟؟)
ركب عبد العزيز من الجهه الثانيه (يعني صار فهد بالوسط وعبد العزيز يساره وتسنيم يمينه) الا تكلم فهد : بابا بابا هذي هي العروسه حقتي؟؟؟
تسنيم بعدم تصديق التفتت لفهد وانصدمت من اللي شافت جنبها واغمى عليها على طول لان ماكان عندها علم ان زوجها فيه اعاقه وتفاجأت لما شافته





............فتحت عيونها بثقل وهي تشوف نفسها بمكان غريب... فزت من على السرير بس ماشافت احد جنبها
استرجعت الاحداث وتذكرت اللي صار.. وصارت تبكي بدووون شعور : معقوله يبا بعتني على معاق مايعرف معنى الزواج!!!!... هذا كنه طفل كيف اعامله كزوووج اهئ اهئ اهئ .. الله ينتقم منك يبا اهئ اهئ اهئ
سمعت طرقات على باب غرفتها وتوهقت ماتدري وش تسوي
كل اللي قدرت عليه غطت وجهها باللحاف.. لانها كانت خايفه

فتح الباب بهدوء.......






ياترى مين اللي فتح باب الغرفه على تسنيم؟؟؟
هل بتتقبل فهد يكون بحياتها ام بترفضه؟؟
كيف بتكون معاملة عبد العزيز معاها؟؟
ياترى وش موقف فهد بعد ماحس ان تسنيم انصدمت من شكله؟؟
آراءكم
واتمنى هالبارتين عجبوكم

كملي و اللي يعآفيج كمليهآ

كممملي

عبد العزيز : تسنيم
تسنيم مازالت على حالها
عبد العزيز ميت ضحك عليها بس مابين : تسنيم شيليه عن وجهك انا ابو زوجك وبمثابة ابوك
سحبت تسنيم اللحاف من على وجهها وتناثر شعرها الاسود على وجهها
عبد العزيز انبهر بجمالها و شكلها البريء والطفولي وحب يطمنها ويحسسها بالامان : هههههه خايفه؟؟
تسنيم منزله عيونها :..............
عبد العزيز : شوفي يابنتي .. ادري انك تفاجأتي يوم شفتي ولدي .. ما ادري اذا كان ابوك ماشرح لك وضع ولدي
تسنيم صارت الدموع تاخذ مجراها على خدها الناعم
عبد العزيز : تسنيم .. صدقيني راح اكون لك مثل الاب .. انا عندي بنت وحده والحين صارو ثنتين.. ابيك تعرفين شي واحد بس.. فهد زوجك عنده اعاقه فكريه وتصرفاته مثل الاطفال ومريض .. وانا ماقدر اخلي أي غريبه تهتم فيه وتسيء معاملته .. عشان كذا اخترت بنت فقيره ..لانها متواضعه
تسنيم : ............
عبد العزيز : شوفي ياتسنيم .. انا واثق ان قلبك طيب وتحبين تساعدين مريض ولا اظن ترفضين عمل خيري وتكسبين اجر من ربك .. انتي اعتبري نفسك كأنك في وظيفه ... وانا ماراح اقصر عليك بشي وبمشي لك راتب شهري وسوي فيه اللي تبين.. بس اهم شي تهتمين بولدي طيب؟؟؟
تسنيم انكسسر خاطرها على فهد خاصه ان عبد العزيز شرح لها حالة فهد وعلمها انه مريض بالصرع وانه يحتاج لاحد يساعده ويقوم فيه .. وعجبتها فكرة عبد العزيز يوم قال لها اعتبري نفسك موظفه وتستلمين راتب
تسنيم في قلبها (صح ليه ماكسب اجر في هالمسكين .. انا المستفيده .. منها بكسب اجر ومنها بيمشي لي راتب ومنها بفتك من ظلم ابوي) : انا موافقه
عبد العزيز بابتسامة رضا: شرايك الحين نروح له وتكلمينه!!.. لانه بصراحه يوم شافك طحتي بالسياره خاف عليك .. والحين هو مسكر على نفسه الغرفه لانه يقول انك خفتي منه وماتبينه
تسنيم : ان شاء الله عمي
عبد العزيز : طيب قبل نروح له.. لازم تبينين له انك راضيه فيه لانك تعرفين ان عقله عقل طفل ويبيله معامله خاصه
تسنيم : لاتحاتي عمي
عبد العزيز : قولي ابوي مو عمي!!
تسنيم بابتسامه تجنن : ان شاء الله ابوي .... طيب ممكن اروح له لحالي؟؟
عبد العزيز باستغراب : لحالك؟
تسنيم : ايه لحالي .. عشان مايشك .. وعشان اصلح الوضع .. اخاف يشوفك معاي ومايصدق اني مو خايفه منه وانه السبب باغمائي
عبد العزيز برضا وابتسامه : طيب .. الله يرضى عليك يابنتي



اول ماوقفت على باب غرفته كان قلبها يتسارع بدقاته من الارتباك لانها خايفه من ردة فعل فهد .. لكنها حاولت تسترجع قواها وطقت عليه الباب
فهد : مييين
تسنيم ببشاشه : انا العرووووسه
فهد ارتبك ولا رد عليها :.........
تسنيم : فهد افتح لي الباب.. يلله عاد
فهد : .......
تسنيم : تبيني ازعل عليك؟؟؟؟
فهد :..........
تسنيم : اجل خلاص انا برجع لابوي وبقول له فهد مايبيني عروسته
فهد ببراءه : لاااااا .. انا ابييك.. بس انتي تخافين مني
تسنيم : ومن قال لك اني اخاف منك؟
فهد بطفوله : انتي يوم شفتيينييي خفتي مني وطحتي
تسنيم تبي ترقعها : لا انا كنت تعبانه ولا نمت زين ... عشان كذا طحت .. والحين يوم نمت صرت زينه.. يلله عاد افتح الباب والا ترا بزعل صج
فهد فتح الباب وتخبى وراه
وتسنيم تسوي نفسها ماتدري وتظاهرت انها تدور عليه : فهد وينك؟؟؟....وين رحت؟؟؟
فهد يضحك بدون صوت لانه مايبيها تنتبه له :.........
تسنيم وهي تقرب من الباب : اممممممم .. وصرخت لقيييييييييييتك ههههههههه
فهد يضحك: هههههههه فجأه سكت وجلس على السرير وهو ساكت
تسنيم تفاجأت من شكله لكن هالمره مابينت له لانها ماتبي تجرح شعوره: فهد
فهد وهو منزل عيونه :........
تسنيم جلست جنبه : فهد شفيك؟؟؟.. انت للحين زعلان علي؟
فهد يهز راسه بقوه يعني لأ:...
تسنيم : اجل ليه سكت كذا؟... انت مو فرحان لاني هنا؟
فهد : انا فرحاااااااااان بس استحي (سد وجهه بيدينه)
تسنيم : ههههههه .. تستحي مني؟؟؟..
فهد وهو مازال مخبي وجهه بين يدينه :....
تسنيم وهي تشيل يدينه من وجهه : فهد طالعني
فهد : .....
تسنيم : فهودي ترا صج بزعل وبروح
فهد شال يدينه من على وجهه : لا لاتروحين انا ابيك
تسنيم : ههههه خلاص اجل ماراح اروح مكان وبضل معاك على طول طيب؟
فهد وهو فرحان : ايه ايه قعدي معاي على طول عشان الخدامه ماتطقني
تسنيم تبي تكسب محبة فهد : تطقك؟؟؟؟.... كسر بيدها الحفيره
فهد : ايه تطقني وتخزني بعد
تسنيم بعطف : فهودي حبيبي من اليوم ورايح ماحد بيطقك ولا يخزك دام انا موجوده واللي يرفع يده او لسانه عليك اقصهم له
فهد : يعني بتصيرين امي؟؟
تسنيم : ههههههههه.. لا شنو امك ... انا زوجتك .. واذا بتناديني قول لي تسنيم
فهد انحرج لانه مو عارف ينطق اسمها:......
تسنيم : وش تناديني؟؟؟
فهد : ......
تسنيم : فهد وش فيك؟
فهد : تنيم
تسنيم : ههههههه.. لا ياقلبي مو تنيم ... انطق معاي شوي شوي .. يلله قول .. تسـ .. نيم
فهد : تسـ.. نيم
تسنيم : برافو فهودي .. شف حبيبي .. مو لازم تسرع وانت تنطق اسمي قولها على جملتين لين تتعود اوكي؟؟
فهد : زين....وصار يعود نفسه على نطق اسمها ... تسـ.. نيم

عبد العزيز كان ورا الباب وسمع حوارهم كله ... وحس بارتياح لتسنيم .. وحمد الله انه هالبنت صارت من نصيب ولده.. ورجع ادراجه وجلس بالصاله
تسنيم : اوكي فهودي انا بجلس بره عشان اطالع التلفزيون طيب؟؟؟.. واذا تبي تجي تعال احسن لك من القعده لحالك بالغرفه
فهد : أي بجي معاك
تسنيم : هههه اوكي يلله نروح مع بعض
طلعو وجلسو مع عبد العزيز اللي جالس يقلب بمحطات التلفزيون


**********

منيره : روز
روز (الشغاله): نعم مدام
روحي جيبي جوالي من الغرفه
روز : تيب مدام
خذت جوالها واتصلت على اختها : هلا ام محمد شخبارك؟
ام محمد : الحمد لله .. شلونك انتي ياوخيتي
منيره : الحمد لله
ام محمد : ام فهد وش هالخبر اللي سمعت!!!
منيره : يوووه ...ماسرع وصل لكم الخبر؟
ام محمد : أي والله .. يوم قالو لي ماصدقت
منيره : لا الخبر مضبوط
ام محمد : اجل بتسوون حفله زواج له اذا جا؟
منيره : وش حفلته الله يهديك... هذي بنت الفقر وجهها وجه حفله؟؟؟.... نجلسها بالمطبخ ويخب عليها... هذي الله يسلمك اعتبرها خدامه مو مرت ولدي
ام محمد : بس زين انها وافقت عليه اصلا
منيره بعصبيه : لا ياحبيبتي .. هذي تبي فلوس بس .. والا ولدي وش عرفه بأمور الزواج؟؟
ام محمد : طيب شوي شوي على صحتك لاتعصبين مو زين لك
منيره بنفس العصبيه : سمعي .. أي احد يسألك عنها قولي لهم جايبين له شغاله مو زوجه طيب؟؟... مانبي احد يتكلم ويضحك علينا فاهمه؟؟
ام محمد : الله يهديك .. انا اصلا ماراح اتكلم ولا راح اقول شي .. انا حالي حال الناس سمعت بس .. وبعدين الكل شاك يعني مو متأكدين من الخبر
منيره : ايه اشوا .. بالنسبه لها هذا وجهي اذا قعدت شهر واحد بس .. راح اطين عيشتها واطلع حقيقتها الجشعه
ام محمد : كيف؟؟
منيره : بعدين بتعرفين مو وقته الحين
ام محمد :أهااااا....طيب ماعلينا من هالموضوع .. سحر جايها عريس ... عاد انا قلت مادري .. انتو ساكتين للحين قلت يمكن لقو وحده ثانيه لسيف غير بنتي
منيره : الله يسامحك يعني انا من زمان مكلمتك عن سحر انها لسيف والحين تبدين الناس على ولد اختك؟
ام محمد : بالعكس والله مالقى احسن من سيف
منيره : خلاص انتي عطيني مهله لين يجي سيف من الامارات لان عنده شغل ويبي له شهر ولجا ان شاء الله بفاتحه بالموضوع
ام محمد : خلاص لرجع وكلمتيه عطيني خبر
منيره : ان شاء الله... خلاص اخليك .. باي



***********


عبد العزيز ينادي : تسنيم... فهد
تسنيم : آمر يبا
عبد العزيز : يلله جهزو اغراضكم بنمشي بعد شوي
تسنيم : ان شاء الله
عبد العزيز : وخلي فهد يكون جاهز اوكي؟
تسنيم وهي تطالع عبد العزيز ومنحرجه : طيب
عبد العزيز لاحظ الاحراج عليها : تسنيم وش فيك؟
تسنيم بابتسامه مجامله : لا مافي شي
عبد العزيز : من البدايه قلت لك اعتبريني ابوك واي شي تبينه قوليه لاتستحين .. والا ماستحق اكون بمقام ابوك؟
تسنيم باحراج : لا والله بالعكس بس أنا ابي اشوف اهلي قبل نمشي للرياض
عبد العزيز : ههههههه...
عبد العزيز بابتسامه : الله يحفظك ويستر عليك
عبد العزيز : خلاص روحي لاهلك مع السواق.. بيوصلك بيت اهلك....ربع ساعه وتطلعين.. عشان مانبي نتأخر طيب؟
تسنيم وهي فرحانه : طيب

فهد : بابا بابا بنروح حق ماما؟
عبد العزيز : ايه بنروح للرياض وبتشوف ماما
فهد وهو فرحان : وبتشوف تسـ..نيم؟
عبد العزيز : طبعا واكيد بتفرح فيها وبتستانس لك بعد لانها مشتاقه لك كثير


راحت تسنيم البست عباتها ونزلت ووصلها السواق مع الحارس الشخصي لين بيت اهلها بس ماشافت بالبيت الا امها واختها هيفا .. جلست معاهم وعلمتهم كل شي ..تضايقت ام تسنيم على حال بنتها .. لكن تسنيم طمنتها انهم طيبين معاها وانها ارتاحت لهم .. وانها تبي الاجر من الله
هيفا تبكي : ......
تسنيم : شفيك هيفووه
هيفا : تسنيم بقت ضحيه بالبيت اللي هي انا ... وجاهله مصيري وش بيكون .. انا خااااايفه
تسنيم بحزن : هيفا مصيرنا انكتب لنا قبل ننولد .. ولازم نرضى فيه دام هذا ابونا
هيفا متحطمه : يارب يموووت ونفتك من ظلمه
سعاد : استغفر الله .. يابنات مو زين تدعون على ابوكم.. صج هو ظالم بس في رب يحاسبه..ورضا الله من رضا الوالدين .. المفروض تدعون له بالهدايه مو تدعون عليه
تسنيم وعيونها على الساعه : طيب انا تأخرت لازم اروح .. يلله يما مع السلامه (وباست راس امها وسلمت على اختها وكانت الدموع متجمعه في عيونها .. صدت وهي طالعه وحاولت انها ماتلتفت لهم عشان ماتضعف ..


**********


. طلعت وشافت السواق ينتظرها.. ركبت السياره وعلى طول مرو عبد العزيز وفهد )
عبد العزيز : سلمتي على امك؟
تسنيم : ايه الحمد لله .. وتسلم عليك
عبد العزيز : الله يسلمها .. كان ودي اشكرها لانها ربت بنت نعم التربيه
تسنيم بخجل : تسلم يبا .. ربي يخليك لنا ويطول بعمرك

وصلو ارض الرياض وتحديدا في ساحة القصر
نزلو .. وكانت عيون تسنيم تتأمل جمال القصر .. كانت مبهوره بالمنظر اللي تشوفه.. كانت الحديقه روعه بتصميمها.. دخلو داخل القصر .. وكان كل شي فخم ويبهر بجماله.. حست نفسها كانها تحلم .. وعيونها ضايعه وهي تتأمل الاشياء الموجوده .. كان هالمكان بالنسبه لها اجمل الاماكن اللي شافتها بحياتها ولا حتى حلمت فيه .. استغربت كل شي فيه..جماله ضخامته روعته مناظره تصميمه الوانه الجذابه
كان الخدم كلهم واقفين يستقبلون عبد العزيز وفهد وتسنيم وبعدها طلعت لهم منيره
منيره : هلا بو فهد شلونك؟
عبد العزيز : الحمد لله بخير .. وهو رايح لغرفته .. لاوصيك على تسنيم شوفي كل اللي تبيه ودلوها غرفتها
منيره : ان شاء الله.. هلاوغلا بحبيبي فهودي (ضمته) شلونك ياولدي
فهد : انا زين وفرحان لاني شفتك ..عشان ابي اقول لك اننا جبنا معانا تسـ..نيم عشان تبقى معاي
منيره وباين عليها انها متضايقه وهي تطالع في تسنيم بحقد : انتي تسنيم؟
تسنيم باست راس منيره وبخجل : ايه خالتي ..انا مرت فهد
منيره وهي تبتعد بقرف : طيب طيب تعالي معاي عندي معاك كلام ...وانت فهد حبيبي روح غرفتك ارتاح طيب حبيبي؟
فهد : انزين..
صارت تسنيم تلحق بمنيره لين دخلو غرفه داخليه وكانت روعه بأثاثها وفخامتها
منيره: جلسي
تسنيم : ان شاء الله
منيره :بعد صمت دام ثواني خذت نفس عميق وبدت بالكلام : اول شي احب اقول لك اني كاشفه خططك والاعيبك
تسنيم متفاجأه بكلام منيره :.........
منيره : ثاني شي ... انا عارفه ان جيتك لين هنا من بيت الفقر اللي انتي فيه .. عشان تبين كمن ريال .. مالومك بصراحه ..حالك حال الخدم
تسنيم للحين منصدمه من كلام منيره :.......
منيره : في كلام مهم ابيك تسمعينه الحين وتنفذينه بالحرف الواحد .. مكياج ممنوع ..شعرك ماتبينينه كلش.. عبايتك دايم تخلينها عليك ..يعني لبسك يكون ساتر واسود في اسود مابي ولا شي يبين فيك غير وجهك ويدينك بس.. اولادي اذا هم موجودين ماتجلسين جنبنا .. والا اقول لك لاتجلسين جنبنا كلش .. يعني لاتحاولين تعتبرين نفسك من هالعايله لانها حامضه على بوزك طيب؟؟؟
تسنيم تهز راسها بـ ايه :.........
منيره : يلله قومي طسي عن وجهي يابنت الفقر
قامت وكانت تحاول ماتبين ضعفها ومسكت دموعها .. وقنعت نفسها انها تكون قويه مهما كانت الضروف
توجهت لغرفة فهد وشافته نايم كأنه طفل .. وكان بالغرفه سريرين .. سرير لفهد والثاني لتسنيم
جلست على سريرها وتوسدت على مخدتها الناعمه اللي لامست دموعها من اول مره واستسلمت للنوم


ــــــــــــــــــــــــ

فتحت عيونها لانها سمعت صوت حركه ... التفتت على مكان الصوت
فهد : صحيتي؟؟
تسنيم بابتسامه : ايه صحيت
فهد : يلله الحين صبح ويفطرون.. بنروح نفطر؟
تسنيم : طيب فهودي .. انتظر لين اغير ملابسي طيب؟
فهد : طيب
دخلت الحمام وتروشت بسرعه وطلعت.. لبست عباية الكتف وتحجبت وطلعو هي وفهد من الغرفه متوجهين لغرفة الاكل.. وكان عبد العزيز ومنيره على طاولة الاكل .. انظمو معهم فهد وتسنيم
تسنيم : صباح الخير
عبد العزيز : صباح النور يامرت ولدي .. حياك
تسنيم : الله يحييك يبا (باست راس عبد العزيز ومنيره وجلست جنب كرسي فهد)
منيره : عشتوووو.. اللي عمره ماتبخر تبخر واحترق... متى صار ابوك؟؟.. بنات فقر آخر زمن
عبد العزيز : منيره تسنيم الحين وحده من العايله واللي يهينها ترا كنه هاينني سامعه؟؟؟... واللي في البيت كلهم ابيهم يعرفون هالكلام .. لاحد يغلط على مرت ولدي لان معزتها من معزة ولدي
منيره ماقدرت تستحمل كلام عبد العزيز وقامت من على الاكل : الحمد لله .. انا شبعت

تسنيم : يبا ..كذا انت احرجتها
عبد العزيز : هذي زوجتي وانا اعرف اسلوبها .. هي مغروره ودايم خايفه ان الناس يكونون طمعانين فيها
تسنيم : ولو .. بصراحه انا نفسي انحرجت.. فكيف هي.. مالومها
عبد العزيز : انا ماسويت كذا الا عشان ابيها تعدل اسلوبها معاك
تسنيم : الله يخليك لنا ولا يحرمنا منك
فهد : تسـ..نيم
تسنيم : آمر فهودي
فهد : زهقان ابي العب
تسنيم : خلاص الحين نروح نغسل وبعدها نروح الحديقه واعلمك لعبه حلوه طيب؟
فهد بفرح : يلله
كانت كل يوم تطلع الحديقه مع فهد وتلعبه ... ودايم تراقبه في كل شي وتراقب تصرفات الخدم .. اما منيره لازالت تعامل تسنيم بجفاوه وعبد العزيز يدافع عنها ويهدد منيره لين صارت منيره تبتعد عن تسنيم ولا تحتك فيها ابد ولا يشوفون بعض الا في وقت الاكل بس
فهد تعلق بتسنيم كثير وصار يحبها اكثر من امه لان كل وقتها كانت نجلس معاه في اكله وشربه وتهتم بنظافته ولبسه وتنتظم له بالعلاج وبوقت نومه .. حتى وهو نايم تراقبه كل شوي تصحى وتطالعه وتغطيه وترجع تنام

منيره : فهد حبيبي انا بطلع الحين ويمكن اتأخر وانت خلك بالبيت مع بنت الفقر طيب؟
فهد : انا بقعد مع تسسنيم
منيره : ايه اقعد وياها.. ولجا فيصل اخوك قول له اني طلعت واذا يبي شي يدق علي ... وانتبه لنفسك حبيبي وخذ راحتك بالبيت .. ولحتجت شي هذا الخدامات موجودين
طلعت منيره وعبد العزيز لانهم كانو معزومين على العشاء في بيت ام محمد .. وتسنيم انتهزت الفرصه وشالت عبايتها وحجابها وخذت راحتها وهي تتجول بالقصر .. لان مافي احد بالبيت غير الخدم .. اما فيصل فكان بره يتمشى مع خطيبته .. وسيف مسافر
كانت لابسه فستان ناعم بربع كم وقصير لين نص الساق وشعرها مفتوح وشكلها صاير كنها طفله

فهد : تسسنيم ابي العب
تسنيم : مالومك ياقلبي حتى انا حاسه بملل.. امممممممم .. شرايك نلعب استغمايه!!!
فهد بفرح : أي أي أي احبها يلله نلعب
تسنيم : هههههههه طيب لحظه اجيب ربطه عشان اربط عيوني وادورك
فهد : يلله
طلعت ربطه وطلعو للحديقه .
تسنيم : شوف فهودي .. انا الحين بربط عيوني زين؟؟
فهد : زين
تسنيم : وبقعد ادور عليك .. بس بشرط
فهد متحمس : شنهوووو
تسنيم : لازم تطلع صوت عشان انا اجي اتجاهك ولقربت منك تغير مكانك عشان ماصيدك .. فاهم قصدي؟
فهد بفرح : أي عرفت عرفت يلله سكري عيونك
ربطت تسنيم عيونها وبدت تبحث عنه
فهد : انا هناااااااا .. هههههههههه
وصارت تسنيم تتبع صوته وكل ماقربت من فهد يغير مكانه ويضيعها وهكذا.. دخل فهد القصر لانه حس بالعطش..ومازالت تسنيم بالحديقه تدور على فهد
تسنيم : أهااااا تراني اسمع خطوات رجولك هههههههه. قربت اصيدك .. وضمته بقوه
كانت تضحك بهستيريه وصايره باسلوبها كنها طفله .. كانت تنقز وهي تقول صدتك صدتك ... تحسست جسمه واستغربت ..جسم فهد غير .. والجسم اللي هي ماسكته كان مشدود وباين على هذا الشخص انه طويل وريحة عطره غير عطر فهد ... ........

كملي بس نزلي بارتين

فتحت الربطه اللي على عيونها انصدمت يوم شافت الشخص اللي قدامها

هذا الشخص اول مره تشوفه .. تلاقت عيونها بعيونه .. انبهر فيها .. كان يردد في قلبه هذي مين؟؟

مجرد مارمشت عينه ماشافها الا وهي تركض وداخله للقصر.. ركض وراها بس مايدري باي غرفه دخلت

فهد شاف اللي دخل للقصر وبفرحه : هيييييه سيف اخوي جا سيف اخوي جاااا

سيف وهو ضام فهد : شلونك فهودي

فهد : الحمد لله انا زين .. بس ليه ماتجي دايم مسافر

سيف : عندي شغل بره

فهد : وليه ماخذتني معاك

سيف وعيونه تدور على البنت اللي شافها : مره ثانيه انشاء الله

فهد : شفيك قاعد تدور ضايع عليك شي؟

سيف وهو يرفع شعره من على جبهته : مادري صج والا انا يتهيأ لي

فهد : سيف شفيك تتكلم بروحك؟

سيف بابتسامه : كني شفت بنت داخله

فهد وهو يضحك : أي هذي زوجتي توني العب معاها وقصيت عليها ودخلت اشرب ماي وهي ماتدري ههههههههه

كان فهد يسولف على سيف لكن سيف منصدم وكان يفكر ويتكلم في قلبه ( معقوله هذي زوجة فهد؟؟؟...لا مو مصدق.. ماشاء الله عليها حلوه .. آآآخ بس .. يا الله انا وش قاعده اقول !! شفيني صرت اوسوس ؟؟

فهد : سيف ابي اسافر معاك

سيف : ان شاء الله .. مره ثانيه راح اخليك تسافرمعاي.. بس الحين خلني اروح غرفتي لاني تعبان مررره وابي انام

فهد : انزين انت روح نام وانا بروح العب مع تسنيم

سيف بابتسامة تعب : اسمها تسنيم؟

فهد : ايه

سيف يتنهد (حتى اسمها حلو) : طيب خلاص انت روح العب معها وانا بروح ارتاح .. بس هاه..مابي صوت طيب؟

فهد وهو حاط يده على فمه : ماراح اطلع صوت

سيف باس راس اخوه : يلله باي





**********





سحر : هههههههههه والله اني مستانسه

ايمان ( صديقة سحر) : وش عندك شاقه الضحكه؟؟

سحر : ماتدرين وش قد مبسوطه اليوم

ايمان : جد فرحيني وياك وش مخليك مستانسه كذا؟

سحر : حبيبتي خطيبي بيجي من بره

ايمان : خطيبك؟؟؟

سحر بدلع : ايه خطيبي ... ليه مستغربه!!

ايمان : لا مو مستغربه .. بس توني اسمع انك مخطوبه

سحر: بصراحه انا مخطوبه من زمان بس ننتظر سيف لين يجي من السفر ويتقدم لي رسمي

ايمان : الله يوفقك .. بس تعالي .. انتي تقصدين سيف الـ...

سحر بدلع : ايه هو

ايمان بشهقه : يالساحره وربي هذا البنات مستخفين عليه يجنن .. عليه جمال مو طبيعي

سحر بعصبيه : انتي هيييه...لايكون حاطه عينك عليه.. تراه لي ومو لغيري سامعه؟؟

ايمان : لا حبيبتي انا اللي يسعد صديقتي يسعدني

سحر بشهقه : يالخاينه تبين تشاركيني فيه؟

ايمان بضحكه : هههههههههه .. لا يالغبيه انا قصدي دام انك سعيده انا بعد سعيده من سعادتك لاتفهمين غلط ههههه

سحر بهدوء : أي احسب بعد

ايمان : المهم سحوره لتقدم لك لاتنسين تعطيني خبر عشان افرح لك وابارك لك

سحر : طبعا راح اقول للعالم كله اني خلاص صرت حرم سيف الـ....

ايمان : الله يوفقك حبيبتي .. يلله تامرين شي؟

سحر : سلامتك .. بس انتبهي لايطلع منك الكلام لين يصير اللي في بالي اوكي؟

ايمان : ان شاء الله .. باي

سحر : باي .

آآآخ ياسيف والله ماتكون لغيري .. واخليك تموت فيني ولا تقدر تفارقني لحظه وحده







في الصاله كانت منيره وام محمد يسولفون مع بعض بعد العشاء

ام محمد : شخبار خطيبة فيصل؟؟

منيره : الحمد لله .. مستنانسه

ام محمد : حددتو زواجهم والا لسا؟

منيره : أي ان شاء الله بعد شهرين وهذا هم يجهزون للزواج .. هالايام مانشوف فيصل كثير مايجي الا وقت النوم بس

ام محمد : يووه .. كل هذا يجلس معها؟؟؟

منيره : لا مو كذا .. بس انتي تدرين .. ان سيف له شركه وفيصل شركه.. واولادي مايفضون وهم كل وقتهم بشغل هالشركات .. وبالليل يروح لخطيبته ويتعشا معها ويجي البيت وينام على طول ومانشوفه الا وقت الفطور والغدا بس

ام محمد : الله يكون بعونه .. بس لايضغط على نفسه يجيه اجهاد كذا

منيره : مادري وش اسوي فيهم مايطيعون الكلام

ام محمد : طيب ووووو سيف .. وش صار عليه؟؟.... اقصد متى بيجي يعني؟

منيره : مادري والله ماعطانا خبر اكيد .. ان شاء الله بيجي بعد كم يوم .. هو قال اذ بيجي بيدق علينا ويقول لنا

ام محمد : طيب كان كلمتيه واستفسرتي منه؟

منيره : بعدين اكلمه

ام محمد بضحكه مصطنعه : معقوله ام ماتدري بولدها متى بيجي ؟؟؟

منيره : والله ياختي هالاولاد مايبردون قلبي .. بكره اتصل عليه الصباح واتأكد منه

ام محمد : الله يحفظه يارب

منيره : آمين يارب .. وافرح فيه ... الا وين سحر ماشوفها من قامت من العشا وهي مختفيه

ام محمد : يمكن بغرفتها .. هذا هو حالها كل يوم تتعشا وتدخل غرفتها ولا اشوفها الا يوم ثاني الصبح

منيره : الله يصلح حالها

ام محمد : ندى متى بتجي من السفر مع زوجها .. طولو

منيره : خلهم على راحتهم..خاصه ان علاجها يقولون بيطول

ام محمد : الله يشفيها ... مع انها توها صغيره وش يعجلهم على العيال!!

منيره : أي والله مع ان مالهم الا سنتين من تزوجو .. يلله ربي يرزقهم

صارت منيره تطالع بساعتها .... اووووه تأخر الوقت ولا حسينا .. الحين الساعه 12 خلني ادق على السواق

ام محمد : عبد العزيز وينه اجل

منيره : عبد العزيز من تعشا وهو ماشي وقال لي خلي السواق يوصلك

سلمت منيره على اختها ورجعت القصر مع السواق .. وهي نازله من السياره لمحت سياره ولدها سيف

منيره نادت على الخدم : سيف بالقصر؟؟

الخدامه : ايه مدام .. سيف نوم

منيره : من متى جاي؟؟

الخدامه : سيف يجي على طول روه غرفه نوم

منيره : ماطلب عشا والا شي؟؟

الخدامه : لا مدام مايطلب شي

فهد : ماما ماما ماما .. سيف جاااا

منيره بابتسامه : هلا بولدي.. شفت سيف؟؟

فهد : أي شفت سيف وسلمت عليه .. وقال لي انه بياخذني معاه مره ثانيه اذا سافر

منيره بقرف : طيب وبنت الفقر وينها؟؟

فهد : ماما اسمها تسنيم

منيره : طيب وين طاسه فيه هي

فهد : بالغرفه

منيره بعصبيه : لايكون رزت وجهها عند سيف؟؟

فهد بخوف : لا ( فهد مابين لامه لانه كان خايف على تسنيم عشان امه ماتهاوشها)

منيره تطمن بالها : ايه اشوا





******

في باريس

ندى : نصوري حبيبي متى بنرجع ترا وربي مليت من حياة الغربا

ناصر : انا وش قلت لك قبل نجي باريس؟؟.. مو قلت لك لازم تصبرين لان العلاج بيطول؟؟

ندى بنرفزه : اووهووو.. خلاص ماعاد ابي عيال .. نتبنى لنا طفل من الميتم ونربيه

ناصر : هيييي يامجنونه .. من جدك؟؟.. لا حبيبتي انا ابي طفل من احشائك يحمل ريحتك واسلوبك وحلاوتك.. ابيه مثل امه دلووع

ندى ماده بوزها : قال دلوع قال

ناصر يضحك على اسلوبها : فديت هالبوز .. لاتذبحيني بحركاتك وتخليني اتهور الحين

ندى بدلع متعمد : بالشارع؟؟؟.. وجنب الاوادم؟؟

ناصر بابتسامة خبث : لا مو بالشارع .. لاننا قريبين عند الفندق حبيبتي

ندى بققت عيونها وبصرخه : لاااااا مابي

ناصر يطالعها بنص عين : مافي مابي .. ماحد قال لك تسوين لي حركات اغراء

ندى :نصوري تكفا مو الحين

ناصر وهو ميت ضحك على شكلها المتوهق : هههههههههههه .. لا الحين يعني الحين

ندى : طيب جوعانه ودني مطعم

ناصر : هذا وقت جوع؟؟؟

ندى : ايه جوعانه .. الحين ابي نروح للمطعم >> تبي تتهرب منه خخخخخخ

ناصر وهو يأشر على عيونه : من عيوني .. كم ندو عندي؟؟؟



ـــــــــــــــــــــــــــــ



: فتح عيونه بتعب وثقل لانه انزعج من صوت جواله ... شال جواله وطالع اسم المتصل ورد عليه

موظف الشركه (رائد)| : صباح الخير استاذ سيف

سيف بثقل : صباح النور .. خير رائد وش فيك داق علي هالحزه؟

رائد : الحمد لله على السلامه استاذ سيف

سيف : الله يسلمك

رائد : اليوم راح تكون موجود بالشركه؟..

سيف : لا ماراح اجي اليوم لاني تعبان حدي وماقدر اجي

رائد : طيب في اوراق محتاجه توقيعك ..يصير اجيبهم لك بالبيت؟

سيف : خلاص خلهم لين بكره .. مابي شي يشغلني اليوم.. يلله باي

قام من سريره وتروش وطلع وهو لاف المنشفه على خصره والثانيه كان ينشف بها شعره وبعد ماشالها تناثر شعره على جبهته

دخل غرفة الملابس ولبس له بنطلون جينز وتي شيرت اسود... تعطر ومشط شعره على ورا

نزل الصاله ماشاف احد .. لانهم بصالة الاكل يفطرون .. دخل عليهم فجأه

سيف : السلام عليكم

منيره وعيونها على تسنيم : وعليكم السلام

حطت تسنيم شيلتها على وجهها لانها حست بنظرات منيره وخافت تسوي لها سالفه .. قامت من على الطاوله

فهد وهو ماسك يد تسنيم : وين بتروحين .. انا ماخلصت أكلي

تسنيم : طيب اذا خلصت انا بكون بالغرفه

سيف بابتسامه وهو يبوس راس امه وعيونه باتجاه تسنيم : وجودي يسبب ازعاج؟

تسنيم :......

فهد : لا لاتروحين ابيك تقعدين جنبي لين اخلص والا ترا بقوم

تسنيم وهي منحرجه جلست وهي متغطيه : طيب

سيف وهو يناظر امه : شخبارك يمه ؟

منيره بفرح : الحمد لله على سلامتك ياولدي .. حتى ماتنزلت تقول لنا بموعد وصولك عشان نكون موجودين

سيف بابتسامه : الله يسلمك يمه ... ودي عطيتكم خبر بموعد وصولي بس خفت اعطلكم عن اشغالكم وتنتظروني .. بعدين انا جيت متأخر وتعبان يعني نفس الحكايه

منيره : اهم شي فرحتنا بشوفتك ياولدي .. يانا مشتاقه اشوفك واجلس وياك واسولف معك

سيف : وهذاني موجود متى مابغيتيني وبتشبعين من شوفتي بعد

منيره : فديتك ياولدي .. ومن قال اني اشبع من شوفتك .. مهما جلستو قدامي ماشبع من شوفتكم ياعيالي

سيف : الله يخليك لنا يالغاليه .. الا ابوي ماشفته .. وين هو؟

منيره : هذي حزته يصحى .. الحين يجي عشان يفطر ويروح الشركه.... الا بدخلة عبد العزيز

عبد العزيز: احم احم .. صباح الخير

سيف وقف اول ماشاف ابوه وباس راسه : صباح النور يبا .. شلونك يالغالي

عبد العزيز : الحمد لله .. شلونك انت؟؟.. والحمد لله السلامه

سيف : الله يسلمك .. انا بخير من شفت وجيهكم السمحه

عبد العزيز : متى جيت؟

سيف : وصلت البارح .. بس كان الوقت متأخر . فقلت الحين نايمين واشوفهم الصباح

عبد العزيز : اهااا .. منور بوجودك ياولدي

جلس عبد العزيز عشان بيفطر وكانت تسنيم تبي تسلم عليه لانها من عادتها تبوس راس عبد العزيز كل يوم الصبح احترام له .. بس هي منحرجه من وجود سيف

تسنيم وقفت واتجهت لعبد العزيز وباست راسه وبصوت ناعم : صباح الخير يبا

عبد العزيز بابتسامه : هلا بنتي وين رايحه تعالي كملي فطورك

تسنيم : لا الحمد لله شبعت .. عن اذنكم

فهد : بابا ليه تروح تسنيم انا مابعد خلصت

عبد العزيز : ليه انت توك دادا؟... كل لحالك.. خلاص انت الحين رجال

فهد : انا خلاص شبعت بروح العب مع تسنيم

عبد العزيز : الله يكون بعون هالمسكينه ..

منيره بعصبيه : ليه؟؟... يعني الحين ولدي صار ملعوزها؟.. هي مجرد خدامه بس تخدمه وتستلم راتب

سيف انصدم من كلام امه : يممه وش قاعده تقولين

منيره : مثل ماسمعت .. بنت الفقر طمعانه بفلوسنا مو حب لاخوك

سيف : طيب ولو .. اهم شي هي مهتمه في اخوي ومو مقصره معاه .. والاحظ ان فهد يحبها حيل ومتعلق فيها

منيره بقرف : ساحره ولدي بنت الفقر تبي تستولي على فلوسه

عبد العزيز : منيره ليمتى وانتي تعاملينها كذا؟

منيره : لين ترجع لخرابتها عند بيت ابوها.. هذا هو مستواها

عبد العزيز بعصبيه : سمعيني زين .. ترا طفح الكيل .. مليون مرره وانا اقول لك ابعدي عن هالبنت

سيف : يبا هد اعصابك .. ترا مايسوى تتهاوشون عشانها .. وانتي يما خلاص اتركي البنت في حالها واعتبريها مجرد موظفه عندنا لاأكثر

منيره معصبه : وصلت انك ترفع صوتك علي ياعبد العزيز؟؟... وعشان مين؟؟.. عشان وحده ماتسوى؟؟..

قامت من على الاكل بزعل وراحت لغرفتها





************





: شالت جوالها بغيض ودقت على اختها .. الو

ام محمد : هلا بهالصوت

منيره : هلا فيك

ام محمد : شفيك صوتك متغير؟؟

منيره : ابد مافيني شي بس حبيت ابلغك ان سيف وصل البارح

ام محمد بفرح : الحمد لله على سلامته قرت عينكم بشوفته .. فاتحتيه بالموضوع؟؟

منيره : ماعليه ياوخيتي .. انا للحين مافاتحته .. الولد توه صاحي ويفطر .. وان شاء الله بكلمه العصر

ام محمد : أي ماوصيك تراني عطيت سحر خبر انه بيخطبها

منيره : الله يهديك ياختي لاكان استعجلتي لين نشوف وش يقول سيف

ام محمد : مايبي لها كلام .. من صغرتهم واحنا قايلين ان سحر لسيف

منيره : طيب طيب .. خلاص مثل ماوعدتك العصر اكلمه

ام محمد : لاتنسين تسلمي لي على سيف سلام كثير

منيره : وليه ماتجين انتي تسلمين عليه بنفسك؟.. المهم الليله العشا بمناسبة جية سيف بالسلامه لازم تجون

ام محمد : ان شاء الله .. اكيد بنجي .. سيف غالي علينا

منيره : ولا تنسين تجيبين معاك البنات .. لاني بسوي مفاجأه للكل >>> (ناويه على تسنيم)

ام محمد : مايبي لها كلام

منيره : يلله باي



**********



ام محمد وهي تنادي : سحر.. سحر

سحر وهي نازله من الدرج : نعم يما

ام محمد : تجهزي الليله العشا بيت اختي ام فهد عشان سيف جا من السفر

سحر بفرحه : والله؟... متى جا..

ام محمد : وصل البارح

سحر : طيب يممه راح البس احسن فستان عندي

ام محمد : لازم تصيرين احلى وحده لان كل الاهل بيكونون موجودين هناك

سحر بابتسامة دلع : افا عليك.. طبعا ياماما اكيد راح اكون احلاهم



*******



طلعت تسنيم من غرفتها وشافت الدنيا مقلوبه بالقصر لانهم يرتبون عشان الحفله الليله

تسنيم نادت وحده من الخدم : وش صاير؟؟.. وش قاعدين تسوون؟

الخدامه : مدام منيره يسوي حفلة عشا عشان سيف

تسنيم : اهاااااا... حتى ماكلفو على نفسهم يقولون لي

رن جوالها .. شافت رقم المتصل .. كانت خالتها اللي ساكنه بالرياض

تسيم : هلا خالتي

خالة تسنيم : هلا والله ببنت اختي .. شخبارك؟

تسنيم : الحمد لله مبسوطه .. وانتو وش اخباركم؟

خالة تسنيم : تمااام . حبيبتي.. حبيت ابلغك .. ملكنا على بنتي .. والليله خطوبتها لاوصيك لازم تجين .. على الاقل بدال امك

تسنيم : ان شاء الله راح اجي بس لازم آخذ موافقة ابوي

خالة تسنيم باستغراب : ابوك؟؟؟.. وش دخل ابوك؟؟...هو خله يوافق يخلي امك تجي عشان تروحين تاخذين موافقته..

تسنيم وهي تضحك : ههههه لا ياخالتي .. انا اقصد ابو زوجي

خالة تسنيم : اهاااا ... أي مو مشكله بس انتي حاولي تجين طيب؟

تسنيم : ان شاء الله

خالة تسنيم : يلله باي .. وسلمي على ابوك

تسنيم : الله يسلمك

امممممممممم .. الحين ام زوجي مستحيل راح تخليني احضر معاهم الحفله وراح تحبسني بالغرفه .. ليه ماروح خطوبة بنت خالتي احسن!!!.... انا لازم اروح لابوي عبد العزيز واستئذن منه

رقت الدرج واتجهت لغرفة عبد العزيز وطقت الباب

عبد العزيز : تفضل

تسنيم بابتسامه : زاد فضلك يبا

عبد العزيز يبادلها الابتسامه : خير اليوم جايه لين غرفتي؟؟

تسنيم : الخير بوجهك يبا .. بس انا ..... كنت ابي ........

عبد العزيز : قولي يابنتي لاتخافين قولي اللي تبينه وانا حاظر

تسنيم : بنت خالتي خطوبتها اليوم .. وودي احظر الخطوبه

عبد العزيز وهو عارف ان منيره ماراح تخلي تسنيم تشاركهم بحفلة العشا : خلاص انتي جهزي نفسك وخلي السواق يوديك

تسنيم بفرح باست راس عبد العزيز : الله يخليك لنا ويطول بعمرك يبا ... وطلعت



**********





طبعا تسنيم كانت عندها ملابس جديده ومالبستها لانها مجبوره تكون بعبايتها بالقصر

طلعت لها فستان ناعم من اللي شرتهم لها اختها ناديه وتروشت وسوت شعرها كيرلي ولبست الفستان وحطت لها ميك آب ناعم

http://fashion.azyya.com/attachments...-m6dd79016.jpg



قابلت المرايه بابتسامه رضا واعجاب لنفسها لبست عبايتها وشيلتها وطلعت عشان بتروح للسواق يوصلها بيت خالتها.. وعشان الصاله كانت بوسط القصر لازم تمر على الصاله عشان تطلع ... تفاجأت بوجود المعازيم وماعرفت تطلع وكانت مغطيه وجهها عشان ماحد يعرفها

منيره لمحت تسنيم ومسكتها من يدها وبصوت عالي : لو سمحتو ابي الكل يوجه نظره هنا

الكل التفت لمنيره وللي جنبها واقفه بعبايتها

منيره : انا وعدتكم بمفاجأه .. والمفاجأه هي .. وتأشر على تسنيم .. هذي هي.. واتمنى من الكل ماينصدم ... لان هالبنت هي مرت ولدي فهد ( كانت تبي تفشلها لان على بالها ان شكل تسنيم معفوس ويفشل لكن الصاعقه .....

سحبت منيره العبايه والشيله وانبهر الكل بجمال تسنيم .. والكل ذكر الله من الجمال اللي شافوه

البارت الخامس



جارة منيره : ماصدق منوور .. معقوله هالجمال وخاشته عنا؟؟؟
ام محمد انصدمت من شافت تسنيم اللي عدت على بنتها في الجمال : منور وتقولين شينه وتلوع الكبد؟؟... الله يسامحك بس
منيره متفشله : ههههه لا انا بس حبيت افاجأكم بمرت ولدي وذوقي ههههه ... وبهمس وهي مسكره اسنانها وبتهديد ( زين اوريك يابنت الفقر)
تسنيم مو عارفه وش تسوي لان حتى هي تفاجأت بالموقف اللي مرت فيه
منيره حبت تخلي الوضع عادي جنب المعازيم وبابتسامه مصطنعه: تعالي يامرت ولدي سلمي على المعازيم يبون يشوفونك
بدت تسنيم تسلم على معازيم منيره .. قربت من منيره .. يما انا آسفه ماكنت مخططه اني اكون معاكم .. كنت بروح لخطوبة بنت خالتي ... منيره ماعطتها وجه
تسنيم (الله يستر ) : هلا هلا ..الحمد لله .. وبدت تبتسم للمعازيم وهي كانت تحاتي لانها تأخرت عن الخطوبه
منيره : يلله تفضلو على العشا
تسنيم : يما انا........
منيره : كلي تبن وقضبي ارضك .. وان رحتي مكان حشيت رجولك سامعه؟؟؟
تسنيم فقدت الامل : ان شاء الله ...... دخلو المعازيم يتعشون

كانت متضايقه ومحتاجه تكون لحالها ومحتاجه لجو هادي بدون ازعاج ... دخلت غرفتها شافت فهد نايم ولا حبت تزعجه .. قررت تدور لها مكان ثاني .. دخلت المطبخ وكانو الخدم مسويين فوضى بالمطبخ ... شافت باب صغير بالمطبخ يطلع على خلف القصر اللي كان هاديء ومافي احد
وكان الجو مظلم ويعمه سكوون الليل
انهالت من عيونها دمعات وكأن هذي الدمعات بتطفي نار القهر اللي بقلبها ..... غمضت عيونها وصارت تفكر وتفكر وتفكر فجأه.............................
: وش قاعده تسوين هنا
تسنيم كانت مغمضه لكن يوم سمعت الصوت الرجولي فتحت عيونها بسرعه وبخوف ووقفت بسرعه : انا .....آآآآ........
توها بتهرب الا مسكها بسرعه
سيف بحده : انا ابي اعرف شي واحد بس ... هذي المره الثانيه اللي تتظاهرين فيها انك مانتبهتي لي .. وش قصدك بالضبط؟
تسنيم مصدومه من كلامه :..............
سيف بابتسامة غرور واستهزاء : تحسبيني بنفتن فيك؟؟ ... هذا حلم ماراح يتحقق .. لكن اسمعي .. تدرين لو يتكرر هالشي مره ثانيه؟؟.... راح اشوه معالم وجهك .. (مسك وجهها بيده بقوه ) .. سامعه والا لا؟؟؟؟
تسنيم والدموع تكمل مسارها هزت راسها بمعني ايه :........
سيف وعيونه محمره من الغيض : والحين طسي عن وجهي
ركضت تسنيم بخوف وبسرعه لين وصلت غرفتها ... سكرت الباب غمضت عيونها عشان تهدا اعصابها شوي لبست بجامتها وصارت تفكر بالكلام اللي قاله لها سيف ( هذي المره الثانيه اللي تتضاهرين فيها انك مانتبهتي لي .. وش قصدك بالضبط؟)


***********


في صالة العشا
سحر بابتسامه : اممممم خالتي اجل سيف وينه الحين؟
منيره :مادري والله يمكن مع الرجال بالمجلس
سحر: اهااا .. طيب انا ودي اسلم عليه القاطع
منيره : هو بعد شوي بيروح غرفته لان هذا وقته ينام
سحر : اهااااا ... طيب عن اذنكم انا بروح ارتب مكياجي
طلعت سحر من صالة العشا وراحت تتجول بالقصر على امل انها تشوف سيف
وفعلا ... دخل سيف وسوت نفسها ماتدري وتعمدت تصدم فيه
سيف وهو يبتعد عنها : انتبهي يابنت
سحر بدلع : اوووه .. سوري مانتبهت
سيف وهو يطالع فيها مستغرب بس ماعطاها اهتمام لانه كان معصب وكمل طريقه على غرفته :................
الخدامه تنادي : مس سحر .. مدام ام محمد تبيك
انتبه سيف لاسمها لكن سوا نفسه مو مهتم
سحر : وجع .. كل هذا غرور؟؟؟.... آآآخ بس .. شكله مررره يخقق وبابتسامة خبث .. بس وين بتروح عني .. انت لي لحالي .. وراحت لامها
طلعو المعازيم كلهم ورجع الهدوء في القصر والكل راح على غرفته ونام

ـــــــــــــــــــــــــــــــ


عبد العزيز : صباح الخير
الكل كان موجود فهد وسيف ومنيره ماعدا تسنيم : صباح النور
عبد العزيز وعيونه تدور على تسنيم : وين تسنيم؟
فهد : تسنيم مو راضيه تجي تاكل معنا تقول شبعانه
منيره باستهزاء : هههه هذي بعير لاعشا البارح ولا فطوور؟... الا متفشله بالخزي اللي سوته البارح
عبد العزيز : خير وش سوت هي
منيره : بنت الفقر تبي تسوي نفسها من مستوانا .. متشيكه وطالعه .. فشلتني وصغرت وجهي عند الحريم
عبد العزيز : ليه؟.. هي ماراحت لخطوبة بنت خالتها؟؟
منيره : اساسا هذا عذر من اعذارها السخيفه .. لاخطوبه عندها ولا شي
عبد العزيز : فهد .. قوم ناد زوجتك .. قول لها يبيك ابوي بسرعه لاتتأخر
فهد بفرح : طيب يبا
بعد لحظات
تسنيم دخلت وباست راس عبد العزيز: صباح الخير يبا
عبد العزيز : صباح النور
تسنيم وهي متوجهه لمنيره وباست راسها : صباح الخير
منيره : الا صباح الزفت
تسنيم : آمر يبا .. بغيتني بشي؟
عبد العزيز : ايه .. جلسي افطري معنا
منيره بققت عيونها : عبد العزيز
عبد العزيز بحده : انا الآمر الناهي هنا
منيره ماقدرت تتكلم لانها شافته عصب :.......
عبد العزيز : تسنيم .. ليه مارحتي خطوبة بنت خالتك؟
تسنيم توقهت ماعرفت وش تقول : اممم ..امـــي........ مارضتـــ... لي اروح
عبد العزيز : منيره .. كلام تسنيم صح؟
منيره : ايه .. شعقبه ..يوم فشلتني وشافوها المعازيم .. تقول بروح؟؟؟؟
عبد العزيز : يعني مو غلطة تسنيم .. انا سمحت لها تروح وانتي منعتيها .. والبنت صارت في الطوشه
المهم ..تسنيم كل يوم راح تقابلنا على كل وجبه واللي مو عاجبه بكيفه سامعين؟؟؟؟؟؟
منيره وسيف ساكتين اماا فهد كان فرحان بقرار ابوه

********

رن جوال منيره وطلعت وهي ماسكه الجوال ومتجهه للصاله : الو
ام محمد : هلا منيره .. شلونكم
منيره : الحمد لله
ام محمد : هاه وش سويتي؟.. كلمتي ولدك؟
منيره لا بكلمه بعد الفطور
ام محمد : الله يهديك كان المفروض امس فتحتي الموضوع له
منيره : أي والله بس مافضيت ياعمري لان انشغلت بتجهيزات العشا ولا صار عندي وقت اكلمه
ام محمد : خلاص انتي حاولي اليوم تكلمينه اكيد
منيره بضيقه : طيب طيب.. يلله باي

شافت سيف متوجه لناحيتها .. ابتسمت له ..
منيره : تعال ياولدي ابيك بسالفه
سيف : آمري يما
منيره : مادري كيف ابتددي .. بس بختصر الموضوع
سيف : خذي راحتك
منيره : شف ياولدي .. طبعا انا مو عاجبني وضعك كذا .. اخوانك كلهم متزوجين ماعدا انت .. وبصراحه انا اخترت لك الزوجه اللي تليق لك .. سحر بنت اختي .. واذا ماخطبناها بسرعه يمكن تنخطب من غيرك ولا تصير من نصيبك
سيف (اهااا اكيد هذي اللي شفتها البارح): اوكي يمه انتي فصلي وانا البس
منيره بفرح : يعني موافق؟
سيف بتنهيده : ايه موافق
منيره : طيب متى نروح نخطبها رسمي؟؟
سيف : يمه لاتستعجلين لاني مشغول هالايام .. بعدين يصير خير
منيره : بس هم مستعجلين لان في خطاب جاينها
سيف وهو واقف بيروح غرفته : يممه انا قلت لكم مو مستعجل على الزواج.. واذا هي مستعجله تروح في طريقها
منيره بتضجر : لاحول ولا قوة الا بالله
راح غرفه وبدل ملابسه عشان بيروح الشركه بعدها نزل وطلع للحديقه .. شاف فهد ومعاه تسنيم كانو يضحكون بقوه .. ولاحظ ان فهد مستانس مع تسنيم .. ضحك عليهم لان حركاتهم كنهم بزران فجأه.........
فهد صار يكح بصوره مو طبيعيه
تسنيم : فهد شفيك؟؟؟
فهد يكح اكثر واكثر وبدا وجهه يزرق :.........
تسنيم خافت وبدت تصرخ : فهد شفيك؟؟؟؟؟
جاهم سيف يركض : وش صاير .. شسويتي فيه؟؟؟
تسنيم وهي تبكي : والله ماسويت فيه شي .. كان يضحك وفجأه تغير حاله
سيف : بسرعه جيبيه للسياره
ركبت تسنيم مع فهد بالسياره مع سيف وماكان في وقت يقولون لـ بو فهد او ام فهد
وصلو المستشفى وعلى طول شالوه ودخلوه العنايه الفائقه ... بعد ساعه تقريبا
الدكتور طلع من الغرفه اللي موجود فيها فهد :.......
سيف : دكتور .. طمني على اخوي
الدكتور : اخوك بخير والحمد لله
سيف : بس هو كان يكح بصوره مخيفه
الدكتور : معليش هو مافي حاجه بس الرئتين عنده تعبانه .. هو معاه ربو مزمن .. ومن الطبيعي تجيه ازمه خاصه لما يتغير الجو او يتعب
سيف : طيب نقدر ناخذه معنا الحين؟
الدكتور : لا مانقدر نطلعه اليوم .. راح نخليه عندنا يومين على الاقل
تسنيم وهي تبكي : دكتور تكفا ابي اكون معاه
الدكتور :انا آسف ممنوع
تسنيم : ليه ممنوع .. هذا زوجي ولازم اكون معاه
سيف كان يطالعها وهي تتكلم ومستغرب (معقوله تحبه ومتعلقه فيه لهالدرجه؟؟) : تسنيم الظاهر كلام الدكتور واضح
تسنيم مالتفتت لسيف لانها اصلا كارهته وبترجي : دكتور تكفا ابي اكون معاه
الدكتور : اوكي مو مشكله تقدرين تكونين معاه بس في حاله وحده... تحجزون غرفه خاصه
تسنيم : موافقين .. خلاص احجزو غرفه خاصه
سيف باستهزاء : هههه... والله وصرتي تتحكمين وتآمرين مثل اسيادك
تسنيم : سيف تكفا مو وقته
سيف : دكتور .. وين أأمن له.. في غرفه خاصه والا بالعنايه؟؟
الدكتور : والله بصراحه .. العنايه افضل .. لان الممرضات دايم بيكونون موجودين على طول
سيف بسخريه : اجل خله بالعنايه .. وانتي يامدام تفضلي روحي معاي البيت .. والا تدرين؟؟.. مايشرفني تركبين سيارتي.. دقي على السواق يجي ياخذك (طلع وتركها)
راح للشركه ووقع الاوراق المهمه ورجع البيت بسرعه وقال لابوه وامه عن حالة فهد وقال لهم ان الزياره اليوم ممنوعه وان بكره بيفتحون المجال للزياره
اما تسنيم فكانت متوهقه لان ماعندها جوال عشان تدق على احد ياخذها لانها كانت مستعجله وخايفه على فهد وماخذت جوالها.. راحت للرسبشن وطلبت من موظف الاستقبال رقم سيف لانها مو حافظه ولا رقم
اتصل الموظف على سيف
موظف الاستقبال : السلام عليكم
سيف : عليكم السلام .. مين معي؟
الموظف : معاك موظف الاستقبال من مستشفى .....
سيف : عسا ماشر؟
الموظف : في بنت اسمها تسنيم لها وقت طويل هنا بالمستشفى وتقول ماعندها جوالها .. على الاقل ارسلو لها احد ياخذها من المستشفى
سيف (وربي هالبنت غبيه ) : اوكي راح ارسل لها السواق .. خلها تنتظر بره لين يجيها السواق
الموظف : اوكي شكرا .. باي
ظلت تسنيم تنتظر السواق لين جا واخذها ووصلها القصر .. اتجهت على طول لغرفتها ..وبدت تبكي على حالة فهد .. توضت وصلت ودعت ربها ان يقوم فهد بالسلامه ويرجع مثل اول
في اليوم الثاني
راح سيف المستشفى لحاله وقال له الدكتور ان فهد بخير ويقدر ياخذه معاه البيت بس مايجهد نفسه .. وفعلا جابه القصر ..
اول ماشافته تسنيم راحت له تركض وضمته بشوق ..وصارت تبكي وهي ضامته
الكل استغرب حبها له.. حتى منيره اللي كان قاسي قلبها عليها صارت تبكي لما شافت الموقف .. حست ان حب تسنيم لفهد يفوق حبها له
بعد مرور الايام رجع فهد لحالته الطبيعيه .. وصار البيت يعج بصراخ تسنيم وفهد

**********

ام محمد تعبت وهي تحاتي ... وقررت تدق على اختها عشان يعجلون الخطبه
ام محمد : الو
منيره : هلا
ام محمد هلا فيك .. شخبارك؟
منيره : الحمد لله
ام محمد : وش صار عن سالفة الخطبه؟؟
منيره : الله يهديك اختي لاتعجلينا .. انتي عارفه رد سيف .. وان اصريت عليه راح يبطل كل شي .. كذا مره كل ماغصبته يقول خلاص خلوها تشوف طريقها واي احد يخطبها تتزوج لاتزنون فوق راسي
ام محمد بعصبيه : طيب انتي حاولي تقنعينه باي شي
منيره : والله ياختي عجزت .. كل شي سويته .. حاولت بشتى الطرق مافي فايده كلمته وحده .. دايم يقول لاتستعجلون وانا مو مستعد الحين .. شتبيني اسوي اكثرمن كذا
ام محمد : الله يهديه
منيره : آمين يارب
ام محمد : طيب اخليك .. باي
منيره : باي

سحر : ها يما وش صار؟؟
ام محمد : للحين مافي فايده
سحر : يممه.. عندك رقم سيف؟
ام محمد : ايه.. ليه؟؟... لاتقولين ادق عليه .. بعدين ينزعج ويبطل سالفة الزواج مره وحده
سحر : لا يمه.. من قال انك انتي اللي بتدقين؟؟ ..
ام محمد باستغراب : اجل مين؟
سحر بثقه وهي تأشر على نفسها : أنا
ام محمد : انتي انجنيتي؟؟.. شبيقول عنا؟؟.. هذولا منزغرين يبوني اتزوجها غصب!!!
سحر : يمما انتي عطيني رقمه وبتشوفين
ام محمد : طيب بعطيك رقمه .. بس تعلميني اول وش بتسوين
شرحت سحر خطتها لامها وهي أيدتها .. وعلى طول راحت سحر غرفتها عشان تنفذ الخطه

____________________

في باريس
ناصر : مبروووك ياأحلى زوجه بالدنيا
ندى بفرح : الله يبارك فيك
ناصر : شفتي؟؟... قلت لك اصبري وراح تلقين ثمرة صبرك
ندى : ههههههه فديتك ياقلبي .. واخيرا نجح العلاج
ناصر بخبث : ودام العلاج نجح خلينا نشد حيلنا عشان نجيب كتاكيت صغار حلوين زي امهم
ندى ماده بوزها : وليه مايصيرون على ابوهم؟؟
ناصر : خلاص واحد علي والباقي على امهم
ندى وهي تضحك وتضرب ناصر على كتفه : لا ابيهم كلهم عليك
ناصر : هههههه.. المهم حياتي .. جهزي الشنط وبكره راجعين للرياض
ندى بفرح : اخيرا
ناصر : اشوف مليتي مني.. كني بغير رايي ونتم هنا شهر بعد
ندى : لا نصوري تكفا .. والله اني مشتاقه لارض الرياض ولاهلي
ناصر : بس اهلك؟؟
ندى : ههههههه.. عاد لاتصير طماع.. انت على طول جنبي ماتفارقني
ناصر يبي ينرفزها : الله يسامحك بس.. انا اللي احبك واموت فيك اكثر واحد بالدنيا .. تشتاقين لغيري وانا مخليتني على جنب
ندى مبققه عيونها : نصوري وش هالكلام .. لاتجنني
ناصر بابتسامه : وانا اقدر على زعل حبيبتي؟؟؟.. المهم لاتنسين تجهزين الاغراض من اليوم عشان مانتأخر على الطياره بكرا
ندى باست خد ناصر : ان شاء الله ياأحلى زوج بالعالم

*****


: رن جواله .. شاله وشاف رقم غريب .. الوو
سحر : السلام عليكم
سيف يستغرب الصوت الناعم : مين معي؟
سحر : انا سحر



- سيف كان عاطف على تسنيم لكن فجأه صار قاسي عليها .. وغير كذا وافق انه يخطب سحر... ياترى ليه؟
- ندى وزوجها ناصر راح يرجعون لأرض الرياض وطبعا لأول مره ندى بتشوف تسنيم .. هل بتكون معاملتها معاها نفس امها او العكس
- سحر وامها.. حسو ان سيف متردد على سالفة الخطبه لكن رسمو خطه .. ياترى وش خطتهم ؟؟.. وهل بتنجح والا لا؟

راح نشوف الاحداث في البارت القادم
ولا تقولون اني مقصره