سولفوا تكفون لاعآد تسكتون
قبل لا اهوجس وياتيني بلآي ,!
السكات يزيد طعوني طعون
وتنكسر لاجا على راسي عصآي
سولفوا لو مابغيتوا اتسولفون
قبل لا اقعد في الحزن رايح وجاي
واضحكوا لو بالعماله تضحكون
وجاملوني لو يضايقكم حكاي
لي وليف ٍراح جعله مايهون
هو دواي وداي أو داي ودواي
راح لكن طيف زوله في العيون
مرةٍ قدآمي ومرة ٍ وراي
وان سكتوا جا وهو طيفه يمون
رحت أهوجس له وأبين له ولآي
مكسب عيوني من الفرقـآ مزون
تمطر لطاريه والبرق اصدقاي
كل ماطروه لو هم يمزحون
احرموني من غداي ومن عشاي,!
أدري انه ماتناسى الود كون
تسمع اذنه في قفاي السن عداي
وكانهم قالوا نسيته يكذبون
والا انا فيه أمتلك نظرة وراي
كان حبه لي على خبري مصون
والله ان كني بقدري وبغلاي ,!
ذي بقايا الحب وأطلال الجنون
والله أعلم في ضميره وش بقاي
غير طيعوني ولاعاد تسكتون
والا والله ان اسمعكم بكاي ؟!
موضوع: ( سُولفُوْ / كبير بس الزمَن ماعرف لي ) ,! 
الخميس أغسطس 19, 2010 8:33 pm
