و فعلا كلن راح يسوي اللي قالت عليه شموخ لأنه كان أفضل حل بهالوقت واهم شي انهم تطمنو عليها
....................
نفس اليوم .. الساعه 10 ونص الليل
دخلو ميمو و شموخ غرفة لمى
كانت نوره منسدحه على الكنب بس ما نامت
أول ما شافوها قعدت على حيلها
نوره: وش فيكم استعجلتو !
شموخ: ما استعجلنا إلا تأخرنا
نوره: الله يعطيكم العافيه يا بنات
ميمو: خالتي وين بتروحين !
نوره: بروح بيت إختي أم نجود
ميمو: فيه مين يوصلك !
نوره: إيه السواق عند الباب
ميمو: خلاص أجل روحي ريحي واول ما يصير شي جديد بنعطيك خير
نوره: إيه سجلو رقمي
وسجلو رقمها البنات ..
وبعد ما طلعت ..
جلسو ميمو وشموخ عند الكنب بالمجلس اللي فيه تلفزيون وكانو جايبين معهم أكل
وجلسو يتعشون
ميمو: ما قدرت أحكي معاك مع الزحمه ووجودهم كلهم ما قدرت أخذ راحتي
شموخ ترفع رأسها وتناظر ميمو: ايش !
ميمو: أول شي كيف نفسيتك وأعصابك ؟
شموخ: ااااااه الله يعين بس ويطمني عليها
ميمو: أقدر أسألك سؤال !
شموخ: أمري
ميمو: ليش انكتمتي وانتي تقرين الرساله
شموخ: صديقتك هذي ترفع الضغط
ميمو: ليش !
شموخ: تقول لي أني أقدر انسحب من حياتها إذا ما أبي أتعب لأن الفتره الجايه بتكون متعبه ؤما تبي تتعبني معها أكثر
ميمو: طيب !!
شموخ: وش اللي طيب !!
ميمو: شي متوقع من لمى .. ولا تقولين لي انك ما توقعتي أنها بتسوي كذا
شموخ: لا أنا متوقعه تفكر فيها بس ما توقعت تقولها !! معقوله هنت عليها ؟؟؟
ميمو: بلا غباء .. لأنك ما هنتي عليها قالت لك كذا .. ما تبي تتعبك ..
شموخ : ااااااااه بس
ميمو: اللي يعرف لمى يتوقع ردود أفعالها
شموخ: صادقه .. بس زعلني كلامها
ميمو: لا تلومينها ترى اللي فيها مكفيها و شايله همنا أكثر مما شالت همها
شموخ: دايم هي كذا .. أقول
ميمو: هلا
شموخ: وش كتبت لك عني !
ميمو: قالت لي إن فيك ربو و قالت لا تخلينها تدخن كثير
شموخ: اااااااخ الله لا يخليني منها ومن اهتمامها
ميمو بحزن: تتوقعين تفقد الذاكره
شموخ: والله ما أدري .. بس يا رب لا
ميمو: وش بنسوي إذا ما تذكرتنا
شموخ: بنسوي كل شي بس خليها تقوم بصحتها و لكل حادث حديث
ميمو: يا رب
...........
((لا غبت أحس الدقايق في الغياب تطووول .. وتشب في غيبتك وسط الحشى جمره))
بعد 4 ساعات
شموخ تفكر (اااااااه أول مره من عرفتها تغيب عني هالكثر ... أحسه شهر مو يوم)
يدق تليفون غرفة لمى
شموخ: ألووووو
الممرضه: معاك الممرضه من العنايه المشدده حبيت أقولك أنو لمى صحت و نقلناها للملاحظه وان شاء الله على 9 الصباح راح نرد لكم خبر عن حالتها
شموخ: شكرا لك .. (وتقفل وتصرخ) ميممممووووووو
ميمو كانت غافيه على الكنبه قامت مفجوعه
ميمو: هاه .. وشو .. مين ... وش فيه
شموخ تمسكها من كتوفها وتهزها: صحت صحت صحتتتتتتتتتتت
ميمو: أحلفي (لسى متنحه من النوم شوي)
شموخ: على تراب بس كبرك أمزح معك !
ميمو: طيب وينها !
شموخ: بالملاحظه بيشوفونها الدكاتره بعدين يجيبونها
ميمو: ألف حمد وشكر لك يا رب
شموخ: يارب كمل فرحتي بسلامتها يا رب من كل شي قاله الدكتور
دقت ميمو على خالتها وقالت لها وش صار و أنها لازم تجي على 8 الصباح أو 7
وانسدحو البنات يأخذون غفوه
الساعه 7 يدق الباب ويدخل الدكتور يتنحنح
يقومون البنات مفجوعين ..
يطلعون للدكتور بدون عبايات وانفجع من أشكالهم ولبسهم
شموخ كانت لابسه بنطلون قطني رمادي كأنه حق بجامه وسيع وينفع حق رياضه بعد ولابسه تيشيرت أبيض ساده
و سليبرز أبيض
ميمو لابسه شورت تحت الركبه أخضر وتيشيرت رمادي ونعال رمادي
الدكتور متنح ما قدر يتكلم
شموخ: وش صاير ! لمى فيها شي ؟
الدكتور يهز راسه : هاه لا لا تعالو نجلس اشرح لكم حالتها
وهم يجلسون تدخل أم لمى
عطت البنات نظرة اللي بلعن اصلكم الحين و سلمت وجلست جنبهم والدكتور قبالهم
الدكتور: سوينا فحوصات لمى .. جسديا سليمه و مافيه شي تأثر ..
كلهم: ألحمدلله
الدكتور: عقليا ، هي تعرفت على بعضكم .. يعني الأشخاص اللي تعرفهم من أكثر من 5 سنوات تعرفت عليهم زي أمها و قريبتها .. و وحده اسمها ميمو .. مين فيكم ؟
ميمو: أنا
الدكتور: يبدو إن الذاكره اللي تضررت عندها هي الذكريات القريبه ..
ؤما أحس أنها نستها لكن يبدو أنها مشوشه شوي و تقدرون خلال شهر لو صحت توقعاتي تخلونها تتذكر
أول شي أبيه منكم تواجدكم حولها .. خلوها تشوفكم تسمع أصواتكم سواليفكم
عرفوها على نفسكم و انتم وش تكونون بحياتها .. عاملوها طبيعي جدا وكانها ماهي مريضه
لو ما فاد انتقلو للمرحله الثانيه .. ودوها أماكن تحبها وروها صور أو فيديو إذا كعندكم وهالشي بيكفي صدقوني
شموخ قامت ولبست عبايتها و مشت بتطلع من الغرفه
لحقتها ميمو : وين وين
شموخ: شوي وبجي احتاج سيقاره
ميمو: وش فيك !
شموخ بقهر : ذكرتكم كلكم إلا أنا
أنا ما ذكرتني
ميمو: طيب بخليك تروحين بس بقولك شي يمكن ما انتبهتي له ..
الدكتور قال الذكريات القريبه .. يعني مو بس أنتي حتى نست أنها لها سنه تدرس بالجامعه
ونست كم سنه من حياتها ما أدري كم ؤما أدري كم تحسب عمرها وألا وين تدرس
شموخ: شوي وبجي
وطلعت برى المستشفى عشان تدخن
لما رجعت دخلت هي و ميمو بنفس الوقت
ميمو معها فطور وشموخ ريحتها دخان
إلا نوره باستقبالهم و مسكت كل وحده مع أذنها وسحبتهم للكنب وقعدتهم
وهم بس أي أي أي أي
ويوم قعدو يناظرونها بخوف
نوره: الحين يا قليلات الأدب الدكتور يدخل عليكم وتستقبلونه بهالشكل ! ما تستحون ؟
ميمو: لا والله بس ....
نوره: أسكتي ولا كلمه ما عقب اللي سويتوه تفسير ولا تبرير
شموخ: بس يا خالتي ...
نوره : أقول انطمو يالله وخلوني مره ثانيه أشوف منكم تصرف غلط وشوفو وش بسوى
شموخ وميمو يقومون يبوسون رأسها : أسفين طال عمرك
......................
بعد ساعه ..
يدخلون بسرير لمى للغرفه
و ما شافت أحد لحد الحين إلا أمها
كان شكلها يكسر الخاطر
رأسها ملفوف بشاش كثير
و شبه مصحصحه
و لما شافت أمها جايتها ابتسمت بتعب
أمها تبكي وتبوس رأسها .. ألحمدلله على سلامتك يا حبيبتي
لمى: الله يسلمك
نوره : فهمك الدكتور وضعك ؟
لمى: إيه .. 3 سنين من عمري ما أتذكر منها شي .. أنا بالجامعه ، قسم انجليزي ، عندي صديقات كثار ..
نوره: ميمو رجعت من السفر قبل 9 شهور
لمى: وينها !
نوره: موجوده بس ما نبي نجهدك
لمى: ناديها
نوره: يابنتي ارتاحي الحين و تشوفينها بعدين
لمى: لا أبي أشوفها .. وأبي نجود
نوره: نجود بتجي الظهر طول أمس هنا مسكينه قلقانه عليك
لمى: طيب نادي ميمو
وجت ميمو
حبت رأسها و قالت لها ألحمدلله على السلامه
لمى: ميمو ! وش اللي قالبك كذا !
ميمو: ههههههههههه من زمان يا حبيبتي .. نتكلم في الموضوع بعدين بس ارتاحي الحين
لمى: تدرين أني ما أحب هالاشكال
ميمو: ههههههههههههههههههه طيب لما تقرين رسالتك راح يتغير كلامك
لمى: أي رساله !
ميمو: أنتي عطيتيني رساله قبل عمليتك وقلتي لو فقدت الذاكره عطيني الرساله لما أصحى
لمى: إوكي هاتيها
ميمو: لا .. ارتاحي الحين وبعدين أعطيك
لمى: بلا سخافه .. لي مدري كم ساعه بآلافاقه ارتاح
ميمو: بسال الدكتور أول
لمى عطيني أقول
ميمو: بأي بس بروح اسأل الدكتور
وراحت منها ودخلت الغرفه الثانيه اللي فيها شموخ
و ضمتها وبكت ..
ميمو: شكلها يحزن مرررررره .. لا تشوفينها الحين
شموخ تبكي : أنا مقهووووورررررررررررره .. ليش كلكم حوالينها وانا ما أقدر أقرب منها .. هي حبيبي أنا أنا المفروض اللي أكون معها و أول من يضمها ..
ميمو: معليش أصبري وخلك قويه عشان ترجع لك زي أول ..
شموخ: الله يصبرني
ميمو: الحين بطلع أحاكي الدكتور شوي واجي ..
شموخ: إوكي
.....................
رجعت ميمو بعد نص ساعه
بس لما دخلت لقت نوره نايمه بالغرفه الثانيه
قربت من غرفة لمى شافت شموخ واقفه مقابل سرير لمى
ميمو: شمووووخ !!!
شموخ. بصوت واطي : اووووش .. نايمه .. ما شافتني
ميمو تقرب منها وبصوت واطي : أفرضي فتحت عيونها لقتك بوجهها .. ترى مو كويس مو وقته تتعرف عليك
شموخ تروح الغرفه الثانيه بيأس
وتلحقها ميمو
ميمو: أنا توي كنت عند الدكتور أسأله شي
شموخ: ايش ؟
ميمو: لمى معطيتني رساله أعطيها إياها إذا فقدت الذاكره .. وسالت الدكتور وقال إيه عادي
شموخ: وين الرساله أبي أقراها
ميمو: لا طبعا لمى مأمنتني محد يفتحها إلا هي حتى أنا على لقافتي ما قريتها
شموخ: أفففففففف الله يصبرني
بهاللحظه تدخل نجود و عنود الغرفه
وقالو لها كل شي صار
وراحت بسرعه لعند لمى وباست رأسها
لمى فتحت عيونها ..
لمى: نجودي ..
نجود تصيح : كلي تراب
لمى: ههههههههه ليش عاد
نجود: خوفتينا عليك
لمى وكانها تذكرت شي.. : وين ميمو
نجود: هناك مع البنات
لمى: أي بنات !!
نجود: شموخ و عنود
لمى: ...... صديقاتي يعني ؟
نجود تنكدت: إيه إيه صديقاتك
لمى: طيب ليش ما جو و ما شفتهم ..
نجود: كل شي بوقته حلو
جت ميمو
لمى بعصبيه : ميمو
ميمو: روح ميمو
لمى: عطيني الرساله وخلوني لحالي
ميمو: إوكي (و تمد لها الرساله)
لمى بدلع: ميمو
ميمو: قلب ميمو
لمى: أبي قهوتي
ميمو: يا شيخه يلعن اللي ما يجيب لك ستاربكس لحد عندك
لمى: ههههههههه يالله أوت بقراها لحالي
وطلعو البنات
وبصعوبه فتحت لمى الرساله لأنها خايفه من اللي مكتوب فيها
وفتحتها
(ماراح ابدى بمقدمات و أشياء لأن الرساله كتبتها لنفسي
أهم شي احتاج أتذكره بعد عمليتي شموخ
هي مو صديقتي هي حبيبتي وعمري واهلي كلهم وقبل كم يوم كملنا سنه مع بعض وو ..........
(كتبت مواقف حميميه بينهم صارت عشان تستوعب أكثر )
و عنود صديقة شموخ الحين مع نجود لأن نجود ورهف ....... (كتبت السالفه كلها)
وميمو حبيبتها مريم من الإمارات ووو .......
كانت الرساله عباره عن 3 أوراق و سردت فيها أهم المواقف وكانها تكتب قصه مختصره ))
عفطت لمى الرساله ووجهها كان أحمممممر من اللي قرته ..
على دخلة ميمو بيدها القهوه ..
ميمو تشوف وجهها مصدومه : وش فيييييييييييك
لمى بتوتر : جيبي القهوه بس
ميمو: ههههههههههههه أمانه وش فيك
لمى: قلتلك جيبي القهوه
ميمو تعطيها القهوه ..
لمى تفتحه وتشمه شوي وتلف الرساله وتدخلها جوى القهوه
ميمو عيونها طلعت: لييييييييييييييييش !! ما قريتيها !
لمى: إلا قريتها
ميمو: هههههههههههههههه وجهك أحمر وش كان فيها !
لمى: انطمي واطلعي برى
ميمو: هههههههههههههههههههههههههاااااي
شموخ من الغرفه الثانيه بصوت عالي: ميمووووووووو
ميمو: كح كح كح كح هاااه
لمى تمسك قلبها من الصوت .. وتتنفس. بقوه
شموخ: تعالي بسررررررعه
ميمو تكلم نفسها : عز الله أنجلدت
لمى انسدحت وغمضت عيونها .. وتخيلت الأشياء اللي مكتوبه بالرساله
بعد ربع ساعه
لمى: ميمووووووو
ميمو جت : هلااااااا
لمى: ناديهم كلهم
ميمو: متأكده مستعده
لمى بعد سكوت دقيقه: إيه .. ناديهم
راحت ميمو للغرفه الثانيه
ميمو: تبيكم
شموخ رفعت رأسها بصدمه: تبي مين !!
ميمو: كلكم
شموخ: وشلون
ميمو: قرت الرساله .. مادري تقول ناديهم
شموخ قامت وتحوس براسها من التوتر
و راحو كلهم بيدخلون عندها
موضوع: رد: " ويل اللي عشق له شمس " أكتملــــــــــــــت 
الإثنين يونيو 04, 2012 2:46 am
<<هذا فيس الي فوقي 
