بعد النار ينزل المطر .. وبعد السعاده يأتي الحزن
اسطوانه تستمر في الدوران .. في عالم تملئه التعاسه
ليش اكتب هالموضوع وليش اقول لكم هالكلام
دام الكل يدري والكل يعرف .. ما فيه احد غبي اهني
السبب اني ازرع حاله من الوعي .. واحط تأثير يخليكم بحاله ذهنيه معينه
تساعدكم على التفائل ولو لمدة دقيقه
هل الانسان يكون الاسوأ من بين الي حوله لـ مجرد انه حياته اجبرته على الدخول لـ عالم الاختلاف
الجواب لأ لأن التعقيد مو صفه سلبيه .. ومو كل شي مانفهمه معناتها انه سيئ
الحياة لعبة قطار موت .. تتحرك بسرعه وبطريقه عشوائيه تخرع وتونس شوي فوق ووايد تحت
في الي يفهم من مشاكله ويدرك معنى وسبب الي يصير له
وفي معظم الناس الي يتصرفون كأنهم اتعس ناس بالدنيا
رساله بسيطه استوعبوها .. مسكي نفسج وقولي ماراح ابجي
العالم غابه تخرع .. بس فيها ورود وانهار واشياء حلوه
( جني بديت اجذب )
كثرة السلبيات تخلينا نتسائل لي متى جذي ؟! متى يصير شي زيييييييين
خلاص بموت انا حياتي مو شي
حياتي مو شي ! اوكي ادري محد يقول حياتي مو شي لووول بس هذا تفكير وايد من الناس
.
.
بعد النار ينزل المطر وبعد السعاده يأتي الحزن
اسطوانه تستمر في الدوران في عالم تملئه التعاسه
نتضايق .. نستانس .. نتضايق .. نستانس
يوم لك وعشره عليك ..
و الحياة عباره عن فقع معفن
والحياة لبن منتهيه صلاحيته موجود بثلاجتكم
والحياة ريال ضخم معصب عليك
والحياة مراه متينه ماسكه ملاس تبي تطقك فيه
واذا خليتها .. راح تطقك وتطيحك وتتأكد انك ماتقوم
بس شنو المطلوب منك ؟ انك تقوم وتكمل
وكلما تطقك الحياة .. ترد وتقوم
لان محد يتوقع من السعادة والراحه بالحياة .. انهم يكونون شي سهل تلقاه موجود عندك جاهز
اتعب حق الي تشوف انك تستحقه
واسطوانة الحياة بتستمر .. بس تذكرو تتفائلون
موضوع: {بعد النار ينزل المطر ~ وبعد السعاده يأتي الحزن } 
الخميس أبريل 12, 2012 10:23 am
