عشقت الهم وآهات الحزن دلّت عناويني

أغيب شْلون ! وإنت آخر [ نفس ] فيني !
معاد أشتاق ..
تعبت فراق ..
نثرت الكون في يديني ..
ورغم هذا شعوري ضاق ..
فقدتك حيل ..
ومع فقدك ..
فقدت الحيل ..
فقدت أحلى صباحاتي ..
وكلمة " ياعساك بخير ! "
أنا بسألك في بُعدي ..
عرفت الخير ..!
ياما خذني من أنفاسي ..
وتاركني بدونك طير ..
حلّق في سما النسيان ..
حلف يرميك ف الوديان ..
ويهجر كل مساحاتك ..
إلين يحسّ بك ندمان ..
وتبي تعرف ..
عن أحوالي بعد عينك !
ولايهمّك ..
تفضّل وإسمع اللي صار ..
عشقت الهم وآهات الحزن دلّت عناويني !
نظمت الشّعر ب إحساس المواجع لين بكّاني ..
كرهت النّاس يانبض الموادع من يواسيني !
تصوّر من بعد عينك ! لقيت الكل خلّاني ..
تقوقعت ف بحر ذكرك ولا حسّيت في عيني !
تهلّ الدّمع وأتراجف .. إلين تسيل ودياني ..
أغيب شْلون ! وإنت آخر [ نفس ] فيني !
بكيتك : إيه ياوجهٍ عرف وشلون يحييني !
ذكرتك : لا مااذكر وأنا بك كنت أنساني ..
يقولوا إنك بدنياك عايش | ماتناديني !
أفا معقول هالعشرة يبددها شخص ثاني ..
أنا من لحظة وداعك إلين اليوم | أجفيني !
بغيت أنسى .. ولكنّي هويتك كثر أحزاني ..
ياقلبٍ كان حاويني ..
بردّ أسألك من ثاني ..
صحيح إنك خلاص نسيت !
سمعت إنك بعد حبّيت !
أنا ظنّيت ,
ماتقدر !
ولاتفكر ..
لإن الجرح | مايصغر ..
على قولتك ياقاسي ..
طيّب ليش !
ماتعرف ,
بـ أنّي من هواك أعيش ..
أنا أتنفسك لو تذكر ..
ودايم ردّك التطنيش ..
ولكن عيش ..
وأبيك بقد ماتقدر ..
تخون العيش ..
وأنا آخر شخص في الدنيا ..
يفكر إنّه يخونك ..
لأني بكل بساطة ..

بدونك جد | ما أبيني ..

مما راق لي ..

ابدعتي

راق لي حيييل

تسلم يدك دايما في ابداع

تقبلي مروري
طلال