"إجازة حب" من صميم القلب

صيف هذا العام أسوأ صيف عشته في حياتي
بأختصار أكثر ... مررت بمرحله جدآ حزينه
كنت عايش في صراع كبير من ذاتي لذاتي
كنت ضايق ... وأشعر أني بعد ضيقت المدينه
كنت أخطط وأنتظر صيف السنه هذي .. وأحاتي
لجل أعيش أجمل مابيني وبينه
الحبيب اللي من أول كان أجمل ذكرياتي
وصار أبشع ذاكره في داخل أعماقي دفينه
كانت أشوى لو صدمني فجأه بغير أمنياتي
ولا أموت بأمنياتي غدر من طعنة يمينه
ضيق الدنيا بعيني صدق ..وأحترت بجهاتي
كنت أشبه ماأكون بحال قبطان السفينه
لا أرتفع موج البحر والريح هبت والتفاتي
كان عكس الأتجاه اللي يحسس بالسكينه
راكبين أثنين عرض البحر والمركب مواتي
للغرق .. أو .. واحد منا يضحي عن ضنينه
يعني كان الحل واحد .. يامماته .. يامماتي
البلا في ناتج الحلين.. أموت من الغبينه
قال : ويش الحل ؟ قلت: التضحيه من واجباتي
لازم أضحي عشان أعطيك بعض الطمأنينه
قال : أفرض لو خذاك البحر .. قلت : أعلن وفاتي
قول : مات فلان لجل أعيش .. والمولى يعينه
قال : طيب .. لارحلت شلون يتهنى مباتي
قلت : فكر في رجوعي بس .. وأنطرني لحينه
وأنتبه تنسى وتكفى كل شي الا .. وصاتي
أنتبه للقلب تكفى .. قال : في أيدي أمينه
قمت أودعه بسكات ودمعتي تشرح سكاتي
وماذبحني ضيق إلا يوم أنا أقبل جبينه
وأرمي بنفسي للبحر وأختل في موجه .. ثباتي
والبحر لبعيد أخذني وصرت لأمواجه رهينه
لكن الله مد في عمري .. ونجاني بصلاتي
ماوعيت ألا وأنا مابين شط .. وبين طينه
والحبيب اللي نجا .. ماكان متوقع نجاتي
جيت من بعد الغياب المر .. أدور عن حنينه
مالقيته في المدينه وأنشغل بالي .. وأحاتي
ورحت من باب أنشغالي أسأل الجيران .. وينه؟
قيل : سافر في "إجازة حب" دام الصيف آتي
جاه غيرك ياخذه من قبل يومين بيدينه
وقتها دنقت راسي حزن .. حسيت بشتاتي
وقتها حسيت نفسي طفل .. أهله بايعينه
وش حصل لأبن اللذينا ؟
وإلا أنا وش هي سواتي ؟
ماتقول ألا كأني ذابح له .. والدينه
ذا .. وأنا اللي لجل عينه مابخلت بتضحياتي
والقهر .. لابارك الله فيه .. مابين بعينه
دام حتى ماحفظ لي عشرتي وأحسن جزاتي
ويش أبرجي منه ؟ لابو عشرته .. لابو سنينه
كان هذا أحساسي اللي دوم أعيشه وسط ذاتي
وإلا أنا ماجيت بحر وماني قبطان السفينه
بس أنا اللي كنت أخطط لجل أحقق أمنياتي
في إجازة صيف ضاعت غدر من طعنة يمينه
رحت بيتي .. مامعاي إلا أقلب ذكرياتي
وأقفل الغرفه علي .. وأسمع أغاني حزينه
لجل ذلك .. كان هذا الصيف الاسوأ في حياتي
لجل ذلك .. كنت أتعس شخص عايش في المدينه..

من صميم القلب Crying or Very sad

ثانكس

يسلمواااا بس مشكلته طويل مع ذالك يسلموا

انشاء الله المره الجايه اختصر من عيوني Smile

تسلم عيونك drunken

» كلام من القلب الى القلب
» خاأص من القلب ..
» القلب المجروح
» قبل ان تحب لاتندم على حب عشته...
» كلمااات تمس القلب