قصائد من قصائد فزاع

            يا مشعل القلب 


يا مشعـل القلب تكفى خفـّف شويّه 
                                       القـلـب من كـثـر صـدّك ويلي لحـاله
دامه يحبـّـك ولا له غـيرك بغـيّـه
                                      وش له تحـطـّه بـدنـيـا الهـمّ وتـنـاله
انته حبـيبـي لقـلـبي نـوره وظـيّـه
                                     تحلا بعـيني وقـلبي صـرت تـحــلاله
وانته ربيع الخـفوق وشمسه وفـيّه
                                    و ان حبّ غيرك خفـوقي باقطع وصاله
ما اريد بك حدٍ ولو هو كان حوريّه
                                      إنتـه مهـدّي الـغــرام وانـت زلــزالـه  
للمـوت انا لك حبيـبي صـورةٍ حيّه
                                      ميّت بحبك وحبّك صرت انا اسعى له
يا بوعـيـونٍ مثـل عـيـن الـدمانـيّـه
                                      حـورى هـدبها مظـلّ ودعـج قـتـّـــاله
كاسنـّك الحـسن واوصافك خيالـيّه 
                                      ومن راد يـوصـف جـمالك أيـتهـيّـالـه




I HOPE YOU LOVE IT

وهذي قصيدة ثانيه ...


                                   أزعل عليك 

جيت ابا ازعل عليك ناويٍ بالخصام
                                             وكل مافي خـفوقي بس أزعـل عليك
يعني روّح واروّح واسري ليل الظلام
                                             بس من يوم شفتك قلت بارضى واجيك
خلّي روحي بروحك هذا أغلا وسام 
                                             خـل عـيني بعـينك خـلّ إيـدي بيـديك
يا شروق المحبّه ، يا شموع الغرام
                                              يا ورود بـْحـياتي عـطـرها يهـتـديـك
سلّم برمـش عينك هالتغـلـّي حــرام
                                              ما تمـوت المـشاعـر دامـني أحـتويك
إنطبع في خفوقي إسمك بحرف لام
                                              وفي عيوني عشقتك وفي حياتي أبيك
دامك بوسط عيني كيف عيني تـنام
                                               ودامـك بنبـض قلبي كيف ما أفـتـديك
مد لي كفّ وصلك ، قولها باحـترام
                                                موت احبّك واحبّك موت انا آموت فيك
عاد تبغي الصراحه ما نويت الخصام
                                                 هـذا قـلبـي يـحاسـب كل خـطـوه إلـيك 
أقـترب لك حـبيـبي بالغـلا والـسـلام 
                                                  يا حبيبي بصراحه حلوه غمضة عينيك

وهذي قصيدة ثالثه ...



              لــــبّــيـــه
مافيه ( فوق اللي ) ولا ( يا نديبي )
               هـذا كـلامٍ ما يـجـي مـنه مـصــلوح

إخـتـار يـا .. لبـّيه والاّ .. حـسـيـبـي
               عـليـك يا شـف الـمعـاليـق والـروح

وش فيك لامن جيت قلت ش تبي بي
               والصدر يطبخ شوق ويحن ويفـوح

أجـيـك لـو غـيـرك يـبـي يهـتـني بي
               غـلاك طير وْخافـقي شـبك مطـروح

والـظـنّ في مثـلك لو انـّه يـخـيـبـي
               ما قـمت أنافـس لايع الورق وآنوح

وما شفتـني صابر وجرحك عطيبي
               وماشفت قلبي لا ظهر رقمك يشوح

أرخـصت لك دمعـي وحالي وطيـبي
              كـنك قـدر مكـتوب لي داخـل اللـوح

أقـدر أحـبّـك .. من شـبابـي لشيـبي
              ودامك سكـنت القلب لاتقول باروح

لـبّـيك لـك يـم الـوصـل يـا حـبـيـبي
              خـلّيت لك قـلبي على طـول مفـتوح 

يمكن بعـد فـتره تـجي من نصيـبي 
              ومواصـلك بين المخـاليـق مسموح

وهذي الرابعه ...


     
                             أرسم غرام 


أرسـم غـرام الحـب صورة ولوّنت
                                          واسري ليالي في غياهب ظلامي
اشتقت لك يا ناعم الصوت وين انت
                                          في العاصمة والاّ نويت المشامي
تشعـل حرايـق نـاس لا من تكلـّمت
                                           حيـث ان صـوتـك للمولـّع هيامي
ليتـك على من حـبـك اليـوم هـوّنت
                                           هوّن دخيلك صار في الحب ضامي
من فيض حبـك في المحبّه تعلـّمت
                                           أفـراح عـمري والكـدر والتزامي
عن حب غيرك م المزايين حرمت
                                          ما دام قـلـبي في محـبّـتـك هـامي
لـوّنت لك قـصـة هـوانا و لـوّنت
                                           نور الصباح بجـنح داج الظلامي 
هذي حقـيقـة حـب واليوم أعلـنت 
                                           بانك بقــلـب اللـي يحـبـك خـتامي

وهذي الخامسة ...


                الجروح 

ألله خلق لي نفس تسـمو على البوح
                 ماهـيب لا ضاقـت من الهـم باحـت
على كثر ما شفت ضيقات وجروح
                 لا الوجه متغـيّر ولا العـين صاحت
أبـشـّرك .. بـشـارة الـروح للـروح
                 تـبي تطـيّحـني اللـيـالي و طـاحـت
هـذا أنـا والـوجـه باسـم ومـشـروح
                وجهٍ بروقـه لمعـظم الناس لاحـت 
كم محزم ٍ بنى على شـوفه صروح
                وكم نفس من طارف عطاه استراحت
ألله وهـبـنا عـز و امجـاد و طمـوح
                وذكـر ٍعـلى جـدران الايـّـام ناحِـت
هذي مراجل ماهي بضحك ومزوح
                 ماهي شموعي لا ضوا الصبح ساحت
الصـفح خصله والفخر ماله صـفوح
                 والحزن لا سيطر على الروح ناحت
بعض الجروح تجي لك شوي وتروح 
                  وبعض الجروح ان جات ماعاد راحت

وهذي السادسه... >> لوول هذي آخر وحدة اذا تبون ازايده قولولي وانا ألبي على هل خشم ههههه<<

الـبــدر
هذا هو البدر والاّ البدر ابن عـمّه
في عـلم انا والاّ هـذا اللـيـل وحـلومـه
إن كان للحـسن قـمّـه هذي القـمّـه
والاّ عـسى الحـسن كلـّه فـدوة قـدومه
أقبل يضم السهر وعـيوني تضمّه
ما ادري من اللي من الثاني سرق نومه
كن الوصل دنيتي يوم الوعد تـمّه
وكـنّ الوعـد جـنـّـتي دام الوصل يومه
ما الوم من لامـني في حـبّه ونمّـه
حـتى فـوادي ولو يـشـكـيه مـا الـومـه
إذا تـكـلـّم يـغـار العـطـر مـن فـمّـه
سـوالـفـه كلـّها بالـمـســـك مخـتـومـه
ياليت لى هـمّـني من نظـرته هـمّه
عـينه خذت نظـرتي قـبل آخذ عـلومه
أبطا يسولف عن الطيب وحنان امّه
ما يـدري انـّه بـقـلـبي وثـّـق سـهـومه
ما يدري انّه علاج العاشق وسمّه
وان القـصايـد على طـاريـه منـظـومه
طالعـت في ساعـته ردّ ورفـع كمّه
لا ساعـته قـصدي ولا قصدي ختومه
ما قصدي الاّ الغلا لى ساقـني يمّه
أحيان ارومه وبعـض احيان ما ارومه 
لولا الحـيا والاّ انا في ذمّـتي ذمّـه 
لا غزي على روض رمّانه ومشمومه