تنحنحت ثم قالت انته وش اسمك

تنحنحت ثم قالت انته وش اسمك
وأبي توقع كم عمري واخمك
قلت اسمحيلي بس وش هو يهمك

ثم قلت ابفهم رقمي وشلون هو جاك

قالت ابي تنصت وتسمع كلامي
أحس بانك شخص راقي وسامي
اعرف احلل شخصك انته غرامي

باخذ وابعطي بالحكي واتحداك

ثم قلت كانك بالتحدي تحدي
اليوم رايق ببذل اليوم جهدي
أبدي من الواحد فصاعد وعدي

بجاوبك بالحق والحق ماجاك

قالت ابفهم وش هو تفكير هالناس
عن الصداقه والمحبه والاحساس
وعن الخيانه والخيانه من انجاس

هذا السوأل وجاوبه كان يمداك

قلت المصالح تحكم أم الصداقه
والا المحبه جاها شل وأعاقه
وأحب ثم اخون أحلى علاقه

هذا الوكاد وهالصراحه ماتخفاك

قالت ابفهم وش هو عنوان الوفا
أن كنت اقدم ما أشوف الا جفا
وعجزت اولع نوره بقلبي طفا

هات الصدق والقلب من صدق ينخاك

قلت الوفاء رجال سنع وبه الوجود
والحين هو شايب ولا ظن بيعود
واخاف جنب أسمه يخطون مفقود

هذا الجواب وجعلني من فداياك

قالت علي أرفق تراني خجوله
ياليت بعرف ويش معنى الرجوله
وش هي مفاهيمه وعطني اصوله

عطني ثقافه والرّقي هو مبناك

ثم قلت هي حب ومعزه مع وفا
هو من يعزب ضيفه الي لا لفى
هو من يسب بوجه ويمدح في قفى

هذا هو التفسير والطيب مبداك

قالت ابعرف وش هي معنى حياتك
وش هو هدفك ويش هي أمنياتك
وش هو طموحك كيف تحديد ذاتك

هذا فضولي لجل تحديد معناك

فيني هداوه مثل ماقبل الأعصار
اما أمنياتي قولها يلفت أنضار
ولا طموحي يتعب النفس لا دار

هذا هو المعنى أذا كان يخفاك

قالت أجل فرصه حياتي وجودك
في داخلي أشياء تثبت وعودك
وفي داخلك أشياء تثبت صدوقك

يامرحبا خقيت معها مزاياك


راقت لى
شعر :سعد الغنيم

تسلم يدينك ي روحي

منوووره فديتك

ولو عاكسة نورك ي بعد روحي فداك كوني

ربـي يـسـلـمـك

يعطيك العافيه

الله يعاافيك غلالاي