رَتلّ غيَابك في مدينَة حَبَايبك
واقرى مشاعر شاعرك في غيابك
مدري وش اللي جاك مني وصَايبك
ومدري وش اللي جاك مني وصابك
اوعدتني واخلفت وعدك وهايبك
ولا تلوم من تخلف وعوده وهابك
ما كنت انا حاضر انا كنت غايبك
ومدري وش اللي بعد ما غبت جابك
لا والذي سواك وجابك وجايبك
حطيتني مابين ضرسك ونابك
اغليك واعزك معزّة قرايبك
وسكنتني مابين قوسك وقابك
افرح بشوفك مِثل طفلك وشايبك
وازعل إذا زعّلت حضرة جنابك
وافزع اذا مرّت كِراماً نوايبك
واجزع اذا فكّيت للخلق بابك
ظو
واسري مَعَ ليلي على اشقر ذوايبك
واصبِح عَلى فراقك وارتّل خِطابك
والحين انا تايب واسدد ضرايبك
واقرى بجوف ضلوع قلبي كِتَابِك
إنسى اني احبك ترى اليوم تايبك
يدعي لك الله مايضيّع شبابك
وما اقول انا هذي تراها سبايبك
اقول تلقى عند ربك حسابك
خلاص ودعني على اشقر ذوايبك
وانسى غلاك وكل مَا كان جابك [center]
موضوع: رَتلّ غيَابك في مدينَة حَبَايبك واقرى مشاعر شاعرك في غيابك 
الثلاثاء يوليو 31, 2012 8:14 am
