( مـْـْلآكـْ ) عنمــآ نفقد الآحــآسيس

ذي اول روايه اكتبها ع النت
واول مشاركه لي بالمنتدى
وانشالله تعجبكم


الحياه مليئه بالجروح والآلام التي يعتبرها البعض سخيفه
ولا يعلمون انها تضع بصمآت موجعه في قلوبنا
يعتبرهآ الكبآر مجرد احسايس مراهقين فهم لم ولن يفهمونها ابدآ
هذه قصه وآقعيه
بكل كلمه وحرف فيهآ
فهي لحظات عاشها قلب يوماً
عن فتآه اسمها ملاك

في البحرين
كانت في عايله مكونه من ولد اسمه : فيصل 4 سنوات
والابو : محمد - بحريني الجنسيه
والآم : مريم - اردنيه
و في ( يوم 5 اغسطس 1997 ) انولدت بنت مثل القمر اول ماشافها ابوها انرسمت على وجههه ابتسامه عريضه لانها اول بنت
بس امهآ مآ كانت مستانسه كثير لانها كانت تتمنى ولد

مواصفات ملاك : شعرها اسود ناااعم لنص الظهر , عيونها سود واسعين ,
بشرتها بيضه , عندها غمازات مجمله وجهها , طيوبه, حنونه , تحب الكل , والكل يحبها .

ام ملاك : بشرتها بييضه مثل الثلج , عيونها بني غامق , شعرها نااعم مثل الحرير لونه بني لكتفها , عصبيه فيها من الغرور .
محمد ابو ملاك : شعره اسود , بشرته برونزيه , عيونه سود , حنون , جدي , يحب شغله كثييير , عنده غمازات
فيصل : شعره بني غامق , عنده غمازه ع خده اليمين , بشرته البرونزيه , طيييب , مجتهد , اللي يشوفه يقول انه صايع بس هو مؤدب , عيونه لونهم بني فاتح .

ابتدت القصه يوم كان عمر ملاك 13 سنه
ملاك تربت عند عمتها طول حياتها لان ابوها دكتور عظام وكله وقته شغل وسفر
وامها تشتغل صيدلانيه وتقضي وقتها برا البيت

في يوم من الايام ملاك حبت تتكلم مع امها عشان يتقربو من بعض
ملاك : ماما ؟
ام م : خير
ملاك : ماما ابي اكلمك
ام م : قولي
ملاك : الموضوع اني اشوف كل البنات يطلعون مع امهاتهم الا انا
ام م : امهاتهم ما عندهم شغل مثلي
ملاك : بلى , رفيجتي فاطمه امها تشتغل وكل اسبوع يطلعون مع بعض ليش ما نكون مثلهم ؟؟
ام م بعصبيه : ملاك انا مشغوله نتكلم بالموضوع بعدين
ملاك بحزن : ليش ؟؟
ام م : ملاك روحي سوي شي ثاني غير الكلام الفاضي
ملاك راحت غرفتها وهي زعلانه تسأل نفسها ليش حياتي مو طبيعيه مثل الكل لييش
نامت على سريرها وهي تفكر شلون تتقرب من امها وابوها وتبكي لانها تبي حياتها تكون طبيعيه مثل صديقاتها
وبعد ساعه من التفكير
ام م : ملاك .. فيصل تعالو تغدو
فيصل : يلا ثواني
ام م : ملاك .. ملااك
ملاك مسحت دموعها وردت : نعم ماما
نزلت ملاك وقعدت مع اهلها على السفره
وقعدو يتغدون وملاك تحاول انها ما تناظر امها عشان محد يعرف انها زعلانه

حلوه الروايه اكمل ولا ؟؟؟؟

البدائه روعه....
بس مرة قصير....
عالعموم حلو وكلمي الروايه وفي انتضار ألبارت الجائ

كملي حلووه

اووك
تغدو العايله كلهم مع بعض
وبعد الغدا ارتاحو شوي
المهم ملاك فكرت بطريقه تتقرب منها لاهلها
راحت قعدت بين امها وابوها
وباست راس ابوها وقالتله
: بابا بما انه اجازة شرايك باجر نروح البحر
طلعه عائليه
ابو م : انا تعبان وفرصتي الاجازة عشان ارتاح شوفي اذا امك تطلعك
ملاك : ها ماما شرايك نطلع ؟؟
ام م : اذا فيصل بيروح انا موافقه
ملاك : راحت قعدت عند اخوها فيصل
ملاك : فيصل ... الله يخليك وافق خلينا نستانس انا مليت من القعده بالبيت
فيصل : اووك انا موافق بس بشرط نزجع قبل الساعه 8
ملاك بفرحه : يس ..
ابو م : خلاص اذا جذي انا اخذكم باجر من الساعه 3 للساعه 7
ملاك : توعدني ي بابا ؟؟
ابو م : ايه ايه وعد
............
ملاك طلعت غرفتها وهي مستاااانسه
وصارت تفكر شنو بتلبس
وكانت مستانسه لانها قالت انه ذي اول خطوه عشان تتقرب من اهلها
........
مر اليوم وملاك لاول مره قعدت طول اليوم عند اهلها بالمجلس تتابع الاخبار وياهم !!
........
وثاني يوم قعدت ملاك من الصبح وهي راايقه
وباست راس امها وابوها
وقعدت معاهم ع السفره وتريقت معاهم
وبعدين طلعت حجرتها وكلمت رفيجاتها وقعدت ع النت
لين صارت الساعه 2 ونص تسبحت ملاك
ولبست فستان لنص فخوذها وتايت اسود لركبتها
ورفعت شعرها
ونزلت على اساس انهم خلص بيروحون
بس تفاجئت لين شافت ابوها يطالع التلفزيون كأنه يوم عادي
وماوراه طلعه ولا شي
ملاك : بابا ليش مالبست مو على اساس نروح البخر اليوم ؟؟!!
ابو م : والله ي بابا انا تعبااان و ابي انام الحين !!
ملاك : بس انت وعدتني
ابو م : الاسبوع الياي انشالله
ملاك : لا انا ابي اليوم الاسبوع الياي انت مسافر
ابو م : ملاك بس قلتلك اليوم مافي بحر
.....
راحت ملاك وقفلت عليها غرفتها وهي تبكي
وقعدت تكلم روحها وتقول : ليييش يكذبون علي لييش يوعدوني ويخلفون
اكرههم زين اكرههم (وهي تبكي)
وماطلعت من غرفتها طول اليوم

................
تعبت اكمل باجر انشالله ^^

وهاآذي الشي بعد ملاك عن اهلها شوي
ومرت الايام ونست ملاك السالفه

وكان ابو ملاك بيسافر يوم الجمعه
ويوم الاربعاء ملاك قعدت الصبح مرييضه وماقدرت تتحرك من السرير
وماراحت المدرسه
ولما نزلو كلهم يتريقون مانزلت ملاك
ابو م : وين ملاك ؟
ام م : شدراني
ابو م : بنتك لازم تعرفين عنها ... ناما (الخدامه) وين ملاك ؟؟
ناما : ملاك مريض
ابو م : مريم (ام ملاك ) روحي شوفي بنتك شفيها
ام م : ما عليك منها دلع بنات مافيها شي
ابو م : انزين روحي شوفيها مابتخسرين شي
ام م : طيب طيب بعد الفطور

...................
وبعد الفطور ام ملاك نامت ولا افتكرت
والخدامه هي اللي تهتم بملاك وتحطلها الكمادات وتعطيها الدوا
وام ملاك نايمه ولا تدري عن بنتها
و بالليل
ملاك ما كلت شي من الصبح
والكل نام وام ملاك ولا دخلت غرفه بنتها عشان تشوفها
وتتطمن عليها
و مانامت ملاك الليل من الكوابيس ومن حرارتها المرتفعه !!
وثاني يوم امها فكرت واخيرا تشوف شنو فيها بنتها
.........
وشافت حالت بنتها
ونادت ابو ملاك : محمد تعال خذ بنتك المستشفى شكلها تعبانه
وخذوها المستشفى وقعدت بالمستشفى يومين !!

ويوم الجمعه ابو ملاك سافر بدون ما يودعها
واخوها فيصل انعدى من ملاك ومرض
و يوم السبت اخو ملاك مانزل عشان يتريق وام ملاك قبل ما تسال الخدامه وقبل ما تتريق
بسررررعه راحت غرفه ولدها
ام م : فييصل اخذك المستشفى ؟؟
فيصل : لا يما عادي
ام م : لا لا يلا قوم بدل ملابسك انت تعبان ولازم اخذك المستشفى
فيصل : اوك يما الحين ابدل ملابسي
ام م ( وهي خايفه على ولدها ) : بسرعه بدل ملابسك انا اخذك
..............
وراحو ع المستشفى
...
ولما ردو البيت العصر ام ملاك تمت رايحه راده على غرفة فيصل
وما خلته من خوفها على ولدها
وسهرت وياه الليل وملاك تطالعهم من باب الغرفه بدون مايشوفونها
وهي حزينه ليش امها ما تعاملها مثل اخوها !!!
ومن ذيك اللحظه ابتدا يتولد بقلب ملاك غيره من اخوها وكره لتمييز امها
........................

يحرام ليش يسون في ملاك جذي .....
عالعنوم شكرا عالبارت ..... وفي انتضار ألبارت الجائ

بنتظااااارك

المهم كبرت ملاك وكبر وياها كرهها وغيرتها
ومرت سنه ونجحت ملاك بالثاني اعدادي بمعدل 88%
بس ابوها ماعجبته الدرجه لان من عادة ملاك ان معدلاتها تكون 98%
وقال لها بعصبيه : ذي مو درجه ليش ماكنتي تركزين على دراستك
ام م : كله من رفيجاتها اللي يهمهم انهم يستانسون ولامره فكرو يدرسون بجديه
ابو م : ملاك من السنه اليايه مابيك تمشين وياهم فهمتي ابيك تنهين صداقتك فيهم وما ترافجين الا البنات المتفوقين
ملاك : بس يا بابا انت مايصير تختار رفيجاتي ذي حياتي انا
ام م : لا تعاندين سوي اللي ابوك يقوله
ملاك : اكرهكم
وركضت على غرفتها وهي تبكي وتفكر شلون تنهي صداقتها
تقول لرفيجاتها ان اهلها مايبون صداقتهم عشان يقولون عنها مغروره
ولا تقول انهم مو من مستواها ويكرهونها ؟؟؟!!
وكانت مهمومه شلون تقولهم
مرت الايام وملاك سجينه بغرفتها
ولا تكلم اهلها
ولا ترد على مكالمات رفيجاتها
حتى الاكل تاكل بروحها
واهلها ولا مهتمين لها
وبعيد ميلاد ملاك الـ 14
قعدت الصبح وكانو ابوها وامها بالشغل واخوها نايم
وظنت ان الكل نساها
وحست روحها شبح بالدنيا
وقعدت بغرفتها حزينه
لانه اهلها حتى ماكلفو نفسهم يتمنونلها العمر الطويل
وبالمغرب بنفس اليوم
رفيجات ملاك فاجأوها بزيارتهم
وكانو مخططين لحفله بدون ملاك ما تعرف
واخوها كان مشارك وياهم
واحتفلو كلهم الا ابو ملاك ماقدر يحضر بحجة شغله اللي اآخره لليل
وامها نستها وراحت عند رفيجتها
ملاك استانست بس كان في فراغ بقلبها
الفراغ اللي كان لازم اهلها يغطونه
و احساسها كان غريب
حزن مع فرح
حزن لان رفيجاتها اللي يفكرون فيها هم اللي لازم تفارقهم بقرار اهلها
وفرحه لانه في احد يفكر فيها
كملت حفلتها و تاخر الوقت ورفيجاتها ردو بيوتهم واهل ملاك للحين برا البيت
المهم ملاك نامت وهي تنتظر امها
وثاني يوم قعدت ملاك وشافت امها وابوها على وضعهم العادي
ولا يدرون عنها
وناسين عيد ميلادها
فيصل : يما يبا تدرون من امس صار عمره 14
ام م : كل عام و انتي بخير ملاك والله نسيت
ملاك ابتسمت ابتسامتها الخادعه عشان تخفي حزنها وقالت بقلبها : عادي هم متذكرين بس كانو مضغوطين بالشغل
ابو م : ايه العمر كله (وهو يقرا الجريده )
وبعد شهر كانت المدرسه
وابتدت المدرسه
وملاك ما كانت تبي تروح لانها خايفه من ردت فعل رفيجاتها
بآول يوم المدرسه ملاك سلمت على رفيجاتها وهي مخنوقه من قرار اهلها
..............
وقعدو ويا بعض
وكل وحده قعدت تتكلم عن اجازتها ويا اهلها
ساره : الاجازة حلووه سافرت ويا اهلي وقضينا وقت حلو
فاطمه : يا حظك انا قضيت الاجازة بالبحرين ماسافرت بس استانست ويا اهلي
ساره : ملاك اشفيك ساكته ؟؟ شنو سويتي بالاجازة ؟؟
ملاك ما عرفت شنو تقول !!
فخذت نفس طويل وابتسمت ابتسامتها الزائفه اللي تخفي وراها حزنها وقالت :: ذي كانت احلى اجازة ويا اهلي فديتهم احبببببهم
فاطمه : ليش شنو سويت ؟؟
ملاك : تقربت من امي واايد وحتى في بيننا اسرار ابوي مايعرف عنها
و استئذنت ملاك وقامت وقالت لرفيجاتها انها بتروح الحمام
كملو البنات سوالفهم وملاك تقاوم دموعها بالحمام لانها تتمنى لو تتحقق كذبتها
لين استجمعت قوتها وعدلت شعرها وطلعت من الحمام وراحت وقعدت ويا رفيجاتها
وهم يسولفون وملاك ساكته
تسمع وتتمنى وهي تعرف ان امنيتها مجرد احلام مابتتحقق

مر اول يوم بالمدرسه وملاك تحملته
وردت البيت
ولين رجع ابوها على البيت
اول سؤال سألها : شنو صار في المدرسه ؟؟
ملاك تحاول تتهرب من السؤال
ملاك : اليوم عادي ماقسمونا ومر عادي
ابو م : ورفيجاتك ؟؟
ملاك : ماقسمونا يمكن بنفس الفصل يمكن بفصل ثاني
ابو م : انهيتي صداقتكم ؟؟
ملاك ماقدرت تكذب على ابوها وقالتله : لا ماقدرت
ابو م : باجر ماتردين البيت الا وانتي منهيه صداقتك وياهم فهمتي ذيلي مو رفيجات ذيلي حياتهم كلها لعب ماتهمهم دراستهم وما بيفيدونك
وترا رفيجه امك بنتها بصفك
يعني تقولننا كل شي
ملاك وعيونها كلها دموع : انشالله
راحت غرفتها بهدوء
وقعدت تبكي
امها دخلت عليها غرفتها
ام م : انتي ليش ماتسمعين الكلام احنا قلنالك تتركينهم يعني تتركينهم احنا بس نبي مصلحتك
ونبيك تستفيدي الحياه مو لعب ووناسه
ملاك: بس انتو ما تفهموني
مو كل انسان يلقى صديق ليش ما تخلوني انا اختار حياتي
ام م : احنا اهلك ولازم نختار حياتك انت ما تعرفيني شنو يفيدك
ملاك : بس انا اتمنى لو مره اقدر اختار شي انا ابيه
ابي اجرب الوناسه اللي يتكلمون عنها
ام م : انتي صرتي مراهقة هاذي الكلام كله غباء وذي اكبر دليل انك ماتعرفين تختارين حياتك
ملاك : يعني كل الناس يقدرون يعيشون حياتهم الا انا ليييش ؟
ام م : انتي عايشه حياتك واحسن منهم انتي مستانسه وهم حياتهم مالها سبب
ملاك : مستانسه ؟؟ انتي اصلا تعرفين شنو احب وشنو ما اب ؟
شلون اصلا تكونون اهلي وانتو ما تعرفون شي عني ولا تحاولون تعرفون ؟؟
ام م : بلى احنا نعرفك اكثر من كل الناس
ملاك : انتي ما تعرفين شنو اللي يخليني استانس
ما تعرفين اني اكره اللي يخلفون وعودهم
ما تعرفين اني ماعمري حسيت بشي يخليني اعيش عشانه
ما تعرفين ولا شي عني
وانا بنتك !!
ام م : انتي الكلام وياك ضايع
قولي الللي تقولينه انا كملت كلامي
واحنا من واجبنا نتحكم بحياتك
ملاك : طيب انا ما كملت كلامي
انا ابي اتكلم
ابيكم مره تسمعوني
وتحسون فيني
انا ابي انسان يفهمني مو يتحكم بحياتي
ام م : سمعي انا قلتلك اللي عندي و احسنلك تتركين رفيجاتك ذي الموضوع الاساسي
واحنا اهلك ولازم تسمعين كلامنا
................
طلعت ام ملاك من حجرة ملاك
وملاك تحس بكره بقلبها
حاولت تقاومه لانها ما يصير تكره اهلها
بس ما قدرت
قراراتهم السخيفه
كرهتها فيهم
وبدت تدمر حياة ملاك
..............
ملاك كرهت القعدة مع اهلها
وكرهت نفسها
.....
فقعدت وقررت تكتب رساله فيها
لرفيجاتها لانها اسهل طريقه عشان تتركهم
وبدت تكتب وهي تبكي وتحس قلبها يتقطع
......
الناس الوحيدين اللي فهموها
اهلها بيبعدونهم عنها
كانهم حكمو عليها بالموت وهي عايشة
....
بالرساله ملاك كتبت ::
صديقاتي العزيزات ....... و ....... و ..........
اآممم ماعرف شنو اقول
بس انا احبكم واايد
واحلى ايام حياتي كانت وياكم

بس انا لازم اركز على دراستي
لان الدراسه اهم
وانا ابي اتعرف على صديقات ثانيين
لان اهلي يقولون انكم السبب اللي خلا درجاتي تنزل
ماعرف شنو اكتب
وماابيكم تكرهوني
انا مو مغروره
وهالشي مو انا اللي اخترته والله
انا احبكم ومابي نفترق
بس اهلي يعرفون مصلحتي اكثر
واحسن حل اني ابعد عنكم
....
وختمت الرساله بـ
اتمنى تكونون دوم مستانسين
انا اصلا حياتي وناسه
وكل الكلام اللي قلته عن اهلي انهم يزعلوني كذب
انا اهلي احبهم ويحبوني
واكيد بتعرف على رفيجات ثانيين
وانشالله انتو تبقون ويا بعض وتذكروني بالخير
.............

سلامووو ملوكة

روايتك رووووعة
اتمنى انك تكملي

حقة بمعنى الكلمه
وملاك تكسر الخاطر