أهـ يالفرحه السجينه حلمي الضايع وينه ؟!!

السلام عليكم . . .

أنا مثل ما إنتو شايفين عضوه جديده بالمنتدى و راح أنزل روايه كاتبتها بِ قلمي فيها شيء من الواقع و شيء حقيقي بالروايه و فيها اشياء من نسج الخيال طبعا ما أقدر أحدد لكم متى موعد تنزيل البارتات لأنو على حسب وقتي راح أنزلهم طبعا و أتمنى تعجبكم الروايه و تنال على إعجابكم و قرأءه ممتعه


البارت الأول

في صباح يوم جديد مليئ بالفرح و الحماس و الخوف و التوتر على بطلتنا (( زهور )) إللي راح تكون في مدرسه جديده ماتعرف فيها أحد نوصف لكم بطلتنا و ندخل شوي بحياتها :
[ زهور بنت جذابه عمرها 13 سنه طولها مناسب لعمرها و في صف أول متوسط عيونها وساع لونهم عسلي شعرها طويل يوصل لين أخر ظهرها لونه أسود مايل للبني خشمها فيه كسره جذابه و شفايفها ورديه و خدوده مورده حيل و جسمها دبدوب شوي بشرتها حنطيه و حبوبه اجتماعيه بس مايبين عليها و الكل من يشوفها يقول عنها مغروره و متكبره و هي عكس ذالك تماما ]
نجي نتكلم عن حياتها شوي : [ زهور ابوها متوفي من لما كان عمرها 7 أشهر يعني ماتعرفه تشوف له صور بس ماتقدر تجيب وصفه بدون صوره عايشه حاليا مع امها و اختها و اخوانها بعد فراق دام بينهم سنوات تجمعو زهور في صغرها سكنت هي و امها و اختها في بيت جدها و جدتها اهل امها و تربت عندهم لين ما صارت على هالعمر و اخوانها تربو عند اهل ابوهم كانو يشوفون بعضهم كل ويكند بس ما كانت تحتك كثير بأخوانها لما كانت تشوفهم لانها تحسهم غريبين و هم كذلك يحسون اتجاهها نفس الإحساس ]
نتكلم عن عايلتها : [ طبعا أكبر شيء أخوها (( سعد )) 2 جامعه قسم حاسب كان راعي سهرات مايرجع بيتهم غير على 2 أو 3 بالليل و ماهو متأقلم على تصرفات زهور أو طلباتها و دايم يحب يزفها ]
[ أختها (( أروى )) أصغر من سعد بثلاث سنوات "معاقه" ماتدرس و عندها ضعف فكري فهمها على قدها و تعشق شيء اسمه زهور و زهور حيل تحبها حتى تحب دايم تشتري ملابسها نفسها عشان ماتحسسها انو في شيء غير بينهم او في فرق ]
[ (( نايف )) دلوع امه زهور تغار منه حيل بما انها الصغيره و تحتاج الدلع و الدلال اللي امها مقدمته لنايف بس لا حياة لمن تنادي صف أول ثانوي مشكلجي حيل و دايم يتناقر مع زهور و دايم يطقها طق موب صاحي ]
[ أم زهور (( بدريه )) أم تحب عيالها و تخاف عليهم بس مشكلتها تفضل سعد لانه الكبير و تحب نايف لانه دلوعها و على طوالة لسانه تحبه كارفه زهور كرف موب صاحي مرات تفهمها و مرات ما تعطيها مجال للكلام كل شيء عندها الا انو زهور تطول لسانها على واحد من اخوانها هنا جد عقابها يكون أليم ماتحب تشوفهم يطقونها و لا تحب تشوفهم يتناقرون بس مع ذلك كله هم ليلهم نهارهم هوشات ]

طبعا نجي لعيشتهم و حياتهم : [ هم عايشين على تقاعد أبو زهور معيشهم على قد حالهم يعني لا غنى فوق الناس و لا فقر تحت الناس حالتهم و مستواهم راضين فيه طبعا مالهم بيت ملك مستاجرين و تقاعد أبوهم يا دوب يكفي مصاريف بيت و مدرسه و لبس و حركات بس يحتاجون دخل أخر و موب لاقين ]

إذا شفت تفاعل بنزل لكم الجزء الثاني من البارت الأول

البارت الأول الجزء 2

في الصباح الساعه 6 في غرفة زهور :
أم زهور تطق الباب على زهور : زهور . . . زهور قومي . . . زهور يالله قومي وراك مدرسه
زهور تقوم تبطل الباب و ترد تنسدح ع السرير بصمت
أم زهور : زهور يالله قومي إجهزي
زهور : يمه مابي أروح
أم زهور : وش مابي أروح ذي أنا مادخلتك المدرسه عشان يجي يوم تقولي مابي أروح
زهور : بس يمه تكفين ماعرف أحد خايفه يمه خايفه حيل (( صارت تبكي ))
أم زهور : قومي تراك مو بزر يا بنت يالله بس قومي دوام راح تداومين و غياب ما بغيبك الا اذا كنتي مريضه غيره مراح تغيبين يالله اشوف قومي قدامي
زهور : يممممممه تكفين بس اليوم اليوم بس و أوعدك معاد أقلك بغيب
أم زهور : كلمه وحده مراح أعيدها قومي يا زهور و إقصري الشر (( طلعت أم زهور من الغرفه ))
زهور : أستغفر الله بس وش هالعيشه (( قامت زهور و خذت لها شور لبست مريولها و لمت شعرها إللي كانت لامته ب ربطه و مخليته طبيعي و طبيعة شعر زهور يجي منكش شوي بس طالع عليها حلو نزلت نص الغره و نصها رفعتها و سوت بها بوف حطت لها كحل خفيف و روج لبست شرشف الصلاه و صلت و طلعت متوجه ل الصاله ))
[ بينما زهور في طريقها ل الصاله سمعت الشريط اليومي هوشات سعد و نايف وقفت زهور و هي تناظرهم يتطاققون و امهم بالمطبخ و اختها نايمه يعني محد يمهم و هي بس شافتهم زهور كانت في حالة صمت ما تسمع غير :
سعد : يالكلب وربي أدوسك اليوم دوس
نايف : روح ياعمي روح تخوفني انت
سعد : ايه اخوفك قرب يا جبان (( و بداء طقهم المعتاد ))
زهور هنا ماقدرت تمسك نفسها و صرخت : ياااااااااااااااااااااااااربي يالله صباح خير وش بلاكم انتم بطلو هوشات بس على الصباح خلو الواحد يطلع رايق
سعد : هي انتي تعرفين تأكلين زق لاحطك جنبه الحين و أعلمك طوالة لسانك ذي ياقليلة الأدب صدق منتي متربيه
نايف كان يصارخ من كثر ما انطق من سعد و ما زالو يطقون بعضهم و كل واحد يسوي مايحس مايبي يبين انه يتوجع
زهور : أووووف ياشينه من صباح
نايف هنا ماتحمل و صار ينادي امه : يمممممه فكيني من ورعك يمممممه ترى بيذبحني
طلعت أم زهور من المطبخ و شافت عيالها يتطاققون : سعد . . . نايف وخرو عن بعض و كل واحد يقعد زي الخلق ماسك نفسه و الفطور الحين بحطه بطلو مناقرتكم كل يوم تعبتوني
سعد و نايف بعدو عن بعض و كل واحد يتحلطم وده يذبح الثاني . . .
زهور كانت سرحانه و بالها مو معاها تناظر اخوانها و تعيد شريط ذكرياتها و تقول في نفسها (( شلون هم تربو غير عني ؟! طيب ليش دايم يتطاققون ؟! ليش يعاملوني و كأنني غريبه ؟! أنا ليش كذا أعاملهم ليش ما أمزح معاهم زي صباح بنت خالتي لما تمزح مع أخوانها ؟! ياربي ليش حياتي كذا أفقد أبوي إللي ما أعرفه غير بالصور و أفقد جدتي إللي أحن علي من هالدنيا كلها فقدتها و أنا صغيره يارب ماتحملت أفقدها و أنا توني بثالث إبتدائي ياربي أنا صغيره ليش أخذتهم مني و تعذبت من صغري و الحين ذولا و أسأليبهم يعذبوني ياربي ليش ؟! لا وبعد نقلت من مدرستي و تفارقت مع تؤامي و صديقاتي ياربي ابيهم ذي المدرسه مابيها ابي سكولي ياربي ابيه " في هاللحظه دمعت عينها و حست على نفسها مسحت دموعها و قامت تساعد أمها تحط الفطور " جلسو يفطرون و الكل كان يأكل إلآ زهور إللي كانت مكتفيه بالكوفي إللي تشربه ))
سعد كان ينادي زهور إللي ما زالت سرحانه :
سعد : زهور و صمخ لو حيوان رد
زهور هنا صح على نفسها و سمعته : هلا وشو
سعد : وجججع بدري إسمعي أنا طالع السياره خمس دقايق ماتطلعين ياويلك
زهور هنا كان ودها تتأخر عشان يروح و يخليها بس خافت ينزل و يطقها
زهور : طيب طالعه الحين (( قامت لبست عبايتها و خذت شنطتها و طلعت وراه و هي متوتره تقدم خطوه و توخر الثانيه وصلت ل السياره ركبت و هي كانت في صمت عميق بينما سعد إللي كان يمشيء ب أقل سرعه عشان يوصف لها شلون ترجع ب الهده للبيت مشيء // بعد ما وصل سعد للمدرسه ))
سعد : هيه إنتي يالله إنزلي وش فيك جالسه و إلآ حظرة البرنسيسه تبيني أنزل أفتح لها الباب
زهور عطته طاف " تطنيش " و نزلت بدون ولآ كلمه
دخلت زهور المدرسه ب توتر و خوف و إرتباك زهور كانت تمشيء و تحس الكل يناظرها << محد كان يناظرها بس من الخوف تحس كذا
زهور وقفت و نزلت عبايتها و بدت تعدل شكلها مشت و توجهت ل غرفة المديره بس صآدفةة إحدى المعلمآت في طريقهآ . . .
المعلمهه : بغيتي شيء ؟!
زهور : إي إستآذه أنا طالبه جديده صف أول متوسط و بعرف وين فصلي
المعلمه : حاليا مانقول وين الفصول بس روحي إجلسي و إستني لحد ما ينادو الأسماء و إسمعي إسمك و توجهي ل الطابور إللي نادو إسمك فيه
زهور : طيب شكرا
المعلمه : العفو
زهور توجهت ل إحدى زوايا المدرسه و جلست و صارت تناظر البنات و كيف اشكالهم و هم مبسوطين و يناقزون ذبحها حنينها ل صاحباتها و بالذات شيماء تؤامها إللي كانت هي وياها أكثر من أخوات صارت تفكر شلون ردت فعل صاحباتها بعد مايعرفون انها نقلت شلون شيوم راح تتحمل الصدمه شلون شلون يعني راح تنساها و الا بتضل تؤامها اللي ما تنساها تؤامها اللي عاشرتها 6 سنوات و بينما زهور في دوامه من التفكير قطع حبل أفكآرهآ صوت المعلمه و هي تنآدي إسمهآ : زهور الـ .... 1/2
زهور قامت و توجهت ل الطابور و صفت و كانت حدها متضايقه سمعت صوت بنتات وراها يحشون فيها . . .
البنت 1 : ههههههههههههأإآي بنات لا تفوتكم ذي (( تأشر على زهور )) عيونها مدمعه مسكينه ذكرتني بأختي نونه اليوم و هي تداوم بأول سنه ب الإبتدائي
البنات : هههههههههههههههههههه الله يقطع بليسك
البنت 2 : منجد كأنها من البزارين شكلها خوافه
البنت 1 : يمكن خايفه ندوسها هي و فيسها ذا يا هيه تراك كبيره لا تبكين عيب
البنات : هههههههههههههههههههههههه
زهور معطيتهم طاف لآنو مالها خلق مشاكل من أول يوم . . .
مشى الطابور و توجهو البنات لِ فصولهم كل فصل بِ قيآدة المعلمه المسؤله عنه


توقعآتكم :
شلون بيمر أول يوم دوآم على زهور ؟!
ممكن يسير شيء بين زهور و البنآت إللي تمصخرو عليهآ ؟!
شيمآء تؤآم زهور إللي تتكلم عنهآ ممكن تنسى زهور ؟!
تسآؤولآت كثيره نجيب عنهآ في البارت الثاني

الردود + التعليقآت + أتقبل أي نقد بِ إسلوب محترم + إللي عندهه أي فكره يرسل لي ع الخآص

البارت الثاني الجزء 1

بعد ما توجهت الطوابير للفصول و تحديدا في فصل 1/2 << فصل زهور

دخل الكل ماعدا زهور اللي كانت موقفه عند الباب ماتعرف وش سبب توترها غير انها تحس بخوف مو طبيعي
طبعا بداء الكل يقعد و كل شله يجتمعون و يقعدون قريبين من بعض و بعد ماترتبو البنات دخلت المعلمه :
المعلمه (( تكلم زهور )) : ليش ماتدخلين ؟!
زهور : (( بتوتر )) أستنى مكان فاضي أقعد فيه
المعلمه : شوفي فيه أكثر من مكان فاضي روحي إجلسي في واحد منهم
زهور : طيب
مشت زهور و صارت تناظر الأماكن و البنات إللي راح يكونون جنبها بِ المكان زهور بانت عليها ملامح الخوف و التوتر مو عارفه وين تقعد
بس قطع عليها حيرتها صوت البنت اللي كانت موقف قدامها و مدت يدها تسلم على زهور
البنت : سلام
زهور : وعليكم السلام
البنت : وش إسمك ؟
زهور : زهور
البنت : تشرفنا
زهور : الشرف لي
البنت : تعالي هنا فيه مكان عندي انا و الشله محد قاعد فيه تعالي اقعدي معنا
زهور : اوك
راحت زهور مع البنت و وقفو عند الشله
البنت : هي شوفو ذي بنت جديده ترى بتقعد هنا لانها ماتعرف حد و انا تعرفت عليها ترى اسمها زهور
البنات : تشرفنا
زهور : إكتفت بِ إبتسآمه
البنت : ايه صح زهور ماعرفتك علينا انا اسمي منال و ذي اسمها شيخه و ذي هند و ذي نوف و طبعا ذا ابو الشباب طلول ترى هو اسمه (( ريناد )) بس مثل ما انتي شايفه بوي و نسميه طلول
زهور : تشرفت بِ معرفتكم
و توجهت زهور للمقعد الفاضي اللي كانت جنبها (( منال ))
قعدو و بدو يتعرفون على زهور و الأسئله المعتاده لكل طالبه جديده
من وين جايه ؟! ليش ناقله ؟! كيف شايفه المدرسه ؟! و أسئله زي كذا
و بدت السوالف بين الشله و الكل ارتاح ل زهور ل تواضعها و بساطتها و هي ارتاحت لهم ل فلتهم و رجتهم
طلول : ايه صح ترى وقت الحصص نقلب مصاريه و انتي ؟
زهور : لا انا مثل ما انا يعني مو دفره و لا فاشله ماشيء حالي بس لازم اهذر وقت الحصه معرف اسكت
هند : (( بفرحه )) يييييييييييييييييس و اخيييييييييييييييييييرا راح احد يسحب على الدروس معاي
الكل : هههههههههههههههههههههههههههههههه
منال : شوي شوي لا يطق عرقك
هند : تلايطي بس
مرت الحصص و كانت كلها فراغ بما انه اول يوم و جا وقت الفسحه (( البريك ))
نزلو الشله كلهم ل الساحه
منال : هيه طلول
طلول : يا قلب طلول وش بغيتي
منال : اقول اركد لا انادي لك نصو الحين و يعلمك قلبك زين << نصور هو حبيب منال
طلول : لا لا خلاص وش تبين يالعله
منال : ويييييييييييييق يا جبان
طلول : طسي بس الا اقول زهور تعالي نعرفك على باقي الخمه
زهور : اوكيشن قدام
منال : ترى شوفي كلهم بسمح لك تناظريهم و كذا الا نصور لو تميلحتي عنده يا ويلك ترى ذا حبيبي
زهور : الله يقرفك وش حبه وععععععع اصلا مستحيل اتميلح انا اعشششق العربجه
منال : طيري وش وععع وربي نصور اااخخخخقققققق حب و بعدين خلك انتي الحين من وععع و امشيء نعرفك على الشله
زهور : طيب سرينا
راحو زهور و منال و طلول ل الشله بينما في طرف ثاني من المدرسه كانو واقفين و يتكلمون
.... : ما بلعتها ممدري ليش
.... : حسيت فيك بس انا شايفتها مغروره يعني مو زود جمال لا لا هي كذا مغروره
.... : معاك حق يا هند انا بعد مابلعتها بعدين هي انتي شيخه ترى البنت مو حلوه مره بس تجذب شوي و اكثر شيء اسلوبها و الا جمالها طبيعي و عادي
هند : صح شيوخ هي اسلوبها يجذب بس مابلعتها انا
شيخه : اقول نوف انتي و هند الحين خلونا منها و مصيرنا بنتعرف عليها وش تبون نبلع
هند : عن نفسي مابي شيء
نوف : ابي بس مويه
شيخه : طسو اجل انا بروح ادور شيء ينبلع
نرجع ل طلول و منال و زهور اللي كانو يلفون يدورون الشله
طلول : وين طسو ذولا << كان يتكلم ويناظر زهور كأنه يسألها
زهور : و انا وش عرفني
منال : كاااااااااااااااااااك طلول لقط فيسك
طلول : اقول انطمي بس و انتي الثانيه ماتعرفين تسلكين مالت بس عليك
زهور : ههههههههههههههههه ترى جد جد لقط فيسك لانو خشمك قاعد يرقص قدامي
منال : وييييييييييييييييييييييييق خشمك يرقص دقني
زهور و منال : هههههههههههههههههههههههههههههههههههههه
طلول يسوي زعلان : وجججع مليقات اخر زمن
منال : خف علينا يا اللي مو مليق
زهور : بطلو مناقره ترى يكفي نايف و سعد و مناقرتهم بتتناقرو انتو بعد اقول طيرو خلونا ندور شلتكم ازين من مناقرتكم
طلول و منال : طيب مشينا
راحو و لقيو الشله
طلول : سلامو شباب مالت مابغينا نصيدكم
الكل : و عليكم السلام
نصور : يا فديت منالي و حشششششتيني
منال : يا العيار الصباح كنت وياك ترى مرو 3 حصص بس
نصور : و الله وحشتيني وش اسوي
طلول : هي انتم بطلو غراميات الحين و بعرفكم على زهور
نصور : كيفنا ياخي لا تخرب الجو
منال : اصلا طلول يحب يخرب الاجواء ماتعودت عليه حبيبي
نصور : الا تعودت يا قلب حبيبك بس كنت متوقع يتغير
منال : ذا يتغير اذا حجت البقر على قرونها
الكل : ههههههههههههههههههههههههههههه
طلول : انطمو ازين المهم ذي زهور الـ .... جديده جايه من مدرسة ...... و بتكون معنا ب الشله
الكل : تشرفنا زهور
زهور : الشرف لي
طلول : زهور اعرفك عليهم ذا نصور و ذا حمني و ذي جيجي خوية حمني و ذي اسيل
زهور : تشرفت بمعرفتكم
الكل : و احنا اكثر
نصور : اتوقع خلاص تعرفنا الحين راح اخذ الحب و بنروح
منال : يب خلاص بنروح بس زهور مع مين راح تقعدين ؟
طلول : اقول منالوه وش قالو لك احنا هنا تحف و الا وشو يعني بتقعد معنا
حمني : يالحبيب لا تحسبني انا و جيجي لانو رايحين نتمشى ملينا من القعده
طلول : طيرو طيرو اصلا انا غاسل يديني منكم انتم الاربعه << يأشر على نصور و منال و حمني و جيجي
اسيل : اقول طلول خلهم يولون انا قاعده هونه لا شغله و لا عمله
طلول : مو هذي المشكله بشوف وجهك النحيس هههههههههههههههه
اسيل : لا والله (( و تضربه على راسه )) انا زعلت
طلول : ماتقدرين اصلا ماتعرفين
زهور : يا واثق انت
اسيل : مره واثق
طلول : واثق و يحق لي و الا عند وحده فيكم اعتراض
اسيل : ابدا ماعندي
زهور : لا تخيل عندي لا سمح الله
طلول : ايوه هيك ادب
زهور و اسيل : ههههههههههههههههههههههههههههههه
طلول : جب انتي وهي ماقلت شيء يضحك
زهور : هو انت صحيح ماقلت بس شكلك و انت مسوي واثق يضحك
اسيل : هههههههههههههههههههههههههه منجد
طلول : مع نفسكم الا اقول دورو لي مزه ابي اخاوي
زهور : نشتغل على حساب ابوك احنا
طلول : لا على حساب ابوك
زهور : (( هنا نزلت راسها و ماتكلمت لانها ما قالت لهم انه متوفي و صارت تتذكر شكله بالصور و تقول في نسفها : لو كنت عايش للحين ما كانو نايف و سعد يتناقرون كذا و لا كان تفرقنا و كنت تربيت معاهم و فهموني و فهمتهم ))
طلول (( حس إنه قال شيء ضايق زهور ))
طلول : زوز فيك شيء اسف ترى اذا ضايقتك
زهور : لا ابد بس ابوي الله يرحمه متوفي من عمري 7 أشهر
طلول و أسيل : الله يرحمه
أسيل حبت تغير الجو شوي شافت وحده تكرونيه قامت قالت : طلووووووول الحق صاروخ ترى وربي لو تضبطها ماتندم
طلول : وينها
اسيل : ذييييييك هههههههههههههههههههههههه
طلول : يا بنت الكلب انا اعلمك كيف اضبطها الحين و مسكها و صارو يتصافقون
و زهور كانت ميته ضحك على اشكالهم
اسيل : طلول وججججع خلاص ماقدر اتحمل ضربك يعور يالدفش
طلول بعد ماتركها : أحسسسسن عشان تتوبين عن حركاتك ذي
اسيل : اصلا توبه خلاص
زهور : هههههههههههههههههه اتحدى اذا ما نسيت توبتها بعد 5 دقايق
طلول و اسيل : هههههههههههههههههههههههههههههه
دق الجرس ل يعلن نهاية الفسحه و بدو يتوجهون ل فصولهم بعد ما اخذو لهم كم لفه على المدرسه


توقعاتكم :
زهور راح تضل مع الشله ذي ؟
وش راي الشله عنها ؟
ليش هند مي بالعتها و شيخه تحسها مغروره ؟
زهور وش شعورها بعد ما صاحبتهم ؟

أسئله كثيره راح نجاوب عليها في البارت الجاي إنتظروني

أول شيء سلام كيفكم عساكم بخير

امممممم ثاني شيء سوري يعني جد اعتذر على انو وقفت بنص الروايه و ماكملتها بس جد صايره لي ظروف حيل معقده و متعبتني سوا نفسيا او عامه يعني امممممم طبعا انا قد وعدي و ان شاء الله راح اكمل الروايه ل النهايه ممكن تجي فترات اوقف شوي بس تأكدو انو راح اكمل الروايه للاخر و اتوقع كافي حكي و اكيد الكل يبي انزل البارت ف اخلكم مع البارت افضل


البارت الرابع




ب البدايه خل نرجع نتذكر اخر الاشياء اللي صارة ويانا بالبارت الثالث :
طبعا كان فيه حب بحاية فيصل و كانت هالحب هي سميه اللي خانته و نقل ل هالسكول عشان يبعد عنها و مايسوي مشاكل


نكمل الروايه :


الساعه 3 قبل العصر اندق باب غرفته :طق طق طق
....... : انسه تهاني ازا بتريدي افتحي الباب
فيصل : ..... << نايم
سيرين : انسه تهاني ازا ممكن ئومي هلا راح يجي السيد جاسم << ابو فيصل

فيصل : اوووووووووووووف خلاص خلاص قايم وجع وش هالحاله طسي مناك بقوم
سيرين : ماشيء و راحت
قامبِ كل كسل و هو يسب و يلعن (( اوووووف وقته ذا الحين يجي يتذكرني اقوم اخذ شور و ابدل ازين
قام و دخل الحمام يأخذ له شور

دام فيصل ياخذ شور خلونا نروح مكان ثاني لين يخلص و نرجع له : )

صحت و شافت كيف كانت نايمه نايمه بلبس المدرسه شوزها للحين مافصخته مريولها عليها و كل شيء قامت و توجهت ل الدولاب تاخذ لها لبس عشان تدخل تاخذ شور اندق باب غرفتها و انفتح و دخلت امها
ام زهور : زهور ليش للحين بمريولك و بعدين خالك يقول انك قلتي بتنامين شدعوه يا حافظ ما نمتي و الا شنو
زهور : لا نمت و بالمريول بعدين خالي المحترم وش عرفه اني بنام ؟
ام زهور : زهور عيب عليك متى انتي راح تحترمين خالك شوفي عاد ذا سندي مالي بعده احد إيأني و إيأك أشوفك تغلطين عليه ذا خالك و بمقام ابوك عيب عليك يابنت
زهور : لا مامي هو خالي وبس مو مقام بابا و ليت بابا عايش ممكن وقتها ما اكره خالي هالكثر
ام زهور : و ليش ان شاء الله وش دخل موت ابوك ف كرهك لخالك
زهور تلعثمت : هاه لا لا ماكو شيء
ام زهور : اخلصي بدلي لبسك و امشيء اقعدي مع خالك وعن طوالة اللسان لا أأدبك الحين
زهور : هههففففف إن شآء الله روحي انتي بس
طلعت ام زهور و زهور راحت تأخذ شور

تعالو نروح مكان ماقد رحنا له و نشوف وش بنلقى :


..... : حصيص وجع تعالي هنيه
حصه : سم سم يا بو عبدالله
بو عبدالله : تعالي منيه لا العن امن و ابو جابوك << و يشدها من شعرها
حصه : حراااام عليك انا وش مسويه لك خادمتك عازتك رازتك وش مسوي فيني انته
....... : نزل يدك
بو عبدالله : تعالي يالبويه تعالي
طلول : هي انته اي بويه بس شيل يدك عن امي
حصه : سحر يمه روحي روحي لا يطقك
بو عبدالله : اص و قص شلون تمدين يدك انتي و بنتك على زوجتي
طلول : شنو شنو شنو وش اللي مدينا يدنا هيه ترى خلاص سكتنا لزوجتك ذي خييييييييييير ما رحنا لها و لا قربنا صوبها كافين خيرنا شرنا تجي انت تمد يدك على امي الحين عشان ذيك البزر اللي كبر عيالك
بو عبدالله : جب انتي هيهه طآآآآآخ << صكها كف
طلول : تضربني عشانها عشان ذيك انا بنتك تمد يدك علي عشان ذيك
بو عبدالله : انتي وحده فاجره شلون تجين بنتي يالبويه
طلول : ايه بويه و بويه و بويه و بضل اردد بويه انا صرت بويه و انت السبب انت اللي خليتني كذا انت اللي دمرتني انتا بنفسك نهيت على حياتي و مستقبلي انتا مو ابوي مو ابوي مو ابوي انا بريه منك ل يوم الدين ما ابييييييييييييييك
بو عبدالله : جب جب و طاح فيها ضرب
حصه : بو عبدالله دخيلك كافي كافي اللي تسويه بو بو ... بو عبدالله << و طاحت غشيانه
طلول : يماااااااااااااااااه و يقوم يروح لها و يأخذونها للمستشفى

خلونا نروح نشوف فيصل وش مسوي ؟

طلع بعد ما أخذ شور اتجه ل دولابه و هو لاف الفوطه على خصره طلع له بنطول كحلي و قميص ابيض لبسو نشف شعره و خلاه على طبيعته رش من العطر الرجالي عفس اكمام القميض و نزل يتغداء

فيصل : سيرين
سيرين : نعم انسه تهاني
فيصل : لا اله الا الله كم مره بقلك مستر فيصل مو انسه تهاني او انسه بطيخ فيصل و بس
سيرين : او معليش سو سوري مستر فيصل
فيصل : زين زين بطلي قرقره و جيبي الغداء
سيرين : حاضر بتؤمر أمر

جلس ع الـ T.V و مسك البيبي ماله و قام يكلم فهد

فيصل : فهيدان موجود
فهد : هلا فصول امر
فيصل : ابد ياخي لايعه كبدي حضرت الاب راح يشرف ع المغرب
فهد : او منجدك عمي جاسم بيجي المغرب << فهد متعود ينادي بو فيصل عمي بس هو مو عمه
فيصل : ايه بيجي عاد تصدق مالي خلق مغثه كالعاده يعني اكيد بيتفلسف فوق راسي و يجرني و راه عند اخوانه و خواته
فهد : فصول روح و لا تعقد الامور مو زين لك ترى مهما يكون ذيلا اهلك
فيصل : جب جب اي اهل بالله اللي ما يعرفوني و لا يزوروني الا لما يشرف ولدهم
فهد : انت قطعتهم شلون تبيهم يجونك بعدين هي انت بتروح عند عمك سليمان
فيصل : اكيد بروح مع ابوي او هم بيجونا بس تصدق مالي خلق اشوف بشاير بنته عاد ذي مغثه بروحها تغثني و ليا تميلحت اقوى مغثه ياعمي كرهتني فيها من تميلحها
فهد : هههههههههههههه وااااااااااي نفسي اشوف شكلها و انت جيه تتمصخر عليها و هي و لا على بالها اهم شيء تتقرب منك و انت لايعه كبدك
فيصل : جب جب جب لا تلوع كبدي وراي غداء
فهد : ههههههههههههههه اوك اوك اجل روح تغد و انا بنام شوي من جيت مانمت
فيصل : بل بل بل و ليش ما نمت ياحظي
فهد : وشوله انام و انا ماخذ نص ايميلات و ارقام المزز اللي ب سكولنا ياعمي يمكن وحده تطيحني بحبها او وحده تطبح بحبي
فيصل : الله يخلف عليك اقول كم وحده حوشت بنها ؟
فهد : 6 و اذا حبيت نتقاسمهم 3 لي و 3 لك
فيصل : لا لا مابي الا قلي ذيك البنت اللي كلمتك عنها يارب شنو اسمها ضيعته تصدق
فهد : ايت بنت ؟
فيصل : ذيك ياعمي ام لسان طويل
فهد : قصدك زهور اللي ب أول
فيصل : عليك نور اي زهور الا قلي بنها عندك
فهد : لا مابعد حصلي الشرف بعدين ترى يقولون انها مو من هالبنات ابد
فيصل : شلون يعني ؟
فهد : يعني ماعندها حركات الحب و كيذا ياعمي
فيصل : اها طيب تقلع نام و انا بأتغداء اكلمك اذا فضيت
فهد : اوك صار باي
فيصل : بايات

رمى جواله و صار يأكل و هو كل اللي براسه شلون بيروح مع ابوه عند عمانه و عماته و وش بيصير هناك خلونا نترك فيصل و نروح نشوف زهور وش عندها


طلعت من الحمام و لبست بنطلون سكيني اسود و بلوزه نص كم أسود و عليها رسومات بالاحمر مسكت شعرها و استشورته ربطته فوق و حطت كحل خفيف و مسكرا و قلوس احمر و طلعت ل الصاله

زهور : سلام
الكل : وعليكم السلام
زهور : ههههفففف طفففففش
ثامر : و من وشو طفشانه يا روح خالك انتي و يغمز لها
زهور : مو من شيء
ام زهور : اقعدي ويانا و ماتطفشين
زهور : زين زين و جلست
سعد : اقول خالي ورى مانطلع نتمشى ترى طفشنا بعدين انت قلي شنو تشتغل برا يعني بعد ماخلصت دراستك
ثامر : شوف حبيبي انا خلصت دراستي و اشتغلت ب شركه و ماشيء فيها الحمدلله
زهور : زين هالشركه مادقو عليك مافقدوك مايبونك ترجع لهم
ام زهور : زهور اص و قص يقص لسانك يا قليلة الحياء اشكره تطردين اخوي
زهور : يمه امزح وياها مابطرده شدعوه بيسمع كلامي و يطلع الحين
ثامر : افا يا بنت اختي افا يالحليوه كذا تقولي عن خالك
زهور : اقول اروح اشوف دروسي ابرك الا وين نايف ؟
سعد : طلع مع ولد الجيران
زهور : اها ياليت يطلعون بعد الجيران اللي مجاوريني هنا و ناشبين لي
ثامر : تقصديني يا زهور ؟
زهور : قلت الجيران اوووووف اروح غرفتي ابرك لي
اروى : زهور اليوم بنروح عند خاله
زهور : حححلو اجل تتهنو انا مابي اروح
ام زهور : ليش ؟
زهور : عندي دروس
سعد : شدعوه ياللي بتحضرين الماجستير خفي علينا بس
زهور : ما كلمتك
سعد : ترى بدوسك لو ماعقبتي
زهور : و ما بعقب كل واحد يبي يدوسني لو ماعقبت خير هي الدنيا فوضه
سعد : اقول هي انتي ترى جد لسانك طويل
ثامر : خلاص عاد مرضى على زهور انا و يغمز لها
زهور : هي انت مالك شغل كيفي انا و اخوي يقول اللي يبيه لي
ام زهور : طاااااااااخ << عطت زهور كف // انت ماتستحين هذا خالك مافوجهك حيا من اللي كبرك و رباك و درسك و علمك موب خالك
زهور و هي تبكي و في نفسها (( اي خال يا يمه اللي يتحرش ببنت اخته اي خال )) زين زين حفظنا هههففففف و راحت غرفتها
ام زهور : السموحه ياخوي بس هالبنت مدري متى تعقل
ثامر : لا عادي انا بروح اكلمها
سعد : هذي مجنونه شنو تكلم فيها خلوني اربيها انا
ام زهور : سعد اهجد و انت يا ثامر خلك منها و قلي شنو شغلتك و وشلون هي

نخليهم يتكلمون و نروح للمستشفى نشوف وش صار مع طلول

الدكتور : الحمد لله هي الحين بحاله كويسه و اللي صار انو ارتفع الضغط عندها و هذا اداء ل انو يغمى عليها
طلول : دكتور ابي اشوفها تكفى دكتور
الدكتور : تقدرو تشوفوها
طلول و بو عبدالله توجهو للغرفه دخل طلول و جاء يسكر الباب
بو عبدالله : هي انتي انا بدخل بعد
طلول : روح يا عمي روح مالك دخله هذي امي و انت طلقها و الحين ماعاد نبي منك شيء خلاص ترى عفنا حياتنا و السبب انته
بو عبدالله : هذي الساعه المباركه و البيت تطلعون منه خلال يومين و قولي ل امك انها طالق طالق طالق
طلول : روووووح زين قال تطلعون منه قال لا تنسى نص البيت بإسم امي
حصه : كح كح كح سحر يمه تعالي
طلول : يمه حبيبتي شلونك
حصه : زينه يمه مافيني شيء شنو يبي ابوك بعد
طلول : يخسي ذا ابوي انا متبريه منه
حصه : لا تقولين كذا و انا امك حرام عليك تتبرين من ابوك
طلول : خليه عنك زين الموهيم يمه هو طلقك الحين بطلب مني و بنعيش حياتنا بدونه بس وين بنسكن يمه
حصه : بنسكن ببيت ابوي انا هذي حصتي من الورثه و بنسكن فيه و بنعيش ع تقاعدي
طلول : زين يمه انا بروح الحين اشوف حد ينظف لنا بيت جدي و اول ماتطلعين من السمتشفى ننتقل على طول
حصه : طيب يا بنيتي الله وياك
طلول : فمان الله يالغاليه و طلع

و الين هنا كافي اوقف بالبارت و اكمل ان شاء الله قريب : )

البارت الخامس :



جالس ع التلفزيون و الافكار توديه و دق جرس الباب
فيصل : سيرين سيرين و صممممخ فتحي الباب
سيرين : حاضر << و راحت فتحت الباب

سيرين : اهلا و سهلا سيد جاسم تفضل
جاسم : هلا بك سيرين و ينها تهاني ؟ لا يكون للحين نايمه
سيرين : لا لا شو نايمه ما نايمه ليكا عم تتفرج ع التلفزيون
جاسم : اوك كلمي الخدامه تجيب الشنط من السياره
سيرين : حاضر

دخل جاسم وشاف فيصل جالس ع التلفزيون و مو مهتم
جاسم و بحده : شدعوه يا تهاني مو هامك وجودي
فيصل : هاه لا لا وشو مرحبا تو مانور البيت << و قام سلم عليه
جاسم : كيفك يا بنيتي وش اخبارك
فيصل : بخير بخير ماعلي انتا كيفك
جاسم : بخير و انا ابوك اسمعي انا بطلع الحين غرفتي بريح الساعه 8 بنروح عند عمك سليمان مابي مشاكل الله يرضى عليك
فيصل : هههفففف طيب طيب بس بنته المليقه ماتحملها ترى بنفجر فيها
جاسم : هذي بنت عمك يا تهاني و مهما يكون ملزوم تتحملينها بعدين وش حلاتها بشاير سنعه ياليت تتسنعين مثلها
فيصل : خلاص خلاص روح بدل مانقلب نصح هالحين
جاسم : استغفر الله بس << و راح و تركها
فيصل : هههففف وقته ذا خل اكلم فهيد يشوف لي دبره و اتصل على فهد
فهد : هلا هلا فيصلوه وش عندك داق
فيصل : فهيد و تراب اسمع ابوي يبينا نروح عند ابو الملييييييييييييقه
فهد : ههههههههههههههههه شوي شوي على حنجرتك
فيصل : ههههههفففف مو وقتكك يا هيه
فهد : طيب طيب وش المطلوب
فيصل : شف الحيوان قال وش المطلوب قال اسمع ابي دبره مابي اروح و لا ابي اشوفها و تتميلق و تتميلح على راسي
فهد : شنسوي طيب
فيصل : امممممممممممم بس لقيتها اسمع .............
نتركهم يخططون و نروح عند زهور و نشوف وش تسوي ؟


منسدحه على سريرها و هي تفكر شنو ممكن تسوي و تطلع خالها من البيت لانها مو مرتاحه بوجوده
زهور و هي تكلم نفسها (( ياربي شسوي فيه ذا نشبه شغله و مضبط اموره و مايبي ينقلع وش هالحظ انا مو طايقته و امي و اخواني مو عارفين شيء و لا هامهم شيء لحوووووول شسوي يعني فيه و نامت وهي تفكر ))


نروح نشوف طلول وش مسوي ؟

طلول كان في بيت جده ابو امه هو و معاه عمال نقل عفش و جالس ينقل عفشه من بيت ابوه ل بيت جده عشان يستقر هنا
طلول : هي انتا شوي شوي على الاثاث كسرت ابو الاغراض
العامل : مافي مشكله انا في شيل هذا كله كويس
طلول : اي اي ياكويس انتا اخلص بس اخلص

نخليه في حوسته و نروح مكان ماقد رحنا له

مقابله المرايه و جالسه تحط وجها ف المكياج موب المكياج في وجها هع
رن جوالها و راحت خذته شافت الرقم غريب ماعرفته و ردت بكل غرور و دلع متصنع
..... : ألــووو
الرقم : الو سلام
..... خقت عند الصوت : أأ هلا و عليكم السلام
الرقم : اخبارك بشاير
بشاير << عرفتوها ذي اللي تقرب لفيصل : هلا مين معاي
الرقم : انا فهد صاحب فيصل
بشاير : اي اي عرفتك انتا اللي كونت في بيت فصول لما احنا جينا عندوه
فهد : اي انا عليك نور
بشاير : هلا و الله
فهد : هلا بك و غلا و مسهلا
بشاير و هي تتصنع الدلع : هههههه احرجتني موره
فهد و هو كاره امها : هاه يالبى المنحرجه اقلك بيشو
بشاير : عيونها
فهد : تسلم عيونك اسمعي انا اليوم ناوي اطلع المول و صراحه ابي تطلعين وياي
بشاير : امممممم سو سوري حبيبي بس انا اليوم مره بيزي
فهد : افا عاد انا اول مره اطلبك و ترديني كيذا
بشاير وهي تدلع : ياروحي ياقلبي افهمني
فهد و هو لايعه كبده : وش افهم لا لا مايسير ترديني ابد
بشاير : حبيبي فهود انا منجد اليوم بيزي فصولي راح يجي موستحيل افوت الجلسه وياه سو سوري خلها مره تانيه اوعدك انا اطلعك و اعمل معاك احلى شوبنق الحين مره مشغوله باي و سكرت
فهد : بنت الكلب تصك في وجهي خل ادق على القح... فيصلوه و اعلمه وش صار من افكاره الجهنميه
دق على فيصل
فيصل : الو هاه بشر عساها بتطلع معاك و تفكني
فهد : لا موب طالعه وياي تقول اليوم بيزي فصولي راح يجي موستحيل افوت الجلسه وياه سو سوري << يقلدها و يتدلع
فيصل : وجججججججع ذي تبيني اذبحها هالحين اروح القاها من اخلع مايكون لا و بعد ابوي يقلي تسنعي مثلها وعععععععع
فهد : مشكلتك يالحبيب و بعدين ترى القحب..... سكرت الخط بوجهي
فيصل : يلعن شكلها هالممح...... اربيها لك طيب طيب
فهد : هي تقلع و طس عني ترى مو طايقك كله بسبتك
فيصل : خلاص خلاص انقلع اشوفك بكره
فهد : باي و قفل << يرد حركةة بشاير ل فيصل هوع
فيصل : اااااووووف الساعه 7 ونص يعني ماعندي غير نص ساعه اقوم اكشخ ابرك لي و راح

نروح عند بشاير نشوف وش جوها الحين

بشاير : ميري ميري وجعوووووه
ام بشاير : لحول يا بنت وش بلاك صوتك صاك البيت كله
بشاير : اوووووف ماما ابي ميري تطلع لي لبسي
ام بشاير : و انتي وراك ماتطلعينه
بشاير : ماما انا قاع اعمل ميك اب مو فاضيه و هي ماعندها شغل
ام بشاير : الا عندها هي قاعده تنظف البيت و تبخره مي فاضيتن لك
بشاير : زين زين خلاص

نزلت ام بشاير و بشاير رجعت غرفتها

ابو بشاير ( سليمان ) : وش فيها بنتك
ام بشاير : والله انت تعرفها يابو عبدالله هذي هي بنتك لازم تسوي لنا هالموال كل يوم
عبدالله : بلاها ما ذاقت المطرق اي والله
ابو بشاير : عبدالله اهجد ترى هذي اختك لا تخليني التف لك الحين
عبدالله : ياعمي وش هالاخت القرده
ام بشاير : هالحين هي قرده طيب طيب انا بناديها لك
عبدالله و ينط جنبها : لا لا احب راسك و يدينك و رجولك مابي قرقتها فوق راسي الحين والله اصدع و يجيني ابو انو الامراض
ابو بشاير : اه يالرخمه اثاريك تخاف منها
عبدالله : تخسي الا ذي ماتخوفني الا اقول من بيجي من عماتي
ابو بشاير : كلهم نور و نوير و نوره
عبدالله : قل كلهم و اختصر لا تعددهم
ابو بشاير : اعقب ياولد
عبدالله : ان شاء الله
ام بشاير : عبدالله وين ريان و راكان ؟
عبدالله : منخمدين
ام بشاير : قم قومهم و انا بروح اشف القهوه
عبدالله : طيب
ابو بشاير : انا بطلع دقايق و برجع

دامهم كلهم راحو خلوني اكلمكم عن عايلة ابو بشاير :
ابو بشاير هو سليمان اخو جاسم ابو فيصل عمره 45 رجال ماعليه قصور يحب عياله و كل شيء عنده بشاير مدلعها على الاخر
ام بشاير حرمه طيوبه حبوبه و الكل يحبها حتى فيصل عمرها 42 تحب عيالها كلهم و ماتفضل حد على حد
عبدالله ولدهم الكبير عمره 19 ولد فلاوي يحب الطلعات و الدجه يدرس 3 ثانوي عايد سنه فاشل دراسيا سربوت و يحب يتناقر مع بشاير بس هم مدلعها
بشاير عمرها 17 تعشششششششششق شيء اسمه بويات و في خاطرها تخاوي فيصل لانها تحبه بس مو معطيها وجه و هي مو موقفه عليه لا تطلع مع بويات و كل شيء بس تحب فيصل انسانه مغروره ماتحب تشوف حد احلى منها تبي كل الاهتمام لها ماتحب تشوف حد يهتم باي شخص بدون ما يهتم فيها هي اول انسانه تتصنع الدلع مواصفاتها طويله اطول من فيصل بشوي عصقولا لدرجه مو طبيعيه سمراء و شعرها اسود عيونها شوي صغار و شفايفها كبيره و خشمها صغير

ريان و راكان : تؤام عمرهم 10 رابع ابتدائي ثانئي مرح و مالهم بجو العايله كلش اهم ماعندهم البلاستيشن و بس

خلونا نروح لفيصل هالحين و نشوف شنو مسوي ؟

ابو فيصل : تهاني يالله انزلي اذا خلصتي انا تحت
فيصل : يالله نازله
نزل فيصل و هو لابسه برموداء طحيني لحد الركبه مع قميص ابيض و جكيت اسود نفس لون حزام البرمودا و مسوي شعره سبايكي كالعاده و لابس ساعه سوداء رجاليه و شوز رياضه اسود فيه خطين من الجنب لونها طحيني
نزل فيصل و لبس عبايته اللي على الكتف و ساده و لف الطرحه و رماها على وجهه بطريقه عشوائيه و جواله بيده و طلع ركب السياره

ابو فيصل : يالله نمشيء
فيصل : اوك
و مشيو ب الطريق
فيصل : اقول كل خواتك بيجون
ابو فيصل : على معتقد عماتك يعني قولي عماتي بيجون
فيصل : هههففف طيب جايين و الا لا
ابو فيصل : ايه كلهم بيجون و بناتهم وياهم يعني مابي مشاكل هناك
فيصل : زين زين
و صلو نزل ابو فيصل و فيصل يمشيء وراه و هو يدعي انو يكون الكل قد جاء عشان مايجلس مع بشاير بروحه

دق الجرس ابو فيصل

ابو بشاير : ميري افتحي الباب
ميري : حاضر بابا

فتحت ميري الباب و دخل ابو فيصل و فيصل

ابو بشاير : يا هلا و غلا بابو تهاني حي الله جاسم
ابو فيصل : الله يحييك
ابو بشاير : مرحبا ببنيتي تهاني
ابو فيصل : تهاني سلمي على عمك
فيصل : هلا هلا عمي شخبارك << و تسلم عليه
جت ام بشاير : يا هلا و غلا نورتونا حي الله من زارنا
ابو فيصل : اللهه مير يحييك
فيصل و هو يسلم عليها : شلونك خالتي
ام بشاير : بخير يا بعدي تفضلو ادخلو داخل
ابو بشاير : ترى نور و نوير و نوره اعتذرو ياخوي موب جايين
ابو فيصل : ماععليه براحتهم
نزلت من الدرج و هي تدلع و تتمخطر ب مشيتها
بشاير : سلامو و راحت تسلم على عمها كيفك عمو
ابو فيصل : بخير و انتي وش اخبارك
بشاير : تمامو منيحه و لفت تسلم على فيصل
بشاير و هي تتغنج و تدلع : كيفك فص اااا اقصد تهاني
فيصل و هو يتحلطم : بخير
ابو فيصل : تهاني عيب عليك اسئلي بنت عمك عن احوالها وش هالسلام ذا
فيصل : هههففف شلونك طيبه عساك بخير
بشاير : تمامو بشوفتك يا بعد قلبي
فيصل : اها طيب
ام بشاير : انا بروح اجيب القهوه اجل و بنادي العيال يسلمون على عمهم اطلعي يا تهاني مع بشاير عشان عبدالله و راكان و ريان بيجون يقعدون ويا عمهم
فيصل : هاه انا مع بشاير طيب
بشاير : يالله تهاني حبي تعالي وياي غرفتي
فيصل : هههفففف زين و طلعو على بال ما يوصلون نروح سريع نشوف وش عند زهور ؟

والا اقلكم نوقف لين هنا و راح اكمل اليوم اذا فضيت