هاض صدري.........

هاض صدري يوم مريت المحازه
وانتحى والنار والغربي يسوقـه
وارد اليابـان ماظلـل قــزازه
سائقه مشتاق والمسـرا يشوقـه
جيب يشبه للسهم واحلا ارتكازه
واذكر الله جعل ربـي مايعوقـه
يوم صافح نجد وابعد عن حجازه
مثل طير(ن) تو مافكت سبوقـه
غير شوف الزين مالي فيه عازه
وشوفتي بيته ومدهالـه وسوقـه
ليت شوفت من نبي هرجه مجازه
كان راع الحق ماضاعت حقوقه
شب في وسط الحشاء ناره وقازه
لي ثمان سنين والكبـد محروقـه
قلبي اللي بالهوى طال احتجـازه
اجتلد والنـوم عينـي ماتذوقـه
والهوى راعيه مافـاد احتـرازه
لو يغض الطرف مايسلم خفوقـه