( حـــنــيــــن ) .. مدونتي ..

علاقتي بالنـاس .. أساسها الأحترام ..
مايهمني هذا وش اصله . ولادينه ولا شكله ..

أتعامل مع البشر مثل مااحب انهم يعاملوني ..
..
لي اصدقاء .. شباب . محترمين لاني من الأساس بنيت أحترام معهم .
..
دخلت منتدى بويه ..
مع اني لست ببويه ولا ليدي ..
لكن .. ابي أستكشف هذا العالم .. اللي العالم كله ضده ..
ابي اشوف وش الغلط اللي الناس كارهته ..

ابي اقرب منهم .. ابي اشوف هم يخوفون هم مجرمين ..؟ < هذا ماصورة لنا المجتمع

لقيتهم نااس بسيطة ..

وابسط منا كمان ..
فيهم المحترم والغير محترم .. مثلنا ..
فيهم اللي قلبه ابيض واللي قلبه اسود .. مثلنا
فيهم الأناني والمغرور .. مثلنا
فيهم اللي يحافظ على صلاته واللي ينساها .. مثلنا
فيهم اللي يحب واللي يكره .. مثلنا

طيب ..

ليش المجتمع ضدهم ..

لانهم بالأساس ولدوا بنات .. وفي فترة معينه من حياتهم .. ميولهم صارت ذكوريه ..

طيب ..

انا اقول ..


( أحساااس الأنسان موب بيده .. الانسان ضعيف قدام ..راحة باله ..اي شئ يريحه يحب يسويه ..
طيب هم ماغلطوا على أحد .. ولا أذوا احد .. ليش نتهجم عليهم ..

رغم اني لاأنكر راي الدين بالموضوع .. وبنفس الوقت ما أفتي فيه ..
انا اتكلم من ناحيه انسانيه ..

ليش مانوقف معهم .. اذا بعضهم بحاجة الى علاج .. نفسي .. نوقف معه .
اذا محتاج احدهم .بعد راي الطب الى تصحيح وضعة الأعضاء التناسليه .. نوقف معهم ..

اذا ماخذين التحويل الى بويه .. كتسليه ..
ننصحة ..

ونعاملهم بأحترام وحب . وأدب
.. واذا شفناهم باماكن عامه .. لانتقزز منهم ..

اذا بنظرنا هم مخطين .. اقول
..ترى كلـــــــنـــــــــــا فينا بلاوي لها اول مالها تالي. .

يعني لاننظر للبويه على انها كتله من المعاصي .. لا وحرام علينا والله ..

كل الناس تذنب ولا في احد احسن من احد ..

فيه بويات وربي بأخلاقهن الحلوة .. تحبهم غصب عنك ..

كنت اشوفهم بالحكير لاند .. وبالنادي ..
ناس بحالهم والله ..

وعيون العالم تاكلهم .. طيب ليش بالله ..
موب عاجبينكم .. صدوا عنهم ..

بس بالنسبه ..
الناس تكرهم موب لانه من ناحيه الدين يرفض الشئ هذا ...

لالالالا

الناس ترفضهم .. لان ماعندها مجال في قلبها للحب اصلا ,

بس بالنسبه لي انا ..


أقولهم ..


أحــبـــكــم وقلبي فيه مجال . ومساحة كبيرة لكم .


< هذررررة صباحية على القهوة العربيه


طيب القهوه العربيه حددي من اي دووله في قهوه سعوديه خاايسه مره ما تنشرب وفيه قهوه سوريه ولبنانيه

لازم تحددين ما يصير الحتسي هذا



حيـاكم فنجال عالطاااير