خلك مكانك واستريح

اقول انا بس إستريح ماينفعك دور الجريح
عنتر زمانك مستوي مره تحب مرّه تشيح

لاهي وعودك بالتزام ولا انته بعد قد الكلام
ماعاد لك قدر ومقام بارد وانا شوقي صريح

ياما على الزله سكت وانته مكانك ما احتركت
راجعت نفسي ثم ضحكت وشلي بحبك يامليح

ما انته على حبي تروم وانا من كبار القروم
ولاني على مثلك لزوم يامدور الدرب المريح

لو كان ذا غير الزمان وماكان به غيرك حنان
ما ابيك دام الأصل بان الحر ماعمره يطيح

كم لي تمنوا يوصلون والزين ما ياتي بهون
حنا إذا نعشق نصون ياراعي القلب الشحيح

عشقي أنا عشق الشيوخ مافيه معنى للرضوخ
ماعاش حب بلا شموخ هذا هو الحب الصحيح

لالا تفكر أو تقول ماني علـى وصلـك ميـول
مادام عندك ألف قول خلك مكانك واستريح