على ذكر المواجع والسفر والحل والترحال
طويت آخر ورق عندي بقا من دفتر أحزاني
طويته وإنكسر قلبي وصوتي بالمواجع سال
ودريت إن الظلام اللي تحت كف السهر جاني
جلست أجمع مسافاتي واغني للسفرموال
على صفحه من الماضي بها حلمي وعنواني
حبيبي ليلة البارح مشيت من الغرام أميال
وراك وفلت الذكرى شعرها لين غطاني
حبيبي كل ماشوفك تجي بالذاكره تختال
نهر من موية الذكرى يجي من فايض أشجاني
تخيل يوم عانقني خيالك خاطري وش قال
تخيل قبل أسولف لك نشدني عنك وجداني
نشدني لين خلاني مدينه هزها زلزال
تخيل ماهدى حتى لقاك بوسط شرياني
أروح لسدره الموعد معاي لجيدها سلسال
وأخاف إنك تجي قبلي وترحل قبل تلقاني
هنا كانت ليالينا غلا والمقبلات آمال
وهنا كانت مواعيدك مطر تخضر به أغصاني
حبيبي لاتنشدني عن أحوالي وكيف الحال
أنا بعدك سحاب أبيض أضمه حيل بأحضاني
غلاك بدلة الذكرى هيل وهاجسي فنجال
تقهواه الجروح اللي بها ذكراك تنعاني
مما راق لي ..
ودمتم بسـعاده ..
موضوع: جلست اجمع مسافاتي واغني للسفر موال 
الثلاثاء أكتوبر 26, 2010 7:48 pm
