يارب تتصل..

مرحبا..كيفكم؟ اطرح قصتي بينكم وبغى استنتج من مشاركاتكم وردودكم وقتراحاتكم وياليت اتساعدوني وتجبرون بخاطري الله يجبر خواطركم... قصتي قبل ثلاث ايام كنت في مول دبي رايح انا والشباب نتمشى اجازه العيد مده اسبوع مثل اي شباب سهر وتمشي بالاسواق وسينما والخ .....المهم اخر يوم كنت اتمشى في الدور الثالث ولا يمر ذا المزيون الغزال المها الريم الي يقطع القلب وكان مسرع وشكله عجل ..ونا الي اطلع القلم والسجل الرقم والحقه منهبل على زينه ..و يمسكني صاحبي انت لا تفضحنا ذي بويه ماراح تعطيك وجه ماتحب الشباب انثبر لا تفشلنا ..ونا الي الرد عليه ماتشوفه انت ؟ قال الا موت بس ماتصلح لك !! قلت هذي والله الي تصلح لي وزود ...قالي اتشوف راح تكرشك ..قلت ميخالف . والركض وراها منهبل على زينه وقول بخاطري يارب تاقف مشيتها سريعه..ولا المزيون ياقف يسأل البايع عن شغله للأيباد ..ونا التفت عليه وش ذا الزين؟ فديت الزين ؟ مابقيتي لحد من جمالك؟ اخ على قصتك ؟ اخ على استايلك؟ وربي اكيوت؟؟...مير تلتفت وتقولي غريبه الشباب مايحبون البنات الي مثلي!! قلت من قالك انا انا بديت احب الي زيك ...ثم اجلست تظحك ..وقولها فديت ظحكتك...وردت انت وشفيك تراك خرعتني....قلتله لا والله الا جمالك يخرع...ثم ردت انت وش تبي..؟ تبغى تعطيني الرقم ..قلتله ايبلاه ودي ..قالت ان زين عطني اياه.. قلت ابشرط تتصلين...اسكتت ثم قالت اوكي ونا الي امدالرقم وعيوني طايره من الزين والموقف...قالتلي اوكي خلاص ...ونا الي اطلع براء المحل ..ماش ضاق صدري ونا الي ارجع واجلس اناظرها بصمت ...ثم اقرب واجلس معاها وكان ودها تشري بالفيزه بس ماقبل ونا الي اقوم وقولها انا ادفع قالت لا شكرًا..ثم اطلعت ونا وراها ..انزلت بالدرج الكهربائي الدور الثاني وجي قباله من الدور الثالث اوزع بوسات بيدي وقولها فديتك وفديت الارجواني (كانت لابسه ابلوزه ارجواني) ثم تنزل لدور الاول ونا امشي معاها من الدور الثالث وقولها من بعيد بصوت عالي يابعد روحي يابعد اهلي يازينك تهبلين ياكاملة الأوصاف ..والا فيه شباب من الأمارات كانو يمشون جنبها جلسو يناظرونها ويضحكون علي.. اختفت من السوق ونا الأن متفطر قلبي عليها كأني فاقد حاجه ..افكر فيها على طول..ونا الحين اسمع اغنيه محمد عبده لي ثلاث ايام ماجاني خبر....وقول يارب تتصل..يارب تتصل ..يارب تتصل. سؤال .. هل البنت البويه ممكن تحب شاب ؟ خاطره ..هقوتكم ممكن تتصل علي ؟ انتهى