اختاروا عنوان للرواية

عدد الرسائل : 1 تاريخ التسجيل : 23/11/2012

السلام عليكم ورحمة الله وبركاته

انا عضوة جديدة لكني متابعة قديمة للمنتدى
السبب اللي خلاني أسجل معكم هو سؤال جا ع بالي ..

الحين لكل وحدة فينا رواية !
حياتها اللي تعيشها عبارة عن قصة هي البطلة الوحيدة فيها ..
رواية بس بنهاية مجهولة !

السؤال اللي طرا ع بالي هو يا ترى نهاية قصتي بتصير سعيدة مثل ما أقرا بالروايات ؟
والا مأساوية ..!

اذا انا مشيت بدون هدف بحياتي
متخبطة وتايهة ومنغمسة بالدنيا وملذاتها وناسية وش ينتظرني بعدين !
أكيد نهاية قصتي بتكون حزينة .. والمتضرر الوحيد فيها هو أنا
لأن كل شخص بيتحاسب لحاله ..

بس لو أنا انتبهت انا وش قاعدة اسوي
وخططت لحياتي كويس
احاول قد ما أقدر أرضي والديني وأحافظ ع صلاتي
ربي بيكون راضي عني وبيختم لي بخاتمة حسنة < خنقتني العبرة تخيلت اني ع باب الجنة
اااه يا رب بلغني الجنة واختم لي بعمل صالح

لا يجي فبالكم اني مطوعة والا نفسية زي ما تقولون
لا وربي اني حالي حالكم ومن متابعات المنتدى وأعترف انه أثّر علي كثيييييييييير بشكل ما تتخيلونه .. وكل مرا اخلص من رواية أو شي اروح استغفر واتوب لربي
بس بعد فترة أرجع .. قلبي يتقطع ربي يشوفني أعصيه ويستر علي وأتوب ويسامحني وعقب أروح أرجع وأكرر نفس الخطأ وهو يشوفني !!! شي يوجع وقسم
وابليس الحقير يوسوس لي يقول لي إنتِ أصلاً خلاص منحرفة ومنتهية مهما استغفرتي أو تبتي بترجعين مرا ثانية وثالثة وعاشرة .. جاني إحباط واكتئبت بالحيل

بس سبحان الله مرا سمعت وحدة من البنات تسولف ع صاحباتها تقول
يا بنات توبوا مهما سويتوا من معاصي لو وش ما سويتوا
ربي يفرح بتوبتكم ويبدل سيئاتكم كلها لحسنات
ربي رحيم بعباده ، فرعون وهو فرعون بكبره اللي كان يقول لقومه ( أنا ربكم الأعلى ) يوم عاقبه ربي بالغرق وكان خلاص شوي ويموت كان واحد من الملائكة يحط بفمه تراب عشان ما ينطق الشهادة يقول المَلَك *مو متأكدة من إسمه بالضبط*
خشيت أن ينطق الشهادة فتحل عليه رحمة الله !!!

ياه شكثر ربي رحيم وعظيم
انا يوم سمعتها حسيت بفرحةة يعني فيه أمل أغير حياتي وأبدأ من جديد

لكل وحدة مننا قصة وهي اللي تختار عنوانها ..

انا قررت أبدا حياة جديدة
وانتوا بعد فكروا بكلامي وقرروا ...

ادري طولت عليكم
بس معليش تحملوا

همسة للجميع :
بنات تذكروا الجنة كثير ، تذكروا نعيم الجنة اللي من شدة جماله عقولنا ما تقدر تتخيله
بالله تستاهل هالدنيا اللي بتنتهي بيوم اني أفرط بنعيم الجنة الأبدي ؟

همسة ثانية لكاتبات الروايات : ربي عطاكم نعمة لا تستخدونها بشيء غلط يجيبكم لكم السيئات حتى وانتم بقبوركم !
والله أساليبكم مؤثرة وجميلة وتخترق القلب استغلوها بشيء ينفعكم

أحبكم ()
أختكم طيف ..

ياخخي كلامتسس يبرررد التسبدد Smile

جززاتسس الله خخخخيررر
وشوووككككرن Very Happy

وقسسسم نفس حالتي بصرااحه كلامك بالصميمم
امشكووره عالطرح ياعمري ان شاء الله
تفيدين وتستفيدين
تحياتي ضميانه عشقه

» يــــــــــــــلا اختاروا رقــــــــــم وجاوبوا ع السؤال
» اختاروا من 1 لي 15 وشوفوا ابوكم شنو قال عنكم اول مانولدتو ..
» بلا عنوان
» بدون عنوان
» بدون عنوان