محادثه مسن تبكي الي مايبكي =(

السلام عليكم ورحمه الله وبركاته
أول مرا انزل بـ هل القسم
ووانشاء الله يعجبكم طرحي

أتـمنـى من الجميع يقرأها للنهاية
اللهم أحسن خواتمنا
شي يخلي الواحد يبكي

الآن صاحب القصة يتكلم

السآعه 4 الفجر ..يوم الاربعاء جآلسة على النت سهرانه
وصوت ضحكي مآلي بيتنا الي كل الي فيه نايمين الا انا ..
فآتحه المسن الي اربع وعشرين ساعه عليه .. فجأه دخلت ساره ..
ساره..

اهليين دنوو شخبارك؟


دانه..
هلا والله سوير


ساره:
دانه طفشانه.؟؟


دانه:
لآ عادي ليه؟


ساره:
بسوي لك انفايت مع هذاك الي قلت لك عنه


دانه:
مين ياسر؟


ساره:
هههههههههه لآ ياسر خلاص راح الغبي هذا نوآف الخاقوق


دانه:
ههههههه هذاك المملوح الابيضاني
سآره:


بالضبط


دانه:
امانه شلون جبتي ايميله ..
ساره:
مره حطه بالنت لوق حقه ولطشته


دانه:
سويت له آآد بالنت لوق ابغاه يصير من فرنديني عيا يقبل يالله يالله سوي انفايت خل اخليه يقبل
ساره:
اوك


**
ساره:
نوآف هذي دنو ..دنو هذا نواف


نواف:
يآ هلا والله بدنو
دانه:
هلا بك اكثر..









مرت الساعه وحنا سواليف وضحك وحش وشوي شي مشفر..



دانه:
يووه اذن مالي خلق اروح المدرسه
نواف:
غيبيه ..خل نكمل سوالف مررره أنتي كيوت


دانه:
وأنتي سوير ؟
ساره:
تصدقين انا نفسي اغيب
دانه:
اجل بروح أسكر الباب عشان ما يزعجوني ..وه يا حلوك يا نواف انت وسواليفك..




جلسنا تقريباً نسولف لين الساعه 7..



دآنه:
يووه خلاص دخت بقوم انام ..نواف نور المسن
نواف:
بوجودك قلبو



دانه:


انسدحت على السرير وانا دااايخه ..غمضت عيوني وفكرت بنواف الحلو اضفته اليوم بدل عمر الفاشل خخخخ سوالفه حلوه ..
اووووه ما صليت الفجر بررد مالي خلق اتوضى .. صح النائم حتى يستيقظ ..!! لا قمت إن شاء الله بصلي..





السآعه9 ونص قمت من صوت مسج الجوال يوووه من وقته هذا يرسل اللحين ..
فتحت الجوال كانت من ساره تقول فيها" بسرعه ادخلي في هوشه بالمسن"
تحمست بسرعه وفتحت لاب توبي وايميلي ما امداني دخلت الا ساره دخلتني انفايت فيه ناس كثار
وفهمت منساره السالفه بمحادثه ثانيه واستهبلت وانا اتهاوش لين روقت ..
خلصت الهوشه بعد ضحك طوويل واعتذار احد الشباب مع انه ما غلط ..
فتحت النت لوق حقي لو احط صورة فمي بس محد عارفني !!
فكره والله شبابنا يخقون على طرف عبايه
وانا خلقه اهبل خخخ نزلت صورة فمي وقمت من على الجهاز وبدلت بجامتي وتوضيت وصليت الفجر الساعه 9 ونص .!!
رجعت للاب توبي وانا فيني نوم بس شفت نوافداخل جلست اسولف معه شوي ..
فجأه كل شي بدا يجمد فيني الدنيا بدت تظلم كل شي ظلام وش صار ..
الاب توب فوقي وكأني نايمه بعمق ما اسمع الا صوت المحادثه بس..


ساره:


دانه وينك؟


نواف:
وين رحتي دانه
*اشارة تنبيه*
ساره:
شكلها انشغلت المهم كمل السالفه ..


كل شي ظلام ابي اتحرك ابي اقوم .. لا ميته انا اللحين ..
ياربي رجعني بس بصلي ركعتين ..ربي رجعني بس بعيد صلاتي زين ..وصورتي الي تو نزلتها !!
ونواف وعمر ومشاري وسعود الي في ايميلي؟والفيس بوك ؟ ياربي رجعني يارب ..


مر الوقت طويل وانا بس اسمع مصوت المحادثه
الباب يطق انفتح اسمع الخدامه تاتي تنادي بأسمي وانا ما ارد جلست تصرخ وتنادي بأمي ..لا انا
اسمع تعالي يا تاتي تعالي بس بقول اسفه على الصراخ الي تاخذينه مني كل يوم تاتي بس حلليني ياربي قومني بس تحللني
دخلت امي وقرب الصوت لعندي اكثر


امي..
دانه.. دانه حبيبيتي دانه ..لآآآآآآآآآآآآ دآآنه قومي تكفين دآنه..


يا ماما شلون ارد تكفين ماما ابي اقوم ليتي سمعت بنصحتك يوم قلتي لي اتغطى ليتني سمعت منك يوم قلتي لي يكفي اغاني


أغاني..!!
انا مت .. والاغاني الي حملتها بالاي بود وتوزعت على كل الناس والاغاني الي ارسلتها لكل الناس ..
ياربي رجعني اصلي ركعتين يارب
شالوا الاب توب مني وغطوني بشرشف الصلاه بعد ما انهارت امي
مر الوقت ببطئ ودخل اخوي معاه ابوييبكون شايلني اخوي وابوي وراه يبكي ..


اخوي ؟
والسهر ايام الاجازه بالملحق والرقص ؟ واستهبالك على البنات الي اعطيك رقمهم يارب رجعني يارب بس اصلي ركعتين
ركبت السياره ورا وانا ملفوفه بعبايتي الي كلها الوان وزخرفه وصلت المستشفى وانا اسمع صوت نفس اخوي وازعاج ناس حولي ..
رفع الدكتور راسه بعد ما غطاني بشرشف ابيض وقال:
تشخيص الحاله .. موت سكته قلبيه مفاجئه
سمعت نوحة ابوي وشهقة اخوي..



ابوي:
لآآآآآآآآآآ حول ولا قوة الا بالله لاآآآآ حول ولا قوة الا بالله


اخوي:
يبه قل لا اله الا الله قل لا الله الا الله البكا ما ييفيد شي..



دخلوني ثلاجة الموتي بعد ما غطوني بالكامل الا راسي وملفوفه بقماش ابيض ..
مر الوقت وكل شي ظلام وهدووووء
ياربي رجعني اصلي ركعتين بس يارب
شوي سمعت صوت الثلاجه تنفتح طلعوني بعد غطوني بالكامل وركبوني سياره الاسعاف وانا اسمع اذان صلاة الظهر..



يارب رجعني بس اصلي الظهر بس اصلي بوقتها يارب ..
ليتني كنت اصلي بوقتها ليتني لما اسمع الاذان اترك كل شي حولي واقوم اصلي ليت..



دخلت غرفة وانا اسمع صوت حريم غسلوني بمويه بارده وحطوا علي بعض الاشياء
وقسمت شعري اربع اقسام بعد ما غسلته وجدلتهم بس من قصره ما قدرت تسوي شي
واانا اسمع الي تغسلني تدعي لي دخلوا ناس علي ..هذا صوت امي تبكي وتمسكني ..
هذا صوت اختي الي ياما ويااما تهاوشت معها ..
خآلاتي ..
بنت خالتي لينا
ايام الاستهبال على الشباب بالارقام والحش بكل خلق الله
هذي لمياء
ايام ما كانت تنصحنا لا علينا المسجل على الاخير ونعاندها نزيد الصوت
هذي مرت خالي احمد
لما كانت تربط على خصري وتعلمني كيف ارقص
وهذي وهذا وهذيك وذاك محد منهم راح ينفعني اللحين يارب رجعني اصلي ركعتين يارب






وصلنا المسجد وحطوني قدام المصلين وانا اسمع الامام يقول
"الصلآآآآة على الميت يرحمكم الله "
بدوا يصلون علي واسمع شهقات اخواني واهلي ..خلصت الصلاه والكل قام يعزي
"عظم الله اجرك يابو فلان"
"الله يرحمها ويخلف على شبابها بالجنه"
وهمهمات ابوي واخواني من البكي ما ينسمع وش يقولون ..يارب رجعني لو استغفر بس
دخلوني في سيارة الاسعاف ووصلنا المقبره وشالوني كثار واسمع اصوات رجال كثار والمميز بينهم
شهقات اخواني الصغار الي كنت اعلمهم يحفظون بعض مقاطع الاغاني .. يارب رجعني استغفر بس
شالوني واسمع دعاء الكل ..شالني اخوي وحطني في حفره ضيقه
تكفى يا اخوي انا اختك الي ياما وياما استهبلنا اخر الليل لا تروح تخليني في ذا الحفره
فتحو وجهي وطلع يديني وحط الحجر والتبن واللبن ودفنوني والكل يدعي
"الله يرحمها بواسع رحمته يارب"
"الله يخلف على شبابها بالجنه"
"الله يرحمها ويصبركم "
"اللهم بدلها بأهل غير اهلها واغسلها من الذنوب والخطايا"
هذا صوت خالي احمد
هذا صوت عمي سلطان الي كان يعلمني كيف اشرب الاره بالخش والدس وبعدها ما شربت
هذا صوت ولد عمي ثامر
ايام المراهقه كنا سوا
هذا صوت وهذا صوت وهذا صوت .. وش يفيدني اللحين
راحوا وانا اسمع صوت رجولهم لا تروحون وتخلوني لااا
وصوري بالنت لوق ؟! وكل شي سويته ؟!الاغاني؟
وتأخير الصلاه ليتني ارجع .. كنت احسب ان دنياي طويله وامني نفسي اني لسا صغيره على الموت
والبنات الي بالمدرسه؟ الي ما بقى احد ما حشيت فيه بيسامحوني؟

معلماتي الي كلهم هبلت فيهم وتحسبوا علي بيحللوني ؟
ذنوبي كلها وش اسوي بها
يارب ارحمني يارب
**
بالعزا
**
صيآح ونياح وازعاج الكل يترحم علي قسم الحريم وقسم الرجال كلهم يقربون لي ..
وين صديقاتها ؟!
وين الناس الي تكلمهم مسن؟!
وين وين وين وين ؟!
كل شي تغير فجأه ..
وين الي يحبونها ؟ وين حبيبها العاشق الهيمان؟وين وين وين ؟!
**
بالمدرسه
**
انتشر خبر دانه الفلاني توفت .. الكل حزن وخاف ودعوا لها .. صديقاتها يصحون بجهه وبعضهم
قال ببتسامه .."اييه الله يرحمها ويغفر لها على كل ما سوته لنا"
**
نواف؟!
ساره؟
عمر؟
مشاري ؟
سعود؟
الخ الخ الخ
ثلاث ايام.. بكو او مجرد حزنوا .. ورجعوا على حالهم
وللحين صديقات دانه يناشدون اهل الخير كيف يحذفون بروفايلاتها بالنت لوق والفيس بوك ..
وهذي هي الأدعيه تنتشر ..من صديقتها يناشدون الناس يدعون لها ..


**
ببس حطوا نفسكم مكان دانه وتخيلوها انتم بعيد الشر
محد يبغى يكون نهايتة زي دانه !!
طيب ليه نسوي زي الي تسويه دانه بالظبط؟
لو يصير لنا نفس الي صار لدانه وش بنسوي ؟!
وش موقفنا قدام ربنا؟!
قبل لا نسوي الشي ليه ما نفكر بالعواقف الدنياويه والاخره
صديقات دانه ؟ كلها كم شهر وينسونها لانهم من نفس نوع دانه..





ليه ما بعد ما يموت اي احد لنا ندعي له بالرحمه؟ ليه قبل ما يموت ننصحه وندعي له بالهدايه؟!


تكفون سامحووني وحللووني اذا غلطت على احد,,,

اللهم احسن خواتمنا

تحياتي
أميره بذوقها

يآآآآآآرب تحسسسسن خاااتمتنااا مااحد عارف متى يموت أو يبقى بهذي الحيااااه .. بنآت مهما عصينا ومهما قصرنا من واجباات حاااولو تسون شي بسيط استغفرووو ع الاقل .. يمكن تتكفر اذنووووبنااا .. الله يرحمناااا .. مابقى شي عن القيامه كل علاماتهااا ظهرررررت ... آميرررره فديت قلبك وجزآآآآآآك الله آآآآآلف خيررر ع الموضووووع الآكثر من راااااائع .. اتمنى خاتمتنا عكس دانه

يارب تحسن خاتمتنا
يارب يهدينا ويهدي جميع الناس
مفي قمة الروعه جزاك الله خير

اللـــــــــــــــــــــــــــــهـ يغفر ذنوبنا ويحسن خاتمتنا بس
ومشكووووورهـ حبيبتي اميرهـ بذوقها ع الطرح
واللهـ يجعلهـ بموازين حسناتكـ
تقبلي مروري شموووووخ

امييين

منورين حبايب قلبي

وتسلمون ع طلاتكم الذووق


الله لا يحرمني منكم

<<يووووووه قصصة غريبه بس اشلووون متي وانتي تسمعيييين وش لون متيي ورجعتي تقولين قصتك ..؟؟؟ مدري اش لوون <<مااا استوعبت

^^حتى انا ياعمري مااطري

بس انها عضه وعبره

منوره ياقلبي وتسلمين ع المرور

الله يحسن الخاتممممه بس

وشسسموه يارب احسن خاتمتنا ..

وانا قريتها قبل تسسذآ وانشالله اللكل يتعض !!

تشكيراتي عزيزتي ...

الله يرحمها
ويحسن الخاتمة

...................................................

اللهم اني نسالك حسن الخااتمه ..
يعطيكي العاافيه ..

ياللللللللللللللللله جدا شعوووووور مو حلووو انو تتخيلي نفسك مكاان دانه امبيييييييييييييييييييييييييييه لالالا اللهم احسن خاتمتنا ياااااااااااارب
__ تسلمييييييييييييين قلبي ع النصيحه جد جد تاثرررت يالله يالله ماني قاادره اعبررر << خنقتني العبره ,,, اللهم لا تجعلنا عبره لغيرنا يارب العالميين

ياالله تحسن خاتمنا بااارب وتتوب علينا

تسلم يدك يالغلا

الله يحسن خوااتمنا ويتوب علينه ياارب
الله يهدينا الله يرحمها ويسكنها فسيح جنااتوو
يسلموو ع المووضوووع

آللللللهمْ آرررحمم آمووآتنننآ !

آللللهمم آغففر لي !

آلللللهم وَ فِقنيْ فيْ دنيتيْ , والاخيرةة !

اللهم حسن الخاتمه