تساؤل ! اتمنى المساعده من الطيبين :)

عدد الرسائل : 4 تاريخ التسجيل : 30/12/2012

قوه الله يعطيكم العافيه جميعا

طبعا من العنوان فيه غموض ولاكن هي تجربه شخصيه وحبيت اناقشكم لانكم اصحاب الشأن وبشكل عام الموضوع لي شخصيا مهم لاني مريت بتجربه وحبيت استفيد

بصراحه قبل كنت اسمع عن البويه وكنت اشوفهم بالمول او اي مكان عام وسولفت قبل مع بويه كانت صديق لصديقي وللامانه كنت اشوفها شاب بكل مايحمله الكلمه بس ماتعمقت لان المسأله ماكانت تهمني

وكنت اشوف لكل شخص حياته وهو حر فيها اذا احترم نفسه وماتعدا على حريات الغير. نقطه بسطر

المهم قبل فترة بسيطه مريت بتجربه مادري شلون معقده او انا بطئ استيعاب او سوء تفاهم المهم بقولكم الي حصل معاي لانه بالنسبه لي على الاقل مهم نسبيا وحبيت اشارككم خبراتكم ونصايحكم وانتم ماتقصرون انشاءالله

قبل فتره كنت مسافر والعاده الشباب الكويتن مالهم قلب على ستاربكس اول مايشوفه يدش يطقطق بموكا هوت شوكيلت وشيز كيك اني ثينق ليك ذات اني ووي

دخلت انجليزي لانه الدوله اجنبيه ماعليش تحملوني شوي

المهم دخلت وطلبت القهوه المفضله لي وكان العامل خلوق جدا ومبتسم حيل وصدمني لما قلت له ليتل كريم ان توب يقولي شويه شويه وهو مبتسم طبعا كان غير معاي وكأنه يقولي اطلب اي شي وانا حاضر بطريقة مهذبه وخلوقه المهم انتهى الموقف وخلصت وشربت القهوه وسولفت مع رفيجي وطلعنا طبعا بتقولون شي عادي اكيد شي عادي وهذا كان احساسي انه شي عادي

ولاكن الصدمه الي موصج رحت اتمشى مع صاحبي بالمول وطبعا المول كبير وبعدها جذي بساعتين تقريبا قلبي خفق حيل والله وتذكرت هالولد الي كان يشتغل بستاربكس والله ارتبكت وقلت لصاحبي شفت الي يشتغل بستاربكس مر على بالي وقلبي يخفق قالي شفيك مينون قلت لا والله بس ماعمرني حسيت جذي المهم حسيت في شي غلط واول مره يصير معاي خاصه اني موصغير وعمري 28 العمر كله

المهم بعدها بخمس دقايق مر هالولد قدامي بالمجمع شلون اوصف الموقف ياه من وراي ومر جدامي متعمد وهو منزل راسه ويطالعني بطرف عين قلت لصاحبي وانا مرتبك كاهو شوفه قالي شفيك قلت شوفه وانا مرتبك والله العظيم الي صار صج شافه صاحبي مر جدام ووقف قبالي وهو يطالعني بطرف عين وشافني وسمعني وانا منصدم وااشر عليه واقول لصاحبي كاهو موقف صراحه مانساه المهم صاحبي كان ينطر الموفي ومستعيل قالي يالله بنروح وباجر نمر نشوف شسالفته هذا .. توت انتهت حكاية اليوم الغريب

صراحه كنت افكر فيه حيل وانا بالموفي لدرجه اني مادري الموفي اكشن دراما رفيجي حس فيني ويعرف اني ملقوف وفضولي مع الامور الي جذي خاصه اقول ليه صار جذي صدفه ولا لا طيب صدفه ليه مر جدامي طيب هل معقوله يكون شاذ لا لا مستحيل شكله ريال وشنب خفيف مستحيل اساله كثيره مرت ابالي صاحبي قال لازم نمر باجر ونشوف لك حل لاني اعرفك ماراح تخلص لين تعرف شنو سالفته

خاصه اني واحد شكلي مايوحي اني اطالع شاذين الحمدالله ولا استهين في احد ولاكني راضي عن نفسي الحمدالله ولا اعطي انتباه لاي شخص مايعنيني يعني بالعربي الموقف بالنسبه لي تجربه وحبيت استكشفها

المهم باجر رحت لنفس القهوه وطبعا الوضع عادي هاي هاو ار يو دوينق وطبعا لقيت الابتسامه العريضه بس فيه خجل من طرفه بس هالمره الولد من غير شنب وكان حاط كريم ابيض وايد على وييه دخلت في غموض يديد هذا بنت ولا ولد !!!! صاحبي كان قاعد ويراقب من بعيد المهم اخذت الطلب ببتسامه وشكرته ورجعت لصاحبي وقال ياحبيبي هاذي توم بوي بالحرف الواحد توم بوي يعني شنو اول مره اسمع هالمصطلح بحياتي مع احترامي للجميع قالي يعني بويه عندنا بالكويتي قلت لا لا موصج والتفت وددقت على بعض العلامات المعروفه خاصه الرقبه واليدين قلت اي والله اه يالملعون قصيت علي اتغشمر معاكم

المهم قبل لا اطلع تشكرته وقلت له على الصدفه الي صارت امس وقالي اي كنت مار بشوف الموفي لاني كنت بطلع مع القيرل فرند اووتينق قلت اوكي ممكن نكون صداقه (الفضول ومايسوي) قالي اي المهم عطيته رقمي ومشيت وبعدها بفترة ثلاث ايام مريت الكافي طبعا لا اتصال ولا شي هم علشان سالفة الفضول وعزمني انا وصاحبي على القهوه وعزم اني مادفع ولا فلس وقدمها لنا بطريقة طيبه احرجني صراحه وانتهت السالفه .. وانا توني راجع للكويت

للامانه هالبنت او الولد كان خلوق جدا معاي ومعاملته طيبه لدرجه اني اعجبت فيه صراحه باسلوبه وحبيت اكسبه صديق ولاكن حسيت انه مايبي يتعمق معاي بعلاقه وحسيت انه او انها خايفه فضلت الابتعاد وخاصه انه عندي اموري الخاصه والقيرل فرند لو تدري ممكن تقتلني شنقا مع سبق الاصرار واترصد

الحين البعض بيسألني انت شتبي كاتب قصه شطولها شعرضها شنو الهدف

عشان اكون صريح الهدف من الموضوع والي احاول استوعبه ليه صار هذا كله معاي وليه حب يكسبني وبالاخير لما حاولت انا اكسبه حسيت انه خايف ومتردد وحسيت انه خلاص بالعربي هون يعني يقولي انا كنت ابيك صديق بس تراجعت جذي من غير اسباب واتمنى تنصحوني وتفيدوني من طيبكم

وشكرا لك شخص قرا حرف بمووضوعي واحترم الراي والراي الآخر

عدد الرسائل : 4 تاريخ التسجيل : 30/12/2012

شدعوه ولا رد

حسستوني اني مرتكب جريمه على العموم حبيت احد يفيدني

وكان استفسار هل ممكن البويه تكون صداقات مع الشباب خاصه اذا كانت كبيره بالعمر يعني 28

على العموم الموضوع اذا يضايقكم بمسحه واسف على ازعاجكم

سنة سعيده على الجميع

الموضوع قديم والقصة ضحكتني صراحة

المهم تكوين البويه للصداقات مع الجنس الاخر يعتمد على ثقافة البلد اللي هي عايشه فيها والتقاليد

شوف مهما البويه زادت بمستوى الاسترجال فما زالت مقيدة بالعادات والتقاليد
مقيدة تكون بعالم الاناث مستحيل انها تخش بين العيال الا اللي مره مخربتها

رايي الشخصي

وش السالفه

قريت الموضوع 10 مرات ومافهمت شيء

المهم

يمكن يكون حب من اول نظرررره Laughing

اقول يابو الشباب

سالفتك مالها طعم ولا لون ولا ذوق

» مجرد تساؤل .. ( رجاء بدون سب واستهبال )
» المساعده لاهنتواا^^
» أرجو المساعده
» ردعلي الطيبين
» وينكم يا الطيبين