أحمر بالخط العريض ~~ البويات ~~

أمانةً كنت بدلي بدلوي 

وأكتب رد طويل حيادي صريح من غير مجامله

ويمكن شوي قاسي لكنه واقعي 

بس لما شفت الردود

قلت صعب اقول رايي 

لأن محد سلم تقريبا 

ما تقبلون لا نقاش صريح  ولا نقد ولا نصيحه

مع ان الموضوع للنقاش الجريئ الهادف !! 


فــ السكوت أفضل لا صار الهرج ماله مسامع

يعطيـ ك/ چ العافيه حمود

آنا راح أتحچى بشكل عام من غير تقييد بالأسئله المطروحه :


البويات 

موضه حاليا ونقص عاطفه ! أكثر من أي شي ثاني 

بس هل كانوا موجودين من قبل ؟ 
اي

شلون ؟

كانوا قبل من زماااااان
يقولون عن البنت القويه انها عن عشر رياييل
وانها اخت رجال  
واللي تصرفاتها وكلامها ينوزن بثقل البلد

بس هالشي ماخلاها تتخلى عن أنوثتها وتصير ريال 
ليش ؟

لأن قوة ايمانها بربها تمنعها أولاً
ولان هالشي غلط مو مسموح عندها اهي قبل اي شخص اخر
ولأنها وااااثقه من نفسها ومن تصرفاتها

فــ الوحده لما تصير قويه وتعتمد على نفسها مايعني انها تقلب بويه 

لااااااحد يقول ظروف لأنها مثل ماقالوا غيري صارت شماعه

ولاااااحد يقول تربيت مع صبيان وكان أبوي ساعات يقولي انتي ريال 

لأن هالشي كان يقوله بفخر واعتزاز ولأن هالشي مو سبب مقنع عشان تقلب بويه 


ولاااااحد يقول آنا أميل للبنات
لأن انتي بنفسچ اللي تخلين هالشي هاجس لچ وتتوهمين لين تقتنعين وهالشي مو صحيح

نيي لأقسام البويات : 

1- اللي اضطرابات الهرمون الذكوري عالي عندها واللي تنخلق بعضوين تناسليين واحد ظاهر وواحد خفي مع الوقت يبين 
 هذي اللي ماتنلاام وهذي اللي لها عذر 
وهذي اللي فعلا مريضه ومالها يد ابدااا بالموضوع ولازمها علاج 
وهذي اللي ادعيلها من قللللب
وهذا ابتلاء من ربي الله يكون بعونها

وهالفئه نااااادره جداااا

2- اللي تكون من الأساس خلقة ً اهي قويه وساعات دفشه وتصرفاتها صبيانيه وسبورتيه وجمالها احيانا متواضع احيانا
بس هالشي ما يلغي انوثتها  

لكن

اهي اللي تقرر اذا بتقلب بويه وتحط هالشي عذر هذا راجع لها وابداااا مو عذر مقنع 

وياااااااكثرهم اللي نفس هالشخصيه وبناااات واعرفهم معرفه شخصيه وماقلبوا لا بويات ولا هم يحزنون 
ومحبوبات جدااا وخفيفات دم 



الاسباب :

1- الاعلام الفاسداللي صار متداول بسهوله للصغير قبل الكبير بعيد عن مراقبة الأهل 

وهالشي خلانا نتعود على عادات ومفاهيم الغرب ونتأثر بحياتهم 

الشي الغير مألوف يجذب خاصه عند الأطفال والمراهقين  

 العين والعقل بالبدايه يستنكرون هالشي بعدين يتعودون وبعدين يدمنونه ويحبونه
واذا حبوه  صعععب يهدونه

2- ضعف الوازع الديني وهالشي مو بسيييط 
الانسان يضعف جدام الفتن والشهوات فلااازم يتزود باللي يساعده على المواجهه

كلنا بششر وكلنا نغلط بس الذكي والواعي اللي يحسبها صح ويعرف ان الدنيا بتنتهي

3- عدم ثقه بالنفس سواء الظروف ساعدت أو لأ
أعتبر اللي تتخلى عن الشي اللي ربي اختاره لها ماعندها ثقه بنفسها
ولا بحسن اختيار ربها ( البعض )

4- الليديات اللي يشجعونهم  ويحسسون البويه بأنها شي غيير ومميز عشان يشبعون شهوتهم اهما
وبعدين تسحب على البويه وتتزوج وتقول أهلي اغصبوني (البعض ولأني أعرف سالفة وحده چذي سوت )
وصار الحب لعبه 


5- الرغبه بالحب والاهتمام وملأ الفراغ العاطفي بالنسبه للبويه ولليدي ولأن ديننا يحرم العلاقات المشبوهه بين الرجل والبنت فتتجه البنات للبويات والبويات للبنات عشان يملون هالفراغ لأن هالطريق أسهل وأأمن برايهم وطبعا عدر أقبح من ذنب 


وأمانةً 
آنا فترة المراهقه كنت صبيانيه شوي وسبورتيه 
وللحين تقريبا مثل ما كنت بس على اركد شوي
وكانوا اللي حولي يحاولون اصير بويه واقلب 
واعترف انجرفت نوعا ما لأني كنت صغيرة  وأتأثر بمواويل غيري 


بسس رجعت لطبيعتي 
خفت من ربي  خفت على نفسي ونهايتي
وفكرررت بأهلي
لأني أنا من النوع اللي اظهر نفسي وما اخاف من احد 
ولأني واثقه من نفسي ومن تصرفاتي ومن شخصيتي 

 وصارت لي معاهم نقاشات طويلة اقنعت البعض
والبعض الآخر ظل يحاول بزعم انهم يحبوني ويشوفوني چذي

بسس ظليت صامده لين الله هداهم




المهم

ماكتبت هالشي الا من باب الشعور بالمسؤوليه اتجاه ربي واتجاه خواتي 

وآنا ماني خاليه وذنوبي واااايد بسس شي أهون من شي 

والله فاااتح لنا باب التوبه وينطر توبتنا ويفرح فيها


وأمانةً كان ودي أطول أكثر وأكتب بشكل أشمل وأرتب وبطريقه علميه مقنعه أكثر  

بس لأن بالي مشغول حاليا ولأني أكتب من الأيفون ( لوع چبدي )


كتبت اللي طرا ببالي للتو واللحظه 
<< زيين اللي چذي والا كنت باكتب معلقه الله رحمكم  


والشكر لحمود عالدعم << فيس ينخش ورا حمود 

-


بآلبداية آهنيك حمودَ على روحكَ آلحلوه آلصريحه
في طرحَ نقآش عميقَ وسطَ هذآ آلمنتدىَ آلصخبَ

:

بعيداً عن كثرة آلأحاديثَ .. وآلتفرعَ آلمُشتت
ماراح اسطر كلآم مار علىَ آلجميعَ
بسَ فيه سلوكَ مُكتسب .. وفيهَ سلوكَ فطريَ
وكلَ آنسانه عندهآ فكرَ يميزَ بين آلبدليآت وتعرفَ آلصوآب منَ آلخطاء
وفيهَ آرادة تستطيعَ آن تقويهآ وتنتقلَ منَ نقيض إلى نقيضَ

وموضوعَ آلهرمونآت آلي آلكثيرَ تكلمَ عنهَ ابداً مالهَ دخل !
وآلدليلَ آن كثيرَ منَ آلذكورَ وآلفتيآت يكونَ عندهمَ خللَ هرمونيَ
ومعَ ذلكً ماحسوا بـ أنتماء للجنسَ آلذينَ هم ععليه ..
واذآ كانت تعآنيَ منَ مشكلة آلهرمونآت فهذآ عآمل "مسآعد"
وليس عآمل "رئيسي"

وفيهَ حآلة آضطرآب آلهوية آلجنسية
آلانترسكشوآل "آلخلل آلعضويَ بآلجسد"
أو آلترانسكشوآل "آلخلل آلعضوي بآلدمآغَ"
هآلفئتينَ همَ منَ يحتآجونَ عمليةَ تصحيحَ للجنس
عشآن يقدرون يكملونَ حيآتهمَ وآهما رآضينَ عنَ ذآتهمَ

وبكلآمي عنَ الخللَ بـ آلدمآغ
يمكن نسبة قليلة منَ آلبوياتَ فيهم الترانسكشوآل
لانه خللَ يرسم للعقل ويصنفه على آنه منَ آلجنسَ آلاخر
من آلصغرَ وبالتالي تكبرَ وهي فعلاً تحسَ
بـ آلأنتماء للجنس آلاخر
ومآبيدهآ حيله مهمآ حاولت قتلَ هـ آلافكآر !
بآلبدآية علآجهآ انهاء هذآ آلانفصآم بينَ آلنفس وآلجسدَ
بـ آلجلسآت آلنفسية ..
اذا مآتقبلَت يكونَ آللجوء لعملية آلتصحيحَ بهدفَ آعادة
آلتكيفَ بينَ آلنفس وآلجسدَ وحصولَ آلتوآفقَ بينهمآ ..

:

كل آنسانه لهَا منظورهآ للأمور وزآويتهآ آلمُختلفه
ولهآ طريقَ تمشي عليهَ آما طريقَ خيرَ آو طريقَ شرَ
اذا :
-هيَ تشوف نفسها صحَ وتسعى في سلم يصعدها فوق !
-أو هيَ تشوف نفسهآ غلط وتمشي عكس السلم وتنزل لـ تحت !
والخيار الثاني اذا تمشي عليه لآزمَ توقف وتعدل هالخلل !
>طبعاً اتكلم بشكل عآم في كل آمور الحياة
ليس عن موضوعَ آلبويه وآلشذوذ فقطَ

ولآزم "تعطينَ لكلَ سؤآل ببآلك آجابة مُقنعة"
تقنعينَ نفسكَ فيهآ
مو تقنعين آلغير !

وبالنسبة للي تقولَ آن شكلهآ مايهيئ للأنوثةَ
بقولكَ آن آلشكل هو تكملة آنثوية فقطَ !

وآلي يقولونَ لآتتكلمونَ عن آلدينَ ؟
مو احنا نمشي على اساسيات الحياة الي اولها الدين
شلون مانتكلم عنه واهو خطوة لكل شي في حياتنا !!
واهو مرآدنا ونورَ لكلَ صغيرة وكبيرة فيَ حيآتنآ !!


:

وآحد آسبآب آنتشارهم موَ مثل مآقالوهَ آلبعضَ"موضة وتقليد"
لان هذآ يُعتبرَ آنها للحينَ فيَ مرحلةَ آلمراهقة وآلتأثر !
آنما بسبب آنعدام وجودَ آلرجال في هذا آلزمن ! "آلا من رحم ربي"
ولو كآن هناك رجال يعتمد عليهم
لما وصل بالبعض الى هذا الحال!

نقطة بسيطة نهاية كلآمي
"آلانسان لآيكونَ سعيداً آلا آذآ توآفقَ مع ذآته"
وفيهَ صرآع دائم فيَ كفةَ آلميزآن
بينَ آلعقل وآلدينَ
وبينَ آلشهوه والغرائز
وهنيئاً لمنَ غلب دينهآ علىَ كُل شيء

بمآ ان آلحوآر عآم شآركت .. وعذراً على آلأطالة !
*للجميعَ وردة بيضاء (:

أولآ أشكرك حمود على موضوعك ..

ثانياا: أكثر عذر للبويات .. أناا صرت بويه عشان أخواني كلهم أولاد .. أنا صرت بويه لأني تعودت على كذا .. أناا صرت بويه لأن ماا ثق ف الأولاد ....
عذر أقبح من ذنب ..
كلنا عارفين ان هالشيء ذنب .. ويمكن ماتقدر تتوب لأنهاا صارت تلفت الانتباه اكثر من أول
يعني أول نقدر نقول وجودها مثل عدمها .. بس اذا غيرت اسلوبها وستايلها بتلفت انتباه الكثير..!
وفيه كثير ليديات يقولون كذا أحسن لأن في مجتمعنا ماقدر أطلع مع ولد بس مع بنت محد بيشك وكثير يشجعون البويه على كذا..!
والكثير ينظرون البويه من الناحيه الجنسيه فققط ..!
بصراحه هذا اللي شفته وسمعته من الكثير ..
وأسألها فيه أمل ترجعين بنت مثل ماخلقتي ..؟
تقول لي لا
ليه ..؟
تعودت على كذا ..
بتهزين عرش الرحمن ...!!
بتخوفيني بعرش الرحمن لا يكثر بس .......
هذا صار كلام بعض اللي اعرفهم ..

وأنا بس ستاايل لا أكثر ..

وأحب أقول اذا بتصيرين بويه بسبب الحب والحنان مثلا .. ترا الحياه ماوقفت عالحب ..