قبل امشي ......

قبل أمشي
وقبل تمشين ..
عطيني أمتعة حزني !
بكاي اللي يجي دايم على غيابك
عصافيري وهي ترفرف على بابك
قصيدي اللي كتبته فيك
وتكحّل دوم بأهدابك
عطيني كل مسج ( وينك )
( وحشتيني )
( فقدتك ما فقدتيني )
سهر ليلي وأنا أنتظر .. صوتك الدافي !
حزن قلبي وأنا غافي
ملامح وجهي المتعب
وشلل مخبون بأطرافي !
ونكهة قهوتي المره
وكوب الشاي
عبث ايدك بـ حزن النآي
وغِنا فيروز ♫
وأم كلثوم ! ♫
عطيني كل لحظة عشق بها فكرت بإن إنتِ تحبيني !
كثير أكثر من الدنيا
وحزن الصيف !
مواويلي إلى مرّك مرض ولا شعرتِ بضيق !
فراشاتي
كتاباتي
بوكية الورد !
وكل لحظه بها منك شعرت بـ برد
عطيني كل أمتعتي
وقبل لـ أمشي
وعد لـ أمشي ..!