لعبة الموت

روآية : لعبة الموت ..
للكــآتبة / مها ذلته عيوني ..


ادعوكم مره اخرى..
إلى مخيلتي..
رحله ممتعه...هـنـي كـنـآ ،،

الشمس ..

حآره ..

كلهم بلبس موحّد..

ثنتين يمرون بيدهم دفاتر..

صوت ابله اماني واصل لي آخر الممر: منو اللي ماحفظت ؟

الكفتيريا فاضيه ..


الأداره نظام × نظام..

بين مجموعه كبيره من البنات

...كانت حاطه القلم بحلجها وامسكره عليه بشفايفها الارنبيه



خصلات شعرها منثوره على الوجه ~الملائكي~


رافعينها بنتين لأنها //متروسه شوي// بس مو معناته انها متيـــنه،،

..تبطل مقطـــــة القلم بحلجها

وتطق البنت اللي شايلتها على صماخها: لا تتحركين و ويعه


...: يلا خلصيناا..


بنت ثانيه بجدايل فرنسيه ومريول قصير تروح وترد بخطواااتها : خلصوووا بسرعه الحين تكبس علينا ابله زينب...


(وصدى الصوت يرد وراها ..بما ان المكان فاضي)

يختل التوازن مره ثانيه و تصرخ بأعلى صوتها: شيوووووخ

شيخه ( طالبه بجدايل افريقيه عريضه و طويله وجسمها سبورتي رافعتها فوق جتفها وماسكتها من صوب فخوذها): خلصيناا



خصلاتها تنزل على شفايفها ..وترفع ايدها ويتدلى منها سوار خفيف بنجوم رفيعه و صغيره....وتبان ساعتها [الأل في] البنيه



تحاول تشد ظهرها ..وتكتب بخط كبير واضح بس سيء للغايه


تعال نلعب لعبة الموت بسكات..
اصير آنا الميت..وتصير إنته تآآبوتي..




وصرخت : نزلووووني...

وتفرقت المجموعه..



طرطرطرطرطرطرطرطرطرطر ،،،

طق الجرس....



ارتفعت الأصوات و صارت لويه بالممرات..

قصيره بشكل يجعلها كيوووته اكثر..

تخطي خطواتها بساقها المرسووم..واهي عاضه شفايفهاا...

ونص شعرها نازل على ملامحها....

بما ان قصتها فرنسيه...شعرها مرتفع من ورا(قصير)..ونازل من جداااام


عضت شفايفها واهيا توازن عشان ماتطيح على ويهها..لأنها فقدت توازنها

صارلها فتره مرفوعه عن الارض ..فوق جتف شيوخ و عواش...ونزلت خصله خفيفه على شفايفهاا...

تتميز بشفه ارنبيه ورديه ممتلئه ~بشكل يغري~

بيضه صاحبة بشرة ناعمه مثل الاطفال ..مخمليه على قولتهم..والكل حاسدها على هالبشره..


ملامحه مزيج من :

البدوي بالحضري × الكويتي الاصيل× و فيها عرج خفيف شامي


خشمها صغير مرتفع

رموشها متقاربه طوال وكثاف...عيونها عسليه لها بريق خاص
خدودها بارزه

كانت اذا ضحكت ..تبرز غمازه تحت عينها اليسرى..حفره خفيفه ناعمه مميزه..تعطي ملامحه قدر كبير من الطفوله..

تدخل القلب بضحكاتها...بس عنيده وخبله ..

جسمها امخصر بطريقه مبالغ فيهاا..بس ممتلىء وحلوو
ومريولها الuniform ضيج لي تحت الركبه بشوي...رمــآآدي فاتح..

وتحته القميص الابيض الضيج...

رافعه الغوله فووق..وشعرها داخل بالقميص..

والجزء الامامي نازل على ملامحها...


وقفت بعيد تتأمل خطها الخايس...

حطت ايدها على //..شفايفهااااا..//


واهيا تعضهم بقوه وتشهق: عـــــوي !


[ تقصد بيت الشعر كان عوي..لأنها كان فاقده التوازن.]..

طقت الكرنيه بخفه بصبعها ،،

عشان ينقلب و تشوف شنو عندها الحين...


وبرقه تتأمل الكرنيه....الساعه الثالثه
عندي فرنسي !!!..يع!!( عفست ملامحها )

سحبت جنطتها الحمره الكبيره تنشال على جتف واحد..بعلاقه وحده..

عليها بيتي بوب

وتخطي خطواتها بجوتيها الفلات اللي ينربط من فوق ..
خطت خطواتها المتزنه في ممر قسم اللغه العربيه....

وشافت ابله عبير المصريه ...

......: هآآي ابله عبير


عبير: اهلا اهلااا بسندريلآ..اي دي الطله المجنونه...؟؟

ضحكت بعبط...وكملت خطواتهاا..ولقت قروبها قاعدين على مقاعد صوب الكافتيريا..

شافت شيوخ قاعده ..وعواش منسدحه على المقعد.. و حاطه راسها بحظن شيوخ..
و تحت على الارض قاعده اسوم..
و بشور متسنده على الطوفه وبيدها عصير برتقال...اي بي سي

..: انتوا مع الوي ماراح تحضرون؟(تأشر بيدها وايد واهيا تتكلم)


شيخه: لا يبه مالنا خلق قرقه عندنا صناعي ،،

....: جبح ..صج تنابله..


( كانت لما تتكلم تأشر بأيدها وايد ..وتعبر بملامحها ..وكل انفعالاتها بـــــاينه على ويهها و واضحه وضوح الشمس ..لأنها صاحبة شخصيه شفافه ..تنقرى من ملاحها الطفوليه )

وتطـــشروا البنات ،،
شافت الناظره ابله فوزيــه مع الوكــــيله طيبه يتمشون بالممرات...

وفجأه <<


تطشر القروب..!


بساعة اللغه الفرنسيه

حاطه القلم بحلجها تعضه..


واهيا تطالع الابله بقهرر ودها تحطها و تدوسها..تتفلسف وايد

مدام فيفيان: لما تروحي باغي ..راح تشووفي انوو فيكي تزوري اروع الاماكن اللي مش موجوده ابدا" في اي مكان باالعالم..
متل متحف اللوفغ ( اللوفر)..و قوس النصر...و برج ايفييل
وعشان نوصف غرفه بالفغونسيه ( الفرنسي)..لازم تأوولي انك عاوزه غرفه دووبل او سنبل او دولوووكس..مين اللي عملت التعبير بتاع موضوع امس؟


وتهف بقوه لين تحركت خصلاتها و تنثارت مره ثانيه على ويهها

(راح اتمصخر مثل كل يوم)

حست بدغدغه خفيفه

تأملت مكان هالاحساس


كانت امجفسه الجموم ورافعتهم فووق..وباين زندها المليان
(مليان مو معناته انها بطه )


وابيض لدرجه انه لونه مايل للوردي


شافت ام عليوي بلونها الاحمر المنقط بالأسود تتمشى فوق زندها


حطت صبعها على زندها و رفعت الحشره الملونه فوق صبعها وحطتها على كفها


و قعدت تتأملها لين دخلوا عيوونها و صارت شبه حووله من قوة التركيز على لوونها العجيب


حست بهدوؤء فجأه ،،

مدام فيفيآن: دوموزيل !!..يآسلآآآم عليكي ياسلآآم ،، تعالوا تفرجوا يابنات ،،

حست بالخجل يتسلل لجسمها ،، وبحراره ،، لأن تركيز البنات كان كله عليها ،، وفي ضحكات متفرقه بالكلاس

لكنها بعد فتره صمت ،،

ضحكت بكل عفوؤيــــــه واهي تحرك ايدهااا ،،،

طق جرس

البريكــ ،،

سحبت النوت بوك ،، و جنطتها اللي عليها بيتي بوووب..وعلقتها بأهمال على جتفها

جزء كبير من شعرهاا نازل على ملامحها،، ومرتفع من صوب خشمها



وخصله على شفايفهآ



بدت تخطي خطواتها الانوثيه ،،




هاذي آآنـا ،،


بنت ال17 سنه ،،



هاذا آخر كورس لي بالثنويــه ،،





من ناحية الدراسه ،، مستواي زين



من ناحية اللبس و الميك اب



بيني و بينه علاقة عشق مالها حدود



حيآآتي احب اعيشها حسب مزاجي.( تدور على نفسها دوره كامله واهي ماشيه بالممر)



احب اهلي


احب رفيجاتي


احب الدنيا



[ تتأمل الوسايل المعلقه في الممرات ،، و مكتوب بخط كبير قسم الاقتصاد و كيفية اخذ القياسات ويمهم بابا سنفوور كبير رافع ايده ومكتوب يمه اهلا" بكم]



وتمر طالبه طوووويله حيل ،، شعرهااا مدرج ومرفوع بذيل حصان ،، امعلقه جنطتها بشكل معكوس و بيدها ( كاديه) وردي ،،



هاذي سويره




...: هآآآي سويره


ساره: هآآي ليدي بيرد




يسمووني ليدي بيرد ،،



بس تصدقوون مادري ليش !!





يمكن لأن علاقتي بهالحشره مو طبيعيه!!




كل دفاتري على ليدي بيرد




(تضحك بدلع)




مم ( تعفس شفايفها و ترفع ايدهاا تصافح سويره بقوه و دفاشه )



مممم


احب اغني





بس ماكو اي تشجيع !!!




( و تيي طالبه سمره طويله و عريضه بعاجيفها الافريقيه و تشيلهااااا بما انها قصيره و خفيفه و كيوته واي احد يقدر يشيلهاا )






...: شيوخ يالمليقه نزلينييي





[ شيخه رفيجتي والبوس بقرووبناا




خاله ،، سمره يعني ،، عاشقه لتوباك ،



ستايلها عجايف افريقيه ،،




و احبها لأنها فصله بكل الاأوقات ،،




و ماخذه الحياة لعب بلعب..




سبورتيه تعشق الباسكت بشكل مينون.




جسمها مضروب أوتي على قولة البنات ..




يعني ماتعرف بطنها من قفاها لول]




شيخه: محد راح يفكج مني يالقزمه




..(تبرطم): مو قزززمه يالشريره نزليييييني




وصلنا لي آآخر الممر اللي دخلنا على ممرين ..




---------------> <--------------




ممر ياي من جهة اليسار..و ممر ياي من جهة اليمين..




واجتمع قروب الخراب








عوآش: لقيتييهاآآآ؟؟( بيضه و ويهها متروس حبوب)



شيخه: افا عليكم كاهي صدتها




نوف( بيضه حييييل جنها فاره و شعرها قصته حيل كريزيه ): ندورج نبيج وانتي جنج دقمه من مكان لي مكان




........( تعض جتفها): نزلينييييييي






اسماء: يلا بنااات امشوا قبل لا يطق الجرس




بشوور: يلا شيوخ دامج لقيتيها امشي






ويدخلون غرفة ابلات الاسلاميه ...




بشاير: يلا بنات انا انطركم هني بسرعه لا تتأخرون ..




ترا بيخلص اجتماع الابلات مع الناظره بعد 5 دقايق






نوف: يلا انا بووقف بآخر الممر..



....: انتوا شحقه يايييبيني هنيييي نزلووووني ياااااتيووس



شيخه ( تسد حلجي)..: روحوا روحوا خلووها علي..




انتشروا البنات و انتشارهم هاذا مايبشر بالخير..




اكيد ورا راسهم خطه او بلوه ويبوني اساعدهم فيها كالعاده...




بما اني دقمه وبكل مكان اندعس ،،





عفست ملامحي : نعمممم!!!( وسحبت شعرها بقوه): لالا اخاف نزليني ..نزليني ..والله اصرخ و افضحكم




شيخه: اقوول مو وقت دلع ..انا برفعج وانتي يييبي موبايلاتنا..ابله زينب حاطتهم فوق الخزانه ...



( التفتت... شكله ماكو مفررر من هالخبووول..<<-- شدت ظهرها و سحبت جسمها لي جدام و رفعت ايدهاا ..وبدت تكح لأن الغبار نزل على ويهها ..غمضت عيونها ...ويهها صار لونه احمر ،،،)





شيخه: اي هاذا موبايل نوووفوو...شوفي موبايلي اكيد يمه ولا حواليه




مدت ايدهاا تدّور...واخيرا" لقته !..



شيخه: يلا يلا نزلي نزلي




حطت ريلها على جتف شيوخ و نزلت بحذر




طلعوا بره الغرفه




خذت جنطتها و ولحقت باجي الشله






بس سمعت صرخه قويه من آخر الممر..وحده تنادي بأسمها...




....: حـــــــــــــور !!









نسيت اقولكم ان اسمــي




حـــور






لفتت ويهها بسرعه وطارت خصلاتها








حور: صرقعتيني يالصخله ..



.........: ليش شمسويه ؟؟ اكيد امسويه شي و مخترعه تنجكين ؟؟..المهم ..هاتي دفتري يلااا



حور: ولييييييه ..ابتلشنا مع البنات الشطاررر..حجيه نوره بعدي مانقلت منه شي ..اول ما اخلص نقل راح ايييبه لج لا تبجين بس.


نوره: عطيني عطيني ..بدرس فيه ..امتحاني الثلاثا الياي..


حور: ياكبر قلبــــــــــج..شيوخ بطلي جنطتي و قطي عليها دفترهااااا هالصعوه


حور كانت منسدحه ع المقعد و حاطه راسها على فخوذ شيوخ ..وشيوخ تلعب بشعر حوور..ويمهم بشاير بيدها بسكووت تدهنه بالجوكلت و تاكل.....


شيخه: انشالله عمتي ( و تفتح جنطة حور و تطلع الدفتر وتحذفه على نوره)


حور: ذلفي انتي و دفترج مالت عليج (وتأشر بيدها)



نوره: الشرهه مو عليج تدريييييين ..اردها لج يااالدقمه


شيخه: عن الغلط يلا و عطينا امقفااااج ( وتلعب بشعر حوور )..


طق الجرـرـرس....واجتمعوا الشله بساعة التاريخ المعااصر...


ابله وضحه: اسباب الحرب العالميه الأولى...


حور كانت لاهيه تركب ميداليتها اللي افتلت ..



ابله وضحه: قومي حور


حور( قامت وتسندت على الطاوله بتوتر): هآآ ابله


ابله وضحه : اسباب الحرب العالميه الأولى


حور( تطالع شيوخ وباجي البنات بس حمير مايدرون شسالفه ): آآ..ابله مادري منو طق الرئيس الروسي جان


وقبل لا تكمل جملتها ..سمعت ضحك بالصف....: ابله شووفيهم ما اعرف اقوول جذيييييييييي


ابله وضحه: حور امحضره؟؟


حور: ابله والله امحضره بس اهما خربطووني ..الحين نسيت ..زين جذي؟؟( و تتلفت ببراءه تطالع البنات )


ابله وضحه: قعدي قعدي ( وحاكره الضحكه ..تحس انها طالبه على نياتها ..دلع طبيعي ماتتصنع وهالشي باين من ملامحها)..



بعد الساعه ...اول ماحطت حور ريلها بره الكلاس..حست بشي سحب مريوولها من وراااا..وردت كلهاا لي وووورا...


حور( رافعه حواجبها تتأمل شيخه الطنطل..وفرق الطول وايد كبير): انتي شتبيييييييين !!..بروح عندي اسلاميه ..شفيج انتي شفيييج..وخري عني..


شيخه( تضحك على ملامح حور الغبيه ): لا بس حبيبتي انتي تعالي ماما ( و تلمها على صدرها .بس طبعا" ماوصلت لصدرها حدها بطن شيوخ)...بس لاتزعلين ...


حور: والله؟....كله تلعبين فيني..لا تسوينها مره ثانيه زززززززززين؟؟( يعني امعصبه )


شيخه: انزين يبه انزين..خلاص نشوفج السابعه


حور: انززين..يلا بيبااااي


واهيا رايحه شافت زحمه بالممر ...مجموعه كبيره من الطالبات..حاولت تدش بينهم ...وشافت الناظره وسطهم...




ابله فوزيه: يعني شلون ماتدرون ..هاذا وانتوا بنات المجلس؟؟..منو اللي كاتب جذي ع الطوفه...والله اذا مااابطلتوا سوالف يهال راح ألغي حفلة التخرج...وانتوا مالكم اي دور بالموضوع


حور: ابله فوزيه


فجأه صار هدوء..


حور: ابله اذا في وحده قليلة ادب ماتستحي على ويهها تكتب ع الطوف..احنا شنو ذنبنا ننحرم من حفلة التخررررج..


سمعت صوت ضحكه مقموته وراها.....


========================


كملت خطواتها لي قسم الاسلاميه طلت داخل الغرفه ..بس كانت واقفه بره... لقت الابلات مجتمعين عند الخزانه...


ابله زينب: مو معقوله يا ابله فاطمه انا بيدي حاطتهم قبل الاجتماع فوق الخزانه
ابله فاطمه: يمكن الفراشات دخلوا نظفوا



ابله زينب: لا يا ابله فاطمه ..الخداماات ( و تقاطعها حور)


حور: ابله زينب ....عندنا ساعه الحين ..ممكن تأجلون مناقشتكم لي وقت ثاني ..درس اليوم داش بالامتحان..


مانطرت اي رد ..كملت خطواتها واهيا عاضه شفايفها بقوه ...




هاذي حـــوؤر..


مو اكثر من طالبه مشاغبه ..بالنسبه للبنات ..
بس من الداخل..


حور..


عآلــم


ثآآني..


محد قدر يخترقه إلى الآن..


كملت خطواتها لي كلاس الاسلاميه...حطت جنطتها و طلعت الكتاب..


واهيا تقول " والله غفور رحيم " صدق الله العظيم..


كانت تراجع حفظ الآيه بقلبها...




دخلت ابله زينب متنرفزه وامعصبه ..حطت دفتر التحضير على الطاوله و عدلت شيلتهااا..


حور كانت رافعه الكتاب وتطالع الابله من ورا الكتاب..


ابله زينب: حــــــــور


حور( فزززت): نعمممممممممممم ابله؟؟؟


ابله زينب ( خذت نفس وقالت )::


روحي يييبي اقلام السبوره على مكتبي..


حور خذت نفس..


الســــــــــاعه السآآآدســـــــــه ،،..


حور دخلت الكلاس متأخره ...


ابله عبير: مشالله لا اله الا الله ..جايه ليه؟؟؟


حور: ابله كنت ( تنزل راسها).كنت بالحمام..


ابله عبير: خشي يا روح امك خشي..


كوثر ( طالبه مجتهده بنظارات طبيه و قاعده اول وحده): ابله ..ليش مانسوي درس نموذجي؟؟


شيوخ( رفعت ايدها فووق): اقوووول انتي هيي..عن الضرا**********


البنات: هههههههههههههههههههههههههههههه


ابله عبير:أولتي اهيه ياشيخه


شيوخ: ابله ماقلت شي ..قلت لها لا تض****** بس


البنات: هههههههههههههههه


ابله عبير: بيدحكووو ليه..اكيد هيه كلمه وحشه ؟؟


شيوخ: لآآآآآه ابله ....من صجج انتي...لا تض*** كلمه كويتيه بمعنى لا تتفلسفييين


ابله عبير: أأومي اأوفي يا نوف..


نوف(حاكره الضحكه): نعم ابله


ابله: هيه كلمه وحشه ولا لأه؟؟


نوف: لا ابله ..لأااااااااااا..معناها يتفلسف بالفصحى العربيه..


ابله: ولو اني شاكه بالموضوع ده ..بس استريّحيييي..


حوور: هههههههههههههههههههه


البنات ضحكوا على ضحكة حووور المتأخره..جنها توها تسوعب السالفه...


ابله عبير: فيكي ايه حور؟؟


حور: لا ابله ولا شي..سلامة قلبج الطيب..كملي شرح ابله كملي..


ابله عبير: الدرس بيتكلم عن الست هدى...الست هدى يابنات هي ست مخضرمه يعني بالفصحى...وهيه متصابيه ..مستخبيه عن الواقع ..ودايما" بتأوول انا عمري 20 سنه ...هيه ست عندها مصاري كتيرر...ومتجوزه من 10 ....كل واحد بيتزوج منها يموووت !!!..اما ده المحامي السكير كان واخدها عن طمع...ودائم التفاخر بأصله ..يعني متل ما آآآلت شيخه..بيضـــ******......بيتفلسف يعني


البنات:ههههههههههههههههههههههههههههههههههههههههههه ههه




الساعه السآآآآآآآآآآبعه ...


طلعت حوور و على يمينها شيخه و باجي الشله....


الجووو غبر فجأه...بس مو شي غريب..متعودين على الغباار..


طالبه متينه .حاطه تقويم...ماشيه صوب الطوفه ويمها وحده قصيره حيل متحجبه...


حور: اسووووووووووووووووووور


اسراء: هلا ليدي...هااج فلاشج حطيت لج فيه اغاني سلوو جوووو


حور: حبيبتي انتي مشكوووره..


كملوا لي صالة البدنيـــه..بس كان باقي نص ساعه على ماتبدى الساعه...
قعدوا البنات تحت العامووود ..ويابوا بطل ماي فااضي...


شيخه: فري البطل....بنلعب لعبة الصراحه..


كلهم تربعوا حواليه بحمآآآس..


إلتف إلتف إلتف إلتف..


ووقف عند ..........




حــــــور تسأل نـــــــوف..


حور ( عضت شفايفها و غنت بدلع) : طق يا مطر طق..
بيتنا يديد..
مرزمنا حديد..
طق يامطر طق يامطر ..
طق يامطر طـــق..


منو ودج يكون معاج..



تحت المطر..؟


نوف ( سرحت تفكـــرـر بحماس المراهقه)...:ودي يكون معآآي يووســـف...ولد عمي..( وابتسمت بدلع )..


حور: إيوآآآآآآآآآآآآآآ


شيخه: فري البطل فريه..


إفتر ...
إفتر..
وإفتر..


و وقف عــنــد..


اسماء ،، تسأل شيخــــــه..: اعتراف جريء جدآآم كل البنات.....


بشنو تعترفين شيووخـــه ؟..


شيخه ( سرـرـرحت): اعترف ...اني .. ضعيفـــــه..


صار هدوووء فجأه..وتحولت ملامح شيخه لحزن ..


ابتسمت فجأه..


شيخه: شفيكم تطالعووني جذي..فروا البطل فروووووووووووه..


وردت البسمه على شفاتهم...


إفتر ..
إفتر..
إفتر..


وقف عند ...بشاير تسأل عــــوؤوآآش..


بشاير: غلطت ....وهاذي اكبر غلطـــه..ودي الزمن يرجع ...عشان اعدل غلطتي...


شنو اهيا اكبر غلطه بعمــــــــرج؟؟..


عوآآش: غلطت لما سلمت قلبي...لذبّاحـــــــه..


فترة صـمـت..


شيخه: فروووا البطل فرووووووووووووه..


إفتر ..
إفتر..
إفتر...
إفتر..


شيخه تسأل





حـــــــــــ/ـ/ـ/ـ/ـ/ـ/ـ/ــــــوؤور..


شيخه: إلتقيته و حبيته ،،..
سكن قلبي..واغليته..
وياللأسف لآعبته ،، ياليتني مآلاعبته....صعب صح ..شوفوها ضاعت ،،


لعبه لعبتيها ،،


ندمانه عليهآ ،،

حوؤر(رفعت حاجبها و قالت ): تعآل نلعب لعبــة المـوؤت بسـكآآت ،، اصير آنا الميت و تصير إنته تآآبوووتي...
لعبة الموت

طرطرطررطرطرطرطرطرطرطرطرطرطر

شالوا جناطهم ودخلوا الصآلــــــــه..

شيخه: الجلبه امنزلتلي انذار ثاني...
حور: وآنا بعد التيسه..

شيخه سكتت فتره ..

بطلت حلجها..ومسكت حور من جتووفها بقوووه..
حور ( فهمت تفكير شيخه وعلى طول قالت ): لآآآ لآآآآ عفيه شيوخ اعفيني هالمره

شيخه( حطت ايدها وره رقبت حور وتمشت معاها بالصاله): حبيبتي انتي حوور..شوفي شوفي انا اقولج شلون..سهله!!..احنا نلهيها...وانتي تروحين تييبين دفتر الحضور

حور: لالالااااااااا شيوخ تكفيييين لآلآ

دخلت عليهم ابله ميرفت : خشووا غيرواا..انا سواني و رااجعه ..الوكيله عاوزتني بالاداره ثوااااااااااني وراجعه..

شيخه: كااا..راحت..يلاااا بنااات غطوا على حور بتروح تييييييب دفتر الحضوور..

حور: لاااا شيوخ يرحم ام امج تكفين شوفي غيرييييييييي..

شيخه : يلا كاهي راحت ..الغرفه فاضيه ...روحي يلا عفيه ع الشاطره..

حور( عضت شفايفها بملل...وتقدمت بخطواتها...والبنات كانوا ينطرونها بالصاله ....










دخلت حور الغرفه تدّور دفتر الحضوور...بين اغرااض ابله ميرفت...

حور( ابتسمت ): كاهووووووووو

طلعت من الغرفه لقت ابله منى عند البنات..

حور( امبطله حلجها بتتكلم ): بآ

شيخه : ها..ابله منىى...تعالي بحاجيج تعالي..( وتمسك ابله منى وتلمها من ورا لأن الميانه طايحه بينهم مو حب ..لآ لان مصلحة ابله منى عند شيخه بما انها اشطر بنت تلعب باسكت على مستوى العاصمه ...)

حور( ماسكه الدفتر و امتنحه ..مو عارفه و ين ترووح..سحبووها البناااات و شيوخ كانت تلهي الابله ....)

نوف: اسمي اسمي..لا تنسونه ..مسحوا مسحووا..
حور( قالبه القلم صوب المساحه و قاعده تمسح غياباتهم ..وبعدين ردوا كل شي مكانه و طلعوا ..لقوا شيوخ تتمشى مع ابله منى بالصاله غمزوا لها ****تمت المهمه بنجاح******)..

شيخه: تفضلي ابله ...
ابله منى: والله مافهمتش ولا كلمه من اللي أولتيه
شيخه: لا كنت اهذي..يلا الله معااج..


دخلوا البنات غرفة التبديل....

شيخه ( تقط التي شيرت): انته فآآآآآآآآآهم وانا فاهممممممم مالي وياك اي تفاهم ..انتهىى الأمر ( ترفع صوتها حيل )..شفتك بعييييييني معااااهم...( وتطق رقبه ..)

حور: شيووووخ !!..الباب اللي وراج امبطللل !!

شيخه: اي باب !!

حور: الباب اللي عمري ماشفته امبطل !!

نوف: اي والله ...الظاهر ناسينه الخدامات..

حور: امشوا نشووف شنو اكو هنااااااك..

دخلت حور اللي بعدها ماكملت لبسها..لابسه تي شيرت و مريولها ماسكته بيدها يعني لو تهده يطيح....

المكان كان حده امغبر يمكن محد داخله من ايام الغزوووو...

حور بدت تكح..و ويها انصبغ بللون الاحمر...

وأخيرا"..المكان طلعهم على المسررررح...

حور: المسر ح!!!!!!!!!!!!

شيخه: مايك حور مااااااايك

حور: وخريييييييي انا ييت قبلج وخري عنيييييي شمتنج قطيعه

شيخه: ذلفي لا اسطرج طراق احذفج ع الكراسي

نوف: قصروا حسكم ياتيوووووووووووس

حور( تبطل المايك): ألو ألو..وااااااااااااااااااي فيه صدىىى

شيخه :ييييييييبيه لا اعلقج هني
حور: عفيه اوقفوا اوقفوا ..صفقولي يلا صفقوولي..

شيخه: جك جك جك
حور: كذآآ من ربي حبيته..
صدفه يوم لاقيته
ياناس اللي تمنيته
اخيرا صار محبوووووووووبي ...

شيخه ( ساده اذوونهاا...)


صوت دااافي حنون انثووووي فيه كميه كبيره من الدلع و المياعه..بس يدخل القلب..
خصلات متناثره ...ملامح بريئه بفم وردي مليااااان...حواجبها متناسقه مع ملامحهااا الناعمه

بشاير: انتووووووو هي يالمينن ..ابله ميرفت قاعده تآآخذ الغياااااااااااب...


دخلوا كملوا لبسهم ..وشيوخ خذت تي شيرت حور و علقته فووق عشان ماتطووله..لأنها ماتبيها تلبس و تطلع قلبهم..

حور: شيوخ يالمليقه نزلي تي شيرتي لا والله اروح اعلم

شيخه: اي بشوور..كملي سالفتج

حور( عفست ويهها عصبت من صجها): نزلي تي شيرتي والله ازعل صج شيووخ

شيخه: جاءت تودعني و الدمع يغمرها ...( تغني عدني و تدندن بصوتهااا)..

حور( كانت تناقز تحاول توصل لتي شيرتها بس كان امعلق فوق حيل ماتقدر توصل له...آخر شي أيست و قعدت ع المقعد و حطت ايدها تحت خدودها ..و قعدت تخز شيخه بحقد..)

شيخه: ويسللللللللللللللللللم قلبها..خلاص والله انزله لج الحين..




خلصوا لبس وطلعوا كلهم من الغرفه..

وقفوا على السطررر...وابله ميرفت تنادي الاسامي عشان تسجل الغياب..بس الغريب انها مالاحظت ان اكثر الغيابات انمسحت !!..الظاهر ماكانت امركزه...

ابله ميرفت: ابل مانبدا الدرس..عاوزه افكركم ..ان احنا عاوزين نصبغ المسجد...وعاوزين من كل وحده فيكم 5 دناااار ( دنيار)

شيخه ( تطق كوع بشور): اووللله يالنصب..5 دنانير

اسماء: هالمسيد من جيل امي وخالتي ما انصبغ ..كل سنه يطلبون فلوس و مايصبغوننه

حور( تهمس): سكتي لا تسمعج...

ابله ميرفت: االلي مش عاوزه تدفع هيه حره ..مش هتاخذ درجة الشفوي...ويلا هنتعلم اليوم الارسال...شيخه..أوومي اعملي وحده ارسال

(وتجتف ايدها...اهيا و قميصها الكحلي بجتافيات..وزراراته الذهبيه الكبيره..وشيلتها ام ستعش لوون و لوون...مع فلات بني جلد بحديده ذهبيه امصديه ....وبيدها تليفونها المستشار ..عفوا"...اقصد بقايا المستشار..لأن الشاشه مالته طايحه ..والدقم ملوته مادري منو عاضهم عض ..والدقمه اللي تفتح الموبايل داشه داخل ..دايما" تفتحه بماشه )


تقدمت شيخه بخطواتها ..وبجسمها العريض...ورفعت مضربها....

ابله ميرفت: ايوه كده..بس لفوء شوي..يلا عاوزه تدريب...وخلي عندك ريحة دم واشتغلي مع البناااااااااات..وانا هبلغ بو حسين ( الحارس).. مافيش ولا وحده تخرج أبل التنتييييييين و عشر....

شيخه: بللي مايحفظج يأم ريحه..

صار حركه بالمكان وكل وحده خذت لهاا مساحه عشان تتدرب فيها....

الا قروبهم...

شيوخ فارده الكرشه كعادتها..وحور حاطه راسها بحظن شيووخ ..وباجي البنات متسدحين ع الارض...


اول ماطق الجرس فزوا كلهم ....حسوا ان الروح ردت لهم فجأه..

بهالحر و الغبار..وسابعه!!

تعبانين و متكسرين وكلهم ينطرون ردة البيت عشان كل وحده فيهم تاخذ شاور بااااااااااااااااااارد...

حور( عند باب المدرسه): بآآآآآآآآآي بناااااااااات..

شيوخ + اسوم+ بشور+نوف+عواش: بآي دقمه..
شيخه: شوي شوي لا تطيحين بالبالوعه..

حور( لفت ويهها و حركت راسهااا تعبر عن الملاقه ): ياسخفج..

فتحت باب السياره ( باثفاندر): قوه يمه
امها: هلا حوحو..شلونج اليوم.....( سكتت بعد ماشافت حور حطت راسها ع الكشن بتعب..)



واول مادخلوا البيت.......
امها: يمه صعدي بدلي على ما انجب الغداااا...ألسلام عليكم ...


ابوها كان قاعد بالصاله اللي يم الباب ..إلتفت ورد السلام: وعليكم السلام..يالله يام علي نجبي الغدا ذبحنا اليوووووع..

حور لقت عليوي اخوها قاعد ياااكل دونات شكلها يشهي وعليها شكرررر كانت تطالعها : هااااي يبه..

بو علي: هلا يبه شلونج اليوم

حور( عيونها على الدونت): بخير يبه بخير....عليوي حبيبي عطني قرمه...

عليوي(14 سنه..امتبتب وابيض و فيه من ملامح حوووور ..): اوووووووووووف..حتى الواحد مايتهنى بأكله...هاج مابيهاا..

نور اختها الصغيره كانت منسدحه على الغنفه لابسه بجامتهااااا

حور: وانتي شكلج مادوامتي اليوم عدددددل

نور( 12 سنه): وانتي شكووو...امي ابوي انتي..يلا مناااااااك

مبارك(بوعلي): حوور..نوررر...وبعدين وياكم يعني..بس عااد ..(وحط ايده على رآآســه)..

صعدت حوور...بدلت ملابسها...لبست برمودا احمر عليه قلوب بيضه..وتي شيرت احمر قصيرر..مع نعال(تكرمون)..احمر قطن...غسلت ويهها بمااااااااي بارد..حست انها تخدرت حدهاااااااااااا..

النوم سلطاااااااان

بس اليوع كاااااافر..

حور( تكلم نفسها): اراضي السلطان ولا اذبح الكافر؟؟؟

نور: الحمدلله والشكررررر..عاهه والله عاهه

حور: شتبيييييييين انتي..

نزلت ..بعد ماشمت طباخ الوالده...

ابلة اقتصاد منزلي

اويلي على طباخ الوالده..

انواع الابداعات بسفره وحده.....

كل شي من تحت ايدها حلوو..

حور(تبطل حلجها ع الآآآخر): لآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آء....
عددددددددددددددددددددددددددس !!!!!!!


============


بعد الغدآآ...فتحت باب غرفتهاا...لقت فراشها يشجع على النوم..
كل مافيه يشّوق..
متفوووخ..والكفر ملوون...بألأأخضر الفاتح مع الوردي الفاتح..
وفوقه عدد كبير من المخاد( الوسادات)..
وفيه دبها حببيبهاااا (لآسي..)


كبير حيل دايما تحب تنااام واهيا حاظنته..لأنه هديه من الوالد لها..من لندن..


حذفت روحها بقسوه على السرير...وتكودت جنها ربيانه ..


تلحفت واهيا تناظر سقف الغرفه...
وتعد اللمبات الاربعه..


حوؤر: واحد اثنين ثلاثه اربعه..واحد اثنين ثلاث اربعه..


وعلى الكومدينه حوض مدّور..بصخر بحري برتقالي...وسطه سمجتها حبيبتها بللون الكحلي..نوعها هندي و لهااا ذيل مثل النفنوف..عشان جذي تحبهاا..


وغرقت بالنووؤوؤوؤوؤم..



من التعب ماحست بروحها..بسرعه نامت ..رغم العوار اللي بساقها..
تحس بعظامها مرسووومه من زود العواااااااااار..


3 ساعات نامت بس ماحست فيهم ..جنهم دقيقتين ..
فتحت عيونها على صوت وازعااج..


طلعت راسها المغطووس بين المخاد...وخصلاتها كلهاااااااااا نازله على ملامحها..( شعرها كاريه فرنسي مرتفع من فوق ونازل من جداااام..)..


قعدت متعسره حدها ...على طول نزلت من سريرها الرفييع..كان وايد مرتفع..على ماتصعد له يبيلها جهد..
واهيا مشالله لا اله الا الله طوولها حدث ولا حرج ..بس كيوت ومعطيها جرعه كبيره من الانوثه..


فتحت الباب واهيا تحك عيونها.....وعلى طول دخلت غرفة نور اللي جدام غرفتها بالضبط..


حور: نووور..منو عندنا تحت!!
نور: خالتي موضي...


حور: خـــــــالـــتــــــي مـــــــوضــــــــي هـــــــنـــــــي !!!..



خالتها موضي..لا اهي اخت امها ولا تصير لهم لا من قريب و لا من بعيد..بس اهيا رفيجة امها بدريه من عمرررر..اخت دنيا..
طيبه و على نياتها..متزوجه بس الله مارزقها عيال نتيجة عقم زوجها ...واهيا راضيه وقنوعه....وحامده ربها بالطالعه والنازله...
مو هذا الموضوع..
الموضوع انهااا تملك قدره ربانيه ..احساس داخلي من رب العالمين..بالاحداث المستقبليه..
بس تفضل الصمت لأنها ماتحب تدخل بمتاهات...
غير هذا وهذا ...اختنقت و حست ان ابوها يحتضر...واهيا بالدوام..تركت شغلهاا و ماوصلت البيت ..الا وابوها المرحوم فارق الحياه..
احساسها غريب...
يمكن يكون نقمه اكثرمن نعمه..لأن في وحده الله لا يسامحها اتهمتها بالدجل ...
عشان جذي بطلت تتكلم ..
على نياتها..
تعليمها متوسط..ماكملته نتيجة ظروفها..
وحيده اهلها..ويتيمه بعد موتهم..
حبيبة زوجها..وتموت بزوجهااا..


حووور غسلت ويهها بسرعه و مشطت شعرهااا ونزلت بسرعه...: خالتي مووضي


موضي: هلا والله ببنيتي حور...
حور( ركضت وعثرت بنعالها ...سلمت عليها و قعدت ): شلونج خالتي
موضي: مشالله لا اله الا الله ..ها حور..كلها شهر و نتخرج..صرنا حريم ( وتضحك)
حور( تعض شفايفهااا وتسلم على باجي الحريم اللي تارسين الصاله ...)


ام غازي: لا مشالله عروس بنتج ..صارت عرووس..
ام علي: لا وين توهي صغيرونه..
حور( ترفع حاجب وامنزله فيسها ..يعني مشاعرها متناقضه..وتقعد يم موضي..): يلا خالتي قولي


موضي( تطقها بخفه وتعض شفايفهااا ): وبعدين وياج انتي ..وبعدين ويااااج..يروحون الحريم واسولفلج


حور( قعدت تتأمل سقف الصاله تنطرهم يطلعوون تبي تختلي بالنادره موووضــــي...)..



ام عبدالعزيز: ولا امها اللي ماتسحي على ويهها ...بتدخل بالخمسين وليلحين هاذا لبسها..غبره !!


ام جاسم: الشرهه مو عليها على الريل المخدي..


ام عبدالعزيز: اي وانتي الصاجه..الحسد عامي عيونها..عسى عيونها البط


ام علي( ام حور): يمه منكم بسكم قرض بسكم


ام جاسم: خليني اطلع اللي فيني.....


بعد ساعه كامله من القرض و الحش...والهذره....مشوا الحريم تدريجيا"..وحور ماسكه موضي من زندها ماتخليها تقوووم و موضي تضحك .....


موضي: يلا ام علي..من رخصتج يالغاليه..
حور: وين خالتي وووين..عقب مافضت الصاله بتنحاشين ( تطق بيدها بقوه و تعض شفايفها)..والله ما اخليييييييييج..


موضي ( حطت عباتها فووق راسهاااا و باست حور على خدها و قالت بأذونها):


اوراق ملـــونه..
تأليف الست منى..
تأخير وسط غبره..
له مغزى و عبره..


من رخصتكم ياجماعه...


حور( تكلم نفسها و تعيد كلام موضي): اوراق ملونه..تأليف الست منى !!!..
تأخير و سط غبره ...له مغزى وعبره !!!!...........خااااااااااااااالتي موووووووووووضيي...


بس للأسف مالحقت عليها عطتها ابتسامه كبيره ...وطلعت







حور: اوراق ملونه...تأليف الست منى...تأخير وسط غبره...له مغزى و عبره !!!!!!!!!!


اووووووووووووووووووووف


ماصدتهاااااااااا..


صعدت ركض تكتب الجمله على ورقه عشان ماتنسى كلام موضي
واللي اكيد اكيييييد


تقصد شي من ورآآآآه..


ايست اخيرا"..


قطت لابتوبها على السرير ( صغير وردي..اج بي..)
وركبت فلآآشها..


حور: اكيد اسور امفنتقتلي الحين....


شغلت اغنية حسين الخشآب ،،


[ جيت لكـ بردآن ظنيتــك دفى ،، واثرك إنته البرد ياسبــة شقآآآي ]...


حظنت نفسهاااا و حيل اندمجت ،،


هني رن موبايلـــهآآ،،..


ويف وليد الشآآمي ( راجع لهم ،، راجع لهم..وربي لدمر حبهم..مو بس انا قلبي يضيع ..لازم تضيع قلووبهم ) ،،،،


الـboss يتصل بــــكَـ


البوس= شيوؤخ..


ردت على طول..


حور: ألوو


شيخه: هلاااا حوحوو...وينج شقاعده تسوووين ( صوت اغاني ولويه وراها..)


حور: انا ببيتنا شبسوي يعني قاعده


شيخه: البشر و بو نصره عندي بالبيت...تعالي خنفصل وبدق على عواش و نوفو عشان ايييون ( بو نصره = اسوم ..بس مو معناتها انها بويه ..مجرد عبط بينهم الفصله و البشر = بشاير..)


حور: صج انكم ماتستحون على وييييهكم ..ليش ماقلتولي انكم بتتيمعووون


شيخه: سمعي يالرقله ...بشوور و اسوم ياييين ياخذون دفتري ( بشاير تصير حق اسوم و عايشين ببيت واحد)..قلت خنكملها فصله مره وحده


حور: جبببببح وي من الشطاره ياخذون دفترج ..كلكم نفس الطقه مالت عليييكم..


شيخه: مالت علييج الشرهه ع اللي داقه..ذلفي زين..


وتسكره بويهها و حور تعفس ملامحهااا


تم الفصل،،..


هني انسدحت حــوؤور


" شنو ممكن تسوين ياحور الحيـــــن ؟"..


وهني درعمت عليهااا نور: حور ترا بدت فوزيه الدريع..


حور: عدددددددددل


وركضوا اهما الثنتين الصاله اللي فوووق..


قعدوا تحت التي في ( أل سي دي..)


وحاطين راسهم ع المخده ...ومادييين ريولهم...


المتصله: دكتوره انا ريلي لما يجامعني...


حور( تحرك نظراتها لي اختها نور المندمجه تحت التي في وتصرخ فجأه): نوووووووووووورّّ!!!


نور ( فزت): هاااااا ..عمى انشالله عمىىىى..شفيييج تصرخين يمال اليهد انشاااااااااالله ( ملسونه على عماتها و شعرها طويل لي آخر ظهرهااا دايما تخليه مفتوح كثيف و اسود سواد الليل..واهيا بيضه وامتبتبه بس ملامحها طفوليه حيل ...)


حور: سكري اذوووووونج


شوي و يدق التليفووون....


الفآره يتصل بكَـ..


الفاره = نوف ( بما انها بيضه حيل و ماكو ملامح و شعرهااا منفوش بقصه كريزيه ..)


ردت على طوول..


حور: الووو
نووف: حوووووور قاعده تطالعين فوزيه الدريع !!!!!!
حور: اييييييي سمعتيها شقالت
نوف: صج قلة حيا ..الشرهه على هالعيوز اللي قاعده تناقش هالسوالف على الهوا ..لا وامسميتها الثقافه الجنسيه ..لأا تشوفين مشيعل و فواازو وعليوي كلهم نايمين تحت التلفزيون
حور: صج مصختهاااااااااااا..


شوي ولا خط ثآآآآني ...


شخابيط يتصل بكَـ..


شخابيط = عواش..
( صارت المكالمه جماعيه)
حور: هلاااا شخبوطه
عواش: سمعتووووووووووا شقالت..




حور نامت امبجر جنها عيوووز...


قطت فونها سايلنت عشان مايأذونها شلتها الدايخه..


الغرفه حدهاااا ظلمــه..وتتحسس شعر الدب على خدهااا..
تحس بموجة نعاس تتسلل لعيونها العسليه....


وتغفــــــــي !!



فتحت عيونها الساعه 2 الفير...


حاولت تغمضهم مره ثانيه ..بس العطش ذبحها..


نزلت من سريرها بحذر...ودخلت المطبخ ...


سمعت حركه و صوت جيااااااس بالمطبخ...


وصرخــــــــــــــــــــــــــت حـــــــــــــــــــــــــــــوووور



علي ( ماسك جيس ليز وحاط ايده بحلجه ): يماااااااااااااااااااااااااااااااااااا
وحور كانت مواجهته فيس تو فيس و امبطله حلجها كله: آآآآآآآآآآآآآآآآآآآآآآآآآآآآآآآآآآآآآآآ


دخلت عليهم بدريه فتحت الليت ....: بسمالله الرحمن الرحيم..اسم الله عليكم شفييييييييكم...


علي: هالصخله خرعتني


حور: انا اللي خرعتك ..انت شايف ويهك جنك فار عود


بدريه ( تتثاوب): يلا كل واحد يدش فراااشه...



شرقت الشمس......


وحور حاطه ريل على ريل ونايمه..!


دايما" تنام بهالطريقه...


بدريه فتحت الليت ...: يمه حووور الساعه 6 ونص ..يلا يمه قومي
حور: كللللللللله انا اول وحده كللللللللللللللله آآنا..يمااااااه قعدي نور قبلي تكفين يمىآآآه..


بس للأسف محاولاتها دايم نتيجتها الفشل..


قاااااامت مستسلمه ....خذت شاور حااار.....طلعت من الحمام نشفت شعرها و لبست ،،،،...


نزلت تريقت ...


وعادةً يكون الريوووق اجواءه هاديه ..لأن الثلاثه يكونون شبه نايمين ...


مبارك ( بو علي): شد حيلك عليوي..امتحااااان رياضيات عليك اليوم..شغل مخك لا اشغله لك بعقال


عليوي ( خدوده طايحه و ورديه و بيده توست فيه جبن متعسر و عافس ملامحه): زززززززززززين


مبارك: وانتي نووروو ،، لا تمشكيلنا مع الابلات على آخر اسبوووع لا والله اسوطرج جدام البنات اخليهم سنه يضحكون عليييييج


حور( لاتعليق تشرب النسكافيه بهدوء)..


مبارك: وانتي يبه...بعد خلاص مايبيله اتحجى..آخر شهر لج وآخر كورس لج و آخر سنه لج..وشهادتج حقج ..


حور( عادتها ماتحب تسمع نصايح من الصبح ونصايح ابوها كل يوم نفس الشي جنه شريط يشتغل كل يوم من صباح الله خير): انشالله يبه انشالله...



بالسيــــــــــ،،،،ــآره،، هدوء وحاطين على مرينا اف ام...


حور: يمه
نور ( تقاطعها): جب سكتي ماحلت السوالف الا الحين ...طولي ع الصوت طولي ..الحين بتقوووول الابرااااااااااااج...( وتمد جسمها المتين و تقلقصه بين الكشنين و تمد ايدها عشان تطول على الصوت ..)


حور: الحمدلله والشكر ...شهالاخت العاهه....( تعفس ملامحهااااا و تطالع الطريج تتأمل الخطوط البيضه اللي على الشاارع ...والاشاره اللي صارلها عشر دقايق حمره ...)


واخيرا" وصلت ...


ثانويـــــة ______________ مقررات - بنات..


تنزل و تسكر الباب و تأشر حق امها : بآي..


دخلت المدرسه ...مثل كل يوم صوت القرآآن يرتله القارىء الشيخ العفااسي..


زحمه و لووويه ...


دقايق و طق الجرس..وتوزعوا البنات على طوابيرهم...كل وحده و شعبتهاا..


نسمة هوا و طارت خصله من شعرها واهيا تنشد النشيد الوطني...ورافعه راسها بشموؤخ


وطني الكويت سلــــمت للمـــــــــجد ،،..


شيخه اللي كانت بالشعبه الثانيه تقرب من حور: بتحضرين؟؟


حور: اي عندي انقلش نص وحده ..مايصير لازم احضر.....مس لانيت شافتني

شيخه: عندنا امتحان قصير معاصر قصيها خل ندرس



حور: اووووووووووووووووف واانا اقول شنو ناسيه ...اعوذ بالله من الشيطاااان..



شيخه: خلاص عيل نطريني عند الدري..وانا بحاول ايمع الشله ( اجمع..)



حور: انزين انززين...



الاذاعه المدرسيه: تفتيش على الاظافر..والكرنيه..



حور: وليييييييييه ابتلشنا(تطالع اظافرها طوال و حاطه صبغ فرنسي)...شيوخ ...هربيني..



شيخه: تعالي طابوري





بعد الطابووور..



حور صاعده الدري و تطالع فووق..



شيخه : امشي الدور الثالث..صوب السطح ماكو احد ..احسن مكان حق القص..



نوف + عواش + بشاير+ اسوم: هااا نصعد؟؟؟



صعدوا البنات وكل وحده خذت لها مكان ...صج المكان امغبر..بس هادي...يقدر الواحد يركز فيه شوي....



حور: داش معانا درس امس؟؟



شيخه: اي لي ما انطق الرئيس الروسي..



البنات: خخخخخخخخخخخخخ



حور( رفعت حاجب): سخيفه!



حور قعدت تحدد الاسأله و تنقلهم على اوراق عشان تحفظ..والباجي قاعدين يقروون ...الا شيوخ تتحرش و تبينا غصب نهد الكتب ونقعد نسولف.. بس اشوه الكل امنطشها..



عوآش: تسمعوون صووت...

حور: اوووووووش..



صوت احد يصعد الدري..





نوف: ابله صباح....صعدوا صعدوا بعد صعدوا..



كلهم قاموا و شالوا جناطهم واغراضهم ..واندعسوا بالباب اللي يدخلهم على السطح...حور ضاعت ماتدري وين تدعس روحها...شيوخ سحبتها من زندها و دخلتها بينهم...الا جوتيها كان نصه بره...وحبسوا انفااااااااسهم...



ابله صباح: سامع يا بو حسين.. لي هني...



بو حسين : بنفس اللون؟؟



ابله صباح: اي ازرق...لأن هالمكان من زمان ما انصبغ..



بو حسين: خلاص ان شاء الله..



ابله صباح: وبعدددد؟؟؟....قعدت تتأمل المكان...والبنات حابسين انفاسهم..وقلوبهم تدق بقـــــــوؤه.....



ابله صباح: خلاص بس..لما اتذكر شكنت ابي..اعطيك خبر...



دقايق و نزلوااا...



شيخه دزت حور بقوه...وكل البنات طاحوا ع الدري يتنفسووون ...



شيخه: حسبي الله عليها قمتتنا ..كح



=========================================



قبل الساعه السابعه ،،



كلهم بصوت واحد...امسوين دائره وكل وحده ماسكه ايد الثانيه ....

غزاله بزاله تحقرص تمقرص ضبط ضباب الليله



ويفتر..

يفتر

يفتر..

يفترررررر...



نـــــــوف تســــــــ/ـ/ـ/ـآل شيخه



نوف: فقدتك يا اعز الناس ،، فقدت الحب و الطيبه..وانا من لي فهالدنيا...سوآآك ان طالت الغيبه ....

لمنو تقولين فقدتكَــــــــــــ؟؟؟



شيخه ( نزلت راسها): لآبوي ،،،،



البنات بصوت واحد : الله يرحمـــــــه...



شيخه : فرووووووووه فرووه



وترجع لهم الابتسامه مره ثانيه



يفتر ..

يفتر يفتر..

يفتر.

،،عــــــــــ//ـــــــدى شــــــهــ(1)ـــــــــر ،،

يفتر يفتر..

يفتر ..

يفتر

يفترررر..



حــوؤر..بنآآت [ تمسك البطل بيد وحده ) ( بنبرة حزن): هاذي آخر مره نجتمع فيها مع البطل...



شيخه ( حاظنه ريولها و امنزله راسها تتأمل ملامح حور البريئه ):آخر مره...



عواش: شدعوه علييييييكم اللي يسمعكم يقول راح نمووووووووت..



شيخه:: فريه فريه



يفتر

يفتر ..يفتر

يفتر..





حور تسأل شيخــــــه..: ايام حلوؤه ،، كانت ايام حبك ،، كنت في روحي تسري،، كنت بجنون احبك ،،،...

لمنو تغنين هالبارت ؟؟؟؟



شيخه ( بصوت هادي): لكم كلكم....احلى اربع سنين طافت علي...احلى ربع عاشرتهم..مستحيل انسى ايامنا و خبالنا و فصلاتنا..يمكن الدنيا تاخذنا كل وحده بطريج ...يمكن نلتقي و يمكن مانلتقي. ..بس صدقووني يكفيني اني اتذكر ..احلى ذكرى...واحلى خوااات...



نوف( نبرة حزن): لا تخلينيييييييي ابجييييييي بوووووس...



شيخه:احببببببببكم..



كلهممم نطوا عليهاااااااا يلمووونهاااااااااااا...

هاذا اخر يوم دراسي....راح نعطل اسبوع ..عشان نجهز حق الفاينل..أللي يحدد طريج كل وحده فينااااااااا.......



دمعت عيوووون حوووور...وحطت راسها بحظن شيخه ....وشيخه قامت تلعب بشعر حوووور...



كانوا لازقين ببعض حيل رافضين انهم يتحركون من مكااانهم....



كل زاويه بهالثنويه تنطق بشغبهم..



كل طوفه تشهد على موقف ..



كل كلاس راح يفقد لجتهم وازعاجهم..



والعامود اللي دايما" يتيمعون صوبه...



الكفتيريا و المقعد ..



الساحه ..



الدرايش....



المكتبه والرفوف...يوم كانت شيوخ تنخش ورا الرفوف عشان تخرع حوور..



طافت حور جدام كل شي و اهيا تتذكر تفاصيل المواقف اللي مرت عليها بحياتهاا..

من هالدريشه..شالتها شيخه و دخلتها لي الكلاس...لما الباب انقفل على بنات الكلاس...



على هالطوفه كانت متسنده بشااير وكلناااا قاعدين ع الارض نسمع سوالفهااا..



بهالزاويه نقشت اسمي..



على هالدري..كنا نقعد ..



هني كنا نشغل اغاني الام بي ثري و شيوخ تعبط عليناا..



على هالمقعد...كنا انا و شيوخ وعواش و نوف و اسوم و البشر..منسدحين نطالع السما...يوم كانت الغيوم تتحرك..



هني لما طق مطررر رقصنا تحته انا و شيوخ...



هني لما غشت(فقدت الوعي) علينا عواش و كلنا ضاق خلقناا..وشيوخ شالتها لي الاداره

.......



عند هالبراده كنا نطشر على بعض ماي و زفتنا ابله ساره...



هني لما سخنت ..شيوخ عطتني بلوفرها عشان ألبسه..وكان كبيييييييييير وايد علي...



بكلاس الموسيقى..كانت شيوخ تدق لنا ( والله تحقق منايا) بالأورج...والبنات يصفقون...



وآنا..احرك مريولي...وارقص وسط الدائره ...





عند هالباب كنا انا و شيوخ نشرب ماي بالخش...يوم كان رمضان...



عند هالصاله كلنا شلنا نوووف لما كانت فائقه الكورس اللي طاف ..وكانت فرحتناا فيها حيل كـــــبيره



6 ااسامي ،، راح يفقدهم هالمكان بكل ماتحمله الكلمه من معنـــى



شيخــــه ( الboss )

حــور ( ليدي بيرد)

عواش( شخابيط)

نوف ( الفآره)

اسماء( بو نصره)

بشاير ( البشر )



بس في حياة يديده بإنتظار ،،



كل وحده منهم..



انتهى الجـــزء

منورهه ي عسسسسل

*ملاحظه : مو انا كاتبه الرواية رتبت الاجزاءء فحسب

وكلك ذوووق حبيبتي