اشتقت لج يالغاليه

طالت المده وينج لاحس ولاخبر
احاول اتفاده الموضوع لاكني ارجع انجبر

اني اكتبلج اي وشفيها لو احبج
لو كنت اكلم صنم كان من زمان حس وعبر

اللي صار بيني وبينج ترى ماصار مع حد
احبج اكثر من نفسي والله علي يشهد

خذوج قدام عيوني مكسوره الخاطر
انا اسف هاي القانون والباب قدامي انسد

وانا اوعدج اني بجيج لو ماتبيني
مينون وانتي اكثر وحده فهالدنيه تعرفيني

خايف اتهور واجيج لين باب السجن واصرخ
احب فلانه سجل ياتاريخ يالله يامؤرخ

اكتب عني مثل ما كتبت عن عبله وعنتره
من زود حبي لج انا اطعن نفسي بخنجره

اكتب بدمي على ورقه فاضيه يالغاليه
خل كل الناس تعرف والله لو تتقطع الحنجره

اللي حبج مينون مافي منه فالخليج
والمشكله انه انتي اللي عقلتيه فيج

لو بتقولين مابيه والنفس عافته
غصبا عنج بجيج جوفي بروحج ماخليج

لو الصبح يصير ليل
لو ينشف نهر النيل
لو الفيل يسبق خيل
لو البيت الابيض فدحيل

طفح الكيل ههه والله لو يتفجر الكيل
افهميني ياحلوه ترى الشدو يحبج حيل

ايام صوب البحر قاعدين
تذكرين اشكيلج الهم وانتي ساكته تسمعين

لو ماكان في بينا فرق احلف الله اني خذتج
والفرق اني ارجع لادم وادم يرجع طين

سمعت كل الاغاني اللي الشدو غناها
لف الخليج معاها والبحرين وداها
فالسعوديه والامارات مشاها
مرت ايام وكان ينام معاها

احبج انتي لانج انتي مثل مانتي
ماتصنعتي ولاقلتي انج قويه كنتي

مرت سنتين ومافي يوم ماجفتج فيه
مشتاقلج وبتم احبج طول العمر ولو متي

بحنطج والله لاحطنج مثل ماحنطو فرعوون
اجابلج طول حياتي لو تمل مني العيون

ههه بابا لو يطلع لعين الانسان السان
راح تقول كلمتين ياناس بطوني تكفون

شوفي انا مب من النوع اللي يبيع العشره برخيص
ياما وديتج سيلين وكنت احفص فيج تحفيص

واجوف العذال منج يغارون
اني اكون معاهم وادري يتمنون

لاكني مافتكر الحمد لك ياربي والشكر
علاقه اسطوريه ومن حقها تنقال وتنذكر

خلاص ماقدر اتحمل ترى حدي مشتاق
ابي الحين اركبج واكون لج سوااق

لاكن الله يسامح اللي كان السبب
انا ارضى بالواقع هذا نصيبج وانكتب

لاكن الله يسامح اللي كان السبب
انا ارضى بالواقع هذا نصيبج وانكتب

اسم الاغنيه اشتقت لج ياغاليه
موجه الى سيارتي الحبيبه
النوع تيوتا لاند كروزر جي استندر
الموديل الفين وثمانيه

السبب محجوزه في شبك ابوهامور
نوع المخالفه تحفيص وتلاعب فالامور
رساله اخيره رساله اخيره من الشدو
زهقت سيارتي متى بتشوف النور

يالله يا بابا اشتقت لج متى بتطلعين
صارلج فالشبك محجوز ه تقريبا حول شهرين

لو بيدي كان رحت للمسئول الحين وكلمته
وقلت له ياتطلعها ولاتحجزني معاها الحين

وبســـ

يلا عاد لا تنسوني بردودكم