ياشين العيد من دونك وكيف البس ثياب اجداد
واعيد وين فغيابك ؟ومن عقبك يخاويني
اضيق ان غبت هيه طبعن يمين الله تضيق ابﻼد
جميع الناس فغيابك على الفرقا تعزييني
لبس كلن ترا ثوبه ونا ثوبي بكا واحداد
عرف كلن مكانه بس انا تاهت عناويني
بكيتك قلت يرجعلي بكيتك والبكا ما فاد
بكيتك لين ماجفت دموع الشوق في عيني
حبيبي هذا خامس عيد مابين افراق وبين ابعاد
تعبت اسالك وين إنته تعبت وضاعت اسنيني
واقول الصبر وين إنته يجاوبني ترا ما عاد
يفيد الصبر ياقلبي نفذ صبر الصبر فيني
طعني الوقت كم مره ولوﻻ ان الضلوع اشداد
خضعت امن اﻻلم للجرح ووقتي ما يداويني
جفتني الضحكة فغيابك وكم مرت علي اعياد
بﻼ ضحكة وﻻ فرحة وﻻ خلن يواسيني
عموما عيدك امبارك عليك ويا عسى ينعاد
عليك ابخير يامسافر بعيد وﻻ تحاتيني
مدامك انته في وادي ونا ياغايتي في واد
ﻻحول لي وﻻ قوة سوى رب(ن) يراعيني
موضوع: ي شين العيد من دونككك A 
الأحد يناير 20, 2013 10:09 pm
