بشنو أبدي كلامي !!
لبنت بلحظة ما عرفتها دشت بقلبي و بين عروقي سكنت
و صارت لقلبي نبضه
و بشنو أوصف فرحتي !
لما أكلمج و لما تحاتيني و لما تكونين معاي !!
وبشنو أوصف إحساسي !!
لما تكونين مستانسة و لما تزعلين و إتلهف لجل أراضيج و ارسم البسمه بشفاتج
و من وين أبدي بوصفج و بشنو انتهي !!
إلي بقوله شيء من قلبي
رساله نبض فيها قلبي لنبض قلبج ،، إلي روحج فيه عاشت في روحي
وجتمعنا و جمعتنا هالحياه صدفة و كانت بالنسبة لحياتي أحلى صدفه !!
شقولج و أحكيلج عن غلاج إلي ملكني
و قلبج إلي سكني
و جمالج إلي أسرني
و رقتج إلي ذوبتني
أحب إحساسي بالراحة لما أكلمج
ونسيان همي و انتي معي
و أحب لهفتي و لهفتج لو غبنا دقائق
انتي بنتي و حبيبتي و اختي و أمي و كل دنيتي
لو بوصفج من الألف إلى الياء
انتي حروف جمعتها و صارت بالنسبه لي معنى الحياه
كلمات وصفت شلون يكون يومي بوجودج حلو و بغيابج عذاب
و كلمات توصف عن شوقي لج و لهفتي بلحظة صمت أو حزت نوم
و كلمات تقولج أنها بدونج حبر قلمها يجف !! و تنتهي رحلت كتابتها إلي إتلون بإحلى الألوان لمجرد أنها كتبت عنج
يا نور عيني
و نبض قلبي
و روح روحي
ادعي ربي تتمين لي و يخليج لي
Ur's Dani 72