إحساس الوحدة

شعور صعب لما الإنسان يحس بالوحدة
بلحظة ضيق يحس انه كل البشر ضده
حتى لو كانوا حيل قراب منه
شعور صعب انك تضطر تواجه عقبات الحياة بروحك بدون شخص يسندك
لا تقول انك طلعت من بطن أمك بروحك و تقدر تكمل بروحك لأنك لازم تمر بموقف راح تحتاج فيه مساعده أحد سواء كان من اهلك أو ربعك أو أحد غريب
كل واحد منه تجيه حاله الضيقه الشديدة إلي تصك بويهه أبواب الحياة و درايش السعاده يحس بعدها بخنقه و ممكن خنقته توصله للموت بعد الغزله عن الناس و العالم و الدنيا
تحس نفسك قاعد في غرفه مظلمه خاليه من الأكسجين و ما تسمع إلا نبض قلبك و ضميرك منن أعماق صدرك يحاجيك ،،
يلومك ،، تسترجع ذكريات انت تعبت عشان تنساها
يخليك تحن لأشخاص عن حياتك راحوا
يرسم البسمه على شفاتك لحظة و بنفس اللحظة تمحيها الدموع
هذي ذكريات موصوله بجرح قلبك
يومك نصدمت من ناس كنت تحبهم و تعزهم و عطيتهم كل ما فيك و لكن كانت النهاية خدلان في خدلان في خدلان
يحس الإنسان بالخيبه بعد ما ضاع عمره يبني له قصر و بلحظة ينهدم كل إلي بناه تضيع كل سنينه و أيامه يضيع تعبه و يحس بالإحباط
يوم انه الناس إلي يحبهم يؤخرون عنه بدون أي سبب يذكر تحوش الإنسان كاابه هذا ليش راح ليش بدون سبب يخليني ليش بعد ما وعدني يكسر فيني
و هذا التفكير وصله لي عقله الباطن مكان ما خزن كل الذكريات القديمه
يرد من الأول يفتح الدفاتر القديمه و يتصفحها بحسرة على شبابه إلي ضاع لجل يرضي الناس و يرضي إلي يحبهم
و تنزل دموعه حسره علييه لأنه من غبائه حب و عز ناس ما تستاهل معزة لأنه وفا في زمن يستغلون فيه الوفي و يدوسون كلى كرامت الطيب و أهو من طيب أصله يسامح .. لكن ،،
مستحيل انه ينسى :
إلي جرحة
إلي ظلمه
إلي باعه
إلي أذاه
إلي اثر عليه بسلبيه
إلي خلا منه دوا لوقت الحاجه يأخذه يعني بمعنى أصح يستغله
و إلي و إلي و إلي .....
كل إنسان في هالدنيا له قلب يحس و له مشاعر
و الناس نوعين :
ناس تسيطر على مشاعرها
و ناس مشاعرها تسيطر عليها
و الفرق بينهم بس عكس كلمتين
لكن الموضوع كله يدور حول نفس المضمون و إلي أهو المشاعر ،،،!
وأيد ناس تاذت لأنها تمشي ورى مشاعرها و ناس كثير راحوا ورا الشمس و لو أنتوا مستخفين بهذا الموضوع ففي ناس دشو جهنم من ورإ هذي المشاعر ، ناس عشان حب انتحرت !! ذبحت نفسها والله حبيبي حب غيري ،، و من هالشوالف إلي ما تخلص ..
يعني بإمكان الشخص يسيطر على مشاعرة و يحسبها صح لأنك لو انت عكست كلمه وداع بتلقي عكسها عادوا ،، لكن ربي ما يبعدك إلا عن إلي يبي ياذيك و دائم نردد و نقول خيره ،!
مشاعر وأيد قاع يستهان فيها هالأيام و إلي أدت فيها لي الموت
ليس تحط في ذمتك روح أدمنت وجودك و خدلتها
لا تقول أنا ما أجرح !! في ناس تجرح بس بدون لا تحس سواء بكلام أو فعل .،!
دامك كو قد الوعود خلاص توكل ولا انك تدخل نفسك في متاهه و يصعب عليك بالأخير انك تطلع منها
لو جربت انت انك تحظ نفسك مكان أي شخص يفديك في روحه و انت جرحته بتقعد طول عمرك يانبك ضميرك على خسارة هذا الإنسان
لا تقول هذا بيتم معاي و هذا ما رح يخليني لأنه بالنهاية راح تفترقون و توصلون لطريج مسدود و كون واثق انه بس إلي يحبك بيتم معاك لو مهما سويت ،،،!
لا تحظ آمالك بشخص واحد و تسلمه حياتك لأنه في لحظة فراقه بترجع لعالم الوحدة و بتكون فيه غريب و ترجع و تدور على نفسك من أول و من جديد .،!


By;Daniel

احححسااسس واللهه جنك ترجمت كل المشاعر اللي بقلبي
اششكركك

لبى الاحساس انا

كلاممم صادقق محد يدووم لحدد