غريب الحب بابن ادم

غريب الحب بإبن آدم
تحس إنه ليوم الدين
ولكن تكشفه الدنيا بلحظه ينسى خلانه
غريب الحقد بإبن آدم
يعادي مو مهم يلين
عدوه برحمة المولى يصير أقرب من إخوانه
غريبة طعنة الغفلة
سبايب طعنه غالين
صديقك سبب جروحك يداوي الجرح عدوانه
غريبة قصة البسمه
تزيل همومنا كل حين
تقول إن الحزن مهما كبر لا بد نسيانه
غريبه يا دموع العين
فرحنا نحزن تهلين
ولا أشوفك بجوف الليل وخشية ربي عنوانه
غريبة قلوبنا حيه
على الدنيا وننسى الدين
نتاجر فيها بأنفسنا وندري النفس خسرانة
غريبه نعترف إنا
بشر مع ربنا مقصرين
وإذا أنعم علينا بشي تمادينا بعصيانه
غريبه إننا نسهى وننسى إننا ميتين
وبعد الموت ما ندري بجنه أو بنيرانه
بشر نمشي وراء الدنيا لكن لَ متى ولَ وين
نبيها بكل ما فيها ولكن من علشانه
نظن إن الغنا فيها ولا فكرنا وش بعدين
وش اللي راح ننطق به إذا حاسبنا ميزانه
وش اللي نستره بكرى وننكر إننا مسوين
ونقول الدنيا غرتنا وعشنا بلذة حيرانه
منو اللي مالك الدنيا منو اللي أمهل العاصين
منو اللي بكلمته يقدر يزيل الشر وأعوانه
ياربي لطفك وعفوك ياربي جينا لك راجين
ياربي أرئف بعبدك تجاوز زلة أزمانه