قصه .. بويآت ادخلو تصلح لكم بصرآحه ..

[center]الله الرحمن الرحيم

السلام عليكم ورحمة الله وبركاته

هاذي القصه منقوله و اتمنى كل مسترجلة او بويه تستفيد منها الصراحه انا يوم قر يت القصه حسيت بحزن عليها و الصيحه و الله يهدي الجمييييييييييييع يا رب و ترا هاذي قصه بنت مو قصتي و اسمها خلود


اعترافات بنت مسترجله!!

الصراحه انا محتاره محتاره اكتـــب قصــــتي واعترف لكم عن اشياء كثيييييييييييره ولااسكــــت واروح انام افضــل امممممم امممممم امممممم امممممم<<يعـنني افـــكر لا لازم اتكلم عشان اللي مثلي يحاول يغير طبعه وانا متأكده وباصمه بالعشره ان فيــه بنات كثير نفس حالتي بعضهم مقهوره ع حالتها وودها تتغير بس اللي حولها مايشجعون وبعضهم مبسوطه اوه اقصد مبسوووووط لان هالفئه ماتبي احد يتكلم عنها بتاء التأنيث <<<<<<<<<<<<<<<<<<<<<<<<<<<<اتوقع فهمتو قصدي


*صح ماني شاطره بصياغة القصص بس انـا مو هدفي تقرووووون قصتي للتسليه لااتمنى تتعــــــضون <<للاســـــــــف صـــــرت عظـــــــه وعبــــــــــــــره لغيري بـــــس راح اتكــــــــــلم عشـــــــــان ماتمـــــــــرون بنفـــــــــس حاااااااااااااااااالتي*


*************************************

طيب راح اتكلم*

اممم ابدأ لكم من وين من اي مرحله ابدأ من الطفوله ولا المراهقه و....لالا خلاص راح ابدأ من طفولتي عشان تتعرفون علي اكثر وتعرفون السبب اللي خلاني كذا ابوي كان دايم يقولي انتي رجال البيت من بعدي((!!!؟؟؟))
شفتو هالتعجبات والاستفهامات اتوقع ان طلعت من راسكم بعد ماقريتو كلام ابوي طيب انا راح اوضحلكم السبب اللي خلا ابوي يقول كذا *لان كل خلفته بنات* واتوقع جته حاله ((شبــــه نفسيه)) تزوج امي وجابت له 3 بنات وحملت بالمولود الرابع وابوي كان عنده امل يكون ولد واي اب بالدنيا يتمنى بولد يشيل اسمه لكن ابوي كان متهووووووووووووور وهدد امي ان لو اللي ببطنها بنت راح يطلقها ولا درى ان تحديد الجنس من عنده الحمد لله والشكر تفكير جاهليه ماباقي الا يدفنا واحنا احيا<مأستبعدها
امي كانت تحـــــــب ابوي بشـــــــكل جنووني ومدري وش عاجبها فيه المهم انها في اليوم تصلي 20 مره وتدعي ان اللي في بطنها يطلع ولد مرت الشهوووووووووووور المنتظره وكانت بالنسبه لابوي دهوووور ...

×الشهر الخامس ×

في هالشهر راح يتحدد جنس المولود والكل ع اعصابه *ابوي وامي *اعمامي *اصدقاء ابوي بالشغل* واهل امي كمان*
ابوي وامي بالمستشفى اما بالنسبه لاعمامي وخوالي...الخ كلهم ببيوتهم بس عايشين بقلق وينتظرون النتيجه ع احر من الجمر
الكل خايف لانهم متعاطفين مع الوالده والكل ينتظر هالحظه ابوي كان مهووس ع مايجيه ولد اخذ امي ع المستشفى وكان خايف حيل وامي اكثر لان مصيرها ومصير بناتها متعلق بجنس هالمولود طلعت النتيجه ودقت صفارة الانذار لتعلن مصير امي
الكل متحمس ابوي ماسك اعصابه خايف يطلع عكس مايتمنى دخلت الدكتوره مبروك يامدام تبينت الفحوصات والكشف ان اللي ببطنك ولدابوي نط من الفرحه وقام طلع من جيبه7000 وعطاها لامي ومانسى الدكتوره عطاها الف
كان طاير من الوناسه دق عليهم والكل يبارك وعزم كل معارفه وسوى عزيمه لاصارت ولااستوت ((اشك انه صاحي)) وقرر يسمي الولد خالد والكل صار يناديه بأبو خالد بعد ماكان ابو اريج والمشكله كل هالزحمه وللحين ماجاء الولد اجل لو جاء وش بيسوي
*ياحياتي عليك ياابويه لهدرجه متعقد من البنات يالله امرنا لله*

المهـــــــــم جاء

×الشهر التاسع ×
وابوي حجز لامي جناح ملكي وغرفه خاصه للمولود الله الله وان كانت بنت رماها مع ست مية بزر متحاشرين في سرير واحد
ابوي برى قلقان واعمامي معه عشان يهدون عليه حان وقت الولاده وابوي على اعصابه
وووووووطلعت انـــــــــــــــــــــا!!
مستغربين صح طيب وش تقولون عن ابوي ابوي رايح جاي طلعت الدكتوره :هاه بشري يادكتوره
-الف مبروك جاتك بنت متل الامر <<القمر طبعا ابوي ماصدق وجن جنونه:كيف بنت وانتم كشفتو عليها وقلتو ولد تلعبون بعقلي
طلعوا لي ولدي طبعا سوى مصيبه في المستشفى قلتلكم اشك انه صاحي ودخل ع امي غرفتها وصار يسب فيها ((طيب سؤال هي وش ذنبها؟؟)) وطلقها واخذني من المستشفى وحرم امي مني حتى ماتعرف خشتي وانا كذالك مأعرف شكلها غير من الصور طبعا ياحلوين الاحداث اللي صارت قبل ولادتي ماكنت اعرف عنها شيء بس خواتي ماقصروا وقالولي لانهم حضروا الموقف
سماني ابوي خلود تقريبا قريب من خالد ابوي باقي عنده امل يجيه ولد وراح طقها بالثانيه لاكن ياحياتي عليها ماكملت معه سنه الا هو مطلقها جابت له بنت وخلى البنت معها ولاحتى فكر يسأل عنها وبعدها فقد الامل يجيه ولد وقرر انه مايتزوج ابد وصار عنده شبه حاله نفسيه زي ماقلتلكم اول لدرجة انه صار يتخيلني ولد يعني ياخلود انتي الضحيه ولبسني قناع مو قناعي واعطاني دور صعب وقال مثليه بهالمسرحيه يالله نستعد لهالدور وبنشوف وش نهاية هالمهزله سجلني ابوي بمدرسه .....لاتخافون مو مدرسة بنين ابشركم عنده شوية عقل وسجلني بمدرسة بنات وانا بالصف الاول ابتدائي كنت شرانيه وحركاتي صبيانيه هذا اللي علمني عليه ابو خالدكنت اضرب كل بنت قدامي طبعا كان شعري قصير يعني اللي يشوفني يقول هذي مستحيل تكون بنت كنت عربجيه درجه اولى مشيتي وطريقة لبسي واسلوبي وحتى نظراتي ((والله ونعم التربيه يأبو خااااااااااااااااااالد))
انا كنت انبسط اذا احد قالي انتي ولده ولارجاله<<تعرفون البزارين بالابتدائي ماعندهم مصطلح مثل مسترجله اوعربجيه فكانو يقولون لي ولده ولارجاله ههههه وانا كنت اكيف على هالوضع المرشده الطلابيه كلمتني بس مأتذكر وش قالت بالضبط بس كل اللي اتذكره انها كانت تسأل عن ابوي وامي المهم ان المديره كانت تزعج ابوي بالاتصالات بسبب تصرفاتي الغريبه
وكالعاده ابوي يصرف مشغول نايم لان ماعنده مبرر عن تصرفاتي الصبيانيه وش يقولهم يقول والله انا عندي عقده نفسيه من البنات وخلود هي الضحيه تخرجت من الابتدائيه بعد ماسببت للمديره عقده نفسيه دخلت المتوسطه وكانت المدرسه تجمع متوسط وثانوي حسيت نفسي غريبه الكل كان يطالعني بتعجب وتوقع انظارهم ع شكل المريول كان تصميم المريول ع شكل ثوب لان اخذت ثوب ابوي ورميته على الخياط وقلت سو مثله بس بقياس اصغر حتى الخياط انفجع مو بس من طلبي الغريب الا من صوتي كان صوتي بطبيعته ثقيل لاكن انا بدوري كنت اثقله اكثر المهم وانا متوجهه للفصل جاتني وحده مبين من مريولها انها من الثانوي كانت ناعمه واظاهر انها تدلع كانت الراء عندها مثقله ماكنت عارفه وش تبغى بس قلت خل نشوف ام اراء وش النهايه معها البنت :هاي ممكن نتعرف ابتسمت انا وبكل براءه:ايه البنت:ممكن اعرف اسمك -انا اسمي خالد
لاحظت ان البنت انفجعت:خالد!! عقدت حواجبي ورفعت اكمامي :ليه ماعجبك اسمي تحولت ملامح التعجب الى خوف:لاسلامتك بس حـــ..
قاطعتها:رجاء لاتكسرين التاء خاطبيني زي ماتخاطبين اخوك
البنت ابتسمت وقالت بغنج:خالد ماسألتني وش اسمي
لفيت ظهري وتوجهت للفصل وقلت :ماله داعي
حتى مأنتظرت اني اشوف ردة فعلها كان قلبي اقسى من الحجر
الصراحه ماكنت عارفه وش تبغى يعني اول مره احد يعاملني بالاسلوب هذا
كنت بريئه توني طالعه من الابتدائيه ومأدري عن شيء

قبل مأرجع للبيت جتني نفس البنت وعطتني ورقه وراحت
اخذتها وطلعت وكان ابوي منتظرني
دخلت السياره
ابوي:ليش متغطي توك صغير
ناظرت ابوي:ممنوع اطلع وانا كاشف
-طيب فك الغطى
فكيت الغطى وابوي وقتها كان رايق وقرر يعلمني السواقه وانا قبلت
طلعنا للبر وبدأ يعلمني
وانا في قمة السعاده
رجعت للبيت الساعه 7 المغرب وكانو خواتي متضايقين من طريقة حياتي
اريج اكبر خواتي عمرها اربعه وعشرين
ساره الثانيه عمرها ثلاثه وعشرين
رنا قبلي وعمرها 22
وانا آخر العنقود
كانت ملامحي عكس شخصيتي تماما
يعني كنت جميله اكثر مما اني جذابه
عيوني واسعه ولون العدسه عسلي
وانفي حاد
وشفايفي صغيره
بشرتي بيضا
كنت نحيفه لاكن جسمي عريض
و باقي مابرزت فيه الملامح الانثويه
لاني كنت باقي بزر

في ذاك اليوم انسدحت ع الكنبه
وصرت اتذكر البنت واسلوبها الغريب
وفجأه
تذكرت الرساله اللي اعطتني اياها
فزيت مندفعه لشنطتي
فتحت الرساله
وع حسب اللي اتذكره
كان مكتوب فيها
خالد انا آسفه اذا ازعجتك بس انا كنت حابه اتعرف عليك
لااكثر ولااقل
اسمي ندى تقدر تدلعني ندو
واتمنى اتعرف عليك
اكثر لان شخصيتك عجبتني مره
اشوفك بكره
وتوقيعها
تخيلتها لما تقول ((مرره ))صرت اضحك لان الراء بلسانها مهدود حيلها

سكرت الورقه وانا احاول افهم وش السالفه
ليش اسلوبها غريب وكأنها تكلم خطيبها
كثرت الاسئله براسي
ورحت لاريج ابغاها تفهمني وش السالفه

قلت لاريج السالفه وقريتها الرساله
وبانت ع وجها علامات الغضب
صرخت بوجهي
وتمنيت وقتها اني ماقلتلها
كانت تصرخ وتبكي:عاجبك وضعك كذا ليش ياخلود تلبسينن قناع مو قناعك
ليش تمثلين وانتي عارفه انك على غلط
ليش تقولين لها اسمك خالد وهذي هي تعلقت ومسويه نفسها معجبه

استغربت:معجبه خير وائل كفوري ع غفله وين حنا
ردت :اسمعي البنت هذي لاتقربين منها ولاتعطينها وجهه
((سكتت وكأنها تحاول تهدي نفسها ))
وبعدها رجعت كملت
وعلمتني وش معنى الاعجاب
تقززت من الوضع
ماتخيلت ان ممكن بنت تحب بنت
طبعا داومت وكنت كارهه هالبنت خاصة بعد ماعرفت نيتها
اول مافكيت عبايتي انطلقت لجهتي _الله يالنشبه شلون افتك منها _
حاولت اتجاهلها
وهي ميته تاخذ جواب مني
مدري وش عجبها فيني
والله ناس ماعندها ذوق<<كأني قاعده اجرح مشاعري
المهم
دخلت الفصل وهي تلاحقني وتحاول تاخذ مني جواب اذا انا بأتمشى معها بالفسحه ولالا
سكت
وعيونها تتللآلآ تبي تعرف الجواب
حطيت عيني بعينها :لا انا مشغول اوكيه
نزلت راسها وكأنها عرفت اني ماني طاقيتها
وردت بصوت مخنوق :براحتك
قربت منها وحطيت يدي على كتفها :ثاني مره لاتكسرين التاء لااكسر راسك
لفت لجهة الباب وطلعت
ورجعت بعدها اظاهر نسيت تلقط وجهها معها
وقالت:خالد انت تعجبني
رديت انا بأستهزاء :اجل خلاص انا بكلم الوالد اليوم واجي اخطبك
بان على وجها الزعل وكأنها تقول هالانسانه مامنها فايده
ومن بعدها ماعاد شفت رقعة وجها
طبعا
مرت السنين وتزوجو ثنيتتين من خواتي
اريج وساره
وباقي رنا

الان عمري 18 سنه بثالث ثانوي
وفي هالعمر حصلت العجب العجاب كانت حياتي سلسله من المفاجأت
بس ماراح ابخل عليكم راح اقولكم كل شيء وبالتفصيل
طبعا
تغطيت بعد الحاح من اريج
لان الغطى صار واجب علي <<اكيد فهمتو قصدي
وابوي مازال يعاملني ع اساس اني ولد
هذا من الناحيه الاجتماعيه
اما من الناحية الماديه فاحالتنا الماديه متوسطه
يعني سكانين بفله صغيرونه
وسجلني ابوي بمدرسه خاصه وانا بأول ثانوي بعد ماتسببت بمشاكل كثيره بالمدرسه الاولى
كله من البنات اللي غثوني كل يوم جايه وحده شكل فاقلت لابوي ينقلني وافتك من شرهم
اول يوم دراسي
كان الزي المدرسي يختلف عن المدارس الحكوميه
القميص ابيض والتنوره سودا
لبست القميص وكان واسع ومصمم كأنه ثوب جيب على اليمين
وازرار في وسط القميص توصل لنص القميص
اما بالنسبه للقبات فاخليتها قلاب بس كانت خفيفه مو مثل قبات الثوب بس الله يبقيلنا المريتو
كنت ابخ المريتو لين اخلص ربع العلبه بس طبعا لي سياستي الخاصه
في البخ اركز على وسط القبات واخلي زوايا القبه مهمله
تصير من ورا مرفوعه ومن قدام طايحه بس بشكل مرتب وملفت
اما بالنسبه للتنوره فاظطريت اني اصممها بيدي واخلي الخياط يسويها
لان بالمدرسه يبيعون مراييل بس زي وجههم
صممت لي تنوره خرافه
خليتها اشبهه ببنطلون طيحني بس على تنوره
احم احم لاتفهموني غلط
كان تصميمها مختلف شوي عن بنطلون طيحني يعني الفضايح ماتبان وين حنا بمدرسه ولامسخره
راعيت قوانين المدرسه عشان مايغثوني ويقولون روحي اشتري من المدرسه وهم الكسبانين
اكيد تبون تعرفون التصميم<<احس اني ثرثاره
طيب ولايهمكم
كانت عباره عن تنوره سودا
لها جيبين من الخلف بس هالجيبين نازلين لتحت
يعني عند فخوذي وهذا الشي خلاني اشبهها ببنطلون طيحني
وكانت وحده من الجيوب مرسوم عليها هيكل عظمي بالخيوط الفضيه
كان شكله ملفت
وطبعا فيه كسرات من قدام لان مشيتي سريعه وراح تسهل علي المشي
وفيه جيب على اليسار عشان يسهل علي العنى اصير احط مصروفي بالجيب افضل
هذا تصميم مريولي وكنت فرحانه فيه
عشان كذا تحمست وقلت لكم مع ان مالكم شغل فيه بس انا وعدتكم اعطيكم كل شيء بالتفصيل
بس عاد مو كل شيء يعني بعض الاشياء بأعديها منعا لتسلل الملل
اما بالنسبه لشكلي كنت اتضايق من ملامحي لاني جميله اكثر من اني جذابه
كانت ملامحي بريئه وانا احاول اخفي هالبرائه
وكانت عيوني كبيره والعدسه ماخذه مجال اوسع من البياض وهذا اللي خلا
ملامحي تميل للبراءه اكثر من الحده
وعندي غمازه وحده على اليمين وكنت اضحك على المايل عشان تبين هالغمازه الوحيده خخخ
كان شعري قصير ويوصل لنص الاذن بس اللي يشوفه يقول فوق الاذن
ومانسيت الخنافس والسوالف كنت احدد عشان يوضح ان عندي سوالف
حواجبي فرقت وحده منهم يعني قصيت نصها وطلع شكلها ملفت
وطبعا بالنسبه لجسمي فا وزني سبعه وخمسين وطولي ميه وثلاثه وستين
لبست مريولي وكويت شعري صار طايح على وجهي وهذا كله عشان تصير ملامحي غامضه وحاده
بس اظاهر مافيه امل
لبست ساعه سودا وكبيره وحطيت معها اساور فضيه وخفيفه ولبست سلسالين
واحد ع شكل جيتار فضي والثاني قصير وقريب من الرقبه وبدون تعليقه
بس حلقاته كبيرره
وحلق واحد ع شكل سكين
لبست شنطتي وتنلبس ع المايل كبيره ولونها اسود وفيها هياكل وانا اظفت البروشات
تعطرت بعطر رجالي "ناديني -رجالي"كنت اعشق ريحته
هذا هو ستايلي واللي مايخلو من الهياكل <<اعمتني ذالهياكل
استعديت ليوم جديد مليء بالمغمرات
((اذن الفجر ))
قمت صليت ورنا كانت مجهزه الفطور
وباين على وجها اثر النوم عكسي تماما كنت متحمسه وفي قمة نشاطي
-صباح الفل
ردت علي بدون نفس تثاوبت :صباح النور
-هاه ماراح تدومين
-لا مالي نفس باقي ماتهنيت بالاجازه
كانت رنا مدرسه
تدرس E للمرحله الابتدائيه الحمدلله عشان آخذ راحتي ع الاخر
ناظرت بالفطور واللي كان عباره عن شاهي وجبنة كيري وخبز<<الحمدلله ع النعمه
:يوووووه يارنا وش ذالفطور والله لو اني قطو ماعطيتيني كذا
رنا تحك عيونها :تبغين اهلا وسهلا ماتبغين الباب يوسع جمل <<كانوا خواتي يكلموني بتاء التأنيث
يحاولون يغيروني بس اظاهر مافيه امل جو متأخر
تكيت ع الجدار :يالنذله يوم انك منتي مداومه سويتي لي فطور زي وجهك
نظرات البرآه بعيونها:حرااااام عليك انا مش انانيه
-نشوفلك بكره والله لحلف ان سفره من هنا للمجلس
ابوي دخل :صباح الخير
سلمت على ابوي وبشكل رسمي <<وهذا اللي عودني عليه ابوي عكس خواتي كانو ينطون على ابوي
بس ابوي انرسم في باله ان انا شااااااااااااااب فالازم تصير شخصيتي قويه
رنا انحرجت من ابوي لان الفطور متواضع وبقووووووووووووه
ماكانت تتوقع انه بيقوم يفطر
صغرت عيونها وصارت تناظر في ابوي :يبه تبي اسوي لك فطور
ابوي ماكان يبغى يحرج رنا :لا اصلا ماني جوعان "وغمز لي "
ابتسمت مع اني ماني عارفه وش كان يقصد بالغمزه
***ملامح ابوي كانت حاده اسمراني والعوارض تحد وجهه البيضاوي
له نظره حاده وهذا اكثر شيء كنت ارتعب منه
انا اخذت من ابوي الخشم الحاد والغمازه والباقي من امي
شفايفه سودا تدل ع انه مدخن
شعره خفيف وفيه خصل بيضا هذا وهو يصبغ شعره
نحيف وطويل ولاكن كتوفه مفتوله واللي يشوفه
يقول هذا بالثلاثين مو بالخمسين***

طلعت مع ابوي وخلى السواق يكبر مخدته خاصة وان رنا محتاجه اغراض من السوبر ماركت
ركبت الجيب كان موديله قديم بس ابوي يحبه ويقول فيه بركه
لبس نظارته الشمسيه كانت مسحوبه بالعرض كنت اشوفها واضحك كأنها نظارة غواصين
نظارته تفشل بس لازم اتصدق عليه واشتريله وحده كشخه
بس تصدقون اعجبت بمظهر ابوي صح مو وسيم بس رزته تكفي احم احم بغض النظر عن النظاره
لف ابوي لجهتي:وش رايك نروح المطعم نفطر
-ايوه الله الله يسامحها رنا تعبت نفسها بالفطور"تحمست ع الاخر"بس ابغى فطور من نفس المطعم
اللي دايم تجيب لنا منه فطور
-وانا متجهه له
اتجه لمطعم مادققت باسم المطعم اللي دخلناه لان اللوحه كانت محروقه
"هذي بداية الخير"
دخلت وكانت جلسه عربيه على الارض والبنقاليه في كل زاويه دخلنا لقسم العوايل

وابوي صار يكلم الهندي (الجرسون والطباخ في نفس الوقت)
اقسم بالله ياعليه ريحه خلتني اشك في نفسي
وجهه يبغاله صيانة سيارات مو اي صيانه الا صيانه صيانه متعوب عليها
ناظرت بيده لاني راح اكل من ورى هاليد
لقيت اظافره طوال وجوانبها سودا واتوقع انه دم مخثر لا وياريت يحط على يده قفازات الله يشوي وجهك

كرهت نفسي
"مصدومه هذا هو نفس المطعم اللي ابوي يجيب لنا منه اكل ابووووووووووووووك يالقلح"
دخلت لجوى وسكرت الستاره
دخل ابوي بالفطور وكان عباره عن ساندوش محشي كبده "في هاللحظه تمنيت فطور رنا"
جاب الشاهي لاوفي فنجال قزاز
ناظرت في ابوي وانا مصدومه:ابويه كم برطم طاحت في هالفنجال
اكتفى ابوي بنظره لما خلتني انخرش
اكلت وانا ميته جوع غصبن علي
رفعت راسي لقيت بسه قدامي شكل اعجبها ريحة الكبده
تبغون الصراحه مأستغربت
لو جاء ثعبان
المطعم مبين عليه ملجئ لاصيع قطاوي بالحاره
اللوحه المحروقه ولاالفنجال ولا هالجلسه اللي على الارض واهم شيء يد البنقالي
استغربت وش بها طولت ذالبسه قلت هذي شكلها بتطحلب هنا
سمعت صوت ورايه لفيت على جهة الزاويه لقيت بزارينها توها والدتهم
حسيت اني ابغى استفرغ بس مسكت نفسي عشان ابوي مايعطيني محاضره
خلصت اكل <<ولي وجهه اكل بس عاد وش اسوي ابوي بيذبحني وبيقول من وين جبتي ذالدلع
قمنا من المطعم وانا احلف على نفسي ماعاد آطلع من البيت الا وانا مشبعه بطني لو من جبنة الكيري
اللي اتريق عليها من صباح الله
مشينا
-ابوي وقف ابغى اجيب علك اكسترا
-معك فلوس؟؟
-ايه
نزلت وجبت ببسي وفطيره بالتفاح وعلك اكسترا وبطاطس ليز (ملح وخل)
-هه هذا هو العلك
-والله من فطورك اللي اعطيتنياه
-تصدق انه اكشخ مطعم في نظري
-ايه ايه والله لااحلف ان موية الشاهي من عرقهم لاني طعمت فيه حموضه
-ههههه هذا بدال ماتشكرني اني فطرتك
"اشكره على ايش على كبده اشد من ضرس جدي":شكرا وماتقصر
وصلت للمدرسه
دخلت وانا متأمله ان محد بيغثني خاصة وان اللي فيها يعرفوني عدل
اني مأعطي وجهه
دخلت الفصل واظاهر اني كنت متأخره
ابله زينه مدرسة حاسب :اهلا وسهلا ياام الشباب
ناظرتها بأحتقار وبصوت مثقل:اول شيء اناابو الشباب يابو
ثانيا السلام عليكم ورحمة الله وبركاته داري ماراح تردين السلام بس
حاب اذكرك السلام لله ولاتنسين حكمه واااااااااجب
-وعليكم السلام بس ليش تتكلمين عن نفسك وكأنك واحد من دشرة الشوارع
صرت اناظر بالبنات:اوه اوووووووووووه كأنها تعدت حدودها (ورجعت لفيت راسي عليها)
انتبهي ياماما لاتخليني احطك براسي هاه
كان اسلوبي وقح وهمجي بس عاد وش اسوي عقلي مو في راسي وانا كنت
اشوف ابله زينه بزره لانها كانت توها متخرجه واحسها من عمرنا وراح اقدر عليها
المعلمه مأستغربت من ردي لان نص الابلات يعانون من اسلوبي
بس خافت من تهديدي واللي كان في محله لان
انا كنت لما اهدد اتحمس وانفذ ع قولة الوالد "الرجال عند كلمته"
ابتسمت ع المايل ((الغمازات اهم شيء تبان))<<قلك اطيح البنات اللحين
جلست وكالعاده شنقلت رجولي
سلمت ع البنات من بعيد
دق الجرس
ومأمدانا نقول بسم الله الا دخلت دخلت دخلت لالالا مأصدق معقوله معقوله تكون هي ولاتشبها
دخلت علينا معلمه الفنيه وانا كنت شاكه لاتكون هي اللي في بالي
بدت المدرسه ((المشكوك في امرها)) تعرف عن نفسها:السلام عليكم ورحمة الله وبركاته
ردينا السلام
انا اسمي ابله ندى
لالالالالالالالالالالا انا شردت منها بالمتوسط والللحين هي معلمتي الله يالنشبه
لالا مأتوقع انها هي
باقي عندي شي واحد وراح اتأكد اذا هي ولالا
-ابله ندى
كانت تطالعني بتفحص:هلا
-انتي ندى ايش
-ندى راشد
لالا الراء مثقله ونفس ابوها
اذن هي انا لله وانا اليه لراجعون الله يالبلشه
طبعا هي وقتها كانت صف ثالث ثانوي وانا كنت بأول متوسط والان هي مدرسه
"يارب ماتسألني يارب ماتسأني عن اسمي يارب"
-الا ماقلتيلي وش اسمك
هنا انا ارتبكت وقررت اتكل ع الله واقول اسمي وع الله ماتعرفني :معك خلود
"ماقدرت اقول خالد اخاف تتذكرني"
-خلوود سبحان الله فيك شبه من وحده
-ياسبحان الله يخلق من الشبهه اربعين
وقتها نفسي اقوم واسجد سجود الشكر شكرا لله انها ماعرفتني اللهم لك الحمد
دق جرس الفسحه بعد هالحصص الممله
طلعت مع شلتي للفسحه
وكانت مكونه من 5 بنات مريم ومها وريناد وبنان
وانا الخامسه
وصرنا نسولف
مريم :اقول خالد اخواتك كلهم تزوجوا
-لاباقي وحده
-اها
مها:لايكون تبغين تخطبيها لاخوك صالح
مريم :اظاهر كذا لان رنا اسمالله عليها حلوه ونعومه مو مثلك
والكل صار يضحك الا انا
ناظرت فيهم لحد ماخلصوا :على فكره بايخه ومايبغالها كل هالضحك بس نسيت انكم فاغرات
ريناد :تصدقوا وش امنتيتي
الكل تحمس :ايش؟
-نفسي اشوف ههههه نفسي اشوههههههههه
مريم :بتقولين ولا تنطمين
-لاصدق نفسي اشوف خلود بيوم زواجها هههه احس راح تكون الكوشه كلها جماجم
هذا اذا ماسوت زواجها بمقبره هههه
الكل صار يضحك وانا صرت اناظر فيهم مسوين نفسهم زحيفه
مريم:لالا انا اتخيل شكلها حااامل هههههههههههههااااااي تمشي وهي متعربجه
((وصارت تقلد صوتي )) الله بالخير يابو الشباب
الكل انفقع ضحك وانا بنظري مأشوف شيء يضحك
بس حزت بخاطري شوي وحسيت نفسي ولا شيء
مها :لاعاد اتخيل شكلها باول يوم في زواجهم
مريم:اظاهر بتقول لزوجها يابو وش رايك نلعب بلوت
ريناد:انا بس راح احزن على زوجها هذا اذا بتتزوج
مها:ايه احسك ياخلود بتعنسين خخخ محد بيعطيك وجهه اتوقع بيكون عندي عشر بزارين
وانتي باقي تنتظرين العريس المنتظر بس ولا يهمك امدى عيالي كبرو وراح ازوجك واحد منهم هههه
كانو يتكلمون ولا كأني بينهم
كانوا يتكلمون وانا طول الوقت ساكته
مريم:ايوالله انه يحزن وش ذنبه يوقع على وحده عربجـ
قاطعتهم بنان:بس انتي وياها صدق انكم وقحات
اعجبتني طريقة بنان في دفاعهاواثبتتلي انها كفو
قمت انا :معليش ياحلوين بس بروح الحمام
مريم وريناد كانو يتساسرون ومدري وش قاعدين يحشون فيه اكيد باقي يتخيلون شكلي في زواجي
دخلت الحمام ولحقتني بنان
شرقت عيوني
وحاولت اخفي ملامح الحزن عشان ماتشوفني بنان
دخلت الحمام:شوفي انا بتكلم معك وذالمره انسي اني اخاطبك على انك ولد
-خذي راحتك
-لاتهتمين لكلامهم صديقاتك وانتي عارفتهم زين ؛بس شاطرين بالتريقه
-معهم حق
-طيب ممكن اطلب منك طلب صغيرون((وتأشر ع اصابعها))قد كذا
-اعتبريه جاك
-اها زين
-الله يستر من طلباتك
-لالاتخافين بس انا ابغى الكل يصير يتعامل معك ع اساس انك بنت يعني اذا تعرفتي ع وحده
جديده صيري قوليلها ان انا خلود مو خالد
-مأدري بس طلبك صعب
-اها بس انتي وعدتيني واللي خلاني اتكلم معك ع اساس انك بنت راح يخليهم يتكلموا
-لا بس انا ماني متعوده ع الوضع لي 17 سنه والناس يعاملوني ع اساس اني
ولد وفجأه اصير بنت لالا مأقدر
-معليش حاولي حاولي وراح تتعودين وانا بدوري راح اكلم الشله
واخليهم يتكلمو معك عادي ع انك ماتدرين
-راح احاول
-طيب ياقلبي لاتحاولين تعكرين مزاجك وترى هالامور ماتستاهل زعلك
"كبرت بعيني زياده وحسيت ان عندي صديقه متفهمه"
واحنا ماشين جتني وحده اسمها روان من ثاني ثانوي
وكلمتني ع جنب
روان:كيفك ماراح اطول كلام لان صديقتك تنتظر امم اذا ماعندك مانع عطني رقمك
-بس كذا طيب تفضلي
اعطيتها وياليتني ماأعطيتها
صارت يوميا تدق عليه
وياريت بس كذا في اليوم حوالي 5 مرات
وكل شوي تبكي وتشكي من الهم اللي بقلبها "دكتوره نفسيه وانا مأدري"
بالليل الساعه 1 دقت النشبه
-خالد انا احبك ومأقدر اتخلى عنك احبك احبك احبــــــــــــــــــــــك احبك
بعدت السماعه لاني خفت اطلع الكبده اللي اكلتها بالصبح
-ماشاء الله عليك سمعتي زين لك 5 نجمات منتازه
-خلودي ليش احس انك منت طايقني
-اولا لاتكلميني بهالاسلوب
-شلون
-يعني انا اسمي خلود مو خالد ترى زيي زيك
-غريبه كل المدرسه تعرف انك تكره احد يخاطبك بالتاء
-انا وش قلت كلميني لاني خلود مو خالد
-اوكيه انتي تأمرين امر "سكتت فجأه واظاهر انها كانت تفكر بشيء"
ع فكره انا جبت لك مفاجأه وبكره راح اوريك اياها
-شكرا ع اهتمامك بس ابوي قاعد يناديني
-اوكيه حبي تصبحين ع خير
قفلت ولاحتى رديت كأني ماصدقت على الله
دخلت عليه رنا وهي طايره من الفرحه :انا انخطبت

"حسيت كأن احد كب علي مويه بارده خفت لايكون اللي خطبها اخو مريم عاد هو معروف بصياعته
الله يستر"
-من اللي داعيه عليه امه
-اقول انثبري (ابتسمت ابتسامه عريضه)هذي جارتنا ام فهد تبغى تخطبني لولدها فهد واي وناسه
ارتحت انه ماطلع اخو مريم:الف مبروك بس احسك مستانسه وكأنك تبغين الفكه منا
-كأنك دخلتي قلبي (ضحكت)لالا امزح بس هو ساكن بمكه وخبرك امي عايشه هناك
-ابوووها فله طيب امي دريت
-لامادريت بس تعالي ساعديني
-اساعدك!!في ايش
-ابغى اسوي حلى بكره جايين بالمغرب
-انا اساعدك ماعاد الا هي وبعدين وش هالعجله
-وش اللي وش هالعجله ابغى اخلص بدري عشان يمدي الحلى يبرد وابغى الحق اضبط خشتي
-معليش انا بكره بأداوم فيه بنت محظرتلي مفأجأه وحرام اكسحها
-اجل تذكري هالكلام تذكريه .تذكرتيه؟؟
-ايه خلاص تذكرته وبعدين
-يجي اليوم اللي تحتاجيني فيه
-اقول الباب اقربلك
في الصباااااح
-صبااااح الفطور المنيل
بقبقت عيوني وفعلا كان فطور يخلي الواحد يتحمس يداوم المدرسه
معلبات بجميع انواعها وكورن فليكس وهو طبقي المفضل وعدس وتميس ومعصوب شاي وحليب لونا
يعني فطور ولا اروع :رنا انتي مداومه اليوم؟
-ايه مداومه ماتشوفين السفره
-يمين اني قلته ماتسوين فطورالا لما تداومين (اقلد صوتها)حرام عليك انا مش انانيه
-اقول اجلسي وبلا كثرة كلام
افطرت وطلعنا مع السواق
داومت
وجتني روان وهي بقمة سعادتها كانت المفاجأه عباره عن صندوق خشبي وبداخله دبدوب
سكري عليه فيونكه
فوشيه
وجنبه تجراف فوشي وعطر my victoria
والقاعده كانت ورد مجفف كله فوشي
الهديه هاديه جدا وكان جوة الكيس الثاني كرتون مغلف
شكرتها ببرود وهي انقلب وجها ماكانت تتوقع ردة فعلي باهالجفا
وفتحت الهديه الثانيه بالبيت كان الكرتون جوته كاميرا
انفجعت لهالدرجه تحبني طيب انا مأكلمها كثير ولا بيني وبينها غير السلام ليش مسويه كل هالقلق
يالله وش لون افتك من هالهم ......دقيت عليها وشكرتها
ومابغت تقفل ..........
طبعا رنا كانت متكشخه ع الآخر عشان اليوم يوم خطبتها ولازم خطيبها يشوفها ع احسن مايكون
كانت لابسه تنوره جينز غامقه
وبلوزه ناعمه لونها نيلي
البلوزه فضفاضه من فوق وماسكه من عند الخصر
طلعت للخطيب وهي ميته خوف
ابوي كان معه
تمت الخطبه بسلام
والزواج بعد شهرين
رنا :اسمعي هذا زواجي وابغى شكلك يكون بنوتي تراه زواج
صرت اتخيل شكلي بالفستان :لالا مستحيل البس فستان
صارت تضحك رنا:ليه ودك تلبسين ثوب
-يوه يارنا احس شكلي غلط
هنا عصبت رنا:وش اللي غلط لاتنسين انك بنت ولا خلاص ابوي اعماك
"يالله وش اسوي مأتخيل شكلي بالفستان "
من جد احراج
اشترت لي رنا فستان هادي لونه اسود وله ذيل طويل
فضفاض من عند الصدر وماسك من الخصر وبس
يعني هانت علي يوم انه اسود
شعري بما انه قصير
فالكوافيره أستشورته لانه مافي الا هذا الخيار
مكياج هادي بس الروج لونه فوشي فاقع
كان شكلي لابأس به مع اني مو مقتنعه وش يقولون عني صديقاتي
طبعا نص امة محمد موجودين بالزواج صديقاتي بالمدرسه ومعلماتي
مدري وش جابهم مع اني ماعزمت الا شلتي وبس
طبعا كل اللي اعرفهم ماأستوعبو اني انا خلود

تزوجت رنا وانا بقيت لوحدي مع ابوي
حسيت نفسي وحيده
وصرت غامضه اكثر من اول ماصرت احب اسولف كثير والكل لاحظ
قمت الصبح محد مجهز الفطور اشتقت لجبنة الكيري اللي كانت تحطها لنا
آه ولله اني اشتقتلك يارنا<<خلونا من العواطف
وننتقل للجد
بعد شهر من زواج رنا
دقت علي رنا
رديت بلهفه:ياهلا بالعروس
-ياهلا فيك وش اللي عروس قولي لنفسك عروس
هنا انا صمدت :ليه وش دخلني انا
-ام محمد اخت مرة عمي
-ايه وش فيها
-اعجبها شكلك بزواجي ودقت على امي وخطبتك منها وطبعا امي دقت علي عشان
اقولك خبرك ابوي لو يدري انك بتكلمين امي بيذبحك
انصدمت انصدمت مو معقول انا انخطب :لالا مأبغى اتزوج
-مو على كيفك بس انا قلتلهم ينتظرون كم اسبوع كذا عشان تفكرين
قفلت من رنا ودقيت ع بنان :بنااااااااااان الحقي علي انا انخطبت
بنان بان على صوتها انها مبسووووطه حيل :الف الف الف مبروك هاه اقهري بنات الشله
يقولون انك بتعنسين وهذا انتي بتتزوجين قبلنا
-ايه بس انا مأبغى اتزوج
-ليييييييييييييييييييه خير عسى ماشر
-مأدري يابنان بس احس اني مو قد الزواج صدقوا البنات اتوقع بأول ليلة زواجنا العب معه بلوت
ولا اقوم اصارعه هذا اذا مادخل المستشفى بسبتي
قامت تضحك بنان:الله يلعن ابليسك لالا معليه انا راح اعلمك شلون تبطلين هالمشيه الغبيه
وشعرك لاتقصينه لااقص خشمك اما بالنسبه للبسك فأنا(سكتت فجأه)اقولك انا جايتك البيت
-حياك بس وش ناويه تسوين فيني
-اسمعي "كلمة لا" مأبغى اسمعها بتمشين معي على كل كلمه اقوله تقولين حاضر عمتي فاهمه
-ههه اوكيه حاضر عمتي
-معك فلوس ولا اجيب معي؟؟
-لا معي
-كم؟
-الف وخمسيه
-ماتكفي اجل انا بأجيب معي الفين مع الف اللي معك تصير 3500
-لاخلاص انا بأطلب ابوي 5000 وان شاء الله تنفعك
-وش اللي تنفعني هذي لك ياماما عشان بننزل السوق انا وياك ونشتري لك ملابس بنوتيه

جت بنان وانا كنت محتاره
قامت تعلمني كيف امشي :لاتحطين يدك ورى وكتوفك ارفعيها شوي
-حاظر عمتي
-نظرتك هذي لااشوفها
-وش لون
-خليك عادي لاتسوين نفسك وكأنك سكرانه خليك طبيعيه
طبعا انتهينا من الدرس
ولبسنا عباياتنا وطلعنا السوق لاشعوريا مشيت نفس مشيتي
بنان اظاهر انها طرطعت:قدمي يدك وامشي عادي مثل ماعودتك
شوفي وش لون الشباب يبحلقون فيك
نزلنا للمحلات وكانت الملابس كلاسيكيه وهاديه ياويل حالي وش لون البسها ذي
اتجهت لوحده من المحلات اللي كانت كلها اسود في اسود طاحت سعابيلي
بنان مسكت يدي وصارت تجرني
ناظرت فيها:احسك متحمسه وكأن زواجي بكره ترى خطبه "هذا اذا وافق
-والله انا كنت انتظر هاليوم عشان يكون عندي سبب اغير فيه اسلوبك وبعدين تعالي وش اللي اذا وافق
اسم الله عليك قمر ومايحتاج والله لاغير يذوب لما يشوفك
-مأدري انا خايفه
-بلا كثرة كلام وتعالي شوفي هالتيشريت مره خطير
-اكثر الملابس اللي اشترتها لي فوشي ولا اصفر يعني كلها فواقع وانا اللي ماكنت اتخيل شكلي بالفواقع
قضينا وخلصنا
رجعنا للبيت
ناظرت فيني بنان وكأنها تتفحصني كانت تناظر جهة السوالف حقتي
اخذت الكيس اللي جبناه من الصيدليه وفتحت علبة الحلاوه :تعالي خليني ابعد هالشعر اللي ماله لزمه
وانا اللي انجن بعقلي لالا مستحيل
-ع فكره صوتك مو عاجبني
-وش تبغيني اركب حبال صوتيه
-بلا استهبال نعميه ولا خليه طبيعي
المهم انها غثتني بهالاوامر شالت السوالف بعد ماكتفوني الخدامات :يالله مدام اللهين كلس
(يالله مدام اللحين خلص)
حتى الشغالات كانو متحمسين ع تغيري
ووصلت وحده من حواجبي بطرفها بالقلم عشان الشقه اللي داخله عرض
المهم اني تغيرت تغير جذري ولا كأني انا
واعطتني نصايح وش لون ادخل وكيف طريقة كلامي

طبعا جاء الخطيب وانا خايفه انسى نفسي واقوله ابو الشباب
ولا اروح فيها
مرة عمي كانت مع الخطيب لانها تصير خالته
وابوي كان محترق قلبه
لاكن خواتي كلهم وقفوا بوجه واقنعوه بعد نكد
كنت لابسه قميص ابيض وتنوره رماديه بكسرات كان شكلها حلو
ولبسي شبه رسمي
دخلت وانا ارتجف

وباين من وجهه انه مبسوط ع الآخر
جلست وتحولت ملامح وجهه تعجب
وانا صرت اطالع نفسي خفت وش فيه ذا ليش يطالعني كذا
وعمتي تأشرلي بعيونها
ناظرت لرجولي لقيت نفسي مشنقلتها الله يالفشله
حاولت الم رجولي بدون مايحس
بس باقي مستغرب ياربي وش السالفه
وعمتي باقي تأشر
ناظرت لرجولي وهنا الطاااااااااااااااااااامه كنت لابسه شبشب نسيت افصخه
ياويلييييييييي وش هالاحراج
عمتي بان ع وجها انها متفشله اشرتلي يعني انقلعي
الله لايفشلنا موقف محرج
بعد 3 ايام دقت عمتي علي وقالتلي انه رفض وماني عارفه السبب
تحطمت معنويا
ودقيت ع بنان قالتلي :احسن اللي رفضك
استغرت من ردها :ليه
-لاني ناويه اخطبك لاخوي وش رايك
وش هالخطاب اللي يهطلون مثل المطر سكت انا
-الصراحه امي شافتك بزواج اختك وطار عقلها فيك ولما درت انك انخطبتي مره تضايقت
(سكتت فجأه)خلود فكري زين هذا زواج مو لعبه ومتى ماقررتي دقي علي

انفجعت وماصدقت وش السالفه معقوله بنان تخطبني لاخوها وهي عارفه اني عربجيه ومأنفع

بعد اسبوع تقريبا
اخوها خطبني كان اسمه فيصل
وتم الزواج
غريبه مالاحظ مع اني اكثر من مره اغلط وامشي نفس المشيه الاولى
تزوجت
بس اقولكم شيء وماتضحكون
مأمدى مر شهرين الا وطلقني
لانه لاحظ اني مو طبيعيه حتى كان يناديني يأبو الشباب وانا صراحه كنت اتضايق
كان يعاملني وكأني واحد من اخوياه
وطبع ماتحملت وطلبت الطلاق وهو ماصدق على الله قالي احس اني عايش مع خويي تركي
وش هالعيشه
سمعتي انعدمت والكل درى انه طلقني لاني عربجيه
مع ان عمري 18 سنه واتطلق وربي حرام
صديقاتي بعدو عني حتى بنان وهي بنان
اتوقع امهاتهم كانوا يحذرونهم مني مطلقه وعربجيه
وربي اني صرت امشي الساحه لوحدي وحتى بعض الاحيان في الفسحه افطر بالفصل لان
منظري وانا امشي لوحدي يفشل
لاكن مأقول الا حسبي الله عليك يأبويه
انا تغيرت ميه وثمانين درجه وصرت بنوته درجه اولى لاكن محد مقتنع وللحين ماتزوجت
تخيلو صار عمري الآن سبعه وعشرين وباقي محد دق باب بيتنا
يالله الكل صار يعايرني الكل صار يبتعد عني
دوري بهالمسرحيه فشل تماما

نصيحه مني للمسترجلات
حاولو تغيرون من نفسكم لان بيجي اليوم اللي بتندمون فيه
حاولو تتغيرون مأقولكم مره وحده لا
بس حبه حبه لان انا متأكده انكم نفس حالتي منتم مرتاحين ابد
ولاتنسون انه حرام
وانا ولله الحمد توبت
والدور عليكم
غيرو من نفسكم وقبل هذا تفكيركم
حاولوا بقدر الاستطاع
لاتقولون لامانقدر
لاتقدرون بس وين الهمه
لازم تقتنعون بكلامي
انا فيه بنات كانوا ينصحوني وانا مأسمع لهم وجاء اليوم اللي اندق فيه راسي واندمت على كل شيء
هذا وانا لي اسبابي والعقده اللي عايشه ابوي وعيشني فيها تكفووون تغيرون من اسلوبكم مشيتكم
حتى نظراتكم لها دور مهم وفعال وبقوووووه
صوتكم ستايلكم والاهم
تغيروا ترى محد بينفعكم
فيه بنات كثير يجون ويقولون مناسب عليك العربجه
اكيد تصير معكم هالمواقف طنشوهم ولا تسمعون اعتبروهم دفتر كشكول
لو كذا كان هم صارو عرابجه صح ولالا
يابناااات الناس نقاده وربي كلامهم وتعليقاتهم تاكل اكل
نفسياتكم تتعب والسبب اللي حولكم لاتضحكون على نفسكم وتقولون لاعادي
مايهمني كلام الناس
صح المفروض مانسمع لاحد بس بعض الاحيان يكون معهم الحق
خاصة وانا على غلط
انسوا حركات العربجه والاستهبال ويعنني انا ساطيه ومحد قدي
خليكم على الفطره وياحلاة الفطره
بدون تصنع
ماقلتلكم تصيرون مايعات وياي لا
بس على الاقل صيروا طبيعيات
ادري اني كثرت الكلام عليكم بس اتمنى انكم تنتصحون وماتوقعون مثلي
منقول ..