باقي حنيني

باقي : حنيني .. !


.


.


مدخل ..



تدري غيابك / ماجرح شي فيني
ومن صدتك ولعت لي / شمعدآنه !!






ياخي تعبت اشيل .. باقي حنيني
وإن طاح من قلبي .. تضمه يديني



تركت بضلّوعي .. حنيني ولوحت
لآخر مواعيد الفرح .. في سنيني



يتمّت في صدري .. طفل يوم صديت
ومن سبته قصرت .. في والديني !



مذنب / ولكن بيّح الطفل .. صمته
محروم يبغى شوفتك .. ياضنيني !



كنت ازرعك .. في طينتي حب ، وهيام
والحين وين ازرعك ، لامحلّت .. طيني



كل العيون .. الحاضره مالقتني
خل الدموع الفاجره .. تبتديني



وعلى أمل لقياك .. بقتاد ضيقي
لاخر قصايد غيبتك .. وانتهيني



جيت بغفوة قلب .. واعلنت الحب
ورحت بصحوة جرح .. مهُدى لحيني



غبت وغاب الكون .. واستوحش الدار
حتى طيور الفرح .. تنزاح ، بيني



تعال شف لي حل .. باللي تركته !
اقرب من الشريان .. للدم فيني !



تعال / صوته ( مل ) .. يسكن بصدري
تعال / نبضه ( دّل ) .. اخـر انيـني !



تعال / كلي ( كل ) واحتاج .. تغيير !
تعال / فك ( القيد ) واطلق .. سجيني !



تعال كلي ( ظل ) .. لاحتجت ظلي
تعال كلي ( ظل ) .. واحتاج عيني




.


.


مخرج ..



كذاب !! وجروحي .. توطى ، سنيني
والضيق : يكسب من .. غيابك ، رهانه !!