السلام عليكم ورحمة الله وبركاته
صباح الخير
ازايكو يامزز<< للبويات والليديات اهم شي نشبك javascript:emoticonp('
')
انا كتبت موضوع بس طار.. المنتديات شغلتها شغله .. الله يعين بس بكتبه ثاني قبل لاانساه
انا بوية قديمة من حقين اول خخ
واحد مؤسسي البوينة في الخليج العربي
اعرف كثير ناس صاروا بويات او بطلوا بويات وانا زي ماانا .. من ايام الدنيا دنيا.. لي 7 سنين وانا بوية
اذكر اول ماصرت بوية صارت الحياة بمبي
مو حرفيا.. اصلا عيب البوية يصير اي شي في حياتها بمبي << مدري ليش القاعدة البايخة ذي
حتى العيال صاروا يلبسون بمبي على قول سعاد حسني اوبس قصدي بنكي على قولهم
الا احنا مطلوب مننا اننا دايما نلبس اي شي بعيد عن الانوثة
والله ياحبيباتي خذوها نصيحة من الام الروحية للبويات خخ
البسوا اللي بتلبسونه طول مانتو مرتاحين .. لاتخلين احد يقولك طيب انتي بوية ليش لابسه كذا؟؟
ولا احس بوية وبنكي مرة غلط.. ماعليكم
طلعوا اللي فراسكم
البوينة بالقلب مو بالشكل << ماتقول الا حكم javascript:emoticonp('
')
وبس صارت الحياة بمبي وسهلة
البنات صاروا يعاملوني بلطف حتى الاستاذات << طبعا الجزء المتعلق بالاستاذات تغير لمن جيت الجامعة بعدين حأوضح اكثر
بس انه البنات صاروا يعاملوني كأنهم ماكانوا يعرفوني اول ولا كأني كنت بمدرستهم
وحدة تعلق على شكلي والثانية تصلحلي التي شيرت << لاتسألون عن التفاصيل بس طول ماانتي بوية اتوقعي اي يد تتحرك عليكي javascript:emoticonp('
') خخ والمطلوب انك ماتستغربين او تستنكرين
والثالثة تحل واجباتي .. ويجوني بنات اصغر مننا يطلبون رقمي لزميلاتهم
الشي الوحيد اللي يرفع ضغطك ويفقع مرارتك
العيلة
بنات العم وبنات الخال وامهاتهم .. تجي الوحدة كأنها مكلفة فيك.. كل وحده فيهم تقول رأيها عنك
كأن احد سألها
ولا امهاتهم اللي قارفيني .. دايما كنت اتهاوش معاهم .. رحوا شوفوا بناتكم ايش يسوون من وراكم بعدين تعالوا كلموني
ماحتكلم عنهم كثير لاني مااحب اذكرهم
وعشانك بوية تبدا تختار لبسك بتأني .. وتحاول تنزل السوق لوحدك عشان لاتتعرض للمسائلة ولا يفرض احد ذوقه عليك ويحاول يغير طريقة لبسك
كنت كل مرة اروح السوق مع احد نتضارب.. والمعضلة انه ليش ادخل محل اولاد؟؟
وانه في حاجات حلوة وحتعجبني في محلات البنات
طبعا طنااااااااااااش
لا وتصير خبرة في المقاسات بإعتبار ان مقاسات الاولاد مختلفة عن مقاساتنا
<< ماحطول في الجزئية هذي برضو لغاية في نفس يعقوب
من الحاجات اللي تنفرض عليك كبوية
انك تلعبين حديد الين ماتطق عروقك وتحسينها بتطلع من يدك .. وذا كله وبرضو ماتصير ذراعاتك
زي ذراعات الملعونة منذ الازلjavascript:emoticonp('
') .. مادونا
كثير اشياء تسوينها عشان تكونين بوية صالحة
بس قبل كل شي الحاجة الذهبية الوحيدة في الموضوع
معاملة الناس لك .. الكل يحاول يتعرف عليك.. لو ماتعرف عليك تلاقينه يتجنبك بشكل مفضوح
موظفات الامن والشؤون ولا وحدة تقدر تقولك كلمة..والاستاذات بالذات الاجانب يكونون مرة لطيفات
ويحفظون اسمك قبل اي احد ثاني
طبعا اسمك اللي ع الورق مو اللي يسمونك فيه باقي شلة الحماميد
مثال للتوضيح:
يعني انا مثلا اسمي اللي سماني اياه ابوي الله يسامحه حنان .. واسمي الحركي حمود
الدكتور المصرية اللطيفة لمن تجي بتكلمني تناديني بحنان مو بحمود وتحفظ اسم حنان قبل اي اسم ثاني في الكلاس
عشاني البوية الوحيدة ..ولو اني قد حاولت امررلهم عن طريق النكت واستخفاف الدم ان اسمي اللي احب ان الناس تناديني فيه حمود javascript:emoticonp('
').. بس لافائدة
كانوا دايما يحسبوني امزح .. ماكنت اتضايق مره لاني كنت عارفه انه كثير عليهم انهم يعترفون بإسمي الحركي..
وتعدي الايام في حياة بويتكم اللطيفة وتمر عليها اكثر من موقف ماتنقال بس اني بقولها
الاول : اني كنت في المبنى الثالث الا اشوف وحدة من الشؤون تصرخ على بنتين بصوت عالي وهم شكلهم سنة اولى ياحرام تقولهم عطوني بطايقكم.. تبغوني اوديكم مجلس تأديبي ؟؟
وقعدت تهزأهم وطولت وهي تجاعر حسبي الله عليها
يوم راحت سالت وحدة من البنتين اش سويتوا؟؟
قالت كنا ماسكين يدين بعض
مررة انقهرت
مسكت الجيرل فرند حقتي وبديت اخبص
والحيوانة موظفة الشؤون ماقالت كلمة
لا وتتجنب تطالع فينا عشان لااحد يقولها ليش ماتكلمينهم
ماغير يستقون ع الضعاف .. الله يخسهم
القاعدة الاولى : كوني بوية او صاحبة بوية عشان لااحد يكلمك << ونعم النصيحة
وموقف ثاني:
مرت علي فترة قشرا .. الناس تتعرف وتحب وتهبق وتجي وتروح وتطلع مع بعض
وانا ماعندي احد .. وقرفت اصحابي ادور على احد مو مشبك وبس اسألهم واسأل صاحباتهم
وماعندك احد
الين ماجاء الفرج
يومها جوالي ماسكت .. رسايل ومكالمات من سعود
قصدي سارة << اناديه بإسمه الحقيقي إنتقاما بعد اللي سواه
كان يبغاني اقابله وانا عندي ثقافة اسلامية والحرمة مي راضيه تسكت
اكلت اذني .. ولاهي راضية تطلعني
كانت دكتورة سعودية .. وكل السعوديات كذا يجون مأخذين موقف مننا احنا البويات ويعاملونا من طرف خشمهم
وماصدقت تطلع الا ادق على سوسو << اصعب شي ع البوية انك تناديها بإسم دلع زي ذا
ودار بيننا الحوار التالي:
انا: هلا سعود..خير متصربع تبغى تشوفني؟؟ ماتكون قررت تحبني خخ
سعود: اعع مابقى الا انت يالشنب.. جايبلك بشارة
انا: خير؟؟
سعود: لقيتلك مزة .. وحدة صاروووخ .. تعال مكاننا اللي دايما واحكيك باي
انا: استنى وجع لاتصكر .. حكيني وانا في طريقي لك..كيف شكلها؟ مين هي؟؟ اعرفها؟؟
سعود رفض الاجابة على اسئلتي وكان يقول تعال وانا بروح اجيبلي موية على بال ماتوصل
وجيت وصار يحكي عنها وعن شكلها .. وكيف انها حلوة وكول احسه بالغ شوي لانه ماقد مرت علي بنت زي كذا في جامعة عبدالعزيز كلها بس مشيتها ..سألته يومها حلوة زي صاحبة عبدالرزاق؟؟
<< صاحبة عبدالرزاق ذي فلقة قمر ماشاءالله مدري من وين جايبها شقراء وعيونها ملونة .. كنا نضرب فيها المثل .. فيصل كان دايما يحكي عن وحدة في كلاس التحليلي مررة حلوة .. يقول حلوة زي صاحبة عبدالرزاق.. وكذا ...كانت البنت اللي مالها اسم مضرب مثل
حتى بعد ماسألنا عن اسمها وعرفنا انه هناء استمرينا نناديها صاحبة عبدالرزاق
حتى بعد ماسابت عبدالرزاق استمرينا نناديها صاحبة عبدالرزاق خخ .. مما اثار حنق بويتها
بس طز محدش واخد منها حاقه
المهم ان سعود قال اني عاجبها..وخليته يحكيني كل االتفاصيل اللي قالتها عني .. وقالي اسمها
عاد انا امتليت بنفسي حلوة وعاجبها كمان ..
وقال اني غالبا ماقد شفتها .. ماتعرف احد من شلتنا وذا ترمها الاول
قلتله: متى بشوفها؟؟
قال:بكرة الساعة 10
قلت: وليه مو اليوم ؟؟ قال ماينفع سنة اولى اشفيك ؟؟
اووف.. سنة اولى مرة وحدة << البويات بس اللي بيعرفون اش يعني انك تتعرف على وحدة سنة اولى
انا: خلاص اجل بكرة .. لاوجع بكرة ماينفع .. المادة ذي باقيلي فيها غيابين ..
وقعدنا نضبط الموعد الين مااتفقنا على يوم في هذاك الاسبوع
حسيت وقتها ان سعود ولد شهم وقليل زيه في ذا الوقت خخ << احلف
لاجد فكروا فيها كذا .. ليش مااخذها هو؟؟ واصلا علاقته كانت تعبانة بالقيرل فرند حقه وكلنا كنا متوقعين يسيبها في اي وقت..يعني وحدة حلوة وسنة اولى وماعندها احد ويجيبها لي؟؟ صراحة صديق صدوق
وفي اليوم الموعود .. دق سعود واتفقنا على مكان .. وانا ياحرام تعبان في شكلي.. صحيت من بدري عشان لااروح وانا مبهذل... وغيرت كثير الين مااستقريت على شي البسه يومها
وبعد 5 دقايق من المكالمة اشوف سعود مقبل ومعاه بنتين ميزته من بعيد .. بس البنتين ماعرفتهم
كانوا كأنهم اخوات .. كلهم شعورهم سوداء وناعمه وبيض وقصار ولابسين عباياتهم .. بس الفرق انه وحدة نحيفة ووحدة مليانة
وانا اضرب اخماس في اسداس اي وحدة فتاتي الموعودة؟؟
ويقربون وتتضح الرؤية
ويعرفني سعود.. ذي فلانة وذي علانة << ماقدرت اركز لاني كنت وقتها تحت تأثير الصدمة
لا ويستخف دمه ويقول نكت طول الوقت شوي الا راح قال عنده محاضرة وشال البنت الثانية معاه
يقول بيعطينا فرصة
بغيت اقتله يومها
جايبلي وحدة قروية .. ادري بتقولون علي وسخة
بس اسمعوا
البنت لابسة جاكيت جنز وتنورة جنز ..<< ياريتها مافتحت العباية
ومستشورة شعرها ومسويه اطرافه ببنس.. انا تعبت نفسيتي
وطول الوقت كانت تتكلم وانا ساكتة
قالت: سعود قالي اش قلت عني.. قلت: ايش؟؟
قالت: لا انت تدري.. قلت: لا جد .. اش قال؟؟
قالت: انك من فترة تراقبني وتستنى فرصة تتعرف فيها علي
قلت: صح كلامه .. ابتسمت وماعلقت
كملت معاها .. واتصلت على سعود العنه اول مارجعت البيت وهو يضحك .. شايف انه دمه خفيف
وصرت امشي معاها لفترة .. بس دايما حريصة اننا مانكون لوحدنا.. مابغا الشيطان يكون ثالثنا لمن ثانينا وحدة زي هذي
بعد فترة صرت اتجنبها واسوي اني بنام او اطلع وهي كانت تعصب وتسبني وتصكر السماعة في وجهي..
كنت اراضيها .. بس مااجتهدت وانا اراضيها .. يعني مصالحة اي كلام
وكنت احس بالذنب خخ بس كل مرة ماترضى تكلمني وتصكر في وجهي .. اقول في نفسي
جات منك javascript:emoticonp('
')
وتمضي الايام وتطفش مني وتسيبني..
كان نفسي احكي تفاصيل اكثر وبأسلوب احسن .. بس ورانا قومة الصبح
يلا اشوفكم بكرة .. نفسي اشوف احد مهتم عشان تستفيدون من معلوماتي خخ
سبع سنين هذي مو قليلة javascript:emoticonp('
') وفي تتمة للموضوع بس بكرة إن شاءالله
موضوع: مذكرات بوية قديمة ..المذكرة رقم 2 الصفحة الثالثة..بقلمي 
الأربعاء مارس 10, 2010 6:28 pm
يرفع ضغطك وحرام تجرحه وتقوله شي
بــس تداركـته وقلبتهـآ صدـآآآقــه 
<<<<<<<على طول في المهم
