فلنطهر المنتدى فرد فرد موضوع موضوع قسم قسم

السلام عليكم ورحمة الله

كيف الحال اخواني اخواتي الاعضاء

يمكن الموضوع الي بتكلم عنه مكرر وكثير تكلموا فيه بس كل واحد تكلم من وجهة نظره واغلب الطرح كان مشاكل بلا حلول فانا ساحاول ان اطرح الحلول واتمنى من حضراتكم التفاعل مع الموضوع وابداء ارائكم

قبل منتكلم عن الحلول خليني استعرض معكم المشاكل بالاول

المشكله الاولى والاهم والي هي ام المشاكل انه هالمنتدى مافي اداره وعشان مافي اداره الدنيا سايبه وكل عضو يحط صور ومواضيع الواحد يخجل يشوفها

المشكله الثانيه الصور الي يحطها الاعضاء كصوره شخصيه او توقيع والله عيب هالصور يعني كان الكل طاب نقد بعضو اسمه قراقوش وصوره وجزء من الي انتقدوه حاطين صور اضرب من صوره يعني شنو يستفيد الي يحط هالصور غير ذنوب

بصراحه انا اول مدخلت المنتدى انصدمت من الصور الاباحيه الي فيه واستغربت انه مو محجوب

يمكن كثر منكم يقول عادي منتدى محد يعرف الثاني خليني اسوي الي ابيه بس ترا الا مايجي يوم وتعرفون بعض اذا مو بالدنيا اكيد بالاخره

المشكله الثالثه وهي المواضيع الي مدري وش تبي من الحياه

يعني مالقيت اي موضوع جدي للنقاش غير مواضيع الواحد يستغرب اصلا في احد يفكر فيها

يعني على سبيل المثال من المواضيع الي من جد قريتها وانا تعابير وجهي كذا

احد الاعضاء اعتقد اسمه بناتي يقول انه ولد بس يحب يكون بنت يلبس مثل البنات ياكل مثل البنات ينام مثل البنات يسوي مناكير وبادي كير اول كل نهار ويبحث عن بويه حنونه << ياخي روح موت احسن لك

ولا كمان موضوع بنفس السياق ليدي تبحث عن بويه بعضلات

ولا ما رايك بتعدد الليديز بالنسبه للبويه

ولا البوش اب وفائدته للبويه << شنو بفيدها بالله ترا البويه بنت لو تسوي عشرين الف بوش اب باليوم تظل بنت

وكمان موضوع في واحد رايح يشتكي المنتدى عند الهيئه يعني انا احترم النخوه والغيره الي بقلب هالشخص بس يا بابا مايصير تفصل ثوب عند الجزار يعني لما رحت تشكي المنتدى للهيئه شنو توقعت تقوم الصباح تفتح المنتدى تلقى جيمس الهيئه محاصر المنتدى وماسك قراقوش ونازلين فيه جلد
كم مره اقول الي يبي يشكي اي شي مخالف يروح لهيئة الاتصالات وتقنية المعلومات هم اهل الاختصاص بهالمواضيع

ناهيك عن المواضيع المكرره والي اغلبها عد من 1 الى 10 واربح لاند روفر بقراطيسها << طبعا انا مش ضد هالمواضيع لاني ادخلها بس كثرت بطريقه تخلي الواحد ينسى لوين يعد

فانا من هنا من موضوعي هذا اريد ان احشد الجيوش لنعلنها حرب على المواضيع و الصور المخالفه سنطهر منتدى بويه من الاوباش سنزحف عليهم عضو عضو موضوع موضوع قسم قسم صوره صوره لا رجوع الى الامام ثوره ثوره << طيب فهمنا كيف يا فالح

الحل كالتالي

مشكله عدم وجود اداره ان كل واحد يعتبر نفسه اداري على نفسه وعلى مواضيعه وعلى صوره يعني اي شخص حاط صوره لا اخلاقيه ولا كاتب موضوع غير اخلاقي يروح مشكورا يمسحهم او يغير محتواهم وجزاه الله خيرا

طيب والناس الي ما تبي تمسح وتعاند وتنزل مواضيع وصور شنو نسوي معهم؟؟

طبعا بالاول والاخر كل واحد حر بالمواضيع الي ينزلها ومانقدر نمنع احد عن شي بس الحل لهالحاله انه نقاطع الموضوع (لا مانع من مسخره صاحب الموضوع شوي بعدها نعتمد كلمة مغلق) بعدها ماحد يعلق على الموضوع لين يختفي ويصير بصفحه غير الصفحه الاولى لان كل ما احد اضاف تعليق رجع يطفو الموضوع على السطح

طيب والعضو الي يحط صور شنو نسوي معه
هذه بعد بسيطه نسوي باند عليه

شلون؟؟

يعني لاحد يكلمه ولاحد يشارك بمواضيعه ولا حتى خاص يعني نعامله كانه مو موجود الى ان يمتثل لرغبة الثوار (اعضاء المنتدى)

ادري ان كلامي ما راح يعجب ناس كثير وراح تجي ناس تسب وتشتم علي وتقول مو عاجبك المنتدى اطلع ومن هالكلام

انا اقولهم عادي الي يبي يسب حياه تراني ابي حسنات
وحكاية اطلع مو طالع الا بمزاجي >> جني مو انسي

وشكرا لسعة صدركم ولتعليقاتكم

دمتم بود