أكـــبر مجـــرم بالمنتــدى !

بقولكم جريمة ثانية <<<<قصدي الخامسة
والله ينفع يسون من جرايمي كتاب

المووهييم

مرة من المرات
كنت طفشاانه كالعادة
كان عندنا جيران سودانيين
عندهم بنت صغييرة
امها قالتلي انتبه عليها
وانا ماقصرت قلتلها تامرين امر
جبت كل عيال الجيران
ووقفنا قدام عربانة البنت الصغيرة
كل واحد تم يضربها بشكل
اللي تنفخ بوجهها واللي تقبصها واللي تتفل عليها
بس البنت مابكت
انا تعصبت قلت وش ذي البنت ماتحس
البنت كان شعرها قصير
رحت سحبت شعرها بلقوووووووووة
صرخ صرخه كنت بصم منها
امها علطول ركضت لها وهي خاايفة <<<ترى ماعندها بنت غيرها
وامها سألت وش صار
العيال خافووا
علطول قالو اني شديت شعرها بالقوة<<<نذليين نذاله
امهم صرخت علي
جت ام وحدة من بنات الجيران وقالت خير وش صاير
قالت اني انا ضربت بنتها
وتموا يتهاوشون تقريبا ايام هم متهاوشين
كل هذا من سببي

بس الحرمة طيييبة
كانت تحط في مجلسهم صحن ملياان حلويات
انا والعيال كنا نسرقهم ونخبيهم
مسكيينة كانت ماتعرف ليش الحلويات يخلص بسرعة

وبس

القصة السادسة <<<قلتلكم لازم يسون من جرايمي كتاب
((ام دويس))

صراحة انا من النوع اللي اخاف من الجن مرررررررررة
بس اقول حق عيال الجيران انا ما اخاف وانا وانا يعني اهايط
المهم
جا فترة انا وعيال الجيران سمعنى عن جنية يسمونها ام دويس
واللي سمعناه , اذا كنت تبي تشوف ام دويس لازم تكون بغرفة مظلمة بروحك وتقول ام دويس 7 مرات

انا قلت ما اخاف وانا قوية وزعيمة و و الخ..
قالوا طيب ادخلي الغرفة وناديها ونحن منستنامك برى اذا جتلك منفتح الباب وناخذك
انا قلت لا امي تبغاني ومرة اقول مو فاضية يعني اسحب عليهم
ترى جيرانا عندهم ولد وبنت
الولد اصغر مني بسنة
والبنت اكبر مني بسنة
الولد قال انا بدخل وبناديها
انا ماصدقت قلت طيب
كان فليل تقريبا الساعة 9 ونص
وامهم كانت برى البيت
دخل غرفة امه
وكان بيتهم كله ظلام
وكانو موجودين عيال صغار هذول عيال صاحبة امهم
المهم
دخل الغرفة , وانا خلاص تقريبا قريت القرآن كله
والعيال في الغرفة ميتين من الخوف
سكرنى الباب على ولد الجيران عشان يسوي المهمة
قال بسوط عالي وهو قاعد
ام دويس ام دويس ام دويس قالها سبع مرات
واول ما خلص صرخ صرخة والله كانت بتوقف قلبي
انا واخته اول ماسمعنى علطول شردنى عند بيتنا
ولا فكرنا حتى فيه
ولا فالعيال
واخته رجعت شوي وكان لسة اخوها قاعد يسرخ
رجعت في بيتنا ثاني<<< والله انا وهية نذلييين نذاله
بعد كم دقيقة الولد طلع مدوخ
ونحن قلنا وش صار
وهو يشوفنا وهو معصب ويقول ليش مافتحتوا الباب مو نحن اتفقنا؟!!
بعدين كلنا طلعنا عند الممر ولا واحد فكر يدخل الغرفة
ولمن امهم جت العيال الصغار تمو يبكون وقالو حق امهم
وامهم تمت تضربنا وتصرخ علينا
وتقول ليش كذا انتوا اغبياء كان ممكن تطلعلكم حقيقي <<لين الحين انا ما اعرف هي كانت تمزح ولا
بعدين امهم تمت تطالع وراي بخوف وبعدين صرخت
انا كان بيجيلي سكتة قلبية
بعدين تمت تضحك وتقولي شفتي
اذا سويتوا ثاني مرة كذا بخوفكم
من ذيك الساعة ونحن تبنى عن كلام الجن

لاكن ولد الجيران يقول انه ماشافه ومرات يقول شافه
لين الحين ماندري كلامه صح ولا لا

وبس