أنا العاشق أنا المغرم أنا اللي في زمن كذاب
قضيت الحب سهر وآهات ولا لحظه غفت عيني
أنا اللي سطّر حروفه ومن قلب ٍ غدى منصاب
قصايد حبرها دمّي تدين الحال وترثيني
أنا اللي دنيتي ضاقت وصكّت دوني الأبواب
أنا الأحزان والدمعه مع الونّه عناويني
كثر ماكنت أنا أتمنى وأحلم في وصل أحباب
كثر مازاد بي حزني كثر ماكان يخاويني
نزوف القلب تذبحني وجرحي بالحشا ماطاب
أطباء الكون عجْزت له ولا علاج(ن) يداويني
قهر ضيم وأمل ضايع وفوق الخد دمع إنساب
شقى فرقى ألم ضيقه معاني كلها فيني
فرح بهجه حلم وردي لقى يجمع ربع وأصحاب
شفايف تبتسم تضحك وصايف كم تعزّيني
ألا ياحظّي العاثر ترفّق وارحم اللي شاب
نحلت وضقت وشبت وصحت وتوني بأول اسنيني
ألا ياوقت و كيف و ليه بليّا ذنب و دون أسباب
تعذبني وكل لحظه شراب المر تسقيني
أنا طالبْك ياربي ومن يرجاك أبد ماخاب
تزيل الهم من قلبي تزيل الدمعه من عيني
موضوع: عاشق في زمن كذآب 
الثلاثاء مايو 31, 2011 6:29 am
