مرام وشمس الشعر

مرام ويبدى بالسما نـور بـراق
وتطفى بطاريهـا بقلبـى حرايـق

مراام وزهر الورد للورد ينسـاق
يـاوردةٍ تقتـل جميـع الحدايـق

مراام يا عطرٍ ما ورد كل الاسواق
سمي بنورة بـس والاسـم لايـق

مرام وشمس الشعر تبدى بالاشراق
وبحسنهـا فـن القصايـد وثايـق

أبديبهـا بالزيـن وألا بالاخـلاق
ياليتها فى جـوف قلبـى توايـق

يمشيلها قلبى قبل يمشـى السـاق
ولشوفهـا يسوقنـى دوم سـايـق

وشلون أفارقها وانا ميـت أفـراق
مأقوى مفارقها ولو هـى دقايـق

قولولها مشتاق أنا مـوت مشتـاق
الكون فى عينى من الحزن ضايق

حبل الوفا فى وصلها صار ميثاق
إلها بعيش العمـر مانـي ببايـق

أخفى دموعى لكن الدمـع حـراق
لا حل طاريهـا تبيـن الحقايـق

متشربٍ صدرى هواها بالاعمـاق
ولعطرها يأخذنـى القلـب تايـق

كتبتها بالاسم فى بيـض الاوراق
ولصدهـا كتبـت مانـى بطايـق

أقّبل حروف الاسامى ليـا ضـاق
صدرى ومنها يصبح الصدر رايق

مرام وباقى البيض بألفين طقـاق
فـدوة لعينيهـا جميـع الخلايـق

» حس باحساس الشعر
» أنا في الشعر ..... >> فزآع
» كتبت الشعر مو لاجلك
» علاج تساقط الشعر
» تحدي الشعر بين الشباب والبنوتات