يعني من قل المصايب صاب هذا القلب ضيق...؟؟؟؟=ولا يعني من حلاة الحظ وعلو المكانه ...؟؟؟؟
ذي حياتي من مضيق في مضيق في مضيق...!!!! =لو بحثت الصبر فيني ما اجد للصبر خانه
عادتي لا ضقت ادور حضن وعيون الرفيق =مشكله ... لا صار ضيقي منه واحزاني عشانه
يوم قال : اسمح لي بارجع وانت كمل هالطريق =لازم تقدر ... وتنسى ..ننتهي كل وشانه
قلت صبرك .. يرحم الله والدينك ما اطيق =ماني ناقص فوق جرح اقدارنا جرح الخيانه
حاجتي لك حاجة الايتام .. وايدين الغريق =طالبك طلبه ..تراني اعشقك ..صون الامانه
وراح ما كنه سمعني والتفت لفته طليق =وقال اخيرا ما بغينا ... وللفراق اطلق عنانه
عندها ادركت فعلا قيمة الحب العتيق =وقلت هذي اخرتها ... ما تجاوزت امتحانه
ضيق صدر وجرح قلب ودمع عين ونشف ريق =هذا كل اللي جنيت وما قدرت اجني حنانه
استر لنفسي اعيش بضنك واحزان وحريق =ولا اموت من القهر وتكون موتتنا جبانه
طالما بيني وبين الموت ... ما حاجه تعيق =غير خوفي من غضب ربي وانا مسلم ديانه
لا نويت امسح جميع اوراقي الاولى ..افيق =وانصدم في واقعي المزري وفي قسوة زمانه
مدري كن الحزن فيني شاف له نعم الصديق =مدري يمكن كنت فعلا كفو للحزن وتكانه
والفرح كالثوب لكن يبدو انه ما يليق =دام لبسه لاي خاسر ما وراه الا الاهانه
آآآآه يا حزني ترفق صاحبك جرحه عميق =اشهد انه يا رفيق العمر طيحت الميانه
مثلي مثل اللي يراهن خلق ربي عشيق =والبلا راهن ...ويدري خاسر العشق ورهانه
ويعني من قل الخساير صاب ذاك الشاب ضيق =يكفي لا هالوقت وقته .. ولا مكانه هو مكانه
موضوع: يعني من قل المصايب صاب ها القلب ضيق)ولا يعني من حلاة الحظ وعلو المكانه ذي حباتي من مضيق في مضيق في مضيق 
السبت يوليو 23, 2011 3:32 pm
