الكلااااااام الطيب

اقتباس :

لا ننسى أن الكلمة الطيبة صدقة لن نخسر شيئاً حين نكتب ونتكلم

بكلمات راقية ومهذبة

اي والله صح كلامك بس وين اللي يسمع ويفهم

ياما انقهرت على ناس للأسف يظنون أن الوقاحة قوه وشخصيه وهيبــــه !!
والبعض يتعدى الوقاحه إلا إهانه وتجريح اللي قدامه بكلام يستحي الإنسان من قرآءته حتى

انا ما امنع احد من التعبير عن رأيه
لكن يقدر الشخص يآخذ حقه أو يعبر عن إعجابه أو استياءه من أحد بكل ذوق وأدب واحترام

ليش نتسابق على أوسخ الألفاظ ؟
اللي ما تدل إلا على تربية الإنسان وتعليمه وقلة احترامه لنفسه والمجتمع اللي هو عايش فيه

تنفر الناس منه وهو مادخل المنتدى إلا عشان يحب وينحب

البعض تأخذهم العزة بالإثم ويظنون ان هالأساليب تجذب الأنظار وتشهرهم _سبحان الله_ تبرز نفسك بألفاظ شوارع ؟
ما يقولها إلا اردى طبقات المجتمع !

الكلمه الطيبه مستحيل تندم عليها ولك بها صدقه تزيدك رفعة عند الله وهيبه في قلوب الناس
اما غيرها فغالباً ما ينفع بعدها الأسف وما تزيدك إلا مهانه عند الله وعند عباده


آسفه طولت عليكم بس لأني لقيتها فرصه وحاولت بقدر الامكان اقصر بالكلام بس والله اللي بقلبي اكثر واكثر
وانا بهالكلام ما أزكي نفسي فيني من العيوب مالله به عليم وأوجه الكلام لي قبل غيري


لعلنا نرتقي