• قامت على صووت كابتن الطياره: الرجاء من المسافرين ربط الاحزمه في الحال سيتم الهبوط في ارض الامارات الان
بطلت عينها و هي تشوف وجه ابوها و هو نايم روان : يبه يبه
ابو روان: ممم
روان : يببه قوم بنهبط
ابو روان يمسح وجه : كاني قمت و ربط الحزام
روان ابتسمت و ف داخلها ( ااه يا يبه وينك عني من زمان بس ياريت قصة تركه لي تقنع )
نزلو من الطياره و لما دخلو المطاار شافت ناس جايين صوبهم اماني: باباه ولهنا علييك والله
ابو روان : هههه انا بعد ها جبت لكم روان
و سلمو عليها الاهل و اتعرفو عليها و رقو البيت
عند فهود
قام من النوم و طلع برا يتمشى و هو يمشي شي دعمه بالقو:اااخ ما تشو.. و سكت
البنت: سوري والله ما شفتك
فهود : مم لا عادي تعورتي ؟
البنت : لالا و سارت
فهوود (يخخخرب بييتها شو حلوه ) و كمل مشي
اما عند ميش يدخن و يمشي ع الفريج و صادف علايه : هلااا والله
علايه تضمه : ويينك مختفي ولهنا عليك
ميشو يضحك: لييش هاي الحماره سلاموه مخلتني بحالي
علايه : تولي تعال نتمشى
ميشو : يلا،،، ممم غرييبه وين مواز عنج
علايه : وصلتها عند فطامي و ييت اتمشى
ميشو: اهااا و بداخله( ليش ضيعتج من يدي )
*ملاحظه ترا علايه حبيبة ميشو القبليه
علايه : ممم و انته ما حبيت لك حد مني مناك
ميشو: هههه وين احب والله بلا حب بلا خرابيط
بعد ما راحت علايه تم ميش يمشى بين الفلل لين وصل البحر و شاف شي و تم مبهت
صوب البحر يالسه تربع وت صاررخ : لومي بلييز خلااص سبحتيني ماااي
لومي : لا والله و انا حليلي دفيتيني ع البحر زين ما غرقت
روان تضحك: هههههه حبيبيتي والله بس ما غرقتي و دعمت ريلها بحصى و طاحت ع ويها
: ااااععع كلي تراب
لومي : احسن وييييو و كل بنات عموومها تمو يرشونها بالماي و هي طايحه و يغرقطونها و هي تصارخ و تضحك
لومي 20 بنت عمة روان تحبها وايد و كانت دوم تتمنى تشوفها هي سنه ثانيه جامعه و حلوووه عيونها ناعسات شعرها بني فاتح فراوله و مموج حلو مرره و عيونها خضر لان امها عيميه و جسمها حلوو وايد و مو طويله طولها مناسب و ملامحه هاديه و بريئه و ما تحب سوالف الحب و سمره و سمارها حلو
اما عند ميش مبهته في رواان مستغربه اول مره تشوفها في هالحي و عقب ما شبعت من شوفتها رااحت لبيتهم و هي ودها تتعرف عليها اليوم قبل باجر
maram there is a friend who want you في الكويت رن الجرس و راحت الخادمه تفتح الباب و رجعت لمرام::ok let him in and i will change my cloths: مرام
ورقت مرام فوق تبدل عبالها عزوز لبست قميص ابيض شفااف و عليه شورت قصيير فاضح و ربطت شعرها بأهمال و و ورشت عطر و نزلت اما تحت من سمع صوتها جايه راح صوب الدرج و انصدم : مرااام و يطالع لبسها
مرام : هشوووووم!!!!
و تمو لحظات و نزلت مرام و هي تضمه و ترحب فيه : شنو تشرب
هشوم: ممم سبرايت
مرام: اوكيه و طلبت له ،، الاا قوولي ليش اجيت
هشوم وقف و بمرح: خلااص ارووح
مراام: هههههههه امزح معاك تعاال
هشوم : ههههه و يجلس
مرام: طفشششت ف البيت بروحي
هشوم: تعالي عندنا انا و فصوول
مرام: لااا والله تتمصخر
هشوم : اييه والله شو يعني فصول بمثابة اخووج
مرام : لا نعم عشان عموومي يذبوحني صدق هالمره
هشوم: هههههههه اهم شي
مرام: هشووم اقوولك سر( بدلع)
هشوم خق ع دلعها: قولي
مرام : انا احب عزووز
هشووم شل المخده و فراها عليها : و انا عبالي بتقولين احبك مالت ع ويهج
مرام : والله ملل
هشوم يطالعها جسمها بخبث: اونسج
مرام بخوف:هشووم بلا سخافه بليز
هشوم باسها بوسه طويله ع خدها: كيفي
مرام بارتباك: ممم شرايك نطلع نغير جو
هشوم بمرح: فووقه
في الامارات عند فهود يالس يسولف ف الفون مع ميش: مييش انا اعاني من فرااق دلال
ميش: يا لييييل احيين من سنه اهي اختفت و لين احيين تعاني
فهود: مادري احس ابييها احبها والله احبها
مييش : لا حووول اقوول انا بخممد اطاع الساعه وحده يلا بااي
فهود: الشرهه علي افضفض لك
ميش: بسمعك صووت حلو مره
فهوود تحمس : يلااا
ميش: طووووط طوووط طووط بند التيلفون
فهوود: مااالت عليييه اراوييه باجر حيواان
في الكويييت
مريووم: حبيبي خلووود بس انا بشرتيلك الي تبي بس خلني اخذ المعاش
حموود: مريوم نحن ليش ما عندنا فلوس وايد و بيت كبير
مريووم دمعت عينها: بيجي يوم و بسكن ف بيت كبير يا قلبي
خوله: مريووم نحن نحبج وايد نفس امنا و نحب شهوود وايد بعد لان دوم تونسنا و تويدنا الملاهي
مريووم دمعت عيوونها و حضنتهم و باستهم و رن فونها: الوو هلا شهود
شهود: هلا حياتي مريوم شلونج و شلون اخواني
مريووم: تمام و اخوانج ناموا توهم و انتي
شهود: يعلني فداهم انا تمام من سمعت هالصوت
مريوم : فديتج والله
شهوود:: ممم يلا حبو انا بغيت اطمن قبل لا ارقد
مريوم: رقاد العافيه
شهود: يعافيج و يخليج يلا مع سلامه
مريوم : بحفظ الرحمن
اشرقت الشمس على بيوت امارة دبي و بدت خيوط الشمس تدخل بين الستاير قامت و هي منزعجه من ضوء الشمس الي علييها : وييييعه سلااامه صكي الستااره
سلامه: قومي اول يوم جامعه يلا يلا
ميش: و عله ان شاء لله خليينيي مابا ارووح
سلامه بلعانه : يلا و فتحت الليت و بندت المكيف و راحت
ميش: يالله الوااحد ما ينام براحته في هالبيت
come here و نشت تسحب للحمام و تسبحت و ظهرت لبست لها برموده طيحني و قميص ازرق عليه جمام و مكتوب عليه
و خلت شعرها ع طبيعته و حطت له جل موس و تسبحت بالعطر و لبست العباه و شلت شنطه و طلعت و كان شكلها جونااان
عند رواان دخلت لومي الغرفة شوي شوي و راحت الحماام و جابت ماي باارد و راحت عندها : رووني رووني قوومي
روني: همممممم
لومي: قومي يلا اليوم اول يوم بعدني بعرفج ع البنات
رووني: جب مااابي ابي انااااام
لومي طفرت و صبت الماي فوقها : اييييييه يااالحيواااانه شو سويتيي
لومي تضحك: هههههههه يلا يلا قومي لبسي
رووني : مردوووده و قامت الحماام تسبحت و تيددت و صلت و قرت شوي قرآن و قرت ع عمرها و قامت طلعت لها قمييص بيج شيفون و ينربط بيفيوكنه من فوق و لبست فوقه جاكيت رسمي بس بناتي لونه برتقالي فاقع و سكيني ابيض ولبست حلق قلب و رفعت شعرها بورده باهمال و رسمت عيونها و حطت مسكره و روج وردي و لبست كعب و عباه و شنطة و شكلها جنان و طلعت (اكيد اللبس كله ماركات )
و لومي لبست قميص نص كوم برتقالي مرسوم عليه (بينقوين ) و مكتوب عليه(احضني .. بس ترا بالانجليزي) و سكيني ابيض و بالرينا سطاحي ابيض و و حطت جحال و كلوس و لفت شعرها و لبست عباه و شنطت و شكلها كان سو كيووت و طلعت تتنظر روني و نزلو مع بعض
روني+ لومي: صبااااح الخيير
الكل: صباح النور
روني تسير تبوس يدها و يدتها فوق راسهم و و تسلم ع عموومها و ابوها: هلا يبه و تبوسه فوق راسه و تحضنه
ابو روان : هلا و غلا يلا افطري
روني : اوكيه و كلو توست و قامو : يلا بنسير باي
الكل: بحفظ الرحمن
فكره عن عائلة روني ابوها متزوج و مرته اسمها صالحه طيوبه و تحب الكل و تحب روان عندها ولدين مايد( 17) و سيف (21) و بنتين غلا و غرام توأم (15). وكلهم حلوين و يحبون روان ابوها عنده اخو و ثلاث خوات و كلهم ف بيت واحد (الاكبر) سالم عنده زايد و ناصر توأم 21 حمد (22) حمدان(23) و بنتين شيخه(15) و روضه(11) وبعدين اخته مهره عنده اربع اولاد و خمس بنات سيف(23) معرس و عنده حمد و احمد و حمدان و ميره فارس(20) عمر(19) و هزاع (18)و دلال(21) مخطوبه ،شمسه( 24 )معرسه وعندها ولد احمد ، مريم(26)، معرسه و عندها محمد و حمده عايشه(17)، مها(16) و اخته سميه عندها ثمان اولاد و بنت خلفان 30 معرس و عنده اربع بنات و ولد داليا(16) نوره(14) اليازيه (13)وروضه (11) عبد الرحمن ( ، خليفه(29)معرس و عنده سعود (13) سعد(11) و سعيد(10) و ميثه و سلامه توأم ( و نهيان (6) و احين مرته حامل ، محمد(27) معرس عنده ثلاث بنات و ولدين
شما(، مهره(7)، موزه(12) ، راشد(14)، مشاري(4). سلطان(26) مالج، سعود(24)خاطب، عبدلله(23) ، منصور(22)، جاسم(21) ، و لمياء (لومي) (20) و اخته ميثه عندها ولدين وبنت سالم(15) ، خالد(13) ، ساره (10)
نرجع للروايه عند موزه و علايه قايمين من الصبح و يسوون اظافرهم( متفيجين ) موزه: علايه شو بتلبسين؟
علايه : اي شي مو متفيجه
موزه: اهاا مي 2
و قامو يصلون الفجر و راحو يلبسون علايه لبست سكيني احمر و تيشيرت ابيض عليه ورده ع طرف بس طلع وايد حلو عليها و لبست باارينا احمر و حطت قلوس و رسمت عينها و شلت شنطتها و طلعت تتريا موزه
اما موزه ابست عكس علايه قميص احمر عليه وره ع طرف و سكيني ابيض و بلارينا ابيض و حطت روج و رسمت عينها و تعطرت و اخذت شنطتها و سارت مع علايه و طلعو على طول لان ابوها سفير و مايي الامارات وايد و امهم دووم مشغوله
عند فطامي يالسه ترمس فالفون و تتلبس و متلخبطه : اقووول موااز انا بسككر دوختوني
مواز: مافي تسكريين يلا بسرعه نحن برع
فطوم: انزيين صبر البس يعني اجي مفصخه مثلا
مواز تضحك: يا حبي لج يلا بنرياج بباي
فطامي : جاو
و تمت تضحك من قلبها ع رفيقة عمرها موزه ، لبست لها شورت وردي لقته جدامها لبسته بدو اي اهتمام و قميص ابيض و و وردي و عليه وروود بشكل حلو و لبست بلارينا وردي و حطت قلوس و رفعت شعرها بأهمال و ها الي زاد من حلاها و رسمت عينها و شلت شنطه اي شي و لبست عباتها و هي نازله مستعيله
امها و يدتها: شوي شوي عن اطيحين
فطامي: لا مابطييح و حبتهم عراسهم و شلت تووست ع السرييع و راحت تركض برا
امها: يالله تحفظها هالبنت
اليده : اميين مشاءلله عليها
في سياره: لا ووالله ساعه منقعتنا هني
فطامي :سوري سوري
و تمو يضحكون و يسولفون
عند فهود راااااقد ف سابع نوومه و فونه يرن و هو ولا هامه و شوي يبندق البااب بالقو قام فازع و شاف ميش متوجه له و قام من الفراش بسرعه: شفيييك يارياال بلاك ماكل فلفل
ميش: تتمصخر انا من ساعه ادق اهران و ادق لك تيلفون و انت ولا هامك
فهود : ع فكره عيبني الصوت الحلو مال امس
شافه ميش بنظره و سكت فهود و نام وتلحف
مييش: فهووووود و ويعه قووم تأخرنا ع جامعه
و فهود مسوي طااف قام ميش و في باله فكره و راح عند فهود و قرصه من صدره
فهوود انصدم : ااااخخخ حيوااان
ميش: هههههههه يلا قوم اترياك و راح
فهود قام و هو ماسك صدره تعور و راح الحمام و تسبح و راحت تاكل ككاو و تشرب رد بول( ااع ع الصبح) و لبست لها سكيني طيحني رصاصي و حزام مطلعته فوق قميصها الاسود مكتوب عليه (دينجر) و خلت شعرها ع طبيعته و حطت موس و تعطرت من وان ميليون و لبست جوتي سبورتي و لبست عباه بدون شيله و شلت شنطة و طلعت و خذت لها شيبس و بيبسي ( كله تاكل) و سارت تحت
اما عند بخوت لبست لها شورت طيحني و قميص احمر ساده و تعطرت و لبست جوتي سبورت و شعرها نكشته بأهمال و لبست عباه بدون شيله و شلت شنطه اي شي و نزلت و لقت ولد عمها سالم : اووه هلا
سالم يطالع شكلها (جنها ولد لا يكون بويه) : اهلين خير وين الشيله
بخوت: فووق
سالم: انزين
بخوت: شوه انا ما البس اصلن
سالم :ع كيفج هو
بخووت: اووف مو فايجتلك احين و طلعت بعصبيه و راحت الجامعه
اما فبيت صغير بس فخخم وايد توها راده من السفر و تعبانه دقت على موزه: سبرايز
مواز: حموووووود حبيبي الحمدلله ع السلامه
حمود: يسلمج و يخليج شحالج غناتي
مواز : تماام ياقلبي و يو
حمود : ترتوب من سمعت صوتج
مواز: فديتك والله
حمود: فدا هالصوت مم مواز انا ما بداوم اليوم باجر بداوم و احين بنام حدي تعبان
مواز: اوكيه حبيبي تيك كير امممواح
حمود: من عيوني ااحح يلا جاو
مواز: جاو
حموود 20 بوويه قطريه بس عايشه في الامارات راحت اسبانيا عندها بطولة كرة طائره هناك مم ربيعة فهود و ميش و بخوت حللو و يجنن شعره نفس قصة شوجي بس عليه وايد احلى بني فاتح و عيونه ناعسات عسليات عايش وحيد كل اهله في قطر غني و حبووب جسمه رياضي مره و طويل بس مو وايد و ملامحه حاده
نهاية البارت الثاني
مين دلال الي فهود يرمس عنها و هل بيكون لها دور بالقصه؟
حمود بيكون له دور في القصه؟
موضوع: روايتي الاولى ( مَ راح تغبلني لو الحب غلاب من حضرتك عشان قلبي تذله) اتشرفوني بدخولكم و بردودكم 
الأحد يوليو 15, 2012 1:35 pm
