بدايات الرجوع

(صعب أسهـل ) بدايـات الرجـوع لسكـة المجهـول
بعيني والرجـوع (اصعـب) بداياتـي مـن (اسهلهـا)


من اول رحلتي فيني ,, طعـن زهـر الشبـاب ,ذبـول
وش آخرها .؟ مدام اقسى طعوني جت , مـن اولهـا!!

(خيالي , واقعي) شفتـه يحيّـر فـي فضـاه عقـول
مـن المعقـول يرسـم لـي حقايـق.. مـا تخيلهـا

ترى ما يجرح العاقل من الدنيـا ,, سـوى المعقـول!!
وانا المجروح من دنيـاي ,,لـو مـا كنـت عاقلهـا

ورى مستقبلي الماضي إلى الحاضر , وش المحصـول
إذا الماضـي مـن ايامـي أشـوف الظلـم باعدلهـا

هنا.. ضمّتني احزاني ,,بعد ما غبـت لـي كـم حـول
هنـا.. سكّيـن لمعانـق شراييـن الـفـرح ولـهـا

هنا.. علّقت دمعاتي علـى اقـدام الليـال ,, حجـول!!
هنـا .. مـا حنّـت البسمـة علـي وقلـت ازعلّهـا

هنا.. والا (هنا).. يكفي , عجزت اوصف , عجزت آقول
عجزت اجمـع ألـم بابـل ,, حـزن دجلـه واموّّلهـا

عجزت آروّض بصدري صدى جـرح وجمـوح خيـول
أنـا مـدري غضـب والا بقلبـي تلـعـب وتلـهـى

وقفـت ..ومـا وقفـت الا .. ادوّر للحلـول ..حلـول
ابعثـر مـا ورى نفسـي ..إليـن اثقلـت كاهلـهـا

(( تعبت احمل من الذكرى على المتن النحيل .. حمـول
وانا نفسـي وهـي نفسـي وربـي ..مـا تحملهـا ))

لأني كـل مـا أقـرب , اشـوف ان الطريـق يطـول
وهو صعبٍ علي ارجع ,, والاصعب كيـف اكمّلهـا؟!!

أخاف ارجع والاقيني على هـاك الـ(هنـا) مقتـول!!
واخاف امشي لآخرهـا واشوفـه ,, يشبـه اولهـا..

جمــــــــــــــــــــــــــيل جدا

هلا بكم منورين يسلمو على المرور