صفقة مع الشيطان ..

FNO ;$ كتب:: I'm waiting *.*

To0o7a00 كتب:

FNO ;$ كتب:: I'm waiting *.*

منوووره صفحتك

ننتظرك

نااااطررينج ..!

broken dreams كتب:: مساء النور ..

ان شاء الله راح أنزل بارت اليوم ..

ودي لكم ..

ننتظرك على أحرر من الجمر bounce

Leeno كتب:

broken dreams كتب:: مساء النور ..

ان شاء الله راح أنزل بارت اليوم ..

ودي لكم ..

ننتظرك على أحرر من الجمر bounce

في احد متحمس مثلي ..من كثر الحمااس كل شوي اضغط ع الصفحه علشان تتحمل من جدديد
متشووقين للبارت ياليت يكووون طويل ..! bounce

alkontesa كتب:: في احد متحمس مثلي ..من كثر الحمااس كل شوي اضغط ع الصفحه علشان تتحمل من جدديد
متشووقين للبارت ياليت يكووون طويل ..!

alkontesa كتب:: في احد متحمس مثلي ..من كثر الحمااس كل شوي اضغط ع الصفحه علشان تتحمل من جدديد
متشووقين للبارت ياليت يكووون طويل ..!

Ñtfa كتب:

alkontesa كتب:: في احد متحمس مثلي ..من كثر الحمااس كل شوي اضغط ع الصفحه علشان تتحمل من جدديد
متشووقين للبارت ياليت يكووون طويل ..!

آلغند.. كتب:

Ñtfa كتب:

alkontesa كتب:: في احد متحمس مثلي ..من كثر الحمااس كل شوي اضغط ع الصفحه علشان تتحمل من جدديد
متشووقين للبارت ياليت يكووون طويل ..!

منتظرك على نااار

. وين البااارت ...!! bounce

عدد الرسائل : 245 تاريخ التسجيل : 14/07/2012

... الفصل الثالث والعشرون ...

ادخلت سلمى غرفتها .. وراحت في اتجاه الحمام .. افصخت الملابس اللي عليها ورمتها على الأرض .. أخذت لها شاور بارد وسريع .. " ما توقعت الأمور تكون بهالسرعة .. اعتقدت أني راح أخذ وقت معك علياء .. لكنك راح تسهلين الأمور لي .. ان ما دفعتك الثمن غالي على اللي سويتيه في جود .. ما أكون سلمان "..
اطلعت سلمى من الحمام .. وادخلت غرفة الملابس .. وهي تلبس رن جوالها .. راحت تشوفه .. كانت سمر ..
سمر : وينك .. قلت لك أول ما توصل .. طمني ..
سلمى بخبث : كنت مشغول ..
سمر : في ايش ..
أخذت سلمى نفس عميق .. وحكت لسمر على اللي صار بينها وبين علياء .. سمر كانت تستمع وتهز راسها ..
سمر : وااو .. ما توقعت تطور الأمور بهالسرعة ..
حطت سلمى جوالها على السبيكر .. وكملت لبس : ولا أنا .. لقيتها ناطرتني في غرفة المكتبة ..
سمر : شكلها ذايبة على الأخر ..
سلمى تضحك بسخرية : أنتِ لو شفتيها وهي .....
سمر اضحكت بصوت عالي : يبغى لي أشوفها صوت وصورة ..
سلمى تتوعد : أكيد .. نفس اللي صار لجود .. راح يصير لها وأزود بعد ..
سمر بهدوء : وجود ..
سلمى حست قلبها ينعصر لما سمعت اسمها : وش فيها ..
سمر : شفتها ..
سلمى بحزن : لأ .. أول ما دخلت البيت .. رجولي اخذتني لعندها ..
سمر : ليه أنت مصر أنها ما تعرف شيء .. حرام اللي تسويه فيها ..
سلمى : قلت لك .. ما أبغاهم يشكون بشيء .. وينشرون الفيديو ..
سمر : طيب نعطيها خبر .. أن كل اللي تسويه تمثيل ..
سلمى : لا .. أعرف جودي .. ( تبتسم ) عيونها تفضحها .. والحية علياء أكيد بتلاحظ ..
سمر : الله يخلصكم منها على أهون سبب ..
سلمى قابضة يدها : آمين .. وعلى يدي ..
سمر بحزن : كسرت خاطري جود .. لما كذبت عليها وقلت لها أنك معصب .. ومو مصدقنا ..
سلمى اخنقتها العبرة : يعني مو كاسرة خاطري أنا .. قلبي يتقطع عليها .. ماسك نفسي عنها بالغصب .. ودي الحين أروح لها وابوس يدينها .. وأترجاها تسامحني على اللي سويته فيها ..
سمر : تتسهل الأمور حياتي .. وترجعون مثل قبل .. ونفرح في زواجكم ..
سلمى : ان شاء الله ..
خلصت سلمى لبس .. وأخذت علبة الاسعافات الأولية .. بتغير الشاش اللي على يدها .. واخذت جوالها في اليد الثانية .. واطلعت الى الغرفة .. حطت العلبة على الطاولة .. واقعدت هي على الكنبة .. والجوال باذنها ..
سلمى : وش سويتِ مع الثانية ..
سمر : بكرة لي موعد مع صديقتها ..
سلمى تعترض : وش لنا شغل بصديقتها ..
سمر : نجلاء ما هي هينة وما تثق بأحد بسهولة.. غير كذا هي ما تمشي الا ومعها مرافقة ..
سلمى : تبين تجيبينها عن طريق صديقتها ..
سمر تبتسم : مهما كانت نجلاء .. تراها وفية لصديقاتها ..
سلمى تعض أسنانها : أي باين .. من الحركة الوصخة اللي سووها لجود هي والكلبة ..
سمر : صح .. أنت لا تهتم .. خل تركيزك مع اللي عندك .. وانا أتفرغ للثانية ..
سلمى تهز راسها : ماني قادر أركز .. قربت سفرتي .. أحاتي العملية ولا أحاتي جود واللي صار لها .. ولا أحاتي البيت واخواني ..
سمر تهديها : حياتي .. كل شيء مقدور عليه .. وحنا مرتبين كل الأمور .. وأنت اللي أصريت أنك تاخذ حق جود بيدك .. قلت لك خلهم علي .. أنا أنهيهم لك ..
سلمى : لا .. لا .. لازم أخذ حقها بيدي .. يكفي أني بخلي نجلاء عليك ..
سمر : اهدى سلم .. كل شيء راح يمشي مثل ما خططنا له .. باذن الله ..
سلمى : ان شاء الله ..

سكرت سلمى جوالها .. وحطته على الطاولة .. واقعدت تغير الشاش اللي على يدها .. شالت القديم .. وعقمت الجرح مرة ثانية .. وهي تلف يدها .. ادخلت غادة بدون ما تطق الباب .. واصفقت الباب وراها .. وتقدمت في اتجاه سلمى وهي معصبة .. اقعدت على الكرسي اللي جنب الكنبة .. وحطة رجل على رجل واقعدت تهزها .. سلمى تناظرها باستغراب ..
غادة بحدة : ممكن أعرف وش اللي صار بينك وبين جود ..
سلمى تناظرها : شنو ..
غادة ما اقدرت تمسك نفسها : اللي سمعتيه .. ليه ضاربتها .. وليه تخونينها مع الكلبة عليو ..
سلمى نزلت راسها .. وكملت لف يدها .. انتبهت غادة ليد سلمى .. " يعني صدق أنتِ ضاربتها"..
سلمى ترتب الاغراض وترجعها الى العلبة : ما تظنين الوقت متاخر الحين ..
غادة نزلت رجلها : سلمى لا تحاولين تتهربين .. صاير شيء بينك وبين جود .. وشيء كبير بعد .. اللي يخليك تقلبين غرفة المكتبة فوق وتحت .. والكدمات اللي على جود .. والحين يدك المجروحة .. وش صار .. أبغى اعرف ..
سلمى اخنقتها العبرة : ليتها انقطعت يدي قبل ما أرفعها على جود ..
غادة بهدوء : وش صار ..
ارفعت سلمى يدها تمسح دموعها : كنت فاهم الموضوع غلط ..
غادة : أي موضوع ..
سلمى يدها على جبينها : غادة .. لا تكثرين أسئلة .. راسي مصدع .. وما لي خلق هذره ..
غادة تأشر على الباب : هذره .. ضاربه البنت .. مو مخليه فيها عظم صاحي .. وتكملينها مع الحيوانة عليو..
سلمى بحدة : أووه غادة .. سكري الموضوع .. شيء ما يخصك ..
غادة : لا يخصني .. أنتِ أختي .. وجود أحبها مثل أختي .. والبنت ما غلطت معك .. بالعكس من صارت معك وأنتِ متغيرة للأحسن .. صرنا نشوف ابتسامتك .. ونسمع ضحكتك ..
ناظرتها سلمى لفترة .. وفكرها راح لأول ليلة لها مع جود ..وشلون كانت تعاملها .. كانت قاسية معها وعنيفة .. في المقابل كانت تلقى الحنان من جود .. تكفيها ابتسامة جود ويتغير مودها كله.. ما أحد قدر يدخل حياتها ويقلبها مثل ما سوت جود معها.. نزلت سلمى راسها .. وقعدت تصيح ..
سلمى تصيح : أحبها .. وربي أحبها .. افهميني غادة .. جود هي حياتي .. عالمي .. هواي اللي أتنفسه .. ما أقدر أخسرها .. وما أبغى أخسرها ..
غادة بهدوء : سلمى .. وش صاير بينكم ..
سلمى يدها على راسها : ما أقدر .. ما أقدر ..

اطلعت علياء من الحمام وهي تدندن .. ادخلت غرفة الملابس .. والبست قميص نوم خمري طويل .. وهي تتعطر اسمعت جوالها يرن .. اطلعت وراحت الى الغرفة .. شافت الرقم وابتسمت..
نجلاء : مساء الخير ..
علياء : مساء الروقان والهيام .. مساء الحب والغرام ..
نجلاء رافعة حاجبها : أوووه .. المزاج عالي ..
علياء تقعد على السرير : فوق ما تتصورين ..
نجلاء : هاتي .. خبرينا ..
حكت علياء لنجلاء كل شيء صار معها .. وكيف كانت معها سلمى في غرفة المكتبة .. كانت نجلاء تستمع لعلياء .. ومو مصدقة اللي صار .. في شيء غلط في الموضوع .. ظلت ساكتة مدة بعد ما خلصت علياء حكي ..
علياء : ألو .. انجي وين رحتِ ..
نجلاء : معك ..
علياء : وين معي ..
نجلاء : يعني جود ما قالت لها شيء عنك ..
علياء : لا .. ما أظنها جود .. شكلها عرفت من شخص ثاني ..
نجلاء تكمل : لأنها لو قايلة لها .. كانت طردتك ..
علياء : قولي كان ذبحتني ..
نجلاء : لو أنا مكانها أسويها ..
علياء : لكنك مو مكانها ..
نجلاء : لا .. يا ليت أكون ..
علياء تضحك : تتهنين فيها ..
نجلاء : وين .. يا حسرة ..
علياء : يمكن سلمى تطردهم .. وانت استغلي الوضع ..
نجلاء باهتمام : هي قالت أنها بتطردهم ..
علياء : ما قالت .. بس يمكن تطردهم ..
اسكتت نجلاء مدة تفكر .. علياء : انجي ..
نجلاء : ما أدري .. حاسة الموضوع مو راكب ..
علياء : شلون ..
نجلاء : يعني بهالسرعة .. تنسى جود وتروح لك .. وأنتِ قايلة أن ما بينكم عمار ..
علياء : وليه لأ .. هي تفكر ان جود خانتها ..
نجلاء : أها ..
علياء : شنو انجي .. تكلمي ..
نجلاء : خايفة أن اللي صار .. ما يكون مثل ما أنتِ مفكرة ..
علياء : وش قصدك ..
نجلاء : she is using you, to get even with Jood
علياء : ما أظن ..
نجلاء : ليه لأ ..
علياء : ما كانت طايقة تسمع اسمها .. وكان مبين أنها معصبة حدها ..
نجلاء : ما أبغى اخرب عليك فرحتك .. لكن ما تظنين تصرفها معك غريب ..
علياء تأفف : أووه انجي .. لا تخربينها علي ..
نجلاء : ماني قاعدة أخربها .. لكن شوفيها من زاوية ثانية .. سلمى ما كانت معبرتك .. وهي عارفة وشايفة محاولاتك علشان تستميلينها .. فجأة بس عرفت أن جود خانتها .. تروح لك .. ليه ما عندها غيرك ..
علياء : قصدك سمر ..
نجلاء : وغير سمر .. لأن شكل المسألة fishy ..
علياء : انجي لا تضيقين خلقي .. ماني مصدقة اللي صار .. لا تخربينها علي ..
نجلاء : مثل ما تبين .. ويمكن يكون الموضوع أنها تبغى تفرغ اللي فيها ولقتك في وجهها ..
علياء : يمكن .. وشكله هذا اللي صار ..
نجلاء : وعادي عندك ..
علياء : لا مو عادي .. بس الا ما أخليها تحبني .. أهم شيء أن جود برى الصورة ..
نجلاء تبتسم : تتهني علوي .. ما أبغى أخرب عليك وناستك ..
علياء تبتسم : يهنيك .. وينولك اللي في بالك ..
نجلاء بحزن : آمين ..

أنهت نجلاء المكالمة .. ورمت الجوال على السرير .. واسندت راسها على ظهر السرير .. وأخذت سيجارة من العلبة اللي على الطاولة اللي جنب السرير.. ولعتها وأخذت نفس طويل .. وازفرته .. " كلام علياء ما يدخل العقل .. بهالسرعة تروح لها سلمى وهي ما تطيقها .. يعني لو كانت سكرانة ممكن .. بس في وعيها I don't think so.. في شيء مو طبيعي في الموضوع .. وعلياء بغباء مو شايفة الا سلمى .. من فرحتها المسكينة .. ( اضحكت واسكتت بسرعة ) .. يا ترى وش حال جود الحين .. أدفع عمري كله .. بس اكون معك جودي .. my love ..

غادة : يعني مو ناوية تتكلمين ..
سلمى : أتكلم عن ايش ..
غادة : عن اللي صاير بينك وبين جود ..
سلمى تأخذ نفس عميق : ما أقدر أتكلم غادة ..
غادة بتتكلم .. قاطعتها سلمى : لكن افهمي شغلة .. أنا أحب جود .. وكل اللي راح أسويه علشانها.. أي شيء راح تشوفينه خلال الأيام الجاية .. له تفسير ثاني .. لا تتسرعين وتحكمين عليه من أول نظرة ..
قامت سلمى وأخذت علبة الاسعافات الأولية معها .. غادة تناظرها مو فاهمة شيء من اللي قالته سلمى الحين .. الحقتها غادة الى غرفة الملابس .. ووقفت عند المدخل ..
غادة : بس جود ..
سلمى تحط العلبة في الدرج : كل اللي راح أسويه علشانها ..
غادة : حتى ... ( اسكتت )..
التفتت عليها سلمى : حتى لو شفتيني مع غيرها ..
ناظرتها غادة .. وهي تتذكر اللي شافته قبل شوي في غرفة المكتبة .. قربت منها سلمى ..
سلمى بهدوء : جود تعرضت لحركة قذرة .. وأنا بغبائي صدقت شيء ما صار .. وراح أعوضه عليها .. حتى لو أدفع عمري كله .. علشان ترضى علي .. وراح أخذ حقها من اللي أساء لها .. لكن أبغى منك شغلة مهمة ..
غادة مو فاهمة شيء : وش هي ..
سلمى : ما أبغى جود تعرف شيء ..
غادة : تعرف ايش ..
سلمى : هي تظن أني تركتها ..
غادة رافعة حاجبها : بعد المعركة اللي في غرفة المكتبة ..
سلمى بحزن : أي .. وكل اللي راح أسويه علشان أخذ حقها ..
غادة : سلمى أنا ما أدري وش صار بينكم ..
سلمى : راح تعرفين .. بس مو الحين ..
غادة : متى ..
سلمى : في وقته ..
غادة تدلك جبينها : let me get this straight .. أنتِ تحبين جود .. وراح تمثلين أنك ما تحبينها .. وما تبينها تعرف أنك ما زلتِ تحبينها .. علشان تاخذين حقها .. من شخص أساء لها .. والشخص طبعاً عليو ..
سلمى تهز راسها : أي ..
غادة : تراني ما فهمت اللي قلته لك .. لكن راح أسوي اللي تبين .. بس ( تأشر على سلمى ) ما راح تكون نهاية النقاش .. لازم أعرف وش صار بينكم .. وش سوت هالحية لكم ..
سلمى تبتسم : بتعرفين .. بس مو الحين ..

اطلعت غادة من غرفة سلمى .. وراحت غرفتها .. نامت على سريرها وهي تفكر باللي قالته لها سلمى.. ( أي شيء راح تشوفينه خلال الأيام الجاية .. له تفسير ثاني .. لا تتسرعين وتحكمين عليه من أول نظرة ) ..
يعني اللي شفته في غرفة المكتبة .. كان تمثيل .. أكيد لها يد في اللي صار بينهم .. ولا ليه سلمى تروح لها .. و سلمى ما تطيقها .. بأجن اذا ما عرفت وش صاير بينهم .. وسلمى مو راضية تتكلم.. وما أقدر أسأل جود .. ( بحدة ) يلعنك يا عليو .. ما راح نخلص من مشاكلك أبد ..

ثاني يوم ...

جنان : طيب لقمتين .. ما يصير .. أنتِ ما أكلت شيء حتى أمس ..
جود تأشر بيدها : قلت لك ما أشتهي ..
جنان تحط الصحن على الطاولة : مو بكيفك ..
جود تلف وتغطي نفسها بالبطانية : جنان .. خليني أرتاح ..
جنان : ارتاحي ما قلت شيء .. بس اكلي لك لقمة ..
جود بحدة : ما أبغى سم ..
قامت جنان وخلت الصحن على الطاولة .. وهي عند الباب : تراها ما تستاهل كل اللي تسوينه علشانها ..
التفتت عليها جود .. لكن جنان اطلعت .. حطت جود يدها على جبينها " هذه شكلها تدري باللي بيني وبين سلمى .. كملت .. وأنا ناقصة .. يكفي اللي شفته أمس ".. ادمعت عين جود لا شعوريا.. التفتت وقعدت تصيح بصمت .. " ليته يضربني ألف مرة .. ولا أشوف اللي شفته أمس.. آه .. وش راح يصير حالي الحين "..

عبير باستغراب : وش فيك اليوم ..
علياء ترتب الصحون : ما فيني شيء ..
عبير مكتفة يدينها : شلون ما فيك .. صاحية من بدري .. ومسويه لنا الغداء ..
علياء : اللي يسمعك يقول أني ما أطبخ ..
عبير تأشر على الطاولة : بلى تطبخين .. لكن مو بوفيه ما شاء الله ..
علياء تبتسم : يعني ان طبخت مو عاجب .. وان ما طبخت بعد مو عاجب ..
قربت منها عبير وضمتها : ما قلنا شيء علوي .. عساها دوم ..
علياء : آمين .. روحي جيبِ خالد وتعالي ..
عبير تبتسم : اوكي مام ..

رن جوال علياء .. وشافت الرقم .. وابتسمت ابتسامة عريضة ..
علياء تبتسم : مرحبا حبي ..
سلمى " مصدقة نفسك ": أبغى أتكلم معك ..
علياء : أكيد .. وينك فيه ..
سلمى : في الحديقة ..
علياء : ثواني وأكون عندك ..

سكرت سلمى جوالها .. كانت قاعدة في الحديقة .. تنتظر الخطوة التالية .. لكن فكرها مع جود .. قامت من نومها مرتين .. وفي كل مرة كانت تبغى تروح لغرفة جود .. وفي المرة الأخيرة وصلت الى نافذة غرفتها .. لكنها تراجعت ..
" أعرف جود .. لو قلت لها .. راح يبان عليها .. وجهها كتاب مفتوح .. والحقيرة علياء راح تلاحظ .. أخ .. أدري أنك راح تتعبين معي .. وتصدقين أني تركتك .. لكني راجع لك حبي .. بس أصفي حسابي مع هالكلبة " ..
علياء تغمز لها : اللي ماخذ عقلك يتهني به ..
التفتت عليها سلمى : ان شاء الله ما أكون أزعجتك ..
اخذت علياء ذراع سلمى بين ذراعها : ما أزعجتني .. كلي لك حبي ..
بعدت سلمى عنها .. وبجدية : لهذا السبب أنا طلبت أتكلم معك ..
علياء : وش فيك ..
سلمى بتردد : علياء .. اللي صار امس .. ما كان المفروض يصير .. أنا ما كنت في وعيـ...
قاطعتها علياء : أدري أنك كنتِ متضايقة .. لكنك ما جبرتيني على شيء .. وماني ندمانة على اللي صار ..
سلمى : ما أبغى أظلمك معي ..
علياء ماسكة قميص سلمى : ما راح تظلميني سلمى ..
سلمى : بس ..
قاطعتها علياء : سلمى .. أنا أحبك .. أنا حبيتك من أول يوم شفتك فيه.. لما جيتِ البيت ..
سلمى : أدري علياء .. لكن مو عدل أكون معك .. وانا ... ( اسكتت ) ..
علياء : راح انتظرك سلمى .. مهما طال الوقت .. راح انتظرك .. لكن لا تقولين انك بتتركيني .. ما راح أقدر أتحمل فراقك .. بعد ما صرت قريبه منك ..
سلمى بهدوء : أحتاج وقت ..
علياء تبتسم : خذي اللي تبين حبي .. لكن هذا ما يمنع أننا نقرب من بعض .. الا اذا كان يضايقك..
سلمى تبتسم : لا .. ما يضايقني ..
علياء : حلو .. لأني عازمتك على كوفي شوب اليوم بعد العصر .. لا تقولين مشغولة ..
سلمى تهز راسها : لا .. ماني مشغولة ..
علياء : حلو .. It's a date
سلمى : I'll see you then
قبل ما تروح علياء .. باست سلمى على خدها .. وهمست لها أحبك .. ابتسمت لها سلمى وراحت..
ارجعت علياء لملحقها .. وتفاجأت بعبير واقفة .. تناظرها باستغراب .. " شكلها شافتنا " .. الحقتها عبير ..

عبير : أنت .. ووو .. سلمى .. متى وكيف وليه ..
علياء تضحك : تبيني أجاوبك على كل هالأسئلة دفعة وحدة ..
عبير : أكيد .. متى .. ما لاحظت عليكم شيء ..
اوصلوا الى طاولة الطعام .. واقعدوا .. كانت علياء تأكل ولدها .. وتحكي لعبير كل اللي صار بينها وبين سلمى .. عبير تستمع لها وما هي مقتنعة ..
علياء تناظرها : ما سمعت تعليقك ..
عبير تلعب بالملعقة : وأنتِ صدقتي ..
علياء : صدقت ايش ..
عبير : انها نست جود ..
علياء : ما راح تنساها في يوم وليلة ..
عبير : هي ما كانت تطيقك .. وياما صارت هوشات بينكم .. شلون تكونوا مع بعض .. في شيء مو طبيعي في السالفة ..
علياء تتافف : أووه .. حاسدين الفقير على موته الجمعة .. اللي يسمعك يقول أني ناقصة ..
عبير : ما أنت ناقصة .. وما شاء الله عليك .. بس ما أحسها راكبة ..
علياء : يعني أنا وسلمى .. اللي يسمعك يقول طايحة من عين نفسي .. ( تاشر على نفسها ) تراني أحلى من بنت الخدامة ..
عبير : أدري أنك أحلى منها .. لكن سلمى تحبها وتموت فيها ..
علياء بخبث : not any more
عبير : عندي احساس .. أن لك يد في اللي صار أمس ..
علياء ببراءة : وأنا وش دخلني ..
عبير : يعني الحين سلمى وجود اتركوا بعض ..
علياء تبتسم بانتصار : الى الأبد ..
عبير : ما أظن .. كانوا يحبون بعض كثير .. ما أظن سلمى راح تنسى جود بهالسهولة ..
علياء تضحك : لا حياتي .. راح أنسيها جود وطوايف جود .. وللعلم اليوم أنا عازمتها برى ..
عبير متفاجاة : باين أن الأمور تتطور بينكم بسرعة ..
علياء : علشان تعرفين أن اختك عند كلمتها .. قلت لك سلمى لي .. وصار اللي أبغاه ..
هزت عبير راسها .. وكملت أكل .. " ما أصدق أن سلمى تترك جود بهالسهولة .. اللي يشوف سلمى لما تكون جود موجودة .. ما يصدق انها تتركها .. هي تعشقها .. وعيونها ما تفارق جود لما يكونوا مع بعض .. السالفة مو راكبة .. والمشكلة علياء من الفرحة .. ما تشوف قدامها "..

صحت غادة من النوم .. وراسها مصدع .. ما اقدرت تنام أمس .. طول الليل وهي تفكر .. في اللي شافته .. واللي صار أمس بين جود وسلمى .. وكلام سلمى لها .. حيرها أكثر .. لكن الشيء اللي متأكدة منه أن علياء ورى اللي صار .. ودي أنزل لها وألعن خيرها .. أخ بس ..
انزلت الى غرفة أمها .. سلمت عليها ورمت نفسها على الكنبة .. وأخذت الريموت واقعدت تقلب في المحطات عشوائياً ..
نعيمة : حولت راسي .. اثبتي على محطة ..
رمت غادة الريموت على الطاولة : ما في شيء التلفزيون ..
نعيمة : مو عادتك تقعدين في البيت قريب المغرب .. هالوقت هياتة في المولات ..
غادة تأشر بيدها : ما لي خلق أطلع ..
نعيمة : ما أدري وش صار لكم .. الكل ما له خلق ..
غادة : من تقصدين ..
نعيمة : تو سارة تقول أن جود مو راضية تاكل .. يغصبونها على الأكل غصب ..
غادة بهدوء : ما ألومها ..
نعيمة : وش قلتِ ..
غادة : ها .. ولا شيء ..
نعيمة : البيت كله متوتر وحايس في بعضه ..
غادة : حتى أنتِ لاحظتِ ..
نعيمة : أي من أمس ..
غادة : أنت ما سمعت شيء أمس ..
نعيمة : قلت لك.. سلمى تهاوش الخدم كالعادة .. بس حسيت أن الموضوع أكبر من قميص محترق ..
غادة : سألتِ الخدم وش صار أمس ..
نعيمة : سألتهم .. كلهم نفس الاجابة .. وكانوا يجاوبون وهم خايفين ..
غادة : قصدك خايفين من سلمى ..
نعيمة : شكله .. واليوم شوفيهم هاديين وساكتين ..
غادة : أي شفتهم .. ( بهدوء ) شكلهم يدرون وسلمى مهددتهم ما يتكلمون ..
نعيمة : غادة ..
غادة سرحانه .. نعيمة بصوت عالي : غادة ..
التفتت غادة على امها : نعم ..
نعيمة تبتسم : انعم الله عليك .. وين رحتِ ..
غادة : ولا مكان ..
نعيمة مو مصدقتها : روحي تطمني على جود .. وتعالي خبريني وش يصير معك .. أمها تقول متضايقة ومو راضية تاكل ..
هزت راسها غادة : طيب ..

سمر تأفف : وينها هذه تأخرت ..
لمياء : قالت لي أنها اطلعت من البيت وفي الطريق ..
سمر تشرب الكوفي : وين في الطريق .. صار لنا نص ساعة ننتظرها ..
لمياء : بتجي .. يمكن يكون زحمة ..
سمر تناظرها : يا خوفي تكونين حذرتيها .. أني موجودة ..
لمياء ابلعت ريقها : وأنا أقدر ..
سمر : على بالي ..
رن جوال لمياء .. كانت المتصلة مها .. تسألها عن مكانها .. وصفت لها لمياء المكان ..
لمياء تسكر الجوال : وصلت ..
سمر : زين ..
قربت مها من طاولة لمياء .. ما انتبهت لسمر .. لأنها كانت في زاوية وما تبين .. سلمت مها على لمياء .. والتفتت بتقعد .. لكنها تفاجأت بسمر .. تشرب الكوفي ..
مها متفاجأة : س .. سمر ..
سمر تحط الكوب على الطاولة : وش فيك .. كانك شايفة جني ..
مها تبلع ريقها : لا .. بس لمياء ما قالت لي انك راح تكونين موجودة ..
سمر تأشر لها تقعد على الكرسي : لأنها لو قالت لك .. أكيد ما راح تجين ..
مها تقعد : وليه ما أجي .. أحد يرفض قعدة سمور ..
سمر تبتسم : باين من ردك على مكالماتي ..
مها احمر وجهها من الغضب والاحراج .. كانت تتجنب سمر من ذيك الليلة لما راحت مع نجلاء الى حفلة سمر .. نجلاء حكت لها عن اللي صار في الباودر روم مع جود .. وهي من هذاك اليوم تتهرب من سمر .. لكنها اقدرت تجيبها ..
مها التفتت تناظر لمياء بشزر .. سمر : هي ما لها دخل .. ولا تنسين لو بغيت أجيب أحد جبته بطريقتي ..
سمر باحراج : ما يحتاج تقولين .. أدري ..
أشرت سمر للمياء تقوم .. مها ناظرتها بخوف " لا تتركيني لحالي " .. لمياء تناظرها " ما أقدر عليها " ..
سمر : وش تشربين ..
مها : أي شيء ..
سمر تأشر للعامل : راح أطلب لك عصير ليمون .. شكله نشف ريقك ..

علياء : راح أخذ كابتشينو .. ومعها براوني ..
سلمى : أن راح أخذ قهوة تركية ..
علياء : للحين راسك مصدع ..
سلمى : شوي ..
علياء تمسك يدها : سلامتك حبي ..
سلمى تبتسم : يسلمك ..
اقعدوا على طاولتهم .. وظلت علياء تحكي كثير .. وأنها مستانسة ومو مصدقة أنها مع سلمى .. وراح تكون لها أفضل شريك .. سلمى كانت تسمع لها وتهز راسها وتبتسم .. ومن داخلها يغلي .. ودها تخنق علياء بيدينها .. لكن الصبر جميل .. راح تشوفين مني شيء .. يكرهك حياتك ..
وصل طلبهم .. وكل واحد أخذ مشروبه .. ظلوا مدة ساكتين يشربون .. كانت علياء مترددة وفي بالها سؤال .. لكنها خايفة من ردة فعل سلمى ..
سلمى تشرب القهوة : وش فيك ..
علياء ترفع أكتافها : ما فيني شيء ..
سلمى تحط الكوب : باين من وجهك .. تكلمي أسمعك ..
علياء بتردد : وش راح .. تسوين مع جود ..
سلمى لفت وجهها : ولا شيء ..
علياء : يعني بتخلينها في البيت ..
التفتت عليها سلمى : وش رايك .. تبيني أطردها ..
علياء : يعني بعد اللي صار بينكم .. فكرت أنك راح تطردينهم ..
سلمى : اللي صار .. بيني وبين جود .. أهلها ما لهم شغل .. وبعدين اذا طردتهم .. وين راح يروحون .. ما لهم مكان ثاني ..
علياء اسندت ظهرها على الكرسي وكتفت يدينها : يعني بتصير مقابلتك طول الوقت ..
سلمى تضحك : لا تقولين لي تغارين ..
علياء مقضبة جبينها : أكيد أغار .. وانا أعرف باللي كان بينكم ..
سلمى : قلتيها بنفسك .. كان ..
علياء : بس ....
قاطعتها سلمى : علياء .. ما أبغى أتكلم في الموضوع .. بالنسبة لي جود .. صفحة وطويتها .. ما أبغاك كل شوي تعيدين الموضوع .. ( تناظرها ) مفهوم ..
علياء تهز راسها : مفهوم ..
سلمى تشرب قهوتها : كملي قهوتك .. لأني أبغى أتمشى في المول .. الا اذا كنت تبغينا نرجع ..
علياء تبتسم : لا .. نتمشى .. وأبغى أخذ رايك في شغلات باشتريها ..
سلمى تغمز لها : حاضرين ..

غادة : مساء الخير خالتي ..
سارة : مساء النور بنتي ..
غادة : شلون جود الحين ..
سارة : على حالها .. مو راضية تاكل .. ونايمة في سريرها مو راضية تقوم ..
غادة : أقدر أشوفها ..
سارة تأشر بيدها : أي بنتي .. حياك ..

راحت غادة الى غرفة جود .. طقت الباب ..
جود تنادي : جنان .. قلت لك ما أبغى سم ..
ادخلت غادة الغرفة .. التفت جود بتهاوشها .. لكنها شافت غادة .. اسكتت ..
جود متفاجأة : غادة ..
قربت منها غادة .. واقعدت جنبها على السرير ..
غادة : شلونك الحين جود ..
جود بحزن : مو زينة غادة .. مو زينة ( تبكي ) ..
ضمتها غادة : اهدي جود .. تتصلح الأمور .. اهدي ..
بعدت عنها جود : وين تتصلح .. خلاص اللي بينا انتهى ..
غادة بتتكلم لكنها تذكرت كلام سلمى .. ما كانت تبغى جود تعرف أنها للحين تحبها ..
غادة : اهدي جود .. ما يصير اللي تسوينه بنفسك ..
جود تمسح دموعها : مو بيدي غادة .. ما أحد حاس بالنار اللي داخلي ..
غادة : الحين انتو معصبين .. عطوا أنفسكم وقت .. ويتصلح اللي بينكم ..
جود بحزن : ما أظن ..
غادة : جود لازم تكونين قوية ..
جود تهز راسها : ما فيني غادة .. خسرت حبي ..
غادة "ما خسرتيه .. سلمى للحين تحبك " : طيب حاولي تتماسكين .. ولا راح يشكون فيكم ..
جود بتعب : ماني ناقصة .. يكفيني جنان ..
غادة تهز راسها : أي بس هي أختك .. أكيد ما راح تتكلم .. لكن فكري بالباقي ..
جود : وش تبيني أسوي ..
غادة : رجعي مثل قبل .. أدري صعب .. لكن حاولي .. لو أمك تدري .. تروحين فيها ..
جود : خليها تدري وتذبحني .. أريح لي من اللي أنا فيه ..
غادة : جود .. ما أنتو أول couple يتهاوشون .. أو تصير بينهم مشكلة ..
جود : لكنا افترقنا غادة .. خلاص انتهينا ..
غادة : لا ما انتهيتوا .. سلمى للحين ... ( تذكرت تحذير سلمى واسكتت ) ..
جود : وش فيها سلمى ..
غادة : للحين معصبة .. تعرفينها يبغى لها أيام علشان تهدى ..
جود : أعرفها .. لكنها ...." تركتني وخانتني مع اللي تسببت في فراقنا " ..
غادة : لكن ايش ..
جود تهز راسها : ولا شيء ..
غادة : جود قومي اخذي لك شاور دافئ وطويل .. واكلي لك شيء .. وارمي ورى ظهرك .. إلا ما تتصلح الأمور بينكم ..
جود : بقوم .. ما أبغاهم يشكون أكثر ..
غادة تبتسم : حلو .. راح أطلب لنا بيتزا .. راح ناكلها في الحديقة ..
جود بتعترض .. غادة أشرت بيدها : أدري أنها مكانك المفضل .. أصلا صار لك أيام ما قعدتِ هناك ..
جود تقوم وتبتسم : اشتقت للقعدة هناك .. بين أحضان الطبيعة ..
غادة تطلع : قصدك أحضان السلم ..
التفتت عليها جود .. لكن غادة اطلعت .. " اشتقت له أكيد .. لكنه نساني خلاص " ..

مها بحدة: طبعاً لأ .. انجي صديقتي ..
سمر تأشر بيدها : براحتك ..
مها تقوم : وش مفكرتيني ..
سمر : وحدة ما تبغى تجيب الكلام لنفسها ..
مها : وش قصدك ..
سمر : قصدي أن أم زوجك لو يوصلها كلام عن حفلة العام .. ما أظنك تقعدين عند ولدها دقيقة وحدة .. وهي من غير شيء .. تبغى الشارة عليك ..
مها : ما همني .. قولي لها اللي تبين ..
سمر تمرر أصابعها على الكوب : لكن زوجك لو شاف الصور اللي في هذيك الحفلة ..
خافت مها واقعدت ببطء على الكرسي : تكذبين .. ما عندك صور ..
طلعت سمر جوالها .. وافتحت مجلد الصور .. وورت مها الصور .. مها شافتهم واشهقت وحطت يدها على فمها ..
مها بخوف : سمر .. بتخربين بيتي ..
سمر : حياتي .. أنتِ اللي بتخربينه مو أنا ..
مها : لكن انجي صديقتي .. ومستحيل أغدر فيها وأخدعها ..
سمر تبتسم : ومن قال انك بتخدعينها ..
مها بحزن : وش تبيني أسوي ..
سمر : كل اللي أبغاه منك .. تتصلين فيها وتخبرينها باللي صار بينا .. واذا بغيتي الصور .. تجي هي بنفسها وتاخذهم ..
مها ادمعت عينها : راح تأذينها ..
سمر تقوم : مو شغلك .. أنتِ بلغيها اللي صار .. وهي راح تفهم مقصدي ..

هاني : وين الكولا ..
غادة : في الثلاجة .. بتجيبها الخدامة مع الكاسات والصحون ..
عزيز : ومن راح يستنى الصحون ..
أخذ عزيز قطعة من البيتزا .. واخذ معه عمر وحدة .. وقعدوا ياكلون .. غادة تهاوشهم .. قربت منهم جود .. وهي تبتسم .. كلهم ملتمين على الطاولة .. وياكلون ويتهاوشون على البيتزا ..
غادة شافت جود مقبلة عليهم ..
غادة تبتسم : أخيراً شرفتِ البرنسيسة .. قاعدة أحارب علشانك ..
اقعدت جود : وليه تحاربين ..
جنان : ما تشوفين العيال .. بيخلصون البيتزا ..
هاني ياكل : قولي ما شاء الله ..
جنان تضحك : ما شاء الله ..
غادة : ما قالت الا الصدق .. شوف طريقتكم في الأكل .. قرفتونا ..
هاني : تبون زيكم .. صحن وشوكة وسكينه ..
غادة يدها على خصرها : أجل شلون ناكل البيتزا ..
هاني يشرح لها : البيتزا تؤكل هكذا ( ياخذ قطعة بيتزا .. ويلفها وياكل في دفعتين ) ..
هاني غص بالبيتزا .. عطته جود ماي .. وغادة وجنان يضحكون عليه ..
هاني يناظرهم بشزر : من عيونكم ..
غادة : وش دخلنا حنا .. أنت اللي طريقة أكلك مقرفة .. حشا موشايف خير ..
اقعدوا هاني وغادة يتلاسنون .. وجود وجنان يهدونهم .. عزيز وعمر ما لهم شغل في الموضوع.. أخذوا لهم طبق بيتزا واقعدوا ياكلون ..
جود تأشر بيدها : خلاص .. انتهينا .. كأنكم في الروضة .. من الأقوى الولد ولا البنت ..
غادة : هو اللي مسوي فيها عضلات ..
جود اضحكت .. لكن ضحكتها اختفت .. لما جات عينها على سلمى وعلياء .. كانوا داخلين البيت.. وسلمى شايلة بيدها أكياس كثيرة .. كانت تضحك مع علياء .. وراحوا في اتجاه ملحق علياء ..
لاحظت غادة تغير وجه جود .. التفتت وشافت سلمى وعلياء .. عصبت غادة .. من تدلع علياء على سلمى .. لاصقة فيها .. لو سلمى ما قالت لها أنه كله تمثيل .. كان صدقت اللي شافته .. التفتت على جود .. لكنها ما حصلتها .. كانت جود عند مدخل ملحقهم ..
غادة تناظرها بحزن " لا تصدقين جود .. سلمى للحين تحبك .. كله تمثيل .. أخ .. بس لو أعرف وش سوت لكم هالكلبة .. لو ما وعدت سلمى .. كنت قلت لك الحقيقة "..

ادخلت جود غرفتها .. ورمت نفسها على السرير .. واقعدت تبكي .. " كثير علي .. والله كثير.. ما راح أقدر أشوفك معها .. ما أقدر .. ما أقدر "..!!!؟؟؟
.
.

عدد الرسائل : 228 تاريخ التسجيل : 19/03/2012

شو هيدا البارت اليييييم
اااه ي جود
م عندي اي تعليق او اي توقعات غير انكك ابدعتي بالسطور
بس اتمنى ان جود تدري عن نوايا سلمى !!!
*************************
واحلى شي اني رديت اول وحده احم احمم
بانتظاركـ ع نار

ابدااااااااااع ..
ننطرر التكمله ..
الباااارت عجييب...!

ماشاء الله تبارك الرحمن نزلتي لنا بارت طويل

يعطيكي العافية و تسلم يدك اكثر شيء

انا اشوف انه نجلاء تستاهل جود اكثر من سلمان

نجلاء .. هي السبب بالي سار لها .. بس ما ضربتها ولا عذبتها

بالعكس ندمانة و تتمنى جود تكون ليها .. و يمكن كانت حتتصرف احسن من سلمان

بس مشكلة جود قلبها كلة مسلمتة لسلمى لدرجة بعد الضرب ليسى تحبها

ما ألوم جودي .. بس اللوم سلمان و ان شاء الله يكون عارف الي بيسوية

والله حرقت قلب Sad

جوود تححزن بس اللي مصبرني انو علياء نهايتها قررربت
ان شاء الله البارت الجاي يكون فيه احداث تبرد القلب ،،
وتسلمي على هالابداع <3

مجرد إحساس كتب:: ماشاء الله تبارك الرحمن نزلتي لنا بارت طويل

يعطيكي العافية و تسلم يدك اكثر شيء

انا اشوف انه نجلاء تستاهل جود اكثر من سلمان

نجلاء .. هي السبب بالي سار لها .. بس ما ضربتها ولا عذبتها

بالعكس ندمانة و تتمنى جود تكون ليها .. و يمكن كانت حتتصرف احسن من سلمان

بس مشكلة جود قلبها كلة مسلمتة لسلمى لدرجة بعد الضرب ليسى تحبها

ما ألوم جودي .. بس اللوم سلمان و ان شاء الله يكون عارف الي بيسوية

o___o << تشهق
لا لا اتقي الله يا بنتي
ان شاء الله تتعدل الامور وجود تكون لسلمان وبس Neutral

عدد الرسائل : 18 تاريخ التسجيل : 29/12/2012

آآه آآه يالبى جود نبغا البارت الجاي طويييييل ونبغاك تنهين مشكلة جود المسكينه آآه آآه

بارت جمييل وطويل

يعطيكي العافية و تسلم يدك

نستناكي

واااااو الــــبـــٍـااارت جـــــٍوووونـــٍاااان
انتظــٍركـ bounce

عدد الرسائل : 6 تاريخ التسجيل : 14/01/2013

لبـــــى قلبك ي شييييييييخة
بااااااااااااارت رووووووووووعة تسلم اناملك ي مبدعة
بانتــــٌظااااااارك

عدد الرسائل : 123 تاريخ التسجيل : 30/12/2012

اءءءءء

يالبيه البارت رووعه

ننتظرك

اخخخخخ وش هالبارت ..،

جرحني بارتك هالمرة ..،

قتلتني جود كسرت خاطري والله ..،

تبآ لعلياء ..،

جآري الانتظار ..،

» هاى رحبو فيني ابغى صفقة قوية
» الشيطان×_× من كتاباتى
» عشاق بين احضان الشياطين(روايه جريئه) ابداآآآآعــ
» الى الشيطان الي هو ولد ومسوي نفسه مرجوجه.. وش تحس ....؟تعال بالله