رواية ** فقدتك يا أعز الناس ** رواية واقعية جريئة بقلمي...shoudi

هااي بنات ماقدرت الصراحة اوخر عنكم
ان شاء الله اليوم راح ابدي روايد يديدة واقعييييية فيها شوية شوية شووية خيال

جاهزين ؟؟؟؟؟

اممم قبل ﻻ ابدي بأي بارت ابي حماس


و تتوقعون هالمرة شنو بتكون احداثها ؟؟؟

بارت *** 1 ***



مثل روتين كل يوم.....
تقوم .....
تناظر حوالينها....
كتب يمهها..
تقعد بهدوء .... تشعر بملل

ايه وخرت عن كل غلط....
ما عاد في اخطاء...
وخرت حتى عن رفيجاتها اﻻ وحدة
رفيجتها سارة دنيتها كلها و الوحيدة الي تثق فيها


جربت الحب و ندمت....
صاروا الحين سنتين


قامت بكل كسل و غسلت و لبست
للحين بغرفتها و ما طلعت منها
مسكت فونها * بﻻك بيري
و قعدت تشوف كل الي مكلمينها
بكسل مسحت كل المحادثات

ربطت شعرها العسلي بأهمال و طلعت برة الغرفة


امها : شوووق ... شووووق

شوق : هﻻ يما امريني

ام شوق : يما تعالي ساعديني بالمطبخ
شوق : حاضر يما


بطلت روايتي اليديدة اسمها شوق
بنت وﻻ غير البنات... عمرها 18 سنة
طويلة بشكل معقول قصيرة عند الشباب الي طوال بس كانت مو قزمة كلش

شعرها طويل عسلي....
تهتم بأمها و البيت لعدم توافر الخدامة
تخرجت من الثانوية و الحين طالبة جامعية

جربت الحب قبل و تركته .. بختصار قفلت على قلبها....

اهملت وناستها و كل شي تحبه .. صار كل حياتها امها و طلبات امها... تعلمت كل شي

مستحيل تبين ﻻأي شخص حزنها او احد يشوف دمعتها


تقدرون تقولون غرفتها المكان الوحيد الشاهد على كل كسرة قلب و كل دمعه حارة نزلت

كل فرحة و كل ضحكة من قلب

مخدتها كاتمة اسرارها.....
لمن تنام و تحط راسها عالمخدة
ﻻزم ما تنام الا بدمعه او ضحكة ...

بس لمن تطلع من غرفتها تتحول الى انسانة ثانية

تتحول شوق القوية الجريئة الي ما تسكت عن حقها ...

تتحول الى شوق الحنونة الي ربت اخوها و صار حيل متعلق فيها و ما يطلب اي شي اﻻ منها



هذا بس نبذة عنها .....



صار اليمعه و اليوم جمعه الاهل
كشخت شوق
بس ماكانت ابد اوووفر بكشختها
حيل ناعمه

قعدت مع بنات خاﻻاتها

دانة : وااااااااي احبه احبه
منال : هههههه ما شاء الله شكلنا كلنا نحب

شوق : ﻻ ﻻا تجمعون
دانة : ندري شواقة انج ما قمتي تحبين احد

شوق : الله كريم

ريم : شوق ممكن فونج دقيقة بشوف التويتر مالي

شوق : اييي اكييد


كانت شوق ما تهتم بفونها ....
ريم خذت فونها و دشت التويتر مالها
)) ﻻزم يا شوق تعيشين حياتج



بدون علم شوق ضافت بال بي بي ام واحد من عندها
و ردت الفون و ما حست شوق بشي


خلصت الزوارة....

ردت شوق لعالمها مرة ثانية *غرفتها

فصخت و لبست بجامتها و نسدحت

مسكت فونها و بدت تتعبث من الملل

دخل عليها واحد يكلمها ...
M.D :
هاي
Shougi ;** :
هايات منو ؟؟؟؟؟؟؟

شوق ماعندها شباب و خافت من وين طلع هذا
M.D :
انتي ضفتيني اتوقع او انا مادري والله نسيت

Shougi ;;** :
امممم اوكي تصبح على خير



كانت حيل دايخة و ما اهتمت لوجوده و نامت

........

ثاني يوم و تكرر الروتين

صحصحت شوي و تذكرت الي كلمها امس و ما كلمته كللللش



غيرت صورة العرض
حطت صورة للمغني عبدالله الرويشد
الوحيييييييد الي يفهم احساسها



دش بسرعة عليها و كلمها


.......: هاي
شوق : هﻻ

...... : معاج محمد

شوق : هﻻ اخوي امرني ؟؟
محمد : ﻻ بغيت اسلم بس

شوق : الله يسلمك باي



و مسحته .....


....

الطرف الثاني و الي اهوة محمد كانت كل عﻻمات الصدمة عليه !!!!!!!!

مسحتني !!!!!!!!!!!!!!!!!!
اح :/ محد سواهاا

دخلت راسه هالبنت و صار يبي يوصل لها...


محمد بعمر شوق و جامعي
طويل ... مو حلو حيل او ملك جمال
كان شكله عادي بس حيييييييل يدش القلب بأسلوبه

يمكن هذا سبب عشق البنات له





اوقف هني لاول بارت و ابي رايكم اكمل وﻻ ﻻ....

Waiting

Waaaaaiiiitiiingg

*** بارت 2 ***


محمد رد ضاف شوق بالبﻻك بيري

شوق : اووووووف شيبي هذا ﻻازم احط له حد

استقبلت اظافته ....

شوق : شووف يا تحترم نفسك و توخر يا بتشوف الي ما يعجبك

محمد : خفي علينا انجلينا جولي

شوق : والله عاد كيفك ... يبا عندك مليووووووون بنت تارسة الكويت .. روح شوف لك غيري

محمد : بس هالمليون مو نفسج

شوق : مشكلتك يالله باي

محمد : ﻻ ﻻ ﻻ ﻻ لحظة

شوق : خير ؟؟

محمد : ﻻ تمسحيني و ﻻ تكلميني بس خليني و انا ما راح ازعجج

شوق : ﻻ اسفه

محمد : خو مو خسرانة شي

شوق : قلت لك ﻻ اسفه

جان تمسحه بس ما عطته بلوك ما تدري ليش سوت جي بس كانت تحس تبيه يرد يضيفها

ما ضاف

مر يومين


شوق بين فترة و فترة يمر على بالها

بعد ثالث يوم ضافها




شوق فز قلبها .... تمت فترة بعدين استقبلت


شوق : نعم ؟؟

محمد : اشتقت لج

شوق : اووووووف منك

محمد : صدققيني انتي مو مثل اي بنت عرفتها للحين محد سو الي سويتيه

شوق : اوك شسويلك يعني

محمد : يالله عاد قاعد اقول اشتقت لج


شوق : شكرا .. شي ثاني ؟؟؟


محمد : اي مليت من الدليت ترى .. قلت لج خليني


شوق : اوك برب


محمد استانس انها وافقت و شوق ماتدري ليش وافقت بس عجبها ان في اهتمام من احد و يومها بدا يتغير


صارت تقوم الصبح و تلقاه مصبح عليها

بتنام يقول لها تصبحين على خير

تم شهر كامل بس صباح الخير و نوم العوافي
و اهيا ما ترد

فجاة ما قام يقول

ما كلمها



وينه ؟؟؟؟؟


ماله حس كلش ...



مر اسبوع و شوق كل يوم تنطره يتكلم بس ما حاولت تكلمه ابد


منال : شوقوووو كلميه
شوق ﻻ مستحيل اسال عنه بعدين يفكر اني ابيه

منال : بتفهميني ما تهتمين له ؟؟

شوق : ﻻ ﻻ مافي شي

منال : لعبي غيرها مبين تحبينه

شوق : ﻻ ما احبه و خﻻص

منال : نشووووف

....


ثاني يوم


صحت شوق و على طوووووول مسكت فونها

شوق : اووووووف ما كلمني
اكلمه ؟؟؟
ﻻ ﻻ ﻻ بعدين يفكر اهتم فيه


دقايق مرت وﻻ يكلمها محمد

محمد : افااااا اسبوع و يومين يمرون و ﻻاا تفكرين تسالين عني


شوووق فز قلبها اﻻااا طارت من الفرحة بس كلمها


بس ما بينت له اي شي

شوق : و ليش اسال عنك ؟ ﻻ امي وﻻ ابوي

محمد : شكرا انا زعلت

شوق : اوك


محمد : اووووووف ساعات ودي اذبحج على برودج

شوق : اهاا

محمد : اوووووووف منج اووووف المهم انا سويت حادث و كنت بالمستشفى عشان جي ماكنت موجود


شوق ( بدون ﻻ تحس و بشكل ﻻ ارادي ) ::
سﻻامات ما تشووف شر امبي تعورت ؟؟؟ دير بالك على روحك ﻻ تتحرك بليز


دزته جان تستوعب @@ !!!

امبي انا شقلت امبي امبي والله غبيه والله الحين بيفكر اهتم له

محمد كان مصدوم !!!! @@

معقولة ؟؟؟؟

تحاتيني ؟؟؟
يعني كانت تفكر فيني


محمد : واااااي يا قلبي ﻻ ﻻ مو مصدق شوق بنفسها يطلع عندها احساس .. الشر ماييج .. ههههههه كنت اتغشمر معاج يبا ﻻ حادث وﻻ شي كل الموضوع اني كنت مشغول مع امي شوي



شوق : طا شيقول ﻻ يبا فهمت غلط مو مهتمه ترى فيك اوكي ؟؟ و ثاني شي الله يحفظها يا رب

محمد : و يحفظج لي يا رب


شوق استحت و ما ردت



......


الخميس '

كانت شوق بتطلع بس محد له خلق يطلع معاها


ام شوق : اووووف منج يا شوق بس مابي اطلع

شوق : يمااااا يالله عاد فيني طلعه

ام شوق : طلعي بروحج انا مالي خلق

شوق : اوكي



راحت شوق و كشخت و لبست و تعطرت

لبست سسكيني جينز كحلي غامج و فوقه تي شيرت ابيض على علم بريطانيا ..
و سوت شعرها ويفي خفيييف

اما عالميك اب فكتفت بأيلاينر و مسكرا و كحل
و حمرة وردية فاتحه..


كان شكلها كيوت و مبين جمال لون بشرتها الحنطاوية..

ستايلها كان حيل سبورت و كلش بعيد عن الاوفر



ركيت سيارتها و ماتدري وين تروح...

كتبت بال pm

out 2 the avenue * alone *

محمد شاف الستيت الي حطته شوق و فز قلبه



كان بدوانية


محمد : عبيييييييد بخاطري اطلع

عبدالله : وين على الله ؟؟

محمد : بروح الافنيو

عبدالله : و من متى انت تروح مجمعات !!؟

محمد : من اليوم يالله تعال عازممك

عبدالله : نروح و نشوف شنو وراك








توقعاتكم ...

محمد بيشوف شوق ؟؟ و اهوة كلش وﻻ مرة شافها ...

و لو شافها بيكلمها ؟؟

عبدالله بيعرف عن شوق ؟؟

روعههه كملييي

رواايه ررووعه ككللملي

توقعاتي راح يشوفها
حلوه الروايه تسلم يدينك كملي ننتظر جديدك
تحياتي

شككرررا على ردودكم ... و اهم شي يعجبكم و اذا في اي تعليق ايجابي
او سلبي اتمنى اعرفه و يهمني رايكم

و انا كل يوم بكتب مما عدا الويك اند ** يمعة و سبت **
ﻻن كلللششش ما اقعد بالبيت

وااااااااااااااووو
بليززززززززز كملي
أعجبتني شوق على طول
كملي حوب .
من متابعيننك
......
تعليقاتي:
محمد بيشوف شوق ؟؟ و اهوة كلش وﻻ مرة شافها ...
يب راح يشوفها واعتقد قد شافها

و لو شافها بيكلمها ؟؟
ممكن

عبدالله بيعرف عن شوق ؟؟
ممكن وممكن لا

كككككككككككككممممماااييي قلبي

. Gain . كتب:

رووعه شهوود ... دايم كتاباتك ابداع ... وحلوو انك رجعتي بروايه من ابداعاتك .. اللمهم قلبوو انا متابعتك وبمكن تقل ردودي .. بس متابعتك من وراء كواليس ..

جين ..

والله بدووون اي مجاملة انتي الكاتبة المفضلة عندي
و دووووووم ادش المنتدى انتظر منج كل جدييد
مااااا شاااء الله عليج ابداااع في ابدااع
استمتع حييييل و انا اقرى كل بارت تنزلينه
و اتمنى عقب هذي الرواية تنزلين روااية يديدة

يعطيج الف عاااافية و مشكووورة على متابعتج شرف كبير لي الصراحة

waiting

بانتضاريك

الروايه حلوووه تجنن ولوو تجنن قليله بحقك انتي والروايه
ننتضر الروايه على احرر من الجمر

الفير ان شاء الله راح انزل بارت اليوم سامحوني عالتاخير
بس قاعده ادرس