قضايا و حلول........بر الوالدين و عقوقهم

عدد الرسائل : 883 تاريخ التسجيل : 11/06/2012

بسم الله الرحمن الرحيم

ان شالله الكل تمام..

هالموضوع او هالمساحه حبيت انها تكون مساحه نتناول فيها كل فتره موضوع او مشكله او ظاهره من اللي نواجهها..

نحاول نفهم فيها هالمشكله؟؟
و ايش اسبابها؟؟
و ايش الحلول اللي ممكن نسويها؟؟
علشان نحاول نخفف من حده هالمشكله او الظاهره..

يعني ماراح اكون انا اللي يحلها لا الكل او اللي حاب يشارك
وقبل كل شيء الله يبعد عنكم المشاكل والهموم ويكفيكم شرها انتم وكل اللي تحبون..

راح اكون انا اول من يطرح مشكله

مشكله تظاهر بعض الأشخاص بالمرض لكي يتم تحقيق مطالبهم او رغباتهم

علما بأنه يمكن تحقيق مطالبهم دون التظاهر بالمرض بأسلوب جميل او بطريقه نقاش حلوه توصلهم لتحقيق ما يريدون..

يعني هالناس طبيعيين جداً الا لمن يبون شيء من اهلهم او من الناس اللي قريبه منهم يقومون يسوون انفسهم مريضيين..

ليش يسوون كذا؟؟
وايش اللي ممكن اننا نتبعه معاهم علشان مايسوون هالشيء؟؟
وهل تعتقدون انه اللي يسوون كذا هم مرضى نفسيين؟؟

واسفه لأن الأسلوب يمكن مو مرتب وطريقه الكلام ملخبطه شوي..
في انتظاركم..

احبك حيل تقدم لكم ~~~ برنامج الثامنه Very Happy

موضوع حلو وهادف تشكري عليه وتسلم يديك

لا ماعتقد مرضى ممكن فيه نوع من الدهاء عندهم ماعتبرهم مرضى بس على قاعده من له حيله فليحتال

حتى ابراهيم عليه السلام تظاهر بالمرض حتى لايخرج مع قومه لتعظيم الهتهم((فقال اني سقيم))

عدد الرسائل : 97 تاريخ التسجيل : 16/12/2011

يمكن عشان يكسبون عطف وشفقة اللي حولهم
لاتروحين بعيد عندك هون من فتره اكثر من عضو نزل عنه موضوع انه ميت تخيلي يوصل للموت هنا انا اقول هاذي حالات نفسيه

عدد الرسائل : 2840 تاريخ التسجيل : 09/07/2011

لاعادي موب مرضى نفسين ولاشي ..
بضرب لك مثل احيانا الطفل اذا يبي شي يبكي
واذا تلبى له اول مره والثانيه طلب شي بدون بكي
مالقى تجاوب >انربط عنده اذا بكي راح تجيه الاشياء لين حده
المشكله تعود لااكثر ولااقل ..

وايش اللي ممكن اننا نتبعه معاهم علشان مايسوون هالشيء؟؟

رفض مطالبهم ..او الطلب منهم التخلي عن هـ العاده
وتحقيق مطالبهم بدون مايتظاهروا بالمرض

+موضوع ممتاز

عدد الرسائل : 883 تاريخ التسجيل : 11/06/2012

لحد يشوفك~~~ كتب:: احبك حيل تقدم لكم ~~~ برنامج الثامنه

احم احم..
الثامنه مصغر Very Happy

عدد الرسائل : 883 تاريخ التسجيل : 11/06/2012

درباووي كتب:: لا ماعتقد مرضى ممكن فيه نوع من الدهاء عندهم ماعتبرهم مرضى بس على قاعده من له حيله فليحتال

حتى ابراهيم عليه السلام تظاهر بالمرض حتى لايخرج مع قومه لتعظيم الهتهم((فقال اني سقيم))

هلا فيك..
صحيح يمكن مو مرضى..

بس هذا مو نوع من الدهاء احس هذا استغلال يستغل عاطفته الأشخاص القريبين بأنه يمرض علشان تتحقق مطالبه وبكل مره يصير يسوي نفس هالتصرف..

يعني النبي ابراهيم لمن قال اني سقيم او تضاهر بالمرض علشان مايسوي شيء يغضب ربي مو علشان يستغل العاطفه ويتخذ وسيله المرض تحقيق لمطالبه..

نورت الموضوع..
ربي يسلمك..

:
:
:
اوافق نور
بالاضافه الى ان البعض يتميرض يبي حنان وعطف وفافد الرحمه من والديه او احدهم ..
في هالزمن بعض الاباء قاسين ... لكن اذا مرضوا اطفالهم ممكن يعطونهم الاهتمام

:
:
وممكن التميرض بسبب الهروب من بعض المشكلات
:
:
وممكن طلب للشفقه ولفت النظر !
:
:

ع العموم ادعاء المرضوفيه مقوله تقول
لا تمارضوا فتمرضوا فتموتوا

:
:
والتميرض نوع من الكذب ولكي نحل هذه المشكله لازم ان نعالج في الشخص كذبه ونحاول ننمي فيه الصدق

:
:
يعطيك العافيه

عدد الرسائل : 883 تاريخ التسجيل : 11/06/2012

غيوم `` كتب:: يمكن عشان يكسبون عطف وشفقة اللي حولهم
لاتروحين بعيد عندك هون من فتره اكثر من عضو نزل عنه موضوع انه ميت تخيلي يوصل للموت هنا انا اقول هاذي حالات نفسيه

ياهلا والله..

يمكن صح علشان يكسبون عاطفه و شفقه بس بالنهايه هذا الأسلوب اللي يتبعونه اسلوب غلط..
ويمكن توصل لمرحله انهم لمن يمرضون صدق ما احد راح يصدقهم بسبب المواقف اللي صارت انهم بكل مره يبون يحققون مطالبهم يدعون المرض..

اللي هنا يحاولون يلفتون نظر او صجه بس انا اقول اللي يدعون المرض علشان تتحقق مطالبهم..

نورتي الموضوع..
تواجدي دائماً..

موضوع جداً جداً جميل ! # أهنيك عزيزتي

-

بالنسبه لأختيارك لموضوع المرض .. شوفي ! يفرق المفهوم ، و تصرف الشخص !
مثلاً أنا لما أبي أغيب أسوي نفسي مريضه
عشان أهلي يوافقون و أغيب !
و فيه عجايز ممكن يتظاهرون بالمرض عشان يلمّون حولهم أولادهم المنشغلين بازواجهم وكذا

هذا م عندي تعليق عليه ..

لكن م أدري أذا كنتي حابه توصلين لفكره " التظاهر بالمرض لكسب العاطفه او الانتباه "
كثير أشخاص يتظاهرون بالمرض ، عشان نكون حولهم و نحن عليهم !
يبحثون عن الشفقه !! أو الرحمه ؟ أستغرب من هالفئه صراحه ..

( لا تمارضوا فتمرضوا، ولا تحفروا قبوركم فتموتوا )

متابعه لهالموضوع .. و اتمنى تتكلمين أنتي عنه أيضاً ! أيش الحل مع هالناس ؟

و اللي مريض صدق و متقفل صوته من الاحتقان و متسبح مرتين قبل شوي
و متلحف ببطانية برشلونه>اهم شي ، و شسمه حرارته مولعه

يعني يتميرض Suspect

>يالطيب فاهم غلط

لاباس علي Crying or Very sad

S P E C I A L كتب:

وغايب له يومين
ومفتقدينه حيل
ونقوله طهور واجر لك
:
وسلامتك وفعلا لاباس عليك

:
خذ فيفادول
ليمون وعسل ومويه حاره
وكن بخير

عدد الرسائل : 883 تاريخ التسجيل : 11/06/2012

Noor!* كتب:: لاعادي موب مرضى نفسين ولاشي ..
بضرب لك مثل احيانا الطفل اذا يبي شي يبكي
واذا تلبى له اول مره والثانيه طلب شي بدون بكي
مالقى تجاوب >انربط عنده اذا بكي راح تجيه الاشياء لين حده
المشكله تعود لااكثر ولااقل ..

وايش اللي ممكن اننا نتبعه معاهم علشان مايسوون هالشيء؟؟

رفض مطالبهم ..او الطلب منهم التخلي عن هـ العاده
وتحقيق مطالبهم بدون مايتظاهروا بالمرض

+موضوع ممتاز

هلا بك..

يمكن انهم ناس طبيعيين ..بس لمن يزيد الشيء عن حده لدرجه انه الكل او الاغلبيه صاروا يعرفون هالطبع وانه يدعي المرض علشان تتحقق مطالبه وعلى كذا يتحقق الشيء اللي يبيه بسبب حب الاشخاص له وانهم يبون يشوفونه مبسوط على الرغم من انهم عارفين كذبه وعارفين انه مو صادق ولو ماتحققت مطالبه راح يستمر ويستمر انه يكون مريض ويضايق وينكد على كل اللي معاه بتهويل موضوع انه مريض..

حلوه حلولك ويمكن تفيد..
بس احيانا صعبه لمن يكون الشخص اكبر منك تواجهينه بأنه انت تتظاهر بالمرض علشان تتحقق مطالبك..

نورتيني وحبيت كلامك
يعطيك العافيه..

ماتفقدين غاليج
و يسلمج الرحمن من كل شر ..

حاضر طال عمرج ناخذ عايلة ادول الكريمه
تسلمين ي دختوره (f)

/

احبك حيل

تكلمتي عن اكثر شي يستفزني
حتى بالمسلسلات ما اطيق شوفة واحد حاط روحه مكسور او فيه مرض قوي او ميت

ي شين الي يتفاول على روحه

عدد الرسائل : 883 تاريخ التسجيل : 11/06/2012

لي باك معاكم بكرا ان شالله..

Rei..وجودك بموضوعي يفرحني..تعجبني ردودك احسك فيلسوفه متواضعه..وفاهمه..

مايهزها ريح..لمن شفتك رديتي على الموضوع كثير انبسطت تواجدك يسعدني وكلامك كثير واقعي حبيت سؤالك وتدقيقك على كلامي والنقاط اللي ذكرتيها ممتازه..كوني موجوده دائما..

S P E C I A L..الف سلامه عليك ماتشوف شر.. اشرب زنجبيل وليمون..وتدفى زين..وانتبه للحراره ماترتفع اكثر سوي لك كمادات بارده..ولو عندك فيكس حطه مع شويه مويه حاره وقربه من خشمك علشان يخف الأحتقان..

و لا يجيج ان شاء الله I love you

كل هذا اسويه يعني silent

ابشري طال عمرج tongue

لاهنتِ

ننتظرك

عدد الرسائل : 883 تاريخ التسجيل : 11/06/2012

باكـ

اسفه لأني طولت عليكم..

يارب تكونون بخير..

عدد الرسائل : 883 تاريخ التسجيل : 11/06/2012

Rei كتب:: :
:
:
اوافق نور
بالاضافه الى ان البعض يتميرض يبي حنان وعطف وفافد الرحمه من والديه او احدهم ..
في هالزمن بعض الاباء قاسين ... لكن اذا مرضوا اطفالهم ممكن يعطونهم الاهتمام

:
:
وممكن التميرض بسبب الهروب من بعض المشكلات
:
:
وممكن طلب للشفقه ولفت النظر !
:
:

ع العموم ادعاء المرضوفيه مقوله تقول
لا تمارضوا فتمرضوا فتموتوا

:
:
والتميرض نوع من الكذب ولكي نحل هذه المشكله لازم ان نعالج في الشخص كذبه ونحاول ننمي فيه الصدق

:
:
يعطيك العافيه

ياهلا والله..
معك حق انه الاباء او الاهل يكونون قاسيين ويضطرون هالاشخاص انهم يسوون هالشيء لجل يكسبون عطفهم..
و بعد للهروب من المشاكل..

وحلك من اهم الحلول اللي يمكن نتبعها لجل نخفف من هالمشكله..
والمقوله بجد اعجبتني وصادقه فيها..

بس ركزوا معي اني قلت هالاشخاص بطريقه نقاش يقدرون يحصلون على اللي يبونه بدون ادعاء المرض..
اسعدني مرورك و ردك كوني موجوده..

عدد الرسائل : 883 تاريخ التسجيل : 11/06/2012

مايهزها ريح كتب:: موضوع جداً جداً جميل ! # أهنيك عزيزتي

-

بالنسبه لأختيارك لموضوع المرض .. شوفي ! يفرق المفهوم ، و تصرف الشخص !
مثلاً أنا لما أبي أغيب أسوي نفسي مريضه
عشان أهلي يوافقون و أغيب !
و فيه عجايز ممكن يتظاهرون بالمرض عشان يلمّون حولهم أولادهم المنشغلين بازواجهم وكذا

هذا م عندي تعليق عليه ..

لكن م أدري أذا كنتي حابه توصلين لفكره " التظاهر بالمرض لكسب العاطفه او الانتباه "
كثير أشخاص يتظاهرون بالمرض ، عشان نكون حولهم و نحن عليهم !
يبحثون عن الشفقه !! أو الرحمه ؟ أستغرب من هالفئه صراحه ..

( لا تمارضوا فتمرضوا، ولا تحفروا قبوركم فتموتوا )

متابعه لهالموضوع .. و اتمنى تتكلمين أنتي عنه أيضاً ! أيش الحل مع هالناس ؟

ياهلا والله بننوش..

الأجمل تواجدك..

شوفي انا بعد لمن ابي اغيب اسوي نفسي مريضه علشان اهلي يوافقون وهذا شيء طبيعي الكل يسويه يعني عادي..

وبرضوا العجايز يسوون هالشيء وهذا تأثير كبر السن عليهم و فقدهم لعيالهم مع انه اسلوب غلط بس هذا العمر ومايسوي..

فأنا بعد ماعندي تعليق عليهم..

قبل ما اتعمق بالكلام انا ماتكلمت عن هالمشكله الا لأني شفتها بالمجتمع اللي انا عايشه فيه ومن ناس قريبه بعد وناس فاهمه وعاقله..

يعني اعطيك مثال:-
انا ابي اسافر اغير جو طلبت من اهلي اننا نسافر رفضوا مثلا بسبب الظروف و قالوا بعد اسبوع اقوم اسوي نفسي مريضه اكيد اول شيء راح الفت نظرهم وراح يحنون علي وازيد انا بأني اتميرض علشان يزيدون حنيتهم ويحققون طلبي واغصبهم على شيء مو بوقته بس لجل احقق مطالبي..

او مثال ثاني

ابي مثلا جهاز جديد طلبته و تم الرفض اسوي نفس الشيء و امرض واتعب لجل يحنون ويحزنون ويجبون اللي ابي غصباً عنهم بوقت مو مناسب..

طيب هنا اقدر اتناقش معاهم افهمهم اقنعهم اني هالشيء ضروري ويمكن يتفهمون الوضع ويحققون اللي ابي بدون الحاجه اني اول شيء اخوفهم..
ثاني شيء ادعي المرض وهو مافيني شيء بدال ما احمد الله لجل مايبتليني بمرض صدق..
ثالث شيء مو لازم الأنسان تتحقق مطالبه على طول لازم يراعي ظروف الناس اللي معاه او اللي طلب منهم هالشيء يعني هالمره اقتنع بأنه مثلا ماراح اسافر الا بعد اسبوع ويمكن المره الثانيه هم يحققون طلبي لي بدون ما اسوي اني مريضه..

بجد انا بعد استغرب من هالفئه !!

وما اقول عنهم مرضى نفسيين لا احسهم يستغلون الجانب الطيب بالناس اللي معاهم بأنهم يحنون عليهم وبعدها ياخذون اللي يبون منهم وغصب عنهم لجل راحتهم..

انا بصراحه تعاملي معاهم اني صرت اتجاهلهم تماماً لأني عارفه انهم يدعون المرض لجل يحصلون على اللي يبون
ولمن اشوفهم يسون هالحركات قدامي امشي على طول من المكان اللي هم فيه لأنهم يضايقوني كثير واحزن على الاشخاص اللي يستغلونهم
حاولت اكثر من مره اني اواجهم بكذبهم بس ما قدرت لأنه فيه منهم ناس اكبر مني سناً..

ان شالله ماطولت عليكم بكلامي بس حاولت اوصل اللي ابيه بصوره واضحه..

يسعدني ويشرفني كثير انك تكونين بأي موضوع اطرحه
خليك دايم موجوده
احب كلامك..

وبجد:-
( لا تمارضوا فتمرضوا، ولا تحفروا قبوركم فتموتوا )

اتمنى كل شخص يسوي هالتصرفات يفهم كل حرف بهالمقوله..

عدد الرسائل : 883 تاريخ التسجيل : 11/06/2012

S P E C I A L كتب:: /

احبك حيل

تكلمتي عن اكثر شي يستفزني
حتى بالمسلسلات ما اطيق شوفة واحد حاط روحه مكسور او فيه مرض قوي او ميت

ي شين الي يتفاول على روحه

هلا والله..
يارب تكون الحين تحسنت
طمنا عليك..

وبجد ياشين اللي يتفاول على عمره
الله يهديهم بس..

نورتني
وان شالله انك سمعت كل كلامي وسويته..

ننتظرك ب الموضوع الآخر ، قلنا لك متابعين متابعين !

عدد الرسائل : 883 تاريخ التسجيل : 11/06/2012

مايهزها ريح كتب:: ننتظرك ب الموضوع الآخر ، قلنا لك متابعين متابعين !

يسعدني و ربك تتابعين موضوعي..

بس انتوا بعد اطرحوا مشكله او ظاهره..

انا بأنتظاركم..

فيني أناقش معك أنتي قضيه ؟

هي قديمه بس بخاطري أعرف وجهة نظرك ..

» قصة قصيره عن عقوق الوالدين
» حلول البزرنجيه
» اي حلول للزززهههق
» حلول عملية مفيدة فى الحياة اليومية!
» بقولكم مشكلتي وأبي آرائكم و حلول